回覆樓主:
滑族玲瓏公主幫梁帝得皇位，全族歸順大梁，成為大梁國民，之後玲瓏要求分享成果(政權), 但梁帝為人多疑，加上玲瓏/璇璣太有野心又太聰明，梁帝唔肯，玲瓏同璇璣帶滑族人叛變，梁帝令赤焰軍去對戰，玲瓏戰死，璇璣同其他餘眾被俘虜，夏江夫人心善救咗璇璣，璇璣不知報恩，反而同夏江搭上，後來設計害死陳表取諦懸鏡司嘅祈王，又聯同謝玉謀害赤焰軍，幫璇璣報仇。
電視劇改編將譽王設定為玲瓏公主所生，原著小說中譽王冇咁嘅身世，呢個係演譽王嘅黄維德提議劇組加強譽王角色嘅悲劇感，劇組接納後更改，令譽王有更強更合理嘅謀反理據。其實梁帝都睇到譽王聰明，比前太子更適合接手王位，而家譽王係咁多個仔最似梁帝嘅，對於譽王，梁帝比起對太子對靖王都縱容，不過一直擔心佢有生母玲瓏嘅野心，而越妃又專寵多年，自己依然戀棧權力，以致多年來對兩個仔都係左搖右擺。梁帝咁多仔，祈王固然係最叻最賢德，譽王亦好聰明好有大將之風，靖王係耿直唔識轉彎，太子狠心但平庸，其他不成氣氣候有幾個，但冇一個係一早想叛變，譽王唔係因為夏江般弱設計，佢都收心養性，諗住平平安安做個親王，宗臣孝子嘅陰謀叛逆都係梁帝心中嘅鬼，俾夏江謝玉睇到風頭加以利用，成件冤獄都源於梁帝嘅猜忌私心。
花旗太太生活在花旗國，留意時差，你問我未必即時答到。
發表於 
返回列表
