吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有左係咪真係會睇老公唔順眼

夫婦情感今日: 7|主題: 42725

收藏本版

發帖

返回列表

跳至頁

查看: 5726 | 回覆: 67

有左係咪真係會睇老公唔順眼 [複製鏈接]

12 3 4

做個靚太

水晶宮

積分: 50444

1^#

發表於 16-2-25 23:05 |只看該作者 |正序瀏覽 |打印

以前同老公好恩愛，屋企嘅家務，佢好經常都懶理，佢好中意打機，砌lego，上淘寶，不過佢處理好屋企嘅財政，咁好多時我都由得佢，雖然日日我都朝8晚6，但都等自己放工或放假番去做囉！費時計咁多。。。
係計劃生b前，我同佢傾過，第時我有左，佢未必可以成日打機，有好多野要準備，我又未必可以咁粗勞，老公樣樣話ok...
到依加有左，佢繼續不停打機，我胃口唔好，我媽有時會燉湯，話唔食都飲淡湯，到番自己屋企，乜都無，我自己發好左花膠，想老公日頭煲下湯，都可以日日無件事，我有時等放假先自己煲，加上我腰加坐骨又唔好，根本無辦法做得多，同老公講過，洗衫其實好快，又唔駛自己手洗，唔好積埋，吸塵拖地前後一個鐘就搞掂，都係唔理，我試過忍唔住，做左個幾鐘，又mou又搬搬抬抬，結果條腰痛到郁唔到，又頭暈，連肚都痛埋，差啲要去醫院。。
今晚番到屋企，間屋好似狗窩咁，我睇見已經好唔舒服（隻杯可以飲完丟係度起一層積，啲衫堆到起碼有三機，廚房有佢日頭食公仔面剩番嘅碗同煲未洗，成個玄關都係佢嘅鞋，成張梳化都係佢背囊，屋企一滴飲嘅水都無），我都唔出聲，佢一番屋企，就開始砌lego，一個鐘後，我見佢開始打梗機，佢有問我食唔食野，我話唔係好有胃口，等多陣，一個鐘後，我話要點都要食啲野，去食野啦～佢就繼續打機，我又等多半個鐘，我再問佢要食野，佢可以答我，其實唔食野都得啦！
我戈下無出聲，唔想望住佢打機，自己入左廚房，發現個廚房又係狗窩，如果有煲湯，我都可以自己飲加熱由得佢，但戈刻我係乜都無得食，仲要收拾殘局！
我除左憎佢，無第二種感覺，我未試過咁憎佢，我真係好想叫佢走，我唔知係咪懷孕都會有影響，但我未試過嬲成咁！
希望唔好鬧我唔俾老公打機咁變態，我無反對過佢打，但打到自理能力都無嘅，我覺得仲變態！

0 0 0

私人傳訊

gigichan910

大宅

積分: 4810

Xmas吸收勳章熱血勳章

68^#

發表於 16-3-20 02:11 |只看該作者

我都陀緊，但我又無咁既睇法。
老公反而對我好左

暫時都陀得好開心

私人傳訊

做個靚太

水晶宮

積分: 50444

67^#

發表於 16-3-10 08:55 |只看該作者

引用：我同你處景好似，個男人又係踢一踢，郁一郁

原帖由 Cat8888 於 16-03-10 發表
我同你處景好似，個男人又係踢一踢，郁一郁，鐘意打機砌模型！
好彩我係生仔時請左工人，否則我應該會變單 ...

我本身就知，男人比較粗心，加上我老公真係超多興趣，打機，砌模型，運動健身，搞下電單車。。。
所以我都無期望啲乜野，但戈日只係食餐飯咁簡單，佢都做唔到，真係激嬲，不過過後我已經唔嬲啦～我老公戈日之後就無再打機啦～依加仲好積極請工人。。
唔知佢又堅持到幾耐。。。

私人傳訊

Cat8888

大宅

積分: 1941

66^#

發表於 16-3-10 02:33 |只看該作者

回覆：有左係咪真係會睇老公唔順眼

我同你處景好似，個男人又係踢一踢，郁一郁，鐘意打機砌模型！
好彩我係生仔時請左工人，否則我應該會變單親家庭！
我個仔而家5個月，佢咪又係不停打機，叫唔聽！佢個藉口話而家個仔仲細，第時到大啲佢負責教，就唔得閒打機！
信佢一成都死，千其唔好抱太大祈望，費事自己失望！
安心養胎啦！

私人傳訊

rabu_you

男爵府

積分: 6563

65^#

發表於 16-3-10 02:18 |只看該作者

回覆：做個靚太的帖子

生完仲唔順眼

私人傳訊

racheland

禁止訪問

積分: 3462

我的育兒心得勳章

64^#

發表於 16-3-9 23:22 |只看該作者

回覆：有左係咪真係會睇老公唔順眼

提示: 作者被禁止或刪除內容自動屏蔽

私人傳訊

mybabiess

民房

積分: 26

63^#

發表於 16-3-9 10:44 |只看該作者

你老公係唔係多左壓力? 不如一齊搵d野做下, relax 下？之後會好d~

私人傳訊

小manman

翡翠宮

積分: 85232

62^#

發表於 16-2-29 09:22 |只看該作者

引用：Quote:原帖由小manman 於 16-02-27 發表依

原帖由 做個靚太 於 16-02-29 發表
我就係諗，係咪真係會睇唔順眼，或者我自己生完做得到，唔駛旨意佢咁多，會唔會好啲?！

...

如果你睇得開當然得喇，但當忙到出哂煙而又見到佢扮大爺個陣，我唔知你頂唔頂到～

Bb出世後，你會好忙，尤其如果餵人奶，2個鐘餵1次，連夜奶都一樣，你會無覺好訓，仲未計佢扭計、哭……要你抱住氹訓……休息唔夠個人自然會燥～

到bb半歲後轉食固體，你仲要開始煮佢的粥仔，到佢識行識走個陣，你要看牛咁看，行開行埋都唔得～

我唔係嚇你，而係比個心理準備你，或者你得，但我就唔得喇！！

我知道個個人的性格都唔同，唔係個個男人都訓練到，如果到時佢真係無改善，而你又真係做唔到咁多，唯有建議請鐘點密d黎，一係請工人幫輕下，如果老公有意見，你就將實情講出黎，你話當你要入廚房煮飯、去沖涼……，邊個睇bb？？