自由講場

收藏本版
發帖
返回列表
跳至頁

首頁
12345...17

尾頁
   24
Loretta529


大宅

積分: 1842


1#
發表於 16-3-9 17:43 |只看該作者
本帖最後由 Loretta529 於 16-3-9 17:43 編輯

話說朋友有2個小朋友都5歲同3歲，好多BB野都唔再用，所以較早前部分送左俾有需要既朋友＋有部分留起左俾老公既好朋友，只係未去拎。
朋友用既都係好靚既BRAND，STOKKE 車＋CARRIER＋BEDDING ＋搖床，沖涼野個D＋衫仔＋玩具，KEEP得好好，好齊整。所以一問就好快無晒。
上個星期佢地一家返左去男家食飯，個叔仔夏天8,9 月有個BB出細，佢老爺奶奶幫口問阿B佢地都大晒，應該好多野唔要，不如搵日俾晒細佬佢地。"留意係叫我朋友老公送去佢細佬屋企！"

朋友回答： SORRY呀，唔知你地想要，我地一早送左好多俾人，部份都留左俾朋友，好快拎走。

佢老爺好大反應＋好大聲： 下？！唔係呀嘛！做咩唔問過我地要唔要就送俾人呀？你D野好貴架喎！淨係架車都萬幾，唔係咁闊佬下話？唉！有咩可能有好野都唔益自己人，走去送俾人架？咁即係點呀？無晒啦？一D親情都無！

佢奶奶加口講： 係見你地用貴野，又干干淨淨先問，唔係話佢地買唔起！唉！

成餐飯都係大約講相似說話～最後完個時，佢老爺再講，你睇下同你朋友講話而家唔想送，要留俾家人得唔得啦！你朋友又係，無錢買BB野 就唔好生啦！問唔到，你地2個一係買返樣差唔多牌子既野俾阿細佬佢地啦！

朋友正想開口時候，佢老公已經唔忍，一開口爆粗，我DXX！無錢咪唔好X生啦！X街！我D野係靚架！我鍾意俾邊個就邊個！想要？一係自己買，一係去搶人囉！都忍左你地，唔出聲，仲要我買返差唔多野！你無野呀？我2個小朋友咁耐有無送過D咩俾佢地呀？


奶奶話： 而家做咩呀？係咪傾計講野都唔得呀？唔俾咪唔俾囉，唔好下下都咁惡！人地有俾利是你2個小朋友架！成200蚊架！＠＠" (200蚊，幾驚係2萬蚊）

朋友老公： 咁得啦，以後唔好想我俾家用！你地問細佬拎啦，XXX（朋友個名）走！

聽完，我問：

你叔仔一家環境唔好架？生得BB點會無預錢買野呀？奶奶好好錫個細架？

朋友回答： 叔仔一家收入係好好，一個做紀律部對督察 5年幾，另一個做SALE 醫療儀器，家住千幾呎宿舍。收入唔差！有車

我再問咁你唔知佢地有BB？你唔問佢地要唔要？

朋友話其實結左婚咁多年多無咩來往，連對方電話都無，見到面對方只會點頭SAY HI，一年見1-2次。
真係0交流，所謂食飯都係自閉式個隻～食完走人，次次都係朋友老公埋單～

所以根本唔知有左幾多個月，同埋覺得佢會自己買野，所以無諗過要留俾佢地。

而老爺奶奶係覺得朋友作為大嫂應該主動去搵佢地，因為佢地新手，又遲婚（只係細朋友老公2年），應該主動提出送野俾佢地。因為細佬一家係比較少說話既人。

加上，係做督察關係，佢奶奶好PROUD OF 個細仔！所以好就晒佢地一家。話有一年CHRISTMAS呀SIR可以放假，所以請朋友一家＋老爺奶奶去佢地千幾呎屋，但朋友剛剛有左細仔，身體不息，拒絕去。
之後個日，佢走上去朋友屋企問佢做咩咁唔俾面阿細佬！人地好日唔請你地去，請到你都唔去，好無家教呀你！

加上佢奶奶話細佬份工好辛苦，宿舍只係住3年，又未買到樓，所以特別心痛佢～唔似朋友老公做銀行，BONUS係4-6個月，樓已買，朋友又係搵到D錢。但我朋友都有2個小朋友要養架！

家用朋友老公俾15000, 細佬4000 ＠＠''

聽完朋友講完我都嬲嬲地，淨係不停聽完就 下？下？下下下？？？？？？？？

完！
私人傳訊

小小魚媽


大宅

積分: 4268

BK Milk勳章


322#
發表於 16-3-13 14:38 |只看該作者
tester5 發表於 16-3-9 17:51
其實細佬未必想要2手野，可能父母從中作梗吧了。好多老人家有呢個概念，覺得BB野應該傳比自家人先，所以奶 ...
同意! 既然你朋友老公爆咗，朋友唔需再為哩件事多加意見，跟隨老公意思就得啦；最多勸下老公唔好為哩件事勞氣，激親自己唔抵
私人傳訊

小小魚媽


大宅

積分: 4268

BK Milk勳章


321#
發表於 16-3-13 14:33 |只看該作者
本帖最後由 小小魚媽 於 16-3-13 14:59 編輯
birdisfreedom 發表於 16-3-9 17:56
其實個男的反應係咪大左呢？唔出聲咪得，老人家係咁唔捨得。仲要貴野。比家用大晒咩



...

就咁睇樓主寫，朋友嘅老公爆得勁，一定事出有因。 自已個仔咁爆父母，相信一直忍讓父母徧心細佬嘅啦，就因為今次事件終於爆發

不過朋友老公對父母講粗口就唔係咁好啦， 哩點要改
私人傳訊

20020116


公爵府

積分: 27766


320#
發表於 16-3-13 14:17 |只看該作者

引用：話說朋友有2個小朋友都5歲同3歲，好多BB野

原帖由 Loretta529 於 16-03-09 發表
本帖最後由 Loretta529 於 16-3-9 17:43 編輯

話說朋友有2個小朋友都5歲同3歲，好多BB野都唔再用，所以 ...
老人家多數好孤寒，貴野比人更唔捨得。雖然朋友夫婦唔知細佬要BB 物品而送咗比人絕對冇錯，都只係時差問題啫，駛唔駛咁惡嚇親老人家呀？！解釋下咪得囉，再解釋唔嚟，咪唔出聲囉，呢個男人咁樣對父母相當差勁！

私人傳訊

BKsquare


水晶宮

積分: 57469


319#
發表於 16-3-13 12:44 |只看該作者

引用：Quote:BKsquare+發表於+16-3-9+21:16+我睇

原帖由 kcsp 於 16-03-10 發表
, 唔明依家D人點諗野, 講粗口鬧父母都話啱, 又話型 就算個父母幾偏心, 始終 ...
仲話「爆得好！」

anger management 有問題
有不滿就好好講
自己死忍 跟住話爆就爆
鬼知你忍咩
私人傳訊

ivory0915


珍珠宮

積分: 39762

開心吸收勳章 醒目開學勳章


318#
發表於 16-3-11 07:30 |只看該作者
凍奶茶少奶 發表於 16-3-10 23:28
老爺心中，就算細仔不育，大仔都要租迷你倉一世，留俾細，咁先算一家人
到時又會有人話：個大佬俾壓力細佬 （要生仔）... bra bra bra
總之父母徧心，做與唔做都是錯。
"女" 人做牛做 "馬" => 媽
私人傳訊

kitwong


珍珠宮

積分: 48495

2018復活節勳章 好媽媽勳章 畀面勳章 BK Milk勳章


317#
發表於 16-3-11 02:48 |只看該作者

回覆：朋友唔開心，聽完我都有D唔開心

爆得好



愛 我 就 別 傷 害 我
私人傳訊

jennyjenyjay


大宅

積分: 2759


316#
發表於 16-3-11 00:19 |只看該作者

引用：Quote:原帖由+小歪仔+於+16-03-10+發表其實

原帖由 sillykaka 於 16-03-10 發表
可能係我呢輩，阿妹永遠係阿妹，一世要就曬佢，咁阿妹又比我早生bb，又同佢地一齊住，可能感情深D，我肚入 ...
偏心真係對子女傷害好大，無論我地作為兒女長到幾大，傷心既感覺一啲都唔會減退！我亦係係偏心既家庭長大，所以我好明白呢啲感受！
要你包底真係好過份，最好呀妹出幾多，你就出幾多，裝修唔係必須，你又有小朋友就出世，佢地都無諗過你既處境！佢地呢啲行為無被真正拒絕係唔會停，所以點都要有個開端，佢地要講既野你已經預計倒，你更加可以當佢地唱歌！加油！
私人傳訊

好命婆


男爵府

積分: 5397


315#
發表於 16-3-10 23:47 |只看該作者

引用：Quote:原帖由+方方媽媽+於+16-03-09+發表一

原帖由 BeautyPinky 於 16-03-09 發表
其實我都係同你諗法一樣，唔明白點解有大部份人都話好彩個男人出聲話返兩老，仲話個細佬無錢唔好生....啲說 ...
1)如果兄弟感情要好就唔會連弟婦有咗都唔知，父母都應該知道兄弟感情一般。
2）細佬並非窮人，此話只是回應老爺較早前鬧大嫂的朋友窮就唔好生。
3）你覺得如果哥哥有需要，父母會一樣要求細佬幫哥哥，就唔會哥哥俾萬五元家用而細佬只付四仟元。要知道細佬職業係督察兼有員工宿舍，經濟絶對無問題。

早一代的父母，徧向相信只要有讀書就會考到高分；有兄弟姊妹自然感情會好；大一定要睇住細，就算細個個比大嘅叻等等
私人傳訊

bkfans


禁止訪問

積分: 67524


314#
發表於 16-3-10 23:46 |只看該作者

引用：又係果D一爆粗就係錯晒的理論好老實丫,除左

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

bkfans


禁止訪問

積分: 67524


313#
發表於 16-3-10 23:44 |只看該作者

引用：話說朋友有2個小朋友都5歲同3歲，好多BB野

提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

凍奶茶少奶


子爵府

積分: 10155


312#
發表於 16-3-10 23:31 |只看該作者
又係果D一爆粗就係錯晒的理論

好老實丫,除左講粗口，仲錯在邊丫?我真係諗唔到.
私人傳訊

凍奶茶少奶


子爵府

積分: 10155


311#
發表於 16-3-10 23:28 |只看該作者
Loretta529 發表於 16-3-10 20:39
係我朋友某部係已經係年幾前已經送左俾人。因為年幾年佢個細仔係未有bb,加上少來往唔知會唔會有計劃生bb.所 ...
老爺心中，就算細仔不育，大仔都要租迷你倉一世，留俾細，咁先算一家人

點評

maggiejane    發表於 16-3-13 15:44
私人傳訊

方方媽媽


水晶宮

積分: 74328


310#
發表於 16-3-10 22:42 |只看該作者
j2j2 發表於 16-3-10 19:30
其實兄弟感情本身唔好, 要做"2. 我會返屋企睇下有咩可以送比佢"唔係必然, 响主角心中可能的確寧願比朋友都 ...
2和3只係減少現場衝突的應對方式而矣。係咪真係做，做幾多，係之後的事嘛。
其實，我屋企一樣係重男輕女，家裡我讀書成績最好、賺錢最多，一樣係最不被重視的那位。
男的不用做家務，工作辛苦，可以隨時辭職休息幾個月，父母養。
有些JM知道我少少背景，知道我曾經窮到無飯食，但唔係家裡窮囉。
今晚上了余德淳博士的「與變幻同行」一課，他說，回看你的慘痛遭遇，你想在20歳、40歲，還是60歲發生？人的一生，必然有痛苦，但經歷過之後，可以提升面對逆境的能力。只是有些人活在「過去」，被過去的傷害困住了。恨一世，咪痛苦一世囉。
成人啦，自己的路自己行，我有能力控制自己的人生和脾氣。因為別人的不合理說話而爆粗？我唔會囉。
私人傳訊

Loretta529


大宅

積分: 1842


309#
發表於 16-3-10 20:39 |只看該作者

回覆：Angel_Rose 的帖子

係我朋友某部係已經係年幾前已經送左俾人。因為年幾年佢個細仔係未有bb,加上少來往唔知會唔會有計劃生bb.所以一直無諗過要留俾佢地。

同時都覺得以地每月搵既錢，有左bb都會自己買。但朋友個老爺覺得朋友2公婆唔岩，就算未生都應該留起送俾個細佬。但朋友就已經年幾前送左最大部分出去。而少部分都有人認左頭。老爺唔高興。
私人傳訊

IamTvbuddy


大宅

積分: 1400


308#
發表於 16-3-10 19:44 |只看該作者
覺得爆父母一鑊係不知所謂既JM可能未試過因為父母偏心而受氣同硬食, 所以唔會理解

點評

ivory0915    發表於 16-3-11 07:25
sillykaka    發表於 16-3-10 21:42
私人傳訊

j2j2


子爵府

積分: 13966


307#
發表於 16-3-10 19:30 |只看該作者
方方媽媽 發表於 16-3-10 15:54
我個人認為,如果父母的說話有不合理的地方,唔應該死忍爛忍,然後忍無可忍時就爆粗鬧人.
一開始,已經可以申明 ...

其實兄弟感情本身唔好, 要做"2. 我會返屋企睇下有咩可以送比佢"唔係必然, 响主角心中可能的確寧願比朋友都唔比細佬. 所以主角亦唔會自願"有咩我會同細佬傾下,睇下佢地有咩需要".

我個人就認為兄弟姐妹只係血緣關係, 真正互相關心, 未必好過朋友之間.

就算做"3. 我會買禮物送比BB", 都係門面功夫, 唔係出於真心為對方高興.

呢個case, 父母偏心係主因, 但細佬都長期take advantage of 大哥 (家用的不合比例), 都唔好得去邊.

爆粗我唔係咁like, 但我好同情主角; 但我一定唔同意"唔比家用睇你點死"的心態, 家用係仔女基本責任, 而且做人也唔應該用錢"撻"人, 唔通收左你萬幾蚊家用就要當你皇帝? 只不過, 主角當時憤怒在心頭先咁講啫.
我都係比好多家用果個, 有時都有"如果我唔比咁多家用, 咁父母就會明其實我係重要過其他兄弟姐妹"既想法. 不過我一早睇開左, 唔會令自己唔開心.
私人傳訊

pple


大宅

積分: 2377


306#
發表於 16-3-10 19:24 |只看該作者

回覆：sillykaka 的帖子

痴線架，成幾十萬點拎，層樓係咪寫你名先，唔係就企硬話無錢lor, 唔通佢地會迫你借財務咩，講真有錢都番俾自己仔女啦，仲要老仔逢，睬佢都傻，！你要硬淨d, 唔好成日俾人蝦呀!
私人傳訊

cloudwingwing


珍珠宮

積分: 47956

開心吸收勳章


305#
發表於 16-3-10 19:04 |只看該作者

回覆：朋友唔開心，聽完我都有D唔開心

其實無咩好嬲，老公咁支持自己。
私人傳訊

j2j2


子爵府

積分: 13966


304#
發表於 16-3-10 18:56 |只看該作者
sillykaka 發表於 16-3-10 16:38
我細個試過勁喊同佢地講，其實我覺得佢地好偏心，我唔開心覺得唔公平。岩畢業出嚟做野又試過同父母嘈，我份 ...

其實你唔使去到"爆"咁盡, 你只要堅持唔會比唔合理既錢就得.
裝修果度, 我係你我當孝敬父母, 最多同阿妹一人出一半! 父母再問, 都唔會加$$. 佢地唔夠錢, 咪唔好裝修lor, 間屋又唔係爛到唔裝修住唔到。要豪裝都裝修我自己間屋先啦!
你要預左你一拒絶, 佢地又會話你一家人都咁計較、唔孝順、唔念親情、睇住佢地死、咩咩咩之類, 你自己要相信人在做天在看, 同時承擔起呢D指責, 當佢地唱歌!
你如果心軟, 又去應佢地要求做D好唔公平既野, 你就唔好怨, 唔好唔開心, 當自己前世欠左佢地算了.
私人傳訊


首頁
12345...17

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy