吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 會考七分做到中學老師，應該多d呢d成功榜樣 ...

自由講場今日: 1663|主題: 1337466

收藏本版

發帖

返回列表

跳至頁

查看: 9672 | 回覆: 96

會考七分做到中學老師，應該多d呢d成功榜樣

[複製鏈接]

12 3 4 5

jaymeetsepm

別墅

積分: 552

1^#

發表於 16-4-25 20:09 |只看該作者 |正序瀏覽 |打印

其實有d中學老師由細到大都咁高分，又話乜名校大學出黎，條路咁順都無乜人生經歷，但這個會考七分既中學老師就好唔同，証明成績唔好一樣可以做到有用既人，仲做埋老師，佢比起好多名校名牌大學畢業老師更有資格教人，好過淨係講成績。香港應該多d呢種人做老師

【東方日報專訊】本港早前接二連三發生學生自殺個案，令人憂慮。會考只得七分、曾入讀多達七間大專院校的前線中學老師直言，自小面對家人遭「大耳窿」追數，一生經歷跌跌碰碰，但仍努力求存，「從來無諗過要死」；他勉勵前線老師可多主動向學生伸出援手，扶他一把，或足以扭轉學生逆境。有防止自殺學者指，年青一代大多活在虛擬世界中，部分在現實環境「落唔到地」，故鼓勵朋友之間可多以電話或親身會面，加強彼此聯繫及支援。

曾入讀七間大專院校的天主教南華中學老師黃智偉不諱言，「我讀初中時，屋企窮到欠大耳窿，屋企門口被人淋紅油……至中五仍遊戲人間，會考只得七分，入咗夜校讀，老師仲問點解要收你」，其後更因家庭經濟困難而需外出工作，之後再兼讀公開大學通識學士課程、教育學院教育文憑課程等。
家長安排一切子女不懂解難
自小經歷難關的黃老師直言，「從來無諗過要死，只會諗點生存和點解決問題」。他認為，現今的家長過度為子女安排一切，導致小朋友或年輕人的抗逆力下降，稍遇困難便不懂處理，「有學生踢波跌倒本來好正常，但家長竟然投訴人哋踢跌佢個仔，導致佢哋唔識解決問題」。他續指，「當知道有家長失業，可嘗試諗辦法搵錢幫個學生；有啲師弟踢波無錢買鞋，老師可建立互借文化」。
首屆中學文憑試考生、現就讀教育學院四年級的陳翱媛，曾因父親失業欠缺金錢補習，而擔心得終日在校以淚洗面，最後幸得同學一直在旁相陪，以及班主任協助申請助學金，才令她成功考入教育學院。
活在虛擬世界年輕人「離地」

香港大學防止自殺研究中心總監葉兆輝指，在新高中學制實施後，高中生提早一年入大學，適應上難免有困難；而不少中學老師亦投訴行政工作太多，欠缺時間與學生溝通；現時年輕人大多活在自己的虛擬世界，部分在現實生活中「落唔到地」。他建議，當發現身邊人情緒出現異常，可嘗試透過電話聯絡對方或安排會面，為他們帶來正能量。

家庭與學校合作事宜委員會、海洋公園及香港大學社會工作及社會行政學系合作，推出「與你同行」獎勵計劃，每間學校可自行甄選有進步的學生，每名得獎學生可獲海洋公園成人入場門票兩張。另每間學校亦可提名學生、家長或教師，並就每個提名撰寫推薦書，每個得獎團體可獲海洋公園成人入場票二十張。

https://hk.news.yahoo.com/%E6%9C%83%E8%80%83%E4%B8%83%E5%88%86%E8%80%81%E5%B8%AB-%E8%BF%B0%E7%B6%93%E6%AD%B7-%E6%95%99%E6%8A%97%E9%80%86-215029961.html

0 0 0

私人傳訊

lovelybaby2015

水晶宮

積分: 61815

畀面勳章

97^#

發表於 16-5-25 15:39 |只看該作者

其實十幾年前我的朋友同學，(其時已有七八間大學），做教師的，好多教院出來。當年咩人會讀教院？就是成績麻麻，alevel考得唔好入不到U的人。而這些人當中，好多中學會考也是麻麻地。我身邊其中一個會考10分，中六七band 3學校，alevel又考得麻麻之後去教院，而家教中學

反而再早d個批老師，from教院的質素好d，因為嗰時好少大學，入得大專的成績也不差

私人傳訊

peonica

公爵府

積分: 29104

2018復活節勳章

96^#

發表於 16-5-25 15:10 |只看該作者

認同，反而讀書超叻的人唔適合教書，佢地太聰明，唔明學生唔明d 咩，响佢眼中樣樣超容易。

私人傳訊

daisylhn

男爵府

積分: 8200

好媽媽勳章

95^#

發表於 16-5-25 15:01 |只看該作者

回覆：會考七分做到中學老師，應該多d呢d成功榜樣

部份同意樓主所講，要教好學生的知識水平，老師都要基礎打得好先有用。

老師基本要求是有愛心、有使命去啟發和教導學生，而對於不同程度的目標學生，著重點不一樣。

如果呢位會考7分老師教Band3學生真係好合適，因佢哋最需要的並不是一流學術知識，而是一個有同理心、能明白他們、啟發他們的老師，學術要求其次。（可能因學術水平問題，中學仍在教小學基礎知識）

但如呢位老師在Band1頂級學校教，可能都ok，因學術方面學生同家長自己攪掂，佢淨負責激勵一下學生就得。但相信老師會好大壓力，尤其當家長知道老師學術背景後。

最大鑊就係去到如band1bc嗰啲學校，學生真係要靠老師傳授知識、考試技巧去應付DSE，咁老師的學術水平對學生來說相當關鍵

我身邊不乏會考低分、一路努力讀上去，1st hon 甚至master，但中英文水平真係好差

我女k2程度的英文佢好多都唔識架

私人傳訊

lafemme

大宅

積分: 2739

94^#

發表於 16-5-25 14:36 |只看該作者

回覆小小郭夫人的帖子

我自己本身都好注重自己既學科知識，我讀書時有遇過你講果款老師，出來教都還過好幾位咁既同事。無錯，佢地幫唔到學生學科知識係好可惜，但假若佢係好努力改善，我都覺得值得欣賞。如果係懶懶閒，錫學生都無用。其實，我只係想帶出樓主所提及果類老師都係學界好需要既，我聽過有同工係band 1 school contract staff,因為想要perm,轉左去band 3, 仲要係bottom 10果類，教左一星期就頂唔順離職。所以，我覺得呢類學校需要既唔係一位教好書既老師，係教好學生既老師。

私人傳訊

小小郭夫人

伯爵府

積分: 15464

好媽媽勳章

93^#

發表於 16-5-25 12:48 |只看該作者

lafemme 發表於 16-5-25 11:10
其實，係咪好多人都覺得每個學生都有能力讀到書同需要讀到書架呢?
我曾經都係一位老師，拎住first hon 同主 ...

老師嘅學識高低同有冇愛心可以係冇關係的，我100%認為老師應該要有愛心，呢樣係必須，Band幾學校嘅學生都值得老師付出愛心。

其實喺呢個例子，只係大家着眼嘅地方唔一樣，有人係愛心，有人係老師嘅知識水平，我睇嘅點係後者。

我唔係教Band 1架，我啲學生都好想老師提升到佢哋嘅水平，佢哋好想做得好架，佢哋識得分邊個老師係錫佢哋，但事實提升唔到佢哋架。我只係覺得，咁嘅情況係好對唔住啲學生，如果身為家長，係咪接受到咁嘅情況呢？

各抒己見，理性討論。

私人傳訊

小小郭夫人

伯爵府

積分: 15464

好媽媽勳章

92^#

發表於 16-5-25 12:39 |只看該作者

維仔媽媽發表於 16-5-25 10:33
如果你真系一位老師,或者你的學術水平高,但作為一個家長的我,老師是傳道授業解惑者.身教都好重要.我有幸見 ...

你應該誤解左我嘅意思，你講嘅唔係我講嘅重點。

私人傳訊

lafemme

大宅

積分: 2739

91^#

發表於 16-5-25 11:10 |只看該作者

其實，係咪好多人都覺得每個學生都有能力讀到書同需要讀到書架呢?
我曾經都係一位老師，拎住first hon 同主修科A,B咁教書，主要教band 1c學校。我頭一年真係要tune down 自己好多好多先可以令學生跟到我。到我tune down 完，係可以教到有4分1同學拎A。不過，呢個過程都有好幾年，仲要睇學生配唔配合。
睇番我自己既同學，拎唔到first Hon, 主修科都係average成績，會考都係14分左右，有啲係重讀先有呢個分，但佢地教得好好。我講好唔係因為佢地教到好多拎A既學生，而係佢地真係教到學生做人。佢地主要教band 3學校，每日勞心勞力，同學生鬥智鬥力。講真，我真心好佩服佢地，我呢款老師真係做唔到。
其實唔同既學生需要唔同既老師，我個人認為唔係每個學生都係要一個學科知識充足既老師，尤其係band 3既學生，佢地反而需要一個教到佢地搵人生目標，唔好放棄，做個有承擔既人既師長，呢位7分老師自己衰過經歷過，正正幫到呢批同學。我呢啲讀書好，但人生經驗相對貧乏既老師係比唔上既。
同埋，如果你子女係係band 1,2學校，跟本唔需要擔心會遇到有幾多個7分老師，呢類學校請人有番咁上下要求的，加上近年教職難求，請得既人，學科知識唔會差，但教學技巧就要睇番個老師本身啦。

私人傳訊

維仔媽媽

珍珠宮

積分: 36630

畀面勳章

90^#

發表於 16-5-25 10:33 |只看該作者

小小郭夫人發表於 16-4-25 20:51
會考7分，你期望佢喺學術上教到咩比學生？如果只係需要關心輔導學生，咁點解唔去做社工？

我都係老師，我 ...

如果你真系一位老師,或者你的學術水平高,但作為一個家長的我,老師是傳道授業解惑者.身教都好重要.我有幸見過幾位老師.有一位同樓主提到的會考7分的老師好類似.但他對我仔影響最深,因為在呢位老師身上學到一樣野只要肯努力就有成功的機會.恰巧有位老師學術水平高,但無愛心.只偏愛幾個佢認為乖的學生.學生好多種,老師都需要好多種.如果會考7分的老師無相應的資格,學校點會請佢.如果你真系一位老師,無理由這樣顯淺的道理都不明白.

私人傳訊

fsforth

伯爵府

積分: 18036

畀面勳章 BK Milk勳章

89^#

發表於 16-5-25 10:11 |只看該作者

jaymeetsepm 發表於 16-4-25 20:09
其實有d中學老師由細到大都咁高分，又話乜名校大學出黎，條路咁順都無乜人生經歷，但這個會考七分既中學老 ...

呢類老師先了解學生需要，高材生很難明白成績差的同學心態。

我有朋友中學時有 ADHD, 很多老師都覺得她無得救，現在，她職業是英文老師，專門教有ADHD 的小朋友。

私人傳訊

blinkgogo

男爵府

積分: 9780

88^#

發表於 16-5-25 09:49 |只看該作者

simon123qq 發表於 16-5-25 00:55
吓甘點解會教到書

考個diploma或者I Ed畢業就有資格教書
呢啲收生要求都唔高
成績好嗰啲去哂讀醫、BBA

私人傳訊

rean_chau

公爵府

積分: 28589

87^#

發表於 16-5-25 09:08 |只看該作者

babyangie 發表於 16-5-25 00:23
認同
有d人你見佢好努力讀書，考幾次公開試，但成績都好差
但呢個老師細個時家庭環境唔好，成家欠債，個屋 ...

根基既野有商榷... 我有朋友會考5分, 重讀攞23分, 能力係好夠, 不過佢自己都話根基差係事實, 即使日後點讀, 講理論或者應用好叻, 但字詞既運用有時都覺得自己力有不逮.

呢類老師有幾個做下榜樣, 鼓勵同學係幾好, 不過坦白, 都真係唔好咁多, 雖則話讀得另未必教得叻, 同樣, 讀唔叻就唔一定教得叻...