夫婦情感 今日: 1 | 主題: 42759

積分: 3923

1^#

發表於 08-10-19 16:02 |只看該作者 |正序瀏覽 |打印

我好傷心呀, 今日家姐啱啱打比我佢發現佢係外邊有女人, 佢仲係大家公應既好好先生, 點知今日家姐發現佢有2個電話, 入面有好多情慾message, 佢打去比個女人, 個女人第一句仲叫佢老公....佢仲租埋間屋比個女人住.....我真係唔知點安慰我家姐, 佢之前已經好唔開心, 因為個男人同佢一齊成9年都唔同佢結婚, 我一直都話佢有d怪, 我仲問我家姐佢會唔會有第2個, 我家姐話佢既人好老實一定唔會咁對佢....點解d男人咁賤??我可以點安慰我家姐, 佢話佢好想死...其實我家姐條件唔錯, 個樣又唔差....不過比黎個男人拖左成9年....我真係好唔開心呀

[ 本文章最後由 superbaby101306 於 08-10-25 09:42 編輯 ]

0 0 0

私人傳訊

積分: 3923

145^#

發表於 08-11-19 14:28 |只看該作者

原文章由 mrsjimmy 於 08-11-19 14:26 發表

在那一年　是你離開了我
令我低估自己　自信心往下沉

是那一年　自我沉溺放縱
為你摧毀肉身　為你遭遢靈魂
跌到了最暗處　人忽爾明嘹

賠掉我一生　未見得使你關心　明日我必須振作
這段情當作　從未發生　（從沒有 ...

黎2首歌我已前都成日聽架~

私人傳訊

積分: 7921

好媽媽勳章醒目開學勳章畀面勳章

144^#

發表於 08-11-19 14:26 |只看該作者

<活得比你好>

在那一年　是你離開了我
令我低估自己　自信心往下沉

是那一年　自我沉溺放縱
為你摧毀肉身　為你遭遢靈魂
跌到了最暗處　人忽爾明嘹

賠掉我一生　未見得使你關心　明日我必須振作
這段情當作　從未發生　（從沒有傷我心）

然後每一天　活得好你一點
來讓你今天碰見　那日離棄我　原是你損失

事隔幾年　在眼前這個我
活得比你更好　（還多得你鼓舞）

私人傳訊

積分: 7921

好媽媽勳章醒目開學勳章畀面勳章

143^#

發表於 08-11-19 14:25 |只看該作者

送 2 首歌俾你家姐聽, 我失戀時不停咁聽, 聽左舒服 d...

<你沒有好結果>

傷了的女人別走這樣近　被人拋棄的女人殘忍
全都怪你離開我　臨走也繼續傷我
見我粉身碎骨　還點上一把火

可以死了心　但忍不住恨　但求天會追究這　男人
仍相信有場好戲　命中已註定等你
報應日漸臨近　來清算你罪行

今天淌血是我心　即將痛在你心
身份對調發生　來讓你一生　最喜歡　和珍惜那人
也摧毀　你一生　完全沒半點惻隱

等欣賞你被某君　一刀插入你心　加點眼淚陪襯
來讓你清楚　我當初　嘗到的折磨
你親身　試清楚　如凡事亦有因果

這算不算狠　我撫心自問　沒人想變得那麼　殘忍
如果見你離開我　日子更快樂的過
我會傷得更深　餘生也不甘心

將當天那自卑感　當天那無依感　都雙倍回贈你
來讓你清楚　我當初　嘗到的折磨
也親身　試清楚　如凡事亦有因果

私人傳訊

PCCW2319

積分: 67993

142^#

發表於 08-11-19 13:24 |只看該作者

原文章由 superbaby101306 於 08-11-19 13:20 發表

我依家最希望係個天送多份厚禮比我家姐，送個好男人比佢咁就ＧＯＯＤ啦～

係啦！叫家姐去還神，可能係寺廟遇到真命天子添呀

天空之城, 快樂之地

私人傳訊

積分: 3923

141^#

發表於 08-11-19 13:20 |只看該作者

原文章由 Pulmma 於 08-11-19 12:46 發表
咪係, 個天明益你啦

係你嫁佢之前比你睇清佢!!

快d 買隻燒豬去拜郎tim 呀

我依家最希望係個天送多份厚禮比我家姐，送個好男人比佢

咁就ＧＯＯＤ啦

～

私人傳訊

積分: 3923

140^#

發表於 08-11-19 13:19 |只看該作者

原文章由 mrsjimmy 於 08-11-19 12:28 發表
當分手既時候好多時當事人都接受唔到, 成日沉醉於以往甜蜜回憶當中, 又會將責任攬晒上身覺得因為自己唔好至會咁, 同埋成日會諗如果唔知有幾好, 你家姐同賤男拍左 9 年拖, 雖然 9 年唔係短時間, 但人生裡面 9 年只係 ...

多謝你～我都會多ｄ陪佢，不過成日都要顧個仔，所以都係星期六日可以帶埋ｂ仔陪佢，不過我都日日打比佢，依家阿媽都知件事，連阿媽都好唔開心，佢都成日打比家姐，其實黎個男人既離開對我地成家人既打擊都好大，我地對佢既期望真係好高，而且真係睇住佢地讀書既時候開始拍拖，全家人都認定佢係我家姐既真命天子．唔好話我家姐成日喊，我都為左黎件事流左好多眼淚．失望，傷心，可惜，難過．．．，我家姐真係完全崩潰晒，一Ｄ都唔似佢平日既作風，又成日話唔想做人，其實就算我Ｃ６係咁我都唔會咁，　因為我相信我可以自己生活都一定咁開心，我覺得如果個個係我我一定唔會比咁多時間自己傷心，我會睇返套台劇，去個旅行，同朋友ｓｏｃｉａｌ，積極打扮自己，因為你傷心既時候佢都只不過係開開心心咁拖住第二個ｌｏｒ．

而且黎個世上有咁多男人又咁多奇積，咩都有可能，一定唔會絕望既．．．我一定會盡量幫佢

．．．

[ 本文章最後由 superbaby101306 於 08-11-19 13:22 編輯 ]

私人傳訊

Pulmma

積分: 64282

2024年龍年勳章好媽媽勳章

139^#

發表於 08-11-19 12:46 |只看該作者

咪係, 個天明益你啦

係你嫁佢之前比你睇清佢!!

快d 買隻燒豬去拜郎tim 呀

私人傳訊

積分: 7921

好媽媽勳章醒目開學勳章畀面勳章

138^#

發表於 08-11-19 12:28 |只看該作者

當分手既時候好多時當事人都接受唔到, 成日沉醉於以往甜蜜回憶當中, 又會將責任攬晒上身覺得因為自己唔好至會咁, 同埋成日會諗如果唔知有幾好, 你家姐同賤男拍左 9 年拖, 雖然 9 年唔係短時間, 但人生裡面 9 年只係一段短時間, 冇理由因為呢 9 年而令剩返果幾十年都一樣咁唔開心, 你陪多 d 你家姐出去 shopping, 去唱 k, 去睇戲, 或者約一大班人去旅行去散下心會好 d 架, 總之唔好俾佢有任何空閒時間, 因為佢一得閒就會亂諗野, 亂諗又會搵個賤男啦..再唔係叫佢學下野, 有 d 野寄託會好 d..

之前我分手時真係好辛苦, 日喊夜喊, 食唔落野淨係訓覺, 好彩我既朋友對我好好, 日日約我去玩, 仲陪我去旅行, 我自己仲走去學鋼琴, 一唔開心就彈, 最後 1 個月就 recover 返啦..

你要好好睇住你家姐, 而家佢萬念俱灰好易做傻事, 你要同佢講好多人關心佢, 呢個世界好多野等住佢做, 同埋呢個世界好多人慘過佢, 唔好等佢以為自己好慘, 有 d 結左婚有埋小朋友至知個男人有 29 咪仲慘, 離婚又唔係一齊又辛苦, 你家姐應該慶幸自己仲未結婚, 走都易 d...

希望你家姐早日離開賤男, 你要努力游說佢呀!!

私人傳訊

積分: 3923

137^#

發表於 08-11-19 11:55 |只看該作者

原文章由 mrsjimmy 於 08-11-19 10:45 發表
其實你家姐bf 都講到明唔會同佢結婚，咁即係唔係好鍾意你家姐，成日都話結婚好貴，如果有心結婚就冇理由有車有樓但係註冊費果幾百一千都冇呱 ..根本佢就係唔想結一心拖住你家姐，反而你家姐係好想結婚生仔既類型，佢 ...

其實我都有同佢黎個世界既野好奇妙，好多野都係話唔埋，佢成日都萬念俱灰，好似人生無晒希望咁．．．一時又話真係會放棄一時又話佢真係覺得仲有希望，又話都９年啦，個第三者雖然係條件好好，但係佢個人係大陸，佢地遲早都會分開啦．．．等等．．．佢又成日話好後悔知道左，佢真係想乜都唔知，咁佢仲係一個幸福既女人．．．佢都好憎自己咁失控．．．但佢真係無辦法．．．佢又話好怕星期六日，佢話好難過．．．好似得返自己一個，無野做又無心機，又明知個男人去左搵個女人．．．我都勸佢多ｄ出去搵朋友，做多ｄ野，寧自己唔好成日記住．．．我真係好想佢開心ｄ，　好想佢快ｄ遇到個好男人可以照顧佢，　唔好等佢成日話好ｌｏｎｅｌｙ

私人傳訊

積分: 7921

好媽媽勳章醒目開學勳章畀面勳章

136^#

發表於 08-11-19 10:45 |只看該作者

其實你家姐bf 都講到明唔會同佢結婚，咁即係唔係好鍾意你家姐，成日都話結婚好貴，如果有心結婚就冇理由有車有樓但係註冊費果幾百一千都冇呱

..根本佢就係唔想結一心拖住你家姐，反而你家姐係好想結婚生仔既類型，佢再同返個賤男一齊都只會繼續過呢 d 生活，呢一世都唔可以結婚生仔...

你同家姐講如果你真係想結婚就要離開個賤男，始終 28 歲都仲後生，高齡產婦係 35 歲，佢仲有大把時間搵個好既，如果佢再拖拖拉拉拖到三十幾歲，到時就真係好難搵啦。其實呢個世界有咁多男人，實有機會俾佢識到一個，可能到時拍一年半載拖結左婚生埋仔添，佢唔放手即係唔俾機會自己，再講你話你家姐都 ok 有人追，咁佢駛乜怕搵唔到男朋友喎...之前我有個朋友無辜辜做左第三者，果段時間佢超唔開心，最後佢決心放棄，2 年後結左婚而家仲有個 2 歲好得意既仔添，好幸福架...你要俾你家姐知道同返個賤男一齊係冇將來，唔會有自己既 bb，佢就會開始諗下值唔值得再同佢一齊啦..

呢 d 賤男就算今次你原諒佢，都好有可能會有第二次，長此落去你家姐咪仲辛苦，你快 d 游說佢離開個賤男啦，唔係佢呢世都唔可以結婚生仔...

私人傳訊

積分: 3923

135^#

發表於 08-11-18 12:00 |只看該作者

原文章由 PCCW2319 於 08-11-18 11:31 發表
曾經係網上睇到一篇文章，好殘忍，但又好真實。

逝去的愛情就有如手上的冰塊，任你如何捏拿抓緊，
畢竟還是會溶化掉，最後清消失得無影無蹤。
你何曾聽聞老人家們仍舊天天記掛住他們年輕時已經分手的情人呢 ?
事實証明時間的 ...

...我都知時間係可以幫佢忘記, 我只係驚佢捱唔住...放唔低...如果愛情就有如手上的冰塊, 會溶化掉, 我想信我家姐都要將佢雪返入雪櫃保存住....

私人傳訊

PCCW2319

積分: 67993

134^#

發表於 08-11-18 11:31 |只看該作者

曾經係網上睇到一篇文章，好殘忍，但又好真實。

逝去的愛情就有如手上的冰塊，任你如何捏拿抓緊，
畢竟還是會溶化掉，最後清消失得無影無蹤。
你何曾聽聞老人家們仍舊天天記掛住他們年輕時已經分手的情人呢 ?
事實証明時間的確可以沖淡一切!!!
那管你現在不願放下，那管你不相信時間的威力
那管你現在心如刀割，那管你不相信自己的能耐
那管你現在自怨自憐，那管你不相信覆水已難收

舊日愛情今不在，你不忘人人忘你，
誰說愛情最永固，不要獨自嘆孤清。

天空之城, 快樂之地

私人傳訊

積分: 3923

133^#

發表於 08-11-18 10:36 |只看該作者

原文章由 PCCW2319 於 08-11-18 10:22 發表
我覺得既然你家姐決定放棄就唔好再接個男人電話啦。

起碼比個男人知道你家姐唔係冇左佢唔得, 決心放棄。

人係好衰，或者你家姐唔比佢搵到，吊起黎賣，佢至覺得"經貴", 至會想起你家姐既好。當然叫你家姐唔好再抱d乜希望, ...

其實我覺得我家姐意志好唔堅定, 我都有教佢唔好主動搵/SEND MESSAGE比佢, 而佢尋日都話放棄, 都已經無可能, 但係今日啱啱一早佢又話, 佢係咪真係要放棄, 又話真係好唔捨得...我同佢講你依家只可以退為進...但係佢又忍唔住好想SEND MESSAGE比佢, 結果佢都SEND 左, 不過我都有幫佢諗SEND D咩, 因為如果佢咁想SEND而SEND左佢又舒服D咁我都係唯有支持佢...佢成日問我又咩方法可以令個男人回心轉意...但係我都真係有心無力...我好希望我家姐快D識到另一個, 因為咁先可以令佢放低黎段感情去投入另一段感情...(佢成日話好難, 因為佢工作上又唔會遇到,而朋友既朋友大部份都識...佢又覺得同佢年紀相若既好男人都比人MARK晒...都唔輪到佢, 而且佢D男性朋友又同佢講, 依家就算有好男人, 佢都寧願搵D青春D既妹妹仔啦....)不過我覺得一切都無絕對既, 但我真係希望佢可以快D遇到真正既幸福...

私人傳訊

PCCW2319

積分: 67993

132^#

發表於 08-11-18 10:22 |只看該作者

我覺得既然你家姐決定放棄就唔好再接個男人電話啦。

起碼比個男人知道你家姐唔係冇左佢唔得, 決心放棄。

人係好衰，或者你家姐唔比佢搵到，吊起黎賣，佢至覺得"經貴", 至會想起你家姐既好。當然叫你家姐唔好再抱d乜希望, 呢個人亦唔值得你家姐去等，從新搵個好男人。「塞翁失馬，焉知非福」呢！

要別人愛，首先要自愛，令自己變得更可愛！

天空之城, 快樂之地

私人傳訊

積分: 3923

131^#

發表於 08-11-18 10:07 |只看該作者

黎一個月裹面, 家姐日日都以淚洗面, 佢話佢唔相信個男人會輕易放棄咁多年既感情, 明明大家一齊都好安定好開心, 係幾時開始比人取代同超越佢既位置??...家姐尋晚終於決定要放棄佢沒了期既等待…佢放棄唔係因為佢唔愛佢, 而係尋晚佢既朋友話比佢知, 佢既對手真係好強,而且係男人都無法抗拒既type...個第三者係超索靚女好身材青春無敵既(o爹)精(加上又有新鮮感,又試氹男人開心), 試問點比, 黎一場仗佢一d把握都無, 佢朋友仲話, 個男人家陣完全"仲"左埋去, 雖然佢有放唔低我家姐 ....我家姐同我其實一直都仲覺得有希望…但係原來要等佢回心轉意就等於行左入去馬會, 買左張六合彩既心情一樣…頭獎真係好難中, 除非有奇蹟既出現啦…個男人成日都話家姐迫佢, 又話如果要佢依家比個答案我家姐既話, 佢會答佢暫時真係唔想同返我家姐一齊, 將來既野佢唔知, 佢需要時間, 無論我家姐問佢可唔可以唔好分開? 佢都只係答, 分開對你係好既, 你將來一定會好幸福…其實簡單d講係佢想擺脫我家姐既籍口, 亦可以令佢唔會咁內疚…其實我家姐一直都無強求, 只係佢覺得個男人仲係無完全放棄佢, 例如個男人日日都會打比佢, 而且佢又話比d時間佢...我尋晚真係瞓唔著..., 我覺得原來感情真係好脆弱.咁多年既大家都一齊經歷左好多好多...但係最後都係敵唔過...幸福曾經掌握係我家姐既手上, 以為自己捉實左, 但係原來係無知不覺越走越遠...

私人傳訊

acheng

複式洋房

積分: 324

130^#

發表於 08-11-2 18:25 |只看該作者

其實如果未結婚，我覺得樓主家姐可以考慮分手，因為佢 bf 都誠信破產啦，仲點一生一世呀。

私人傳訊

朗仔

侯爵府

積分: 21529

129^#

發表於 08-11-2 15:21 |只看該作者

原文章由 superbaby101306 於 08-11-2 15:15 發表

其實我家姐都好想放棄, 因為佢覺得佢既男朋友已經唔愛佢, 因為前日佢打比個男人2次佢都係唔聽, 之後個男人打返比佢, 但係個男人心情好差好差, 好似連講野既力氣都無, 好明顯個男人因為今晚要返香港而不會再返過邊工 ...

同你家姐講,長痛不如短痛;分手後你地+朋友陪佢多d,總要走出li 1步,你家姐先可以有好日子過~

私人傳訊

積分: 3923

128^#

發表於 08-11-2 15:15 |只看該作者

原文章由 melody93949596 於 08-11-2 12:47 發表
我平時好少發言...
但都想講講我既睇法...
其實我覺得, 雖然上一代包二奶, 但作為下一代既我, 更加唔會容許自己老公/男朋友, 有第三者, 因為我絕對唔會容許歷史重演, 更加唔想自己既仔女, 有爸爸=無爸爸
其實你家姐, ...

其實我家姐都好想放棄, 因為佢覺得佢既男朋友已經唔愛佢, 因為前日佢打比個男人2次佢都係唔聽, 之後個男人打返比佢, 但係個男人心情好差好差, 好似連講野既力氣都無, 好明顯個男人因為今晚要返香港而不會再返過邊工作=佢要同個女人分開/唔可以成日見個個女人...所佢好down...咁所以尋日我一早陪我家姐成日..我都好辛苦, 因為我無論講咩我家姐都好似無反應, 又不斷喊....唉我都唔知佢想點...我都有叫佢不如去下旅行散下心啦, 佢又唔肯又話無心情, 佢黎陣子好似魂不附體咁...攪到我都好辛苦!講咩佢又唔啱聽, 有成日發脾氣...再係咁我都頂唔順..我既心情都好差, 好想可以休息一下, 黎排除左返工就係為屋企既事而忙碌....我有時真係覺得佢唔需要為左黎個男人攪到咁, 佢成日懷念過去佢男朋友對佢有幾好又點, 佢係變左就變左....

私人傳訊

melody93949596