吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 反叛期,係咪到中四就會完

少年成長今日: 0|主題: 16095

收藏本版

發帖

返回列表

跳至頁

查看: 83403 | 回覆: 203

12 3 4 5...11

積分: 6501

1^#

發表於 16-4-21 11:31 |只看該作者 |正序瀏覽 |打印

反叛期,係咪到中四就會完??

點評

ami703

發表於 17-5-9 09:58

0 1 1

私人傳訊

VCBB小天使

珍珠宮

積分: 48082

2025勳章蛇年勳章 2024年龍年勳章 2023年兔年勳章 15週年勳章親子王國15週年勳章

204^#

發表於 17-12-31 01:48 |只看該作者

mandylau0609 發表於 17-12-29 00:20
回覆 kimmy2006 的帖子

我兒子中三考全級尾10，當時副校長都同我講，唔鼓勵會重讀，冇幫助，叫佢讀VTC!我 ...

欣賞你嘅做

私人傳訊

VCBB小天使

珍珠宮

積分: 48082

2025勳章蛇年勳章 2024年龍年勳章 2023年兔年勳章 15週年勳章親子王國15週年勳章

203^#

發表於 17-12-31 01:43 |只看該作者

terrorist 發表於 16-4-21 11:31
反叛期,係咪到中四就會完??

唔一定喎

私人傳訊

sammanyu

禁止訪問

積分: 1678

202^#

發表於 17-12-30 17:12 |只看該作者

回覆樓主:

提示: 作者被禁止或刪除內容自動屏蔽

私人傳訊

ng_1993

別墅

積分: 696

201^#

發表於 17-12-30 14:59 |只看該作者

個個唔同，有D人廿幾歲三十歲先識諗

私人傳訊

dw0501

侯爵府

積分: 23852

2026勳章 2025中秋節勳章父親節2025勳章 2025勳章蛇年勳章 2024年龍年勳章 2023年兔年勳章親子王國15週年勳章虎到金來勳章 2021可愛聖誕B勳章 2018復活節勳章 2018父親節勳章牛年勳章

200^#

發表於 17-12-29 23:57 |只看該作者

youngbeetle 發表於 17-11-5 10:35
中五都好差

私人傳訊

容兒

男爵府

積分: 5638

畀面勳章 BK Milk勳章

199^#

發表於 17-12-29 10:22 |只看該作者

回覆樓主:

個個唔一樣

BB 不想太直接表示 BB 這麼唱為了婉轉告知我多麼愛護你

私人傳訊

mandylau0609

複式洋房

積分: 170

198^#

發表於 17-12-29 00:20 |只看該作者

回覆 kimmy2006 的帖子

我兒子中三考全級尾10，當時副校長都同我講，唔鼓勵會重讀，冇幫助，叫佢讀VTC!我都認同佢中一至中三根本冇用心讀過書，每次家長日都被投訴上堂多口，所以我好認真同佢傾，我叫佢唔好讀，唸下將來想做咩，學門手藝！簡單啲講就算做車房，廚房，洗頭等工作都可以，學有所成可自己創業！佢當然話想做電競員，仲話想去外國讀！係咪激死你呢？但我冇激動，亦冇話唔好，因為我知道，如果佢每次開口講咩我都否定佢，佢一定唔會再同我講，佢心入面想點。我好冷靜，搵左間餐廳，同佢面對面坐底傾（其實溝通既環境都好重要）我比佢個回應係「外國讀書一般全程大約需要200萬，200萬去讀電競，咁外國電競學校啲學生畢業後有咩出路？電競員做到幾歲退役？退役後可以有咩打算？」以上問題我話比一星期佢做資料搜集，個結果合理，將來係有出路，我比佢去！否則，就不如聽下我睇法「首先呀媽就只有呢200萬，不會有再多，這是我預留比自己個仔讀書既責任！你當然可以選擇拎去讀電競，但讀完如果換取唔到自己將來一條好行既路，唔好埋怨我，因為我做好左媽媽責任，路是佢自己揀！讀完書番到黎，我唔會再有錢比佢，佢自己唸下有咩打算！相反，就算唔讀書，學門手藝，果200萬可以留番比自己創業，有剩可以比首期買層樓自己供。」兩條路可以比佢自己揀。
一星期後，我再問佢，佢話唔會選擇去讀電競（應該搜尋資料時，睇到現實啲既野），跟住問佢想學咩，佢話想讀書！最後佢仲暪住我同副校長講「選擇重讀中三」。
重讀果年，最後一次家長日，副校長又見到我，其實係幾乎每個上一年教佢既老師見到我都同我講「佢今年好乖，又做班長，成續進步左好多」我第一次去學校係冇老師話佢上堂多口。這年中三佢亦搵到自己方向，佢自己決定選修經濟及企業（當中佢一開始話揀經濟，另一科係我有比意見，但都係果句，我唔迫佢，只係幫佢分析，如果將來想做生意，讀企業是不錯的，將來可以讀管理，管理是一門很深學問等等...）！亦可能因為選啱左科，今年中四，第一次測驗名次已升到全級35。現在放假去銀X喱做兼職，

當

然人工我要分50%，不是我等錢洗，但要養成佢比家用的習慣！感恩，我們的關係像朋友，無所不談！

私人傳訊

mandylau0609

複式洋房

積分: 170

197^#

發表於 17-12-28 23:36 |只看該作者

回覆 YuYuMother 的帖子

佢跟你表示不想讀書？你有跟他認真談過嗎？你知唔知佢對咩有興趣？我指除左打機之外😅其實有好多小朋友聰明，但唔鐘意讀書，亦有人講讀唔成書既小朋友反而係特別聰明！最重要你同佢點溝通，而且唔好比佢覺得讀書是為左屋企，為左同父母交代！要比佢知，讀唔讀書最影響係佢自己，與你無關！我從小就同個仔講，佢讀唔讀唔關我事，讀唔到書去做地盤是佢辛苦，不是我，我表明立場是沒有所謂的！父母角色是為孩子「供，書，教，學」直到佢地出黎社會做野，呢個係我既責任！而佢地角色係子女，讀書時佢地要盡學生責任，如果選擇離開校園果一刻，就必須工作，這是家庭一份子中，對家庭責任！所以我唔會迫佢，更唔會求佢讀！因為迫根本迫唔到！但必須要提醒佢「後果」，佢可以承擔，才有資格選擇！你試下認認真真，堅定啲同佢傾（唔係惡，只係要比佢感覺你立場堅定），直頭問佢係咪唔讀，唔讀做啲咩或學啲咩，有道理講得出，就會比佢做！有時小朋友係要「大」下佢，佢先會驚！（但重申：成個過程唔係惡，唔係勞嘈咁同佢傾）加油！

私人傳訊

kimmy2006

子爵府

積分: 12115

196^#

發表於 17-12-28 13:37 |只看該作者

mandylau0609 發表於 17-12-27 02:52
回覆 terrorist 的帖子

睇左以上咁多JM分享，我感受到很多媽媽的愛！換來子女不耐煩態度，什至被他們說好 ...

請問你兒子近況如何??出來社會做事了嗎? 還是讀書中?

私人傳訊

kimmy2006

子爵府

積分: 12115

195^#

發表於 17-12-28 13:31 |只看該作者

emmafish 發表於 16-4-22 18:06
中四先開始反叛?

咁遲先開始,有咩先兆?

私人傳訊

YuYuMother

水晶宮

積分: 61421

hashtag影視迷勳章畀面勳章 BK Milk勳章

194^#

發表於 17-12-28 11:47 |只看該作者

mandylau0609 發表於 17-12-27 01:09
回覆 YuYuMother 的帖子

留班有時未必係壞事！如果成績唔好，夾硬升上去仲辛苦！前年我個仔中三升中四時考 ...

多謝你鼓勵

其實我唔係介意佢留班，而係擔心佢無自信，讀得更唔開心。同級同學升班，佢自己就留班

已經無興趣讀，仲要留班的話，都唔知點算。

對我黎講，讀到梗係最好，讀唔上學一技之長亦唔係壞事。最緊要唔好學壞，同健健康康已經好好。

但有時又覺得，佢明明唔係讀唔上，人亦聰明，之不過未開竅唔上心，覺得好浪費。做人父母當然唔想佢行咁多歪路，可以順順利利......

總之好頭痛，苦惱

私人傳訊

mandylau0609

複式洋房

積分: 170

193^#

發表於 17-12-27 02:52 |只看該作者

回覆 terrorist 的帖子

睇左以上咁多JM分享，我感受到很多媽媽的愛！換來子女不耐煩態度，什至被他們說好憎自己！我相信以上很多JM是全職媽媽，一手一腳將子女湊大，感情一直也很好！但上到中學，子女開始反叛，講多兩句被嫌煩，什至要服侍他們更令自己受委屈！但在這裡，容我說一句心底話...這時間請將你們的視線抽離一些，可以是找其他事情忙著，這樣會令你們心情好過點，子女亦感到輕鬆點！
好多時候，父母既關心、寵愛，在這階段會給子女形成壓力！我明白，每個家長都想子女讀書成績好，想他們將來搵到份好啲既工或是出人頭地！但讀書是出於自願，壓迫形成壓力，反而破壞彼此關係，難以修補！我都是為人母親，但我真心覺得，現在年青人，就算讀到書，但都不懂尊重父母，不懂做人態度，實在可悲！這也是因爲現今年青人，長時間在父母的嬌縱下成長，飯來張口，完全沒有生活壓力所致！父母的愛就變成害了他們，因為他們沒有生存自理能力！什至不會努力工作，因為月入幾千也可以買到$10000的I PHONE X！

我本身是從事長期對著年輕人的工作，什至上到婆婆級下到子女級，我每天也跟不同階層溝通，這個社會年青人，已經被家庭嬌寵得目無尊長，完全不懂「努力」為何物！最可怕是，父母把他們供到外國讀書，大學畢業，在他們心中已沒有「孝順」這兩字，沒想過將來應如何養育孝順父母，認為父母付出是必然的！在我眼中，這我們不是愛他，而是害了他們！

我很愛我兒子，但對他是非常狠心的。小時候我可以送他一個月到黃埔軍校受訓，送他到野外求生營，嘗試7日7夜露營，感受夏天沒冷氣，沒有得沖涼的生活，全身曬到灰色，身上長滿倉倉！看著內心會心痛，但不給他吃苦頭，他怎知什麼叫幸福？我要從小提醒他，幸福不是必然！我的家庭環境雖算不錯，但我至今亦沒有買電腦給他，做功課只能借用我的手提電腦！他用的電話永遠是用我的二手機，食飯有工人都要他為我盛飯，食飽也要他為我收拾碗筷！煮面從三年級開始，永遠是他幫我煮，幫我洗碗！出街也要他幫我拿手袋，買完野一定要佢拎。食野都要他讓我食先，入商場要幫我推門！我不是公主病，相反我小時候也嘗很多苦頭。從小我已經是這樣對他，我知以上行為，各位媽媽一定不會像我這樣做，或是覺得我這個媽媽很變態、很懶！但我真的接觸太多年輕人，我不想我的兒子成為公子！其實從小他習慣了這樣，就算是反叛期，他依然是這樣！而且只有我嬲佢，黑佢面，因為他是要靠我才有書讀，有屋住，為什麼還要媽媽掉轉受孩子氣呢？哪有這道理！
當然我跟他關係也是很好的，我也很小罵他，煩他！每年母親節及我的生日，他也會親手做禮物或買禮物給我，反叛期也沒有間斷，我沒提他，逼他，他會自己想起我的生日，自己準備禮物給我！他最反叛時，最多跟我說「得喇，知喇！」說話時加了些尾音，我聽到這個回應便不會再問，再講！我也是一個醒目媽，畢竟我也有過反叛期，曾經我更是一個非常反叛的女兒，每星期都要請媽咪到我學校見家長，打架，食煙，飲酒，離家出走什至逃學都做過，相比起兒子，我以前比他更反叛，所以更明白這階段跟他溝通要點到即止！
哪段時間盡量談一些佢喜歡話題，跟他談談打機，追女仔等，投其所好！但最重要是，從小便告知他每個人每個角色應盡的責任！我的責任是讓他讀書，照顧到他選擇離開校園一刻！之後他便需要工作，盡家庭責任，拿家用回來！他15歲我便叫他返麥當勞，自己賺零用，但要將薪金50%比我作家用！當然不是家中需要，而是我想他出外工作，比人罵下，感受咩叫「在家千日好」，有人話「仔，是要比人教」！此話其實好有道理！
所以，希望各位全職媽媽，暫時不要把視線全部放在他們身上，學下自私一點，愛自己多一點！不要把你的愛變成害了他們！
*只是有感而發，有什麼講得不好，請見諒🙏🏻

私人傳訊

mandylau0609

複式洋房

積分: 170

192^#

發表於 17-12-27 01:09 |只看該作者

回覆 YuYuMother 的帖子

留班有時未必係壞事！如果成績唔好，夾硬升上去仲辛苦！前年我個仔中三升中四時考全級尾10，學校話一係留班，不過留班都冇用，大部分留班生再讀多年都係咁（是副校長同我講），當時學校建議佢讀VTC!我不是傳統父母思想，在我角度，讀書不是最重要，最重要是做人的「態度」（我從小已經不斷跟他說）因此，當時我也鼓勵他讀VTC,因為如果他不喜歡讀書，我不想他浪費時間，倒不如找找自己興趣，學一門手藝！最重要，「勤力」不懶惰，做哪一行都能成功！讀唔到書，佢唔怕辛苦就可以！但結果、我地傾左3，4次，他暪著我跟學校傾，他想重讀中三！我是最後在暑假才知佢決定重讀的！最初我也激動，因為他暪著我，但唸深一層，既然是他決定，我便會尊重！我還跟他說「這是你人生第一個自己拿主意的決定」希望你在未來一年，好好讀，不要白白浪費自己時間！結果，上一年中三，好全級名次升回80左右，順利升上中四，這一年還找到自己想選修科目（之前一年中三，問極都這唔知揀邊科）！今年中四，剛剛測驗全級排名是35，沒想到他會有這成績！世事就係咁，你愈迫佢就愈唔想讀，以前啲人冇得讀書，所以有書讀會好好珍惜！我亦選擇叫佢唔好讀，直頭同佢講做地盤都搵到錢，我真係唔介意！唔嫌辛苦就Ok,因為條路係佢自己揀！

*我個仔第一年中三都成日打機，偷去網吧比學校捉到，考試可以交白卷，上堂畫公仔...所以最重要睇你點同佢傾，唔好迫佢，聽下佢內心世界！