吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我咁做係咪好過份呢？

夫婦情感今日: 9|主題: 42771

收藏本版

發帖

返回列表

跳至頁

查看: 3970 | 回覆: 34

我咁做係咪好過份呢？ [複製鏈接]

cherry1498

大宅

積分: 3008

1^#

發表於 08-10-16 12:11 |只看該作者 |正序瀏覽 |打印

昨晚上媽咪到食飯…番到去…見到細佬同佢女朋右嘈交…冷戰中…講下我細佬同個女仔既背景先啦…我細佬就廿歲…個女仔十六七啦…兩個都係讀唔成書…讀到中二三到…又唔出去做野…係兩個都冇做野…靠我爸爸媽媽俾錢…唉…但佢兩個都唔生性，個女仔又好貪玩…晚晚都要出夜街，一出就兩個都第二朝先番…四五點既時候…總會嘈醒我熟睡中既父母…講番入正題…就係昨晚，細佬食完飯就去左睇醫生，因為感冒…個女仔就冇跟去…個女仔見我細佬出左去…就執野走…話要離開冷靜幾日…我同我爸爸都覺得時機到啦…係時候要同細佬傾下…我等細佬番黎，同佢講左一輪入到我地既正題…我同佢講…屋企唔容許你地再咁落去…呢到係一個家唔係一個酒店！唔係你話黎就黎，走就走…我地唔會阻止你地交往，但首要你(指細佬)搵到野做，先准佢番黎住……

我終於講左出口…我唔知咁樣係咪好過份…我成晚都UP住UP住…我只係覺得細佬再咁落去真係會害死佢同個女仔…

[ 本文章最後由 cherry1498 於 08-10-16 18:20 編輯 ]

0 0 0

私人傳訊

cherry1498

大宅

積分: 3008

35^#

發表於 08-10-17 08:41 |只看該作者

原文章由 hk430 於 08-10-17 01:38 發表
我都睇唔到你咁做有乜唔岩~
不過你最緊要既係同你父母傾掂數先!
因為你始終唔係日日係屋企,
到時今日你唔俾個女仔返黎
聽日你返左自己屋企,
你父母又俾個女仔返,到時你就真係做左醜人之餘
個女仔都會對你有敵意!
如 ...

我DAD原本係我面前就講到好絕…但做呢…又係令一回事…亦都因為咁我先想我自己同細佬傾，至於個女仔我唔會直接同佢我有D乜野不滿，始終佢未入門，我冇權亦冇資格話佢！…都係個句…我唔會強逼細佬唔俾個女仔番黎(咁做令細佬反感仲搞到大家面阻阻)…我只會同佢講…我地唔接受佢地再咁落去…俾佢黎住冇問題，只要佢2個去搵野做/讀書！

私人傳訊

cherry1498

大宅

積分: 3008

34^#

發表於 08-10-17 08:36 |只看該作者

原文章由 小寶貝兒 於 08-10-17 01:26 發表
我細佬20歲前都唔多生性, 佢入到IVE, 讀左半年又話果科唔岩佢, 結果SIDE左一年時間再去考AL, 讀左果半年又SIDE左(時間及金錢), 之前又係唔嗲唔吊咁, 叫佢溫書好似要左佢條命咁, 個個話都唔聽!

好彩, 真係好彩, 佢越 ...

如果我屋企有個咁既人就好LOR~唔駛我做衰人嘛

私人傳訊

cherry1498

大宅

積分: 3008

33^#

發表於 08-10-17 08:33 |只看該作者

原文章由 kary512 於 08-10-17 00:08 發表
我就覺得你既出發點係無錯~~錯就錯於你既身份~點解你爸媽自己唔出聲要你出聲呢?咁樣只會你做左衰人囉~~!同埋呢件事始終都係你細佬既問題~你就唔好拉埋人地落水~講真~個女仔咁細個...你指望佢可以做得o的咩野?同埋講 ...

我都明白…但如果係我DAD直接同細佬講…佢地就傾唔埋…跟住嘈2個一傾計就嘈交…衰人我唔介意做呀…反正由我決定講個刻都預左…只係到真係講左有D心UP…覺得唔好受…講出黎令自己舒服D同埋想睇下唔同意見…我咁做係咪真係唔太合適…至於個女仔…我唔會直接同佢講…因為佢唔係我邊個，由我出口話佢始終唔係咁好…如果我係個女仔都都會覺得…我細佬都未出聲…我呢個外人出咩聲話佢呢…我後生過我都明白，所以我只會同我細佬單方面講…始終呢D係佢2個人既事…平時一到星期六日都一齊飲茶行街食飯等等…我自己都有姑9姑仔…唔想話俾咩說話佢聽…

私人傳訊

cherry1498

大宅

積分: 3008

32^#

發表於 08-10-17 08:11 |只看該作者

琴日同細佬傾…其實都唔可以話係傾…一直係我講…佢都冇出聲…一番到去，佢問我DAD做咩？又話今晚番去會講D好難聽既說話…我同佢講…我琴日同你講既都係你DAD既意思…佢都唔希望個女仔留係到…
我外家一直既鐘樓底柱都係我媽咪既收入…我爸爸只係做一個校工…搵得幾多丫…我同細佬講…媽咪以前中過風…你覺得佢仲可以捱到幾時？佢地唔望你可以養佢…只係搞得掂自己就得啦…因為由始至終，我冇同個女仔直接講d hurt佢既野…我唔知細佬會唔會同佢講番啦…我同細佬講…dad & mum已經講到出口唔鐘意你地咁樣落去…男既讀到F.2…女既F.3都未讀完…你有冇諗過而家同佢一齊係害緊佢呢…第時2老雙腳一伸…咁你到時點算呀？你覺得你唔做野我會唔會好似你DAD & MUM咁照顧你俾錢你丫？等等…最後同佢講…既然個女仔而家話要離開冷靜下，你咪由佢LOR~當俾個機會自己俾個機會人…佢要番黎我地就唔係好接受…你咁大個人，你要點做冇人阻到你…你要咁樣攬住個女仔過世我地都冇辦法…你自己係識諗就唔好再要媽咪咁辛苦…養你仲要幫你養埋人地個女…

私人傳訊

hk430

男爵府

積分: 7289

31^#

發表於 08-10-17 01:38 |只看該作者

我都睇唔到你咁做有乜唔岩~
不過你最緊要既係同你父母傾掂數先!
因為你始終唔係日日係屋企,
到時今日你唔俾個女仔返黎
聽日你返左自己屋企,
你父母又俾個女仔返,到時你就真係做左醜人之餘
個女仔都會對你有敵意!
如果你父母都堅持唔俾個女仔返黎,
咁就好好多~
成件事唔同晒!

[ 本文章最後由 hk430 於 08-10-17 01:40 編輯 ]

私人傳訊

小寶貝兒

珍珠宮

積分: 30295

30^#

發表於 08-10-17 01:26 |只看該作者

我細佬20歲前都唔多生性, 佢入到IVE, 讀左半年又話果科唔岩佢, 結果SIDE左一年時間再去考AL, 讀左果半年又SIDE左(時間及金錢), 之前又係唔嗲唔吊咁, 叫佢溫書好似要左佢條命咁, 個個話都唔聽!

好彩, 真係好彩, 佢越黎越大, 加上佢好崇拜我老公, 好聽我老公話, 無論選咩科, 到家陣選邊份工, 都會搵我老公傾, 所以而家變得好生性!

佢之前有感情煩惱時, 因為我同佢一向都FD, 所以佢搵我傾訴同聽下我意見, 我唔會叫佢點做點做, 只係幫佢找出究竟有幾多個解決辦法, 然後同佢講每一個辦法的好與壞, 最後加一句:"細佬, 你咁大個仔, 家姐我相信你識得點揀!"

將決定權交返比佢, 佢就會意識到自己大個仔, 必須為自己的人生負責!!

就係咁, 佢開始越黎越生性, 識得為別人著想, 亦都識計劃未來!!

PS, 我好鐘意佢而家個女友, 成日叫佢快D娶佢返屋企做我弟婦!!

樓主, 同你父母講, 適當既時候, 佢地必須要放手! 佢地都唔想等到自己年紀大到冇辦法再照顧佢, 先無可奈何咁放手架! 係咪?

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

kary512

別墅

積分: 739

29^#

發表於 08-10-17 00:08 |只看該作者

我就覺得你既出發點係無錯~~錯就錯於你既身份~點解你爸媽自己唔出聲要你出聲呢?咁樣只會你做左衰人囉~~!同埋呢件事始終都係你細佬既問題~你就唔好拉埋人地落水~講真~個女仔咁細個...你指望佢可以做得o的咩野?同埋講真..如果你自己個細佬係生性既就唔會工都唔做喇20歲人喇喎~~可能我以前都係發生過o的咁既事喇~你講得好o岩囉~如果佢地結左婚~真係會記住你一世~因為我就係果個女仔既前版~但係果時係我男友(老公)去佢度訓..但係我唔知我老公同佢講過o的咩野喇~佢家姐連佢果一家都覺得係我自己要過去訓...就走黎講呢講路~有時仲有o的說話講到我好似搞到佢細佬唔做野添~但係佢又唔知果時係佢細佬懶~我阿媽直頭搵埋工俾佢,佢都做左幾日就唔做姐~!!所以我覺得如果你以朋友身份同佢講就無問題囉~要當傾計囉!!始終個女仔仲細個..你要佢成熟諗你細佬日日如是好有問題~佢都未吃過苦~未知呢個世界辛苦,佢又點會理解得到呢?你都年青過嘛~我依家都成日都記住自己以前既想法..但係要同依家既想法同步~咁樣~我先可以第時明白我個囡既心態囉~要將心比己先得!!咁先可以溝通到

私人傳訊

jamie_mama

男爵府

積分: 7745

畀面勳章爸B勳章

28^#

發表於 08-10-16 18:24 |只看該作者

我都覺得樓主做得好啱呀！父母對仔女過份溺愛真係會害度仔女一生㗎！你只不過係做一個有責任嘅女同家姐啫！你細佬年紀話大唔大話細又唔係細㗎啦！不過要從頭開始就真係未遲！俾多啲鼓勵佢啦！
係呢？你同佢講完，佢有咩反應呀？

私人傳訊

Super-Man

侯爵府

積分: 24042

27^#

發表於 08-10-16 18:14 |只看該作者

你做得好岩.
都唔明, 點解咁多人嘅細佬都咁煩, 包括我.

私人傳訊

ume

公爵府

積分: 29804

26^#

發表於 08-10-16 18:05 |只看該作者

樓主，提意你比個期限你細佬同個女仔，佢地要在期限內找到工作，即使係做7仔都要！
如果佢地做唔到，就一定要個女仔搬，因為巳經開咗聲，無得退架喇！

私人傳訊

superbaby101306

大宅

積分: 3923

25^#

發表於 08-10-16 17:25 |只看該作者

有個句講個句啦, 佢地都唔係小朋友啦, 唔通仲要煮埋飯比佢食仲要人幫佢將d飯送到佢入口咩.

私人傳訊

Melody_Che

大宅

積分: 4192

24^#

發表於 08-10-16 17:19 |只看該作者

既然細佬聽你講, 你可唔可以解釋你所擔心既俾佢知呀?? 成廿歲仔應該有腦諗, 而且老豆俾到幾多佢呀?? 俾到幾時呀?? 佢將來想點呀?? 無理由一路玩, 玩到60歲, 日日同條靚妹一齊架?? 我提意樓主阿爸最好每日俾剛剛夠既錢佢洗, 只包3餐, 唔好俾多, 時候耐左, 佢無多餘錢就會面對現實

私人傳訊

caca0921

男爵府

積分: 8888

熱血勳章

23^#

發表於 08-10-16 17:10 |只看該作者

原文章由 cherry1498 於 08-10-16 13:54 發表
我知道我出發點係想佢地好…不過又從另一個角度去睇…如果我係個女仔…如果我男友個家姐多事插手入我地2個之間我會點呢，始終而家嫁左有時都會受到男家氣…加上又未知細佬點諗，對個女仔既情有幾深…又有時我諗如果我置 ...

開腦!? 哈~~如果佢地一世都唔開腦係咪要養佢地一世先?? 仲有呀如果個個人都識開腦咁呢個社會就唔會有壞人, 唔會有咁多問題發生啦, 你想細佬好就唔該積極d搵方法, 而唔係等運到.

ps 我老公個侄仔8歲, 佢返到黎屋企日日玩online game, 自己d野就唔理(連學校幾時上游水堂都唔知), 我99話佢係醒目仔但係未開腦喎!! 咁你覺得我99咁諗有無問題呢??

私人傳訊

carly.c

子爵府

積分: 14643

22^#

發表於 08-10-16 17:06 |只看該作者

其實你又唔洗擔心住既, 你細佬都成20..應該認唸.., 而個女仔,..我又覺唔洗理咁多,..
因為你都冇叫你細佬同佢分開呀,
個女仔得1617, 又未玩夠, 如果因今次佢返番自己屋企住仲好, 我唸佢父母都會開心d, 又可以管教返個女., 但如果因為咁佢地兩個就咁分開, 咁都唔係乜野可惜呀, 小朋友既愛情遊戲..

意見就俾左..點做都係要睇佢地自己..

私人傳訊

2on

別墅

積分: 746

21^#

發表於 08-10-16 17:05 |只看該作者

唔洗唔開心ar...你做得好啱ar...

我覺得你細佬真係要出嚟搵嘢做la...
要屋企人養到幾時喎....
萬一唔小心話要結婚...難道要你屋企照顧埋佢一家咩...
我個人絕對唔贊成同居ka...
個女仔仲得16-17歲...

你做家姐的早就要同你細佬傾la...

私人傳訊

cherry1498

大宅

積分: 3008

20^#

發表於 08-10-16 17:05 |只看該作者

再補充多少少…我細佬話佢地冇嘈到喎…唔知發生咩事…個女仔發咩脾氣我唔知…但睇黎我細佬想當冇事發生過…我真係唔知我應唔應該同佢講唔再俾佢留係到…

私人傳訊

cherry1498

大宅

積分: 3008

19^#

發表於 08-10-16 17:00 |只看該作者

原文章由 ume 於 08-10-16 16:52 發表

可唔可叫你父母同你夾計，叫佢地如果細佬問要錢就問家姐攞？比唔比錢，一定要由你話事。好處是你父母可以唔洗直接拒絶佢，同埋你地可以互相配合﹝即係扯貓尾﹞；唔好處就係你要直接處理你細佬個問題，都好大責任同壓力架！ ...

始終我係外嫁女…唔通日日都番娘家咩…同一屋簷下我直頭一開始唔俾個女仔入黎住TIM呀…如果唔係我嫁左搬左…我細佬都唔會咁大膽俾個女仔入黎住啦…我同我老公未結婚前都係同居…不過我地係搵屋租黎住…我細佬仲係我結婚個日同我講話想俾個女仔入黎住…我個陣口快快應承左…我已經為呢件事好後悔…而家仲要咁…我都唔知點收科…頭先我細佬打俾我…話個女仔咁晚會番黎…問我點…我都唔知可以點呀…佢而家上左我屋企幫我睇屋(因為有人黎裝修)我叫佢等我番黎同佢傾…
我真係唔知仲可以點同佢傾…