嬰兒用品 今日: 0 | 主題: 93250

積分: 331

1^#

發表於 08-10-12 20:04 |只看該作者 |正序瀏覽 |打印

真係開心, 近日見到有好多孖B出世了! 我都知道大家都因為湊孖B們而忙過不停, 而且當中一定有D事情會令你辛苦, 又會令你開心的, 大家不妨係道舒發一下自己既經驗及感受YA, 等我地呢D新手媽咪可以參考一下嗎!

(1) 請提供你既生產過程 (係自然生定係開刀生) (係邊間醫院生) (有無驚險鏡頭或者係令你好感動既一刻)

(2) 產後進補及修身資料 (你係用自家方法 / 陪月) (自然 / 開刀餐單) (修身運動好介紹)

(3) 餵人奶定奶粉 (餵人奶既難度) (餵食邊款牌子奶粉) (BB們一日食幾餐, 又要唔要分開佢地既食奶時間呢?)

(4) 孖B既睡眠方法 (同一張BB床 / 分開BB床 / 與大人同睡?)

(5) 孖B車好介紹 ( 咩牌子同咩時候用好, 用單人車再加揹帶出街又會唔會方便D?)

(6) 難忘事 (平時既辛苦事以及心甜事盡記錄!)

(7) 孖B學習程度既差異? ( 男女有別就算同性都可能有學習上既差異, 你地又有無好既方法令佢地學習進度一致呢?)

(8) 情勢控制 (孖B們既情勢係咪真係好易受另一個影響嫁? 你又會唔會好難控制佢地呢?)

歡迎各位媽咪留下你地寶貴既經驗, 等大家可以分享得到你的苦與樂! 如以上既8個要點都未能滿足你既需要, 你大可自由發揮, 寫下你想表達既事情! 如果可以POST埋你對孖B相片出來仲好呀! 多謝你地各位偉大既媽咪留下寶貴既經驗給大家! 無盡感激!!!

0 0 0

私人傳訊

SAMMICHOI1002

大宅

積分: 2389

34^#

發表於 09-2-21 10:38 |只看該作者

係咁就好啦!!
因為我本身巳經有個囡囡, 我想係囝囝出世先, 再黎係細囡, 咁啱囝囝係在下面近子宮, yeah!!!!

原帖由 老闆娘 於 09-2-21 01:17 發表
答案同SJ_031005一樣, 我都係囡出黎先(雖然我勁想生囝先, 不過都唔可以改變佢地出世既先後)

私人傳訊

積分: 331

33^#

發表於 09-2-21 01:17 |只看該作者

答案同SJ_031005一樣, 我都係囡出黎先(雖然我勁想生囝先, 不過都唔可以改變佢地出世既先後)

原帖由 SAMMICHOI1002 於 09-2-18 17:31 發表
老闆娘

我都係陀龍鳯胎架, 想請教下你
醫生係咪隨意拎到邊個B就邊個B出黎先架?
咁你係囝囝定囡囡先出世?

私人傳訊

積分: 2129

32^#

發表於 09-2-20 17:00 |只看該作者

提示: 作者被禁止或刪除內容自動屏蔽

私人傳訊

SAMMICHOI1002

大宅

積分: 2389

31^#

發表於 09-2-18 17:31 |只看該作者

老闆娘

我都係陀龍鳯胎架, 想請教下你
醫生係咪隨意拎到邊個B就邊個B出黎先架?
咁你係囝囝定囡囡先出世?

私人傳訊

積分: 2129

30^#

發表於 09-2-15 00:22 |只看該作者

提示: 作者被禁止或刪除內容自動屏蔽

私人傳訊

積分: 2129

29^#

發表於 09-2-15 00:15 |只看該作者

提示: 作者被禁止或刪除內容自動屏蔽

私人傳訊

kk2008

子爵府

積分: 13169

好媽媽勳章

28^#

發表於 09-2-14 11:52 |只看該作者

幾時發現有妊娠毒血呢? 會有咩徵狀呢?

原帖由 sj_031005 於 09-2-14 11:43 發表
多謝你俾機會我再次回味那美好的記憶

(1) 請提供你既生產過程 (係自然生定係開刀生) (係邊間醫院生) (有無驚險鏡頭或者係令你好感動既一刻)
我係2008年7月係威記開刀生下一對龍鳳胎,35weeks5days, 係因為妊娠毒血 ...

私人傳訊

積分: 2129

27^#

發表於 09-2-14 11:43 |只看該作者

提示: 作者被禁止或刪除內容自動屏蔽

私人傳訊

積分: 331

26^#

發表於 09-2-13 19:52 |只看該作者

我都騐咗好耐好耐先決定開刀的!
原因: 因為順產生孖B, 有好多不能遇見既情況會有機會出現的!
eg:
(1) 生完大孖之後, 細孖會唔會走位? 如轉到打橫既話, 醫生就有需要伸隻手入去試下可唔可以效正細孖既位置再生出來. (這是醫生同我講過既風險之一), 如果轉唔到位既話就可能由pat pat出先(好大機會爆會陰至到大便處, 唔好處就係將來好易失禁)或者要做緊急開刀, 到時肚有傷口, 下陰又有傷口, 雙重傷呀! (緊急開刀仲較易出問題, 如:細菌感染! 我住院果日就係咁岩遇到個緊急開刀而受感染既院友啦, 佢生咗之後仲要住咗係醫院成廿幾日先出得院, 攪到佢無得照顧BB仲要掉鹽水多日, 好慘!!!)
(2) 細孖會唔會焗親? 呢樣好重要的, 因為你要對佢一世.(3) 護士都建議有得選開刀好過順產生"孖B", 風險比較低!
(4) 順產有機會要使用產PUMP/產鉗幫BB生產出來, 咁會好易攪到BB做頭仔變形(不過短暫性的)
(5) 個人意見, 我開刀最辛苦都係頭3-4日, 之後就好好多, SO 我會為咗BB們既安全著想先, 所以決定開刀, 情願自己受一刀, 好過BB們有咩事咁就一世啦!
ANYWAY 最終你都係同你家人相量好, 以免將來有咩事會後悔咁就唔好啦!

*醫生只會比你有選擇, 但佢一定唔會話比你知邊種方法好D, 佢地只會講有咩風險, 所以用咩方法都係你地自己決定的.

PS: 當然開刀都有開刀既風險, 好似我咁都有失血過多既情況出現, 不過好快就無事, 你地兩口子一定要清楚開刀同順產有咩好處同唔好處先做出決定, 有咩都要一起分擔責任嗎!!!

祝你對BBs健健康康, 平平安安出世! 加油呀!!!

原帖由 kasaerz 於 09-2-12 23:02 發表
老闆娘，請教下，當時e生係點建議你順產的？因為我情況同你當時好似，都係瑪麗生，都有條件順產，而且e生好支持我順產添。

其實我係比較想開刀的，但而家似乎屋企人因為e生說話都想我順產多d，好唔開心。你當時係選擇開刀有冇更多d ...

私人傳訊

kasaerz

洋房

積分: 64

25^#

發表於 09-2-12 23:02 |只看該作者

老闆娘，請教下，當時e生係點建議你順產的？因為我情況同你當時好似，都係瑪麗生，都有條件順產，而且e生好支持我順產添。

其實我係比較想開刀的，但而家似乎屋企人因為e生說話都想我順產多d，好唔開心。你當時係選擇開刀有冇更多d好理由，令我可以說服屋企人嗎？

私人傳訊

積分: 331

24^#

發表於 09-1-18 22:07 |只看該作者

hello 各位媽媽 / 準媽媽,

(1) 請提供你既生產過程 (係自然生定係開刀生) (係邊間醫院生) (有無驚險鏡頭或者係令你好感動既一刻)
我係2008年12月23日已經順利生咗龍鳳B出來啦!
本來我想選擇順產生孖B的, 因為2個小B都係頭仔向下的, 而且我一路都馱得好好, 無什麼特別既不良反應, BB們又生長得好好添, 所以醫生都有建議我順產的, 但想到生之前的一天, 最終我都係選擇咗開刀生孖B了, 係因為聽聞護士講, 開刀風險比較低少少, 因為順產有D不能遇見的情況可能出現, 而且佢地亦見過有D生孖B既媽咪, 佢地生第2個小B既時候, 如果係PAT PAT出先既話, 就算媽媽剪咗會陰都可能會爆下陰到PAT PAT的, 所以為安全起見, 有得選當然選開刀好D. (好多生一個想開刀既都無得選呀!)

(2) 產後進補及修身資料 (你係用自家方法 / 陪月) (自然 / 開刀餐單) (修身運動好介紹)
產後唔好食牛肉, 薑, 魚湯等等. 我無請陪月, 自己湊孖B, 不過會幾辛苦, 尤其係要餵夜奶既時候, 直至而家我都唔係好夠瞓. 而我修身方法就係用腰封COOL肚.

(3) 餵人奶定奶粉 (餵人奶既難度) (餵食邊款牌子奶粉) (BB們一日食幾餐, 又要唔要分開佢地既食奶時間呢?)
孖B而家飲緊日本雪印奶粉, 2個都大得好快, 正! 我成個人都安落哂! (本來都想餵人奶既, 不過原來真係好難, 因為起初又未上奶, BB成日都唔夠飽, 又要補奶粉, 而且我又唔夠瞓, 直到現在我都未曾有谷奶既情況出現過, 所以最終都放棄咗餵人奶LU!)不過佢地一日飲8-10餐, 3日就一桶奶粉(900G), 真係飲奶粉都飲窮我地啦! 哈哈!

(4) 孖B既睡眠方法 (同一張BB床 / 分開BB床 / 與大人同睡?)
而家孖B瞓同一張網床, 方便我地照顧孖B.

(5) 孖B車好介紹 ( 咩牌子同咩時候用好, 用單人車再加揹帶出街又會唔會方便D?)
孖B用2架單人車, 其實都係人地送既, 所以暫時用住先.

(6) 難忘事 (平時既辛苦事以及心甜事盡記錄!)
開刀後最辛苦既係頭3-4日, 傷口好痛, 不過醫院開咗D止痛藥比你就最好食下, 真係好止痛架!

(7) 孖B學習程度既差異? ( 男女有別就算同性都可能有學習上既差異, 你地又有無好既方法令佢地學習進度一致呢?)
暫時未知. 不過一個乖時, 另一個就洩, 真係比佢地玩謝!

(8) 情勢控制 (孖B們既情勢係咪真係好易受另一個影響嫁? 你又會唔會好難控制佢地呢?)
我就有少少失控, 當要餵夜奶時, 因為成日都唔夠瞓, 個人超燥!

part II 問題:
(1) 有無D野買咗之後先發覺無咩用? eg: 睡袋, 車, 揹帶, 玩具, 音樂cd.......
奶樽真係要小心D選擇, 唔好一次就買好多, 因為未必合BB用.

(2) 你地都係開刀生產, 請問個傷口幾時會埋口呀? 有無d野係生之後頭幾個月唔食得&唔做得呢? 生完BB之後身體係咪真係會差咗呢?
大約2-3個星期後就RECOVER到!

(3) 點解你地都可以咁利害, 孖B們都係足月足磅出世嫁?
我既囡囡出世時重6磅3, 而囝囝有成6磅6. SO FAR 2個都好健康, 係囡囡出世之後有少少黃, 照咗一日燈!

(4) 你地係咪大都自己湊番對B? 其他野又由邊個做呀? 是否有請工人既必要?
我自己湊孖B的, 都OK既, 不過真係有D辛苦, 尤其要捱眼瞓既時候!

(5) 有無特別既東西要準備比孖B既呢? 係咪咩都要買雙份以免佢地打架?
我地盡量咩都會買2份既, 不過佢地未識要求, 唔知大個咗之後會點呢?

[ 本帖最後由老闆娘於 09-1-19 12:19 編輯 ]

私人傳訊

GAT

男爵府

積分: 5617

親子達人勳章

23^#

發表於 09-1-3 23:51 |只看該作者

One of the most joyful things is when we go out, every one will look at the twins with lots of happiness. The babies are like movie stars - everywhere all people look at them & come tlak & play with them. me as the mother is so proud & happy about this.

another comment, my twins develop very differently. one is on the 25th & the other on the 90th of the chart. their character is two extreme also.

私人傳訊

積分: 331

22^#

發表於 08-12-1 00:26 |只看該作者

hi amps2b & yoe, 我想問下你對孖b係咪2個頭仔都轉哂下面, 你先決定順產呢? 其實你又建唔建議我順產生呢? 我而家34w對孖b頭仔都已經轉哂下面, 一個5.5lb, 另一個4.84lb, 醫生叫我36w返去產檢時再答佢想順產定開刀, 我而家都唔知點決定好, 真係好煩惱, 仲好無安全感添, 呢2日個肚下墜咗好多, 唔知係咪好快就要生呢, 我真係好緊張呀!!!

原文章由 amps2b 於 08-10-14 01:28 發表
(1) 請提供你既生產過程 (係自然生定係開刀生) (係邊間醫院生) (有無驚險鏡頭或者係令你好感動既一刻)
37W4D催生順產..威院..林生果陣有妊娠毒血症..到生完血壓都未降番正常..攪到要係產房觀察左三十幾個鐘..又冇得 ...

[ 本文章最後由老闆娘於 08-12-1 00:29 編輯 ]

私人傳訊

積分: 331

21^#

發表於 08-11-9 19:52 |只看該作者

有媽咪介紹我抹COLD CREAM, 我抹咗2日都OK, 而家無咁癢! 不過我就未問過醫生岩唔岩孕婦用添!
我係"萬O"買的($26一樽), 成份:白凡士林, 硬脂酸十六醇, 水溶性軟石蠟及聚西托醇1000. 不含皂鹼及香水成份, 能清潔及滋潤皮膚!

原文章由 Twins_mummy 於 08-11-6 11:21 發表
我大肚時個肚又係好痕架!我睇醫生時叫醫生開D藥膏比我,因為自己唔想亂搽野。

私人傳訊

Twins_mummy

別墅

積分: 920

20^#

發表於 08-11-6 11:21 |只看該作者

我大肚時個肚又係好痕架!我睇醫生時叫醫生開D藥膏比我,因為自己唔想亂搽野。

原文章由 老闆娘 於 08-11-5 15:36 發表
肚皮出咗紅疹之類既野, 痕到我瞓唔到呀, 你地有無方法可以改善呀!!!

私人傳訊

twinmum2006

積分: 226

19^#

發表於 08-11-6 00:34 |只看該作者

原文章由 老闆娘 於 08-11-5 15:36 發表
肚皮出咗紅疹之類既野, 痕到我瞓唔到呀, 你地有無方法可以改善呀!!!

金銀花+菊花煲水洗同敷....記住凍水及用盆仔....d水會令bathtub变黃!

太痕可用cinotec cream 0.005 % (Fluocinolone acetonide)...or 沖涼用 emulsifying ointment! 都會好少少....晚上医生亦有開鼻敏感藥比我等我好瞓d!

私人傳訊

積分: 331

18^#

發表於 08-11-5 15:36 |只看該作者

肚皮出咗紅疹之類既野, 痕到我瞓唔到呀, 你地有無方法可以改善呀!!!

私人傳訊