大仔大女媽媽會 今日: 0 | 主題: 177860

積分: 339

1^#

發表於 08-10-12 11:33 |只看該作者 |正序瀏覽 |打印

前幾日(13WK2D)，搭地鐵有位小姐讓座俾我呢，我果日完全冇做過摸肚既動作，都有人讓座，係我呢世人既第一次，D感覺好得意好實在呢！好似發夢醒左發現自己真係有左咁，我就快要做媽媽喇哈哈哈！:) 可能因為我本身唔肥，個肚感覺上已經好突出喇，平時去開買野果間7-11既姐姐都突然問我而家幾多個月，係公開自己有左BB之後好確實有人見到我有左BB哈哈哈！

0 0 0

私人傳訊

boatang

積分: 816

30^#

發表於 08-11-9 01:30 |只看該作者

我個肚都唔算好大, 可能我著件大肚婆衫啦, 肚仔又有少少隆起, 果日搭西鐵番工, 有個好心的女子, 佢讓位俾我坐呢, 真係好感動, 我朝朝搭西鐵, 地鐵咁耐, d 人都會好自私架. 唔會隨便讓坐囉.有d 女人個肚仲大過我, 都要企成45mins 架.都幾慘.

我都覺得我地有位坐感覺安全好多, 有時平常人係繁忙時間都會企唔穩啦. 猶其係大肚婆, 有位坐真係差好遠架.
希望真係會多d 好心人啦~

Born       3.185kg    5 Months  7 kg
1 Month 4.21kg    6 Months 7.87kg
2 Months  5.24kg    12Months 9.4kg
4 Months  6.93kg    13Months 9.6kg

私人傳訊

yyyokehk

積分: 1677

29^#

發表於 08-11-7 23:47 |只看該作者

我未大肚時見到大肚婆有時會讓坐，有時太攰都無讓到！

不過，自我有bb後，我知道我地要坐唔一定係企會辛苦，而係坐低安全感大好多！

所以，我迫我老公，見到大肚婆一定要讓，我生完後都一定會讓！

原文章由 hellolobaby 於 08-11-7 23:26 發表
我個肚大大個都冇人讓座啦,試過抱埋大b都冇人讓座呀~~~

私人傳訊

hellolobaby

積分: 1537

28^#

發表於 08-11-7 23:26 |只看該作者

我個肚大大個都冇人讓座啦,試過抱埋大b都冇人讓座呀~~~

私人傳訊

chole16

男爵府

積分: 6448

27^#

發表於 08-11-7 11:37 |只看該作者

暫時我都係未試過比人讓座嘅..

之前睇本雜誌話, 統計過有7成幾人話自己會讓座, 但係又統計過只有3成幾孕婦試過有人讓座比佢, 有1成幾孕婦話咁耐都無人讓過座. 果7成幾人話會讓座嘅人去晒邊?

私人傳訊

bobg

積分: 790

26^#

發表於 08-11-7 09:28 |只看該作者

尋晚坐巴士終於第一次有人讓座俾我! 好開心, 好實在咁感覺到自己係大肚呀~~ 讓位係一個中年的叔叔, 睇個樣係似做地盤或裝修果d. 我好多謝佢呀!

聽朋友講, 著晒西裝或者後生仔成日會扮睇你唔到, 反而d望落去唔係受過高等教育的叔叔或者菲傭先會讓座!!

私人傳訊

wywlee

積分: 584

25^#

發表於 08-10-29 10:54 |只看該作者

o尋日放工, 在鰂漁涌上地鐵, 勁多人. 好彩有個好心o既哥哥仔讓坐比我咋!

私人傳訊

FunnyBean

積分: 1726

好媽媽勳章

24^#

發表於 08-10-27 15:36 |只看該作者

我都試過一次搭地鐵, 嗰時都係有左兩個幾月, 人又多, 又冇位坐...點知企企下開始標冷汗同暈...好彩有人落車, 我9秒9就坐低...諗住好D...但到自己落車嘔左兩次先覺得舒服D, 宜家寧願坐巴士都唔搭地鐵

私人傳訊

purplebb1016

積分: 339

23^#

發表於 08-10-27 13:57 |只看該作者

係呀，有時真係好需要坐低架! 好似我今朝返工搭地鐵冇位坐，雖然唔係太迫人，不過企左咁耐之後，去到灣仔出站時覺得好頭暈，灣仔站又多樓梯，好驚真係暈倒整親bb (touch wood!)，用螞蟻既速度行左返公司，到而家都仲頭暈暈呢… *o*

原文章由 chole16 於 08-10-27 09:50 發表
以前搭地鐵, 有位唔一定會坐, 但係宜家, 有位點都會去坐囉, 話晒宜家係"有需要人仕"呀嗎, 有位坐好應該架...

私人傳訊

chole16

男爵府

積分: 6448

22^#

發表於 08-10-27 09:50 |只看該作者

宜家真係有D怕搭地鐵.. 話說星期六我要由調景嶺站搭到去葵芳. 去到太子轉車, 都預咗無位坐架啦. 我咁啱企正响一排位嘅第二個位. 隔三個位有個妹妹(我諗10歲左右啦), 剛剛讓咗個坐位比佢同行嘅AUNTIE, 之後自己就坐咗隔離,亞媽嘅大脾上. 到咗深水步站,我正正前面個女人落車, 我都未行出半步去坐, 個妹妹好快速咁由佢媽個位, 企响身, 大步跨過我想坐果個位同佢媽個位中間果個男人, 坐咗落我想坐個位度. 亞妹妹當然腳步快我好多啦.. 咁無計.. 佢都坐咗囉.. 我咪只好摸住個肚, 繼續企返响原位囉.. 佢亞媽都見到我摸住個肚, 我咪啤一啤佢行開囉...

以前搭地鐵, 有位唔一定會坐, 但係宜家, 有位點都會去坐囉, 話晒宜家係"有需要人仕"呀嗎, 有位坐好應該架...

私人傳訊

積分: 1103

21^#

發表於 08-10-17 18:40 |只看該作者

回覆 #20 Dapp 的文章

嘩~佢地都係女人黎,唔知陀仔好辛苦架咩,真係過份呀

私人傳訊

Dapp

民房

積分: 123

20^#

發表於 08-10-17 17:47 |只看該作者

回覆 #1 hey930 的文章

你哋就好啦！我上胎只有共3-4個人讓位比我,搭mtr個個採我都粒粒呀！唔係咋瞓就講電話,d後生例必同我爭位,因為要打机！

搭巴士有人讓嘅chance大好多。有次有個婆婆讓我,我真係唔好意思！

重記得有一次刻骨銘心的痛苦經歴: 當時我有咗4個月左右,雖然肚唔大,但都見到肚!(我身子弱,上次嘔到生)一上車,走入車廂中間,希望有位坐,因為我要生到尾站。點知有個"八婆"係隔離,佢係同一個朋友傾計。有位啦,佢係我前面zip'位,讓比佢個friend坐。之後,又有位,佢叫同car嘅朋友過嚟坐。(原來仲有friend!)每有一個位,佢就zip係我同坐位中間,這次zip左,那次zip右。我好驚佢撞倒我BB！後來,佢又zip住個位,大叫隔離車廂的2個friends過嚟坐。我忍唔住鬧佢,"你小心撞到我呀，zip左zip右",一邊初'住個肚。一排六個位，比佢同佢d朋友坐哂！終於，最後果個坐我終於坐到。一坐低,即刻要攞個袋出嚟嘔！

之後,打比我老公,大大聲咁講,

d人真係冇陰公，大肚婆唔讓位,仲要同我爭,爭哂比佢d friend坐！

(我仲angry到而家!!!)

私人傳訊

積分: 1103

19^#

發表於 08-10-17 11:25 |只看該作者

原文章由 root 於 08-10-15 02:40 PM 發表

你一定係“秀色可餐”！

而家我地個個媽媽個胸都大左,個個都咁“秀色可餐”！

私人傳訊

李露媚

積分: 3584

18^#

發表於 08-10-16 19:09 |只看該作者

嗚...話晒我孖b個肚都比較大, 但到而家都無人讓座比我呀…
我日日都坐mtr返工, 我都企o係坐位前面, 好多後生仔都有見到我個肚, 但都當無事發生一樣…

私人傳訊

root

積分: 337

17^#

發表於 08-10-15 14:40 |只看該作者

原文章由 hey930 於 08-10-15 12:47 發表

講開嘔,我前日照完oscar,排隊等車果陣嘔,嘔完老公幫我去掉左袋野去,後面果個阿叔就扮晒野,見我老公行開去掉垃圾,佢就即時行前幾步想挨係我度,好彩岩岩老公返黎,見到個情況,鬧到佢9彩,d人真係好無品,大肚婆都想博懵 ...

你一定係“秀色可餐”！

私人傳訊

積分: 1103

16^#

發表於 08-10-15 12:47 |只看該作者

原文章由 yyyokehk 於 08-10-13 10:44 PM 發表
咁我算好好彩啦！因為我遇到過4-5次有人讓位比我座啦……不過，都係有原因架……

因為我嘔得比較利害，所以隨身帶定膠袋、紙巾，又因為我唔夠瞓會頭痛頭暈，有人見到我拎住個嘔吐袋，又搽白花油，(嘻嘻，間唔中我會同bb傾計，叫佢乖，因 ...

講開嘔,我前日照完oscar,排隊等車果陣嘔,嘔完老公幫我去掉左袋野去,後面果個阿叔就扮晒野,見我老公行開去掉垃圾,佢就即時行前幾步想挨係我度,好彩岩岩老公返黎,見到個情況,鬧到佢9彩,d人真係好無品,大肚婆都想博懵

私人傳訊

積分: 1103

15^#

發表於 08-10-15 12:43 |只看該作者

原文章由 mikitten 於 08-10-13 02:00 PM 發表

係呀，我都係住元朗，領教過好多次，特別係去天水圍果架車，D人驚死冇位坐，見我推住BB車都照衝入o黎，話知你咁多。

係呀,架車未開門d人已經好似搶閘咁,反而去屯門果幾架車個情況好d

私人傳訊

yyyokehk

積分: 1677

14^#

發表於 08-10-13 22:44 |只看該作者

咁我算好好彩啦！因為我遇到過4-5次有人讓位比我座啦……不過，都係有原因架……

因為我嘔得比較利害，所以隨身帶定膠袋、紙巾，又因為我唔夠瞓會頭痛頭暈，有人見到我拎住個嘔吐袋，又搽白花油，(嘻嘻，間唔中我會同bb傾計，叫佢乖，因為我留工搭車要成7-8個字，所以，我成日會用手按住bb，叫佢乖，唔係專登架，我就算係公司、屋企都成日同bb傾計架……)，哈哈……咁就，其實香港都有好多好心人既……

尢其當我係車箱嘔得出的時候，仲有人爭住讓位添……係到，多謝每一個體諒我地的人，雪中送炭……祝願佢地身心安康…

原文章由 purplebb1016 於 08-10-13 17:22 發表
哈哈哈我諗到wywlee故事入面兩個師奶既表情…好在佢地最後都肯讓俾妳嫲嫲坐，都算有良心架喇。

不過大家要小心d橫衝直撞既人呀，情願唔坐都唔好俾佢地撞親呢！ ...

私人傳訊

purplebb1016

積分: 339

13^#

發表於 08-10-13 17:22 |只看該作者

哈哈哈我諗到wywlee故事入面兩個師奶既表情…好在佢地最後都肯讓俾妳嫲嫲坐，都算有良心架喇。

不過大家要小心d橫衝直撞既人呀，情願唔坐都唔好俾佢地撞親呢！

私人傳訊

wywlee