在職全職 今日: 161 | 主題: 48015

積分: 149

1^#

發表於 16-4-17 13:08 |只看該作者 |正序瀏覽 |打印

我上年嘗試懷孕，因工種關係要常出差，而且晉升機會麻麻地，丈夫可以維持良好生活，所以辭職。辭職後半年終於成功懷孕。在辭職到現在，我媽咪已無數次活我唔返工會令我老公鍾意第二D女人，因為唔返工冇吸引力。佢亦都喺我同老公面前問過幾次我幾時出返嚟賺錢，感覺唔係咁好。我媽咪生左3 個仔女，其實我地都生活無憂，但係佢好介意我爸爸唔係個啲乜都比晒錢嘅人，因為我媽媽投訴好多時佢要用私己錢。但我老公係覺得養老婆係應該，同埋想我睇住小朋友。我媽咪重叫我生一個好（我同老公想生2-3個），唔係好似佢咁辛苦。
上次同老爺一家食飯，我奶奶話我媽味生左3個都咁fit，我媽咪即刻話「因為我有返工嘛」。我當時覺得點解佢要當眾咁講。之後佢話我唔食牛肉唔長胎，我話其實BB都大左成個星期，佢就話係因為我唔做嘢瞓得多。我前幾日流血入左院（26週），已好大壓力，驚BB有事，出左院要瞓床，我老公同佢食飯，因約好左，佢竟然同我老公講話我幾時做返野，因為我對屋企冇財政貢獻。佢叫我做佢保險下線 (我完全唔適合做保險）。佢明知我會做ftm 照顧BB，我聽完我老公講我覺得好唔舒服。我地財政狀況良好，老公都同意我喺屋企湊BB，對BB好啲。加上佢係我媽咪，竟然同我老公講我對屋企冇貢獻，我覺得會影響夫妻關係，好彩我同老公有共識。加上我剛剛出院。。。我覺得好大壓力。。。

0 0 0

私人傳訊

careycarey

男爵府

積分: 9675

15^#

發表於 16-4-24 23:38 |只看該作者

回覆樓主:

我老公話:唔係冇嘢做，係唔駛做… 照咁答你亞媽

祝你同bb健健康康

私人傳訊

積分: 149

14^#

發表於 16-4-19 09:37 |只看該作者

多謝呀...佢平時都會煲湯比我，都關心我，但我寧願喺醫院時佢叫我抖多D，唔好諗咁多，好過喺嗰時將佢嘅不滿發洩出嚟，因為老實講好影響我情緒，加上過2日又催我返工，感覺上佢唔知乜嘢先對我係好... 其實早期我有流啡，睇完醫生佢即刻問我佢幾時可以同人講我有左（嗰時10週，佢想同親戚講因為我試左一排都唔得，而親戚又問佢我幾時有），我已覺得佢其實成日諗住自己先，因我當時唔想講因不太穩定...至於湊孫，佢唔會湊，只會玩。我今日可以出院啦，BB好正常，我會加油希望BB足月出世 :)

私人傳訊

SARABO

積分: 1956

13^#

發表於 16-4-19 00:27 |只看該作者

佢係咪另有目的，例如佢想幫你湊？又或者保險想搵人做下線之類

其實自己湊b真會好d,親子關係親密d bb心理都健康d.你咪理佢啦。一個真正愛自己既男人唔會因為呢d咁既問題就會搵第二個，而且大家又有共識，所以完全唔使理你媽up乜，我好明心里面會好唔舒服，因為果個係自己媽媽，我媽媽把口同d行為衰過100倍，二十幾年都係咁忍佢，以前就細個會同佢吵，依家學識左唔岩聽就當無聽過，唔想回應就連聲都唔出，我唔想再一出聲就傷大家感情，同埋佢都講d想離隔我兩公婆既說話⋯不過我老公已經知道佢係咁既人，都唔會多理佢講乜。總之兩個人最緊要有共識便可！

私人傳訊

Bonbonho

積分: 2790

12^#

發表於 16-4-18 15:33 |只看該作者

回覆：我媽咪成日喺人地面前話我唔做嘢...

你應該強硬d，話你同老公有計劃，不需要佢插手，佢嬲或者比說話你聽就預左，但你係BB媽咪，只有你先知乜野對BB最好。。

其他無理要求、無知的意見就耳邊風啦！
我媽咪都試過比d無知既意見叫我跟佢咁湊，可能我太惡，我直接鬧佢叫佢睇多d新聞、常識。。鬧完我媽就唔敢再講

堅強d，加油！

私人傳訊

wahiuma

翡翠宮

積分: 94880

11^#

發表於 16-4-18 15:25 |只看該作者

唔好俾阿媽影響到自己嘅心情

私人傳訊

Becky6668yes

積分: 1378

10^#

發表於 16-4-18 13:34 |只看該作者

如果係我媽,我一早炳佐佢好耐啦。我實會話佢:唔通你唔想個女生活得适服D點咩,,明知啊女大住肚又流啡,己經好大壓力了咼。唔好忍,,一听到啊媽講野唔听返博返佢,唔好忍忍下到時生佐啊B出來又辛苦,又要听你媽講這樣又講個樣,好易產後抑鬱,到時就會好似我咁成日病又唔知咩事,情緒又成日失控。

私人傳訊

newspaperhang

珍珠宮

積分: 31696

2018復活節勳章 hashtag旅遊勳章

9^#

發表於 16-4-18 09:50 |只看該作者

回覆：我媽咪成日喺人地面前話我唔做嘢...

最重要老公支持，要加油呀

唔好諗咁多，專心養胎！如果媽咪成日講呢d 野令你壓力大，不如呢排少見d、等情況穩定再見面

我依加仲有返工，老公都想我生左唔做，屋企人無意見，但親戚好多意見

由我未有已經不停叫我唔好唔做野、老公辛苦etc...我扮聽、聽左唔理

分享：愛遊泰（內有曼谷芭堤雅清邁資料）
http://www.baby-kingdom.com/forum.php?mod=viewthread&tid=14416337&fromuid=956408

私人傳訊

積分: 149

8^#

發表於 16-4-18 02:05 |只看該作者

多謝你地。我環境唔係好好但唔需要工作住...今日見紅（少少）再入院，而家想專心安胎，希望BB過左34週先出世.

私人傳訊

IloveJJ

禁止訪問

積分: 61348

7^#

發表於 16-4-17 23:29 |只看該作者

引用：我上年嘗試懷孕，因工種關係要常出差，而且

提示: 作者被禁止或刪除內容自動屏蔽

私人傳訊

yannietimb

積分: 1447

6^#

發表於 16-4-17 23:26 |只看該作者

回覆：我媽咪成日喺人地面前話我唔做嘢...

Bb出世後你仲有排煩，有時就算係對自己阿媽都要強硬d, 好似話一定要餵奶粉，因為營養好d.....明顯係無知既說話, 教育唔到佢既話就自己要夠強硬d先得！

私人傳訊

yannietimb

積分: 1447

5^#

發表於 16-4-17 23:20 |只看該作者

回覆：我媽咪成日喺人地面前話我唔做嘢...

你要學下岩聽就聽，唔岩聽咪當佢唱歌，阿媽可能擔心你做ftm, 在家會變得無say，你媽媽明顯係果種樣樣要話事既人，佢覺得你做ftm, 向屋企咪要做順民，佢唔想個囡委屈吧！我同你一樣，老公想生兩三個，我媽都同我講生一個就夠，不過我而家已經有兩個寶貝！祝你寶寶乖乖住到足月先出世，身體健康！

私人傳訊

sweetheartb

子爵府

積分: 12928

4^#

發表於 16-4-17 22:10 |只看該作者

回覆：carcarc 的帖子

你環境咁好，如果又有比足家用娘家，佢又真係多事左喎。現階段BB最重要，保重！

Sweetheartb

私人傳訊