親子旅遊 今日: 0 | 主題: 161765

積分: 2096

1^#

發表於 16-4-28 19:29 |只看該作者 |正序瀏覽 |打印

我哋一行4個女仔於4月15号7.3级大地震前一日到達福岡，第一天駕了3小時由福岡去大分別府時，大家都懷著興奮既心情去享受這四天短暫之旅！當經過入熊本既路牌時，我們還説笑好在沒有安排去熊本jei... 因14号熊本已经有地震，但因別府到熊本都相差幾小時路程，心諗點都唔會震到過嚟掛!

好感恩到黃昏駕車去到公園時，只有一棵櫻花樹在我哋停車場旁，大家都覺得好好彩😊😊之后食了一顿很豐富既懷石料理，跟住仲去了Shopping 同浸温泉！之后大家很早就瞓，因为我知道明天又要揸車回福岡，所以一定要養足精神！

到了零晨1:30pm左右，我被强烈既搖晃震醒(大約維持咗10秒左右)，以下是同房A跟我(ME)既對話:

ME : 咩事呀！
A: 就嚟有大地震啦！(語氣是十分堅定而低沉)

回神過來，我比佢嚇到成個彈起身，直走到窗旁看看有什麼異樣，跟住我見冇咩動靜！我就問:

ME: 邊過話你知gar ！？
A: 我諗係咋！

跟住大家仲商量緊究竟去瞓定係去問吓咩情况既時侯，隔離房C & D 跟住就敲門！

C: 地震呀，快啲換衫落去睇吓咩事!

跟住我9秒9換好衫一齊走落去！

C 係最panic 同危機感最高，有少少over 咗那隻..

A 係最clam,慢條斯理那隻！

我(ME) 跟D 危機感應該在中间，又唔系唔驚，又唔係超级驚那隻...

酒店職員之后帶領我哋到街口shopping mall 既停車傷躲避，不過日本人真系好遵守秩序,在红綠燈位等過馬路時，酒店職員還叫我們等綠燈先好過馬路！！笑C

C 話:不如我哋快啲揸車走啦！
ME : 但宜家太黒，我又唔熟路，我冇信心喎！

跟住你一言，我一語，大家就決定等天亮回洒店收拾咗行李再走! 我哋在車上等候時，整晚聽到手機地震警報，仲有不斷餘震，真係有得震，冇得瞓！

终于等到天亮，我哋收拾好行李放上車，諗住用GPS mark 返原路返去。酒店職員先話比我聽昨天我們由福岡入大分既收費高速公路已關，如果一定要走，就要行小路，揸6小時回福岡！我心諗,JR新幹缐已因出軌而關閉，如果我唔揸車走而再有地震既話，大家就連走既機會都冇！雖然6小時對我來説真是極限，但為朋友，為家人，我一定要支持落去，大家—定會活著回家！

其實頭一個多小時既車程上山落山既車程真係死過翻生! C 坐車頭幫我望GPS 指示我行左右，而我就金精火眼咁望住條路，一秒都唔敢眨眼，因为實在太多地震後不平既地下，而及冇數過在山脈上尖銳和狹窄的髮夾彎，地下有很多裂縫, 跟頭一樣大既石頭在路中心及冇數既碎石，我一路揸，一路驚，感覺條山路好似永遠都揸不完咁！

终于揸到山脚，我停在便利店，我話我唔我得啦！我一定休息吓，飲杯coffee.... 之后我哋停吓，揸吓，由7點揸到下午4點先回到福岡！之后剩余既2天我哋都留在福岡Shopping 咋！

好多谢我3位好友一路陪住我唔瞓，一起走過這次又恐怖，又驚險既 \"走難 Shopping Fukuoka 之旅\" and thanks God we are all safe home...

相信這次經歷我哋會講一世，實在難忘! 雖然我哋4個女仔大家性格不同，表達不同，但大家都可以有商有量，互相接納大家意見，很難得！

其實plan 緊去既JM, 真系要諗清楚駛唔駛改地方，因為去到有咩事，真系有一種很無助既感覺！

0 0 0

私人傳訊

積分: 2096

49^#

發表於 16-5-2 15:49 |只看該作者

引用：Quote:ChuMom 發表於 16-5-1 22:18 你16号

原帖由 baby_112 於 16-05-01 發表
去到係大震個日，本來想取消個trip

plan 好晒，有時真系好難取消既！
回程時，坐在我旁邊既太太跟先生和親戚四人一起在九洲自駕遊，佢哋由8号已经在九洲一路玩，本來玩到24号先返香港，因为地震晚上佢哋在熊本附近, 聽佢講佢哋住酒店九樓，地震時成個\"dun\" 咗落地下！佢以为自己會死，之后跟我们一樣走難返福岡，用了差不多两萬先改到機票於18号走咋！

私人傳訊

baby_112

積分: 9317

48^#

發表於 16-5-1 22:23 |只看該作者

ChuMom 發表於 16-5-1 22:18
你16号先到福岡，應該冇咩，但新聞不停播住，熊本那面又断橋，又山泥倾瀉，真系好恐怖！

...

去到係大震個日，本來想取消個trip

私人傳訊

積分: 2096

47^#

發表於 16-5-1 22:18 |只看該作者

引用：Quote:ChuMom 發表於 16-5-1 00:56 當酒店

原帖由 baby_112 於 16-05-01 發表
我都16/4晚到福岡，所以我明白熊本大分叩府個幾日有幾嚴重

你16号先到福岡，應該冇咩，但新聞不停播住，熊本那面又断橋，又山泥倾瀉，真系好恐怖！

私人傳訊

Anka

水晶宮

積分: 59411

2025中秋節勳章父親節2025勳章 2024年龍年勳章睛靈勳章

46^#

發表於 16-5-1 12:05 |只看該作者

好驚險呀

你地好勇敢

私人傳訊

baby_112

積分: 9317

45^#

發表於 16-5-1 11:38 |只看該作者

ChuMom 發表於 16-5-1 00:56
當酒店職員話我哋地震前一天由福岡入大分既收費高速公路已關閉，如果要離開日本，一定返福岡先。大家商量過 ...

我都16/4晚到福岡，所以我明白熊本大分叩府個幾日有幾嚴重

私人傳訊

多啦A

積分: 4599

44^#

發表於 16-5-1 10:00 |只看該作者

ChuMom 發表於 16-4-30 19:54
回想返真係好好笑gar，我們後天仲約咗食飯！因為啲老公想聽我哋分享返呢幾個儍吓儍吓既呀太走難既過程！:ex ...

enjoy 需然驚險但你4人有忘不掉的回憶

私人傳訊

KI~

積分: 1670

43^#

發表於 16-5-1 01:18 |只看該作者

回覆：ChuMom 的帖子

好勁呀你

私人傳訊

積分: 2096

42^#

發表於 16-5-1 00:56 |只看該作者

引用：Quote:ChuMom 發表於 16-4-28 19:29 我哋一

原帖由 baby_112 於 16-05-01 發表
你好勇，其實個排揸車仲危險，會山泥傾瀉。好彩無事

當酒店職員話我哋地震前一天由福岡入大分既收費高速公路已關閉，如果要離開日本，一定返福岡先。大家商量過，一天光就要立刻走！因為再唔走，如果再有地震，大家到時真系走唔到！

你説得對，我哋揸那條山路在當日下午四時因山泥傾瀉而封閉咗！我哋都係返到福岡睇新聞至知！死神當日係跟我們擦身而過！

私人傳訊

baby_112

積分: 9317

41^#

發表於 16-5-1 00:17 |只看該作者

ChuMom 發表於 16-4-28 19:29
我哋一行4個女仔於4月15号7.3级大地震前一日到達福岡，第一天駕了3小時由福岡去大分別府時，大家都懷著興奮 ...

你好勇，其實個排揸車仲危險，會山泥傾瀉。好彩無事

私人傳訊

HHCCMama

積分: 3829

40^#

發表於 16-4-30 20:59 |只看該作者

回覆：ChuMom 的帖子

講成世《-----一定啦！

私人傳訊

積分: 2096

39^#

發表於 16-4-30 19:58 |只看該作者

引用：雖然真係好驚險，但人生出現左精彩值得回憶

原帖由 wumaggie 於 16-04-30 發表
雖然真係好驚險，但人生出現左精彩值得回憶嘅一頁，仲有3個同你經歷生死嘅朋友

...

我哋係大學同學，識咗好多年，今次變了生死之交，呢件事實講成世啦！

私人傳訊

積分: 2096

38^#

發表於 16-4-30 19:54 |只看該作者

引用：你好勁呀又驚險又好笑

原帖由 多啦A 於 16-04-30 發表
你好勁呀又驚險又好笑

回想返真係好好笑gar，我們後天仲約咗食飯！因為啲老公想聽我哋分享返呢幾個儍吓儍吓既呀太走難既過程！

私人傳訊

積分: 2096

37^#

發表於 16-4-30 19:49 |只看該作者

引用：患難之交！真係好難忘的經歴！！謝分享

原帖由 KK512 於 16-04-30 發表
患難之交！真係好難忘的經歴！！
謝分享

多謝你哋有睇，我分享完都有種釋放既感覺！

返咗香港頭一晚，我半夢半醒時聽到行雷，我嚇醒咗未回神以为又地震😂😅

地震後遺症☺

私人傳訊

積分: 2096

36^#

發表於 16-4-30 19:43 |只看該作者

引用：好叻可以一個人在一條崎嶇及有障礙的山路揸

原帖由 Pauline媽咪 於 16-04-30 發表
好叻

可以一個人在一條崎嶇及有障礙的山路揸車

係上山落山出大分那個幾鐘最恐怖，朋友C真系幫咗我好大忙！一落話比我聽左定右，是後經過有條分义路，去熊本方向條路完全封閉，跟住你會見到一架架在對頭開往熊本寫住\"災難派遣救援\",大家雖然冇點睇新聞，但你會feel到件事有幾危急同嚴重！
返到福岡那面真系冇咩事，但幫我extend 租車那個年青人都話地震當晚好驚，始终九洲那面幾十年都冇試過地震！
門師港我都想去！希望你一路平安，玩得開心啲呀！

私人傳訊

sivasiva

積分: 3879

35^#

發表於 16-4-30 17:32 |只看該作者

回覆：分享4月\\\"走難 Shopping 福岡之旅\\\"！

呢d經驗好難得

私人傳訊

Pauline媽咪

積分: 1632

34^#

發表於 16-4-30 17:24 |只看該作者

好叻

可以一個人在一條崎嶇及有障礙的山路揸車

下星期會去福岡,原打算去熊本,但好可惜冇得去,行程改去門司港

私人傳訊

多啦A

積分: 4599

33^#

發表於 16-4-30 16:04 |只看該作者

回覆：ChuMom 的帖子

你好勁呀

又驚險又好笑

私人傳訊

KK512

積分: 8236

32^#

發表於 16-4-30 14:55 |只看該作者

患難之交！真係好難忘的經歴！！
謝分享

私人傳訊