依家已經37週，經呢個私家醫生book 左浸會，打算順產，預產期2/6。
由無到有左一直睇呢個醫生，冇搵過其他醫生作比較，亦對佢有信心所以搵佢接生，
尋日如常產檢，到尾聲佢竟然好輕鬆同我講佢係我預產期2/6-4/6放假唔係香港。
我同先生當下無反應，亦比唔到反應，根本諗唔到點反應。只係聽醫生講，如果我係呢段時間生，就會係佢搵代替既醫生幫我接生
我只係好蠢咁問左一句：咁醫生收費同你一樣？醫生答：係。我問佢：請問係邊位醫生？醫生答：我仲搵緊，不過應該多數都係高醫生。
跟住我已經冇再問問題，佢竟然可以答我：高醫生！係當我睇好多個醫生，會知道你一講高醫生我就知係邊位？
我同先生都係離開診所先愈諗愈嬲，我自己唔開心左成日，覺得自己好蠢，點解當下唔比反應！亦覺得無助，唔明點解一個醫生唔係第一日知我預產期係幾時，都可以輕鬆拋下一句去放假？
請問我可以點？我現有想法係，下星期再去產檢就同醫生講，如果早過預產期就照常搵佢，但如果真係2-4號期間出世，我唔希望用佢代替既醫生，我情願搵番浸會駐院醫生。
咁可以嗎？因為唔知道經佢地在浸會留位，如果到時轉浸會駐院醫生，收費會唔會好唔同還是無分別？因為朋友話一定要由醫生同醫院講。
希望大家比啲意見
發表於 
(由粉嶺去邊都遠*)
返回列表
