吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 關心子女的家長必睇的故事

自由講場今日: 2222|主題: 1353534

收藏本版

發帖

返回列表

跳至頁

查看: 4328 | 回覆: 128

關心子女的家長必睇的故事 [複製鏈接]

12 3 4 5...7

寶媽媽

大宅

積分: 2711

1^#

發表於 16-4-5 21:49 |只看該作者 |正序瀏覽 |打印

本帖最後由寶媽媽於 16-4-6 07:46 編輯

網上轉載自Jerry Sir fb專頁

很值得花少少時間看:

講一個小小故事畀大家聽。

有一次突擊檢查，一位老師搜書包嘅時候，發現有同學帶咗打火機返學。

佢係一個好嚴厲嘅老師，學生都好驚佢。有時我覺得佢比訓導更似訓導。

當呢位老師搜到打火機嘅時候，情緒非常激動，佢叫個學生行出去當眾搜佢身。結果咩都搜唔到，書包同PE袋亦搵唔到違禁品。

但呢位老師無放棄，佢問個學生：「你做咩無啦啦帶打火機番嚟啊？你係咪食煙啊？」

個學生好堅持，話無，佢只係帶返嚟點蠟燭，因為噚日係班上一位同學生日，大家想今日幫佢補祝。

同學話，大家都打算lunch time嗰陣先買蛋糕，所以而家咩都無，得一個屋企用嚟點香嘅打火機。

老師唔信，即使班上好多人做證，佢依然係唔信。佢仲提醒班上嘅同學，包庇違規者一樣會受罰。

最後咩都搜唔到，亦無證據證明嗰位同學藏煙，本來大家都以為成件事可以了結。點知老師堅持話帶打火機就一定有食煙，而家係班上嘅同學包庇緊人。

所以，呢位老師帶走咗佢，仲嚴正聲明：「唔好畀我搵到包煙，如果唔係你哋就死硬」。

落到訓導處，嗰位同學又再向訓導主任解釋多一次，但基於同學唔係精英班嘅學生，訓導認為佢同成班夾埋違規，都唔係話無可能。所以最後決定要見家長。

嗰一日嘅晏晝，違規嘅同學無得出去食飯，但班上嘅朋友，以及過咗一日嘅壽星女都決定留低，淨係派一個同學出去買蛋糕返嚟慶祝。點知呢位老師知道大家想同位違規學生一齊慶祝，講咗一句「三五成群，不知所謂」，然後將學生帶入校務處罰企。

班上嘅同學都好嬲，但又無人可以反抗到呢位老師。當大家都唔知可以點做嘅時候，畀人罰企嘅同學竟然自己行出校務處，番咗班房同朋友們一齊食蛋糕。

嗰一日，壽星女無蠟燭可以吹，甚至有人為呢件事喊。但大家都好珍惜呢一個lunch time，因為大家真真正正感受到咩叫團結。

最後老師知道咗個學生擅自離開，好嬲好嬲，但已經就嚟放學，又唔可以罰佢乜嘢。於是喺見家長嘅時候，落重語氣向學生家長指責。

結果，違規學生嘅媽媽輕描淡寫咁講：「我係單親媽媽，佢係我一手一腳湊大。呢個係我哋用嚟點香嘅打火機，我亦相信我個仔無食煙。做錯事就要罰，或者係我唔識教仔，或者佢唔應該帶打火機返嚟，或者亦唔應該自己走咗番課室。老師，我代我個仔向你道歉，好對唔住。」

同學好唔忿氣，佢覺得自己無做錯，媽媽唔應該講對唔住。喺呢個時候，老師就攞住個打火機講：「太太，我知妳好相信妳個仔，不過……」

老師都未講完，家長就截住佢，好認真咁話：「我已經代佢向你道歉。你話我個仔食煙，你有無證據？如果你無嘅，我要你向我個仔道歉！你係成年人，你係一個老師，唔該你表現畀呢位小朋友睇，咩叫負責任。」

最後老師當然無道歉，但身後嘅同學就喊到收唔到聲。媽媽帶佢走嘅時候，佢咩都無講，淨係拖住媽媽嘅手，坐上平時自己搭返屋企嘅小巴。

無錯，我就係嗰位學生，我而家27歲，去咗一間中學教書。而呢27年嚟，我一支煙都無食過。

請各位家長，相信自己嘅仔女。無人比你哋更加了解你哋嘅仔女，請全心全意相信佢哋。

有時你哋一句簡單嘅說話，足以叫仔女溫暖一世。

點評

annann246

發表於 16-4-6 18:40

jolee

發表於 16-4-6 12:46

maymay88

發表於 16-4-6 12:16

開心仔媽咪

發表於 16-4-6 12:05

claire_poon

發表於 16-4-6 11:16

pwsmay

發表於 16-4-6 10:13

arry

發表於 16-4-6 05:42

GKB

發表於 16-4-6 00:38

kawai120

發表於 16-4-5 23:28

AA2003

發表於 16-4-5 22:08

SiuBBee

發表於 16-4-5 21:57

0 1 0

私人傳訊

leng1999

珍珠宮

積分: 37541

2024年龍年勳章減齡達人勳章牛年勳章 2018復活節勳章畀面勳章 BK Milk勳章

129^#

發表於 16-4-6 19:36 |只看該作者

回覆：寶媽媽的帖子

謝謝分享

私人傳訊

maggiejane

侯爵府

積分: 24354

128^#

發表於 16-4-6 19:09 |只看該作者

回覆：關心子女的家長必睇的故事

有感而發，一直都覺得，除咗家人信任，好嘅老師對成長好大影響。慶幸自己中學遇到的都係關心學生嘅好老師，到E＋自己雖然都畢業咁多年，仍然會久不久聚會見下老師，幫佢地慶祝生日。
到仔女E＋讀緊的小學，老師同校長好到不得了，一切以學生為先，犯錯時處理公平，唔會一味勁鬧同記乜記物，反而同佢地傾計，瞭解下犯錯動機，俾機會佢地改，同希望佢地返屋企自己同父母坦白，第二日父母打返去找老師再瞭解，而唔係老師直接打俾父母投訴或舉報，呢個方法令我仔學懂更多，會主動認錯會道歉，會肯面對錯誤同承擔～
大仔將會升中學，希望佢擇選中學都係以學生為本！