婆媳關係 今日: 2 | 主題: 27759

積分: 6549

1^#

發表於 16-4-6 00:48 |只看該作者 |正序瀏覽 |打印

唉！比較長！事原我奶奶一家人太愛我d女了，愛到我地喘不過氣，我地大部分時間都係應酬緊奶奶一家，想放假休息下，靜下，沉殿下！都吾得！有睇我以前post的姊妹就知我奶奶一家有幾痴纏！
星期一公眾假期，我姐姐放假，我一個湊三件，又病，又來m，個人頭痛又熱！我打算整日留在家中叫外賣算了，點知奶奶一個電話打來叫我過去佢度食飯，鄉下帶左d特產（我食過好多次了），佢有心，叫埋我過去食，我話吾去，我一人湊三件！佢就話過來我附近買野兼幫我一起湊過去，之後我講話睇下老公點先啦！佢就話你老公琴晚話想食！唉！甘即推吾到啦！呢度係我每次都討厭自己的地方！每次都吾敢強硬d,永遠逼自己做d自己吾想做既野！
奶奶來到，唉！佢講個工人點點，我真心覺得好煩，加上我好吾舒服，個人好熱！我話工人做成點我好清楚，每日我都有睇cam,但佢有時候一個湊三個吾好望佢做到好似自己屋企人甘對小朋友，做到七成算偷笑了！我奶奶就話：我地做阿嫲嫲爺爺一定關心個孫，講下個工人都吾得呀？我話你地成日講，又要我同個工人講，係你地過份擔心，而把壓力比晒我！
之後我話有時候我真係累到想死呀，但你地日日都要我地過去，想休息下都吾得！
我奶奶就話：我地都係想見d孫，我幫你湊下佢地，你咪吾使甘辛苦囉！
我話：星期一至五已經日日見了，連星期六日都要見，我都要休息，我都想同小朋友親子下架！
我奶奶話：我都係順口問你叫下你地過來者！
甘我都要答你架，同你講聽日吾過來，你就話後日過，後日吾得呀，就大後日過，我每次都要拒絕三次以上你先聽得明我講咩呀！
拒絕得多你又吾好意思
之後我奶奶就話我忘恩負義，比個良心我當狗肺，以後吾理我d女吾好怪佢！
唉！我都無聲出呀佢講到甘！佢話對我甘好！點知我仲甘講佢比壓力我！
今日奶奶所有野都經工人個口同阿女既口傳話比我！唉！真係！我想講出自己心聲，點解變成甘！我當然知佢對我地好啦！但太好了，好到我既人生好似除左反工就要比晒時間去陪佢地，我吾可以覺得有壓力既咩？你對我好，但我吾想搞到自己係一個無靈魂既軀殼甘！

點評

Jolin_Yuen

發表於 16-4-7 13:13

0 1 0

私人傳訊

cinnamoroll84

大宅

積分: 1120

48^#

發表於 16-4-14 21:34 |只看該作者

要做到中間位真係好難
忍?忍得一時忍唔到一世
d奶奶,媽咪都係口是心非，想你過去咪認囉，自己過份左咪認囉，反映到出口果時又話唔係架，為左你地好，其實你地過唔過黎都無野，其實個心就記晒!.
而且做到人奶奶可五可以唔好咁小氣

私人傳訊

積分: 14851

47^#

發表於 16-4-7 13:38 |只看該作者

msbear 發表於 16-4-7 08:57
樓主, 你一係堅持企硬, 絕唔係一句對你咁好就大晒, 趁醜人已做, set返好岩自己嘅家庭秩序, 就算下次佢問返 ...

樓主話佢做唔出企硬~~唔想搞到奶奶唔開心~~搞到以後面阻阻~~~

私人傳訊

msbear

積分: 5481

46^#

發表於 16-4-7 08:57 |只看該作者

回覆：我奶奶好到我頂吾順！

樓主, 你一係堅持企硬, 絕唔係一句對你咁好就大晒, 趁醜人已做, set返好岩自己嘅家庭秩序, 就算下次佢問返唔返, 你話返會話佢知, 唔洗每日問, 無意思。老人家所有重心都放晒喺屋企, 佢唔會明現代人仲有其他活動。

私人傳訊

積分: 14851

45^#

發表於 16-4-6 22:52 |只看該作者

queenie3y 發表於 16-4-6 22:32
依家我咪後悔搬囉！一齊住都無呢d問題！

後悔咁咪再搬返入去囉~~~~
從來都係搬出黎難~~~搬返入去好易~~~佢地實熱烈歡迎你架~~~

私人傳訊

積分: 6549

44^#

發表於 16-4-6 22:32 |只看該作者

回覆：美菲絲的帖子

依家我咪後悔搬囉！一齊住都無呢d問題！

私人傳訊

積分: 14851

43^#

發表於 16-4-6 22:25 |只看該作者

namnamnamlolo 發表於 16-4-6 22:19
怪在自己唔識推人
呢d99咪得吋進呎囉

都係果句~~~佢有佢想/佢有佢要求~~~但你肯唔肯照佢意思做就係你自己既選擇~~~

私人傳訊

積分: 14851

42^#

發表於 16-4-6 22:22 |只看該作者

queenie3y 發表於 16-4-6 22:10
吾係一星期見一兩次呀！係一星期至少見6日，有時7日！甘我每日都來來去去，小朋友一樣，我辛苦，佢地都辛苦 ...

咁你搬返去同佢住~~~咪唔洗日日帶黎帶去囉~~~~

私人傳訊

namnamnamlolo

珍珠宮

積分: 43470

41^#

發表於 16-4-6 22:19 |只看該作者

回覆：我奶奶好到我頂吾順！

怪在自己唔識推人
呢d99咪得吋進呎囉

最討厭d99以為d孫係佢仔女咁成日要見無其他嗜好咁
我99都成日搵機會見我個仔我就盡量自己湊到就湊返唔俾佢見架見咁多洗唔洗呀
有無咁需要呀自己老公都唔洗日日見啦

私人傳訊

積分: 6549

40^#

發表於 16-4-6 22:10 |只看該作者

回覆：美菲絲的帖子

吾係一星期見一兩次呀！係一星期至少見6日，有時7日！甘我每日都來來去去，小朋友一樣，我辛苦，佢地都辛苦！

私人傳訊

積分: 14851

39^#

發表於 16-4-6 22:02 |只看該作者

queenie3y 發表於 16-4-6 21:29
其實我吾係吾想佢地咩都吾好理我地！我都明大家適當時候會飲茶食飯等活動！呢d耐吾耐一次當無問題啦！我奶 ...

但你要明到左你奶奶既年幾~~~冇乜朋友~~~冇乜娛樂~~~唯一就係對住d仔女同d孫~~~
永遠佢地都唔會覺得見夠~~~直情係一日不見如隔三秋~~~所以佢係唔會變到好似你咁諗一星期見一兩次就夠~~~就算一齊住都希望你地除左必要既返工返學之外唔好出街~~~

可以既話~~~個女嫁左都唔好搬出去~~~日日一家人幾代同堂咁食飯~~~就完美啦~~~

但事實有冇可能先得架~~~~你只可以係其中一方做選擇~~~一係就晒奶奶~~~一係就繼續你依家咁~~一星期見一兩次~~奶奶要唔夠既~~要講d乜都唔好理佢~~~~

因為你地之間唔可能兩個都開心~~~咁你自己揀要邊個開心囉~~~~

私人傳訊

積分: 14851

38^#

發表於 16-4-6 21:49 |只看該作者

queenie3y 發表於 16-4-6 18:58
我無話佢錯！但佢一聽到我話大壓力就覺得我良心當狗肺！唉！我吾覺佢有理我感受，只係覺得自己錫d孫想見d孫 ...

婆媳之間~~~甚到人與人之間~~~好多事都冇對與錯~~~只係夾定唔夾~~~
等同一對男女~~~對方可以乜都冇做錯~~仲對你好到不得了~~~但你都會同佢分手~~~因為佢對你既方式唔係你要既~~所以幾好都冇用~~~

你呀媽生你養你幾十年~~~更係知你性格~~知同你相處既方式啦~~~但奶奶唔同~~~冇啦啦佢個仔娶左你~~~你就成為左佢新抱~~~佢要適應你既性格~~佢都好辛苦~~~

既然大家都適應唔到~~~你老公又冇逼你去就奶奶~~~你又想自己開心~~~就唔理得奶奶開唔開心架啦~~~

佢要日日見到d孫~~~唔係你講兩句~~對佢幾年~~~佢就會變到同你想像既咁~~~等同你都唔會變到好似佢想既咁~~~日日帶d仔女俾佢見一樣~~~~

私人傳訊

積分: 6549

37^#

發表於 16-4-6 21:29 |只看該作者

回覆：酷師奶的帖子

其實我吾係吾想佢地咩都吾好理我地！我都明大家適當時候會飲茶食飯等活動！呢d耐吾耐一次當無問題啦！我奶奶反鄉下幾日，佢反來我即刻帶d女比佢見，知佢會掛住，耐吾耐會同佢地飲茶，每個星期五上去食飯！
自問我已算係ok! 但如果每個星期無間斷甘應酬！我真係頂吾順，點解吾會有中間位？我已盡量做到平衡，佢地又可以同我d女相處，而我吾會太辛苦！但太密我真係超累！我吾係話要同佢一刀切，但可以比啖氣我喘下，好嗎？
唉！

私人傳訊

酷師奶

複式洋房

積分: 241

36^#

發表於 16-4-6 20:55 |只看該作者

回覆：我奶奶好到我頂吾順！

其實99依個位都幾難做，
對新抱唔好又唔得，
對新抱好又唔得。
其實最好方法唔好理個仔同新抱，
佢地會自動自覺搵自己飲茶食飯。
咩叫愈迫愈走，老一輩永遠唔知

點評

美菲絲

發表於 16-4-6 21:50

私人傳訊

tansyneko

琥珀宮

積分: 152982

35^#

發表於 16-4-6 19:35 |只看該作者

回覆：我奶奶好到我頂吾順！

你奶奶好似我阿媽，係奶奶都好反面就反面，自己親生阿媽係咁先煩，講極都唔明，唉，真係就快窒息

私人傳訊

積分: 6549

34^#

發表於 16-4-6 18:58 |只看該作者

回覆：美菲絲的帖子

我無話佢錯！但佢一聽到我話大壓力就覺得我良心當狗肺！唉！我吾覺佢有理我感受，只係覺得自己錫d孫想見d孫都吾得！無視我同佢講話好累！
今日lunch我媽咪打比我，同我傾左兩句，問我食左飯未，我話未食，媽咪就話：甘吾左你食飯啦，食完休息下啦，夜晚湊小朋友無覺好訓呀！我個心真你勁warm!我阿媽兩個月都無見我d小朋友了！但從來無催我過去，剩係話得閒就過，吾得閒第日先啦！吾係佢無所謂，而係佢知我忙，累到死，都吾會逼我過去！

私人傳訊

積分: 6549

33^#

發表於 16-4-6 18:49 |只看該作者

回覆：美菲絲的帖子

我從來吾會覺得佢吾關心我，我會覺得佢不聞不問喎！不下數次我同佢講叫佢休息下，平去下街吾好成日甘擔心我地搞吾掂，得閒去下旅行反下鄉下！
我吾係話佢對我好吾好，太過好，我喘吾到氣呀！佢吾係話問候下你呢d關心，係星期一至七都要去佢度，因佢覺得可以見到孫，大家庭一齊食飯！但我體力有限！我吾可以所有時間比晒佢架！我個個星期推佢都推到吾好意思，無借口了！同佢講我病，佢一定走上來呀！

私人傳訊

積分: 14851

32^#

發表於 16-4-6 18:35 |只看該作者

queenie3y 發表於 16-4-6 17:15
其實我老公都係睇我頭，最叻就推個波比我，話我吾想去就吾好去！每次都係我推！😭😭😭 ...

既然你老公係睇你頭既~~~你咪答奶奶~~老公話唔過喎~~
然後一收線即打俾老公夾口供~~~如果奶奶打去問佢既~~就叫佢自己搵個借口話唔去囉~~

私人傳訊

積分: 14851

31^#

發表於 16-4-6 18:31 |只看該作者

本帖最後由美菲絲於 16-4-6 18:35 編輯

queenie3y 發表於 16-4-6 17:27
佢嬲我，大家都話岩晒！佢以後吾會煩我！係吾會煩我，但我吾想因為甘而搞到日後面左左，但奶奶只有1同10無 ...

係你奶奶心目中都係覺得你厭三厭四架~~~對你好又話有壓力~~~唔理你又話面左左~~~
佢又唔係你肚入面條虫~~~點知你幾時冇壓力~~幾時需要佢關心呢~~~

試下倒番轉諗~~~你關心親佢~~佢都話唔洗~~~關心得十次你都唔想再關心啦~~~但到唔關心佢時~~~佢忽然又話你好對佢不聞不問~~~咁想點先得架~~~

其實大家都冇錯~~~只係夾唔黎就係夾唔黎~~~~

私人傳訊