懷孕前後今日: 0|主題: 330429

收藏本版

發帖

返回列表

跳至頁

查看: 4090 | 回覆: 45

威院生產記 [複製鏈接]

12 3

JMIMI

複式洋房

積分: 447

1^#

發表於 16-2-23 16:38 |只看該作者 |正序瀏覽 |打印

本帖最後由 JMIMI 於 16-2-23 16:39 編輯

終於等到了...雖然第二胎有經驗, 但一樣係好驚, 因為諗起個種痛, 就一個鐘都厭多!

十二月的這一天比較冷, 而且下著毛毛細雨, 感覺是陰陰沈沈的.
老公陪我八點就到醫院報到了.
同我一齊有三四位媽咪入院, 佢地都有作動見紅, 唯獨我咩野跡象都未有......
而且, 產前房這朝早全房滿座, 我們一直在走廊坐著等.
食左個大X樂早餐, 然後聽左妹妹心跳正常, 便繼續等......
到十二點多, 可以有床位了.
我放低細軟, 便出走廊陪老公坐, 行來行去, "惘想"可以穿水.
我唔想留係病房, 感覺好大壓力.
等到兩點多啲, 我就忍唔住問姑娘幾時可以去催生.
佢話: 我地得四張催生床, 依家滿曬, 你排第六個.
我問: 咁會唔會等一兩日架?
佢話: 有可能架!
下!!! 唔係麻??? 老公啲侍產假咁嘥法?
老公都食完午飯了, 以為今次有排等了.....

正當這"以為"時, 有人叫我個名, 我即刻入去....我係我係.....
個助護姨姨話: 有位有位, 到你喇! 五分鐘內, 執好行李, 過去催生.
無位又驚, 有位更加驚, 煮到埋黎啦, 好"淆底"呀......
又洗咩執好行李吖? 我一件都無拎過出黎!
即刻Whatsapp通知老公, 家人: 我可以去催生喇!

過到候產室, 一進門, 已經聽到有媽媽依依呀呀.....
我面帶微笑, 慢慢瞓上冷冰冰嘅床.....這種無奈感真的好"過隱".
又愛又恨, 既快樂, 也擔心, 亦不捨.
快樂可以好快見到妹妹,
擔心今次又要痛幾耐, 擔心母女是否可以平安. (似乎想多了)
不捨這大大的肚皮, 胎動的感動.

躺著等, 安排人工穿水,
新手醫生, 雖然弄至滿手是血, 我給嚇怕了,
但他試了三次也不能成功穿水, 最後由老練的護士一下溫柔的完成,
隨之而來, 開始陣痛, 即是子宮開始收縮了, 不用吊催生藥水. 此時護士說開了一度.
持續默默的痛了半小時後, 開始大痛了.
穿水後, 老公一直也在身邊陪伴支持, 有佢陪住, 捱得安慰"的咁多".
大痛時都有隻手俾我捉實發洩, 感覺真係無咁痛!

半個鐘頭後, 我開始頂唔順. 要求打止痛針, 老公被要求出返去先.
護士檢查說開到三度半, 話可以捱倒就唔好打, 因為第二胎可能好快生得咁話, 又講左一大堆打止痛針嘅副作用.
為左妹妹健康著想, 我唔打嘞! 我可以頂硬上!
事緣, 佢地早前話我膀胱有啲漲, 咁我見有人係身邊咪順便要求去埋小便囉. (其實我一啲都唔急)
你知啦, 政府野, 好多時叫天不應, 叫地不聞, 慘到咩野咁!
更加唔想一陣生生下...賴...好肉酸架馬!
又, 當分散下注意力都好啦.
唉, 都痛到癲, 仲考慮倒咁多野, 我都好佩服自己!

有啲野叫好做唔做, 都未等倒便壺到, 突然急大便.
之前護士叫我一有急大便嘅感覺就要通知佢地.
咁我咪大叫囉, 點知佢回應話: 三度半未有咁快架!!
千辛萬苦去左個小便, 伴隨著"大痛特急".
我其實已經忍唔住, 好想痾...咁就再大聲叫.
(其實那呼叫是不能控制的)
護士再來, 叫我冷靜, 未生得咁話......
我哀求: 唔係哩, 要生嘞!!!
佢唯有應酬我再望一下, 點知, 佢都大叫: 開曬, 生得, 唔過床, 即走.....
(幾乎)全房職工, 好似玩碰碰車咁, 將我送落產房. 對面床的太太明明已經過緊床, 都抱歉要讓路....
老公當然又一次嚇親, less than九秒九, 跑一層樓梯. (因為實在不宜與我同lift)
著好袍, 核對身份, 站到我身旁, 這都是三分鐘內的事.
以為ready正式生產嗎?
Sorry, 妹妹個頭仔已經同大家Say Hi了!
再一下大大大力...痾!!!
妹妹順利出世了!

這歷史性的一刻, 我同老公都狠狠呼了一口氣.
終於...終於...老婆不用捱痛了.
多謝妹妹, 唔俾媽咪痛咁耐!
個一刻嘅感受永遠都唔可能忘記!
都唔敢相信可以咁快.靚.正!

感恩這個全程歷時"一小時四十分鐘"的生產經歷!
這個時間是醫院給我的.
因為, 我出院時, 他們給我一封信, 信上註明我今次為"急產".
著我生下一胎時, 一定要交給醫院.
下一胎?
哦....我會好好保存這封信!

孩兒哇哇落地, 聲勢凌厲, 中氣很夠.
再沒有事情比新生命誕生更動人.

祝各位媽媽
生產順利!
母子平安!