想生BB 今日: 3|主題: 109568

收藏本版

發帖

返回列表

跳至頁

查看: 14664 | 回覆: 102

台灣第一次IVF老劉經驗分享 [複製鏈接]

12 3 4 5...6

YuenYuenKwok

男爵府

積分: 7202

1^#

發表於 16-4-21 18:29 |只看該作者 |正序瀏覽 |打印

我是第一次做IVF, 選擇左台灣老劉度做，歡迎各位在老劉度做或有意去做既JM一齊討論。

我剛剛星期一放完胎，而家等緊結果。現在出post是因為唔希望比結果影響自己評論。
詳細ivf情序唔多講，因為之前有好多post都提過，我反而想講下自己的感受。

講真，由初診到而家放完胎，我真的好滿意老劉整間診所既服務，態度同專業。出發前都有擔心過有d JM話老劉好惡同唔鐘意答人問題，但我實在咁多次都冇呢種感覺。相反，我覺得佢好親切，初診時答我問題之餘，亦比到種好專業既感覺我，我老公都好鐘意佢。最重要係，抽卵果日手術期間，佢見我好緊張，佢就不段同我傾計分散我注意力，果刻真係好親切，一d都不似做緊手術。而姑娘更加唔駛講，佢果度d姑娘真係超細心同友善。

IVF全個過程入面當然有時會有d不明白或者有d另類想法既時候，不過在我自己立場，我既然選擇左呢個醫生，而佢又令我感覺良好的話，我就會無條件信任佢。所以，我整個過程其實我都冇特別問太多野，一般一句起兩句止，佢地叫我做咩就做咩。

值得一提的是，以我經驗同見其他JM分享，可能老劉度既胚胎專家比較嚴謹，所以一般雪胎不會太多。（呢樣只係我估，不肯定，如果有興趣去做既JM可以再了解一下）我自己就抽7粒，受精6粒，day 3放左2粒A, 另外4粒培植day5有1粒成功可雪，3粒質素唔好冇得雪。都係果句，我揀得佢地就相信佢地專業，所以可放2同雪1，我已經好開心！

至於價錢，不計機票酒店，只計診金我用左港幣$36000，相比香港真係化算好多！我之前在香港做2次iui加埋已要呢個數目。

最後，我記得有人講過老劉唔鐘意高齡，但呢個我不便評論，因為我是31（就到32），第一次照超聲波時佢亦都話我身體狀況好好，所以佢係完全冇挑剔過我既年紀同身體。如果有其他高齡JM做過，可以分享下。

0 0 0

私人傳訊

poyee0831

複式洋房

積分: 102

103^#

發表於 16-8-15 22:58 |只看該作者

YuenYuenKwok 發表於 16-8-15 19:40
初診你可以任何時間去，我當時是即日來回的。如果初診當日檢查冇問題，姑娘會安排針藥同教你打，到你下次 ...

唔該晒你呀！我了解左好多

私人傳訊

YuenYuenKwok

男爵府

積分: 7202

102^#

發表於 16-8-15 19:40 |只看該作者

poyee0831 發表於 16-8-14 22:18
請問你地由初診到放胎需時幾耐？可以詳細講我知個過程嗎？例如檢查，抽卵，放胎，待檢，謝謝！
...

初診你可以任何時間去，我當時是即日來回的。如果初診當日檢查冇問題，姑娘會安排針藥同教你打，到你下次經期開始就自己在家開針。開針後好似9-10日左右，你要番去台灣照超聲波照卵泡清況。如果卵泡不夠大可能要照2次。多數JM都會由當日開始留台直至放胎，但我當日都係即日來回。照完超聲波姑娘會通知你邊日抽卵，如果你選擇放鮮胎的話，就要book可改既機票。因為胚胎專家會在抽卵後2日先會通知你放d3定d5胎。但如果你中左ohss, 老劉就可能會要求你放雪胎。全個過程我都是book長榮，因為長榮機票除左$950既超特價機票，其他全部都可以任改，我當時因為schedule定唔到，都改了好多次。