吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 美容扮靚› (更新, 伏已中, 已加補色後新相!!!) 新做霧眉同眼線, 冇 ...

美容扮靚今日: 29|主題: 138027

收藏本版

發帖

返回列表

跳至頁

查看: 29036 | 回覆: 75

(更新, 伏已中, 已加補色後新相!!!) 新做霧眉同眼線, 冇伏

[複製鏈接]

12 3 4

CannieWP

男爵府

積分: 9928

1^#

發表於 16-3-21 15:49 |只看該作者 |正序瀏覽 |打印

本帖最後由 CannieWP 於 16-9-14 17:32 編輯

上年出去畀人做過眼線, 補過一次色, 效果超差, 唔上色兼深淺不一!

今年諗住再做就上黎搵資料, 但實在太多打手

,
PM過幾個JM後, 最後揀左一個可以上門既 (唔係姓wong).. 其實臨做前一晚我都仲驚緊, 諗過叫停佢唔玩, 但好彩.... 今次真係好上色好靚

呢張係未做前同做完後3個鐘,
做完冇腫, 初頭係會keep住痛, 之後就慢慢減少, 3個鐘後完全唔痛

7日甩焦後效果好自然, D色留得好好,
眉做左深啡, 眼線做黑,

各位如果鍾意可以PM問資料, 但唔好係板面留 [PM]兩個字, 我唔想畀人當打手兼刪帖, thx

14/9/2016 Wed
半年前我經呢度JM介紹搵到個上門師傅做眉同眼線, 7日甩焦後效果滿意所以上黎開左個上面個post,呢半年以黎PM問我攞資料既起碼超過50人! 剛剛9月記起仲差一星期就足半年, 所以約左5/9 Mon 補色.

之有JM話我對眉好死實, 有王小虎feel

, 我一直都係話自己眉毛淺色所致, 完全冇責怪過任何人, 補色前我問左果位小姐如果今次想加飄眉, 希望令整體再立體D可以點計, 佢話可以計返之前套餐價畀我.
淨飄$1800 淨霧$1800 眼線$1200 飄霧$2800 同時做埋眼線就加多$1000, 半年內包補一次
之前我係淨霧加眼線所以畀左 $2800, 今次加飄係加 $1000, 我話要諗諗先, 因為怕飄左一次後又要再補, 怕自己時間上配合唔到會好煩, 佢仲話飄眉一次就夠, 唔洗補.

等待補色呢半年間其實都有一個小插曲: 話說之前講過介紹超過50人, 其中有位JM真係做左, 仲早過我補色, 點知唔補色好地地, 一補就出事, 佢當時已經有提醒過我, 仲SEND埋相我睇.

當日開始做霧眉補色前我冇揀過色, 因為個心係諗住已做過一次, 佢專業一定知配返咩色好, 做完見到顏色比之前淺時我有問過佢點解, 佢話因為上次留色好好, 所以揀淺色少少等D色keep耐D但又唔會王小虎,見佢講野中point我就冇理, 反而全個心都諗緊加唔加飄眉, 佢當然會話加埋就立體D啦, 結果我即埸畀錢加, 顏色亦一樣冇揀過. 同一時間我又發現兩邊眉頭有唔對稱問題, 左邊眉頭明顯地見到方形, 但右邊係C字形, 我問佢係咪要補返C字個缺口位, 點知佢話唔需要, 一陣飄埋線會唔覺眼, 我見佢咁講就試左先.飄完後我睇返兩邊眉頭又好似比之前接近返少少, 但飄上去既線條係比較疏落, 由於第一次做飄, 究竟應該飄幾密同幾疏, 退左焦會變成點根本完全冇概念, 所有野只憑一個信字

.

7日後星期一終於退晒所有焦, 期間我同第一次新做一樣, 每日只用濕棉花抹面, 唔化妝因為怕落妝會影響對眉, 連個頭都係兩日洗一次, 仲要烏低身黎洗, 驚死對眉濕到水!
大家請睇睇, 4張近鏡相係我用IPhone再加微距鏡先影到

甩焦後兩個眉頭都係深淺不一, 左眉頭只見兩條線, 右眉頭好D有4條, 左眉尾最幸運, 線條最多, 可惜唔用微距真係睇你唔到, 失覺晒! 右眉中最得, 一條眉竟然可以分成上下兩part, 下面隱約都見到幾條, 上面就直頭係國王的毛毛, 我認我蠢, 完全睇唔到有任何線

!?

我影晒相係FB inbox度同佢講霧眉同眼線都好滿意, 但飄眉就一忽忽, 而且好疏落同好淺色, 問佢可以點攪, 點知佢講到我可能濕過水, R過D焦, 打理得唔好, 同皮膚有問題.
我十幾年前已經做過繡眉, 紋身也做過, 即使係對上一次霧眉我都保養得好好, 佢仲話我眼線同眉色半年都keep得唔錯, 但而家飄唔掂對眉就我錯!? 佢話要補就要加多$800, 計返原價, 我話要諗諗先, 但越諗就越嬲, 點解我同之前個JM都係一開始就畀人質疑皮膚唔好所致? 難道我地都係第一次做昤皮膚好好, 補乙時一齊皮膚突變

!?於是我同佢講我地唔會同自己過唔去, 唔會特登整壞自己對眉黎瀨人! 自問我唔係果D貪著數又計到盡既人, 兩次做眉我都係畀足佢FB上面既價, 絕對冇話因為介紹過幾多人畀佢而叫佢收順D, 只係今次唔加錢飄眉好好地, 加完就一肚火, 做完只係9日, 我話一忽忽想攪攪佢就同我講唔包, 因為飄霧眉只加$1000唔係加正價所以唔包, 但佢之前冇講過, 只話做一次就夠, 唔洗補色, 而唔係唔包補色, 仲話知如果佢肯免費補就會冇事, 話我一心要唱佢, 而家最後讓步$500補色, 講到呢度我已經更嬲, 我叫佢唔洗補, 事到如今我唔會再介紹, 亦會公開同之前介紹過既人講一聲 [對唔住, 因為我推介過而有以上類似事情發生過既JM, 好對唔住, 我自己都中伏了, 雖然道歉唔能夠改變事實, 但至少我會勇敢地認錯, 對唔住!]
但當我講明會公開件事後佢竟然提起我地兩公婆既職業, 直覺上....大家會回諗!? 佢專做上門, 即係我住邊佢一定好清楚, 兩次黎亦都見過我兩個小朋友!

感覺上呢個人唔止職業道德有問, 連就為人都有問題, 因為霧眉補色時我有提起之前補色出事果位JM, 首先我係話朋友, 問佢對眉點解會咁? 呢個人都係話佢皮膚唔得, 然後我再講只係BK認識, 點知佢就講埋呢位JM既私隱我知. 後尾我話佢提起我家人職業又爆人私隱究竟想點, 佢仲可以話你地係FD, 係我引導佢講, 與佢無關! 擺明老屈兼推卸責任, 我有講係BK識, 但識唔代表熟, 就算熟亦唔代表你可以爆人私隱! 由頭到尾我都只係講人對眉, 完全冇提起過任何野, 況且我同呢位JM唔熟, 根本唔知人地咁多野!
其實留唔到色除左皮膚唔得, 補養唔好之外, 佢落針力度都可以係關鍵之一, 因為飄眉唔係用機做, 而係用人手同排針, 有邊個可以保證自己每落一針, 每畫一條線都係百百準確, 力度永遠一致?

在此奉勸各位一句, 揀美容師傅真係要睇清楚對方有冇商業登記證, 有限公司定無限公司, 尤其上門果D, 人地知你住邊其實都好唔安全! 我衰左, 大家唔好學我

誤信我而出左事既JM好對唔住

0 0 0

私人傳訊

chickenwing2006

瑪瑙宮

積分: 142864

好媽媽勳章

76^#

發表於 16-10-16 06:48 |只看該作者

引用：Quote:peggy0105+發表於+16-9-22+12:24+哇

原帖由 CannieWP 於 16-09-22 發表
你睇下我左右兩邊深淺色的，唔止我，呢個post入面仲有另一受害者，佢之前都開過post仲放埋相上黎，一樣兩 ...

私人傳訊

CannieWP

男爵府

積分: 9928

75^#

發表於 16-9-22 12:27 |只看該作者

peggy0105 發表於 16-9-22 12:24
哇。。。。眼綫唔加粗唔加長都算。。。但兩邊眉唔對稱甘都話冇野:gos ...

你睇下我左右兩邊深淺色的，唔止我，呢個post入面仲有另一受害者，佢之前都開過post仲放埋相上黎，一樣兩邊深淺色

私人傳訊

peggy0105

禁止訪問

積分: 723

74^#

發表於 16-9-22 12:24 |只看該作者

提示: 作者被禁止或刪除內容自動屏蔽

私人傳訊

lala0909

男爵府

積分: 5028

73^#

發表於 16-9-22 01:27 |只看該作者

CannieWP 發表於 16-9-21 22:38
係同一個芒果，做眼線係得，但唔好叫佢加粗或加長，佢實同你講下次補色先加。我有講過話加粗佢都係咁推， ...

咁衰，幫你推

私人傳訊

CannieWP

男爵府

積分: 9928

72^#

發表於 16-9-21 22:38 |只看該作者

peggy0105 發表於 16-9-21 22:35
其實條眼線整得幾靚。。。係唔係出自同一個芒果？

係同一個芒果，做眼線係得，但唔好叫佢加粗或加長，佢實同你講下次補色先加。我有講過話加粗佢都係咁推，我話對眉兩邊眉頭唔同形狀佢都係話冇問題

私人傳訊

peggy0105

禁止訪問

積分: 723

71^#

發表於 16-9-21 22:35 |只看該作者

提示: 作者被禁止或刪除內容自動屏蔽

私人傳訊

CannieWP

男爵府

積分: 9928

70^#

發表於 16-9-21 21:52 |只看該作者

卡卡公主^^ 發表於 16-9-21 21:28
個芒果仲叫我俾錢再整，唔想俾錢就自己用眉筆畫下，佢真係有病

隻芒果一樣叫我畀錢補色，佢fb講飄霧眉係優惠$2800，包半年內補色，第一次整時我淨霧眉，補色時問如果加埋飄要幾錢，佢都係話加多$1000，跟fb上面飄霧優惠計，問佢飄眉要唔要補色，佢話唔洗，一次就夠，結果做到一忽忽就話唔關佢事，補色要計原價，同佢之前講既完全係兩樣野

。我就係預計到可能要補色先問清楚，點知佢話唔洗補，但冇講過萬一要補又幾錢，又或者包唔包補色，出事就瀨三瀨四。話如果自己做得唔好就唔會畀佢走，我畀佢走得就即係冇問題，我問返佢，一日未甩焦會知有冇問題咩？如果我唔畀你走，你報警話我非法禁固我仲大鑊，佢先冇再駁落去！
講真，如果我畀你離開我屋企就代表冇問題，咁入餐廳食完野夠係我自願離開啦，咁走左先發現食物中毒又等如唔關佢事！？隻芒果真係好過份

私人傳訊

卡卡公主^^

侯爵府

積分: 24931

最關心BB問題熱投勳章 BK Milk勳章

69^#

發表於 16-9-21 21:28 |只看該作者

回覆樓主:

個芒果仲叫我俾錢再整，唔想俾錢就自己用眉筆畫下，佢真係有病

私人傳訊

CannieWP

男爵府

積分: 9928

68^#

發表於 16-9-21 21:14 |只看該作者

peggy0105 發表於 16-9-16 22:27
嘩。。。想問樓主資料。。唔想中伏

上fb搵「芒果」beauty就得，好易搵，冇公司，冇商業登記，事後完全唔需要付責任，全無道德與信用可言，呢度之前已經有jm出相開post講過，只係冇講明邊間，不過呢度蒲得多的話好易知，因為上門做得好少！

私人傳訊

CannieWP

男爵府

積分: 9928

67^#

發表於 16-9-21 21:09 |只看該作者

KayleeZ 發表於 16-9-16 11:56
之前朋友都係上門整美容嘢攪到不愉快，所以我唔會幫襯上門嗰d

係得眼線得，但對眉真係好衰！仲要講到所有野都係我地問題，好似佢一定係完全冇問題咁

私人傳訊

peggy0105

禁止訪問

積分: 723

66^#

發表於 16-9-16 22:27 |只看該作者

提示: 作者被禁止或刪除內容自動屏蔽

私人傳訊

KayleeZ

大宅

積分: 3629

65^#

發表於 16-9-16 11:56 |只看該作者

之前朋友都係上門整美容嘢攪到不愉快，所以我唔會幫襯上門嗰d

你個眼線整得幾好啊，我都打算整眼線，不過仲搵緊邊間好

我唔敢俾人整眉，睇人地demo相好似好多人整得好，但係現實係.......身邊整得好的朋友好少，應該話係無，條眉太工整反而望落唔自然，睇落會大左幾年咁.....所以我寧願畫......尤其好似我少眉毛／高低眉走去整失敗機會率好高，要搵個整眉好手勢的真的好少