婆媳關係 今日: 0 | 主題: 27775

積分: 5089

1^#

發表於 08-10-28 00:39 |只看該作者 |正序瀏覽 |打印

好無聊, 姑仔呷我醋

我老公屋企有幾兄弟, 只有姑仔一個仲要係孻女, 由細至大全屋人都就哂佢, 佢同我老公感情最好(結婚前), 姑仔為人刀蠻任性, 似住有幾個哥哥照顧就無心向學, 番工又唔肯捱.......我99一早上左西天, 我老公同大伯等都對好到加零一, 老公未識我時, 雖然姑仔已番工賺錢, 但都會請佢去旅行等等....

我同老公拍拖時佢對我都係好cool, 但都okey, 直至一次我地同佢家人飲茶時公怖婚訊, 佢即刻黑面然後話有事走先.....仲有(1) 有次我買左個蛋糕同其中一個大伯慶祝生日, 佢一直向房, 幾個啊哥輪流叫佢出黎切餅,食餅都話唔出, 直至我走佢都無出過房半步...... (2) 我同老公註冊果日,佢話請唔到假無黎到 (3) 最扯火就係擺酒安排坐位個時, 由於間酒樓講明一席係供12位用, 每坐多一個就要俾多幾百蚊, 老公計過數佢地男家主家席剛好突左一個人, 我姑仔同我老公講到明如果我地唔安排佢男朋友同佢一齊坐主家席佢就唔黎, 佢叫我老公要我伴娘坐第二圍......我聽到之後梗係大發雷霆啦......

好啦, 婚後佢都係對我無mud禮貌都算, 直至我宣佈有左bb, 佢從此就玩失蹤, 但凡知有我出席的家庭聚會都會用種種籍口唔到or放飛機, bb而家八個月大,佢都只係滿月果日離遠望過一眼,無抱過bb & 問侯一句.......
我同我老公反映過, 佢都知什麼事, 因為佢jealous 我, jealous我搶左佢亞哥, 因為我比較主動d,世故d, 受她其他哥哥歡迎, 所以佢覺得我搶左佢向屋企的地位(事實唔係), 而家bb出埋世, 佢心理更加唔平衡, so, 連至錫佢的62生日佢都一句話唔駛預佢就算, 唔會補祝番, 62好似無左個女咁......

我從來無同姑仔正面抄過, 不過連老公都唔爭佢, 老公話同佢拍拖五年的初戀女友亦都因為姑仔d小動作間接攪散左佢地.......唉,我姑仔只不過細我一年, 但d思想真係不知所謂.....我唔mind佢d白癡行為, 不過佢成日玩失蹤令到d長輩唔開心真係無辜.....我只想同大家呻下only.....:-x

0 0 0

私人傳訊

kj803

積分: 1892

36^#

發表於 09-2-5 15:35 |只看該作者

your 姑仔, very K型!

私人傳訊

biglemon

積分: 7809

35^#

發表於 09-2-4 17:40 |只看該作者

係老公親妹/姐都抵d,
係d妯娌互相唔妥就仲麻煩.........

私人傳訊

Casttle

積分: 1517

34^#

發表於 09-2-4 12:00 |只看該作者

就咁, 你結婚去飲嗰單野, 我個人覺得係你個姑仔整出黎既, 未必関個男朋友樹!!!!
家庭聚會佢唔出席, 62見唔到佢好唔開心, 你唔想見到你62咁而嬲佢係正常既, 我都唔想見到d老人家唔開心, 但係你唔需要整太多小動作, 因為你c6同大伯已經知咩樹, 責任唔係你度, 如果你做太多小動作只會另其他人對你另眼相看, 顧及自己身份!!
如果你真係想改善呢種関係, 你有冇try過同男家全部人坐下來開個家庭會議ar, 當然你姑仔唔會坐場la, 廣出你見到62唔開心既感受, 比佢地知道你只係関心62同c6既感受, 62時日都唔多, 同埋已經住係老人院, 見面時間都唔多, 點解唔比佢開開心心咁過埋佢, 你地做人大佬係咪要咁縱個妹而整到個老豆同死咗既ar mum咁唔安樂,
你將你既感受廣出黎la, 唔係only同你老公廣, 因為縱你個姑仔唔只你老公, 但係唔可以勞氣, try下咁睇下會唔會有改善

其實個人認為問題係喺你男家d仔度, 個妹由細至大都係咁比人縱法, 佢點會feel到自己有問題, 但係做佢大佬嗰d,見到個妹咁有問題都唔出聲改正佢, 仲係咁縱佢, 呢d咪係問題囉

[ 本帖最後由 Casttle 於 09-2-4 12:08 編輯 ]

私人傳訊

littlecarey

積分: 8097

育兒性格勳章畀面勳章

33^#

發表於 09-2-4 11:19 |只看該作者

一山不能藏二虎
妳同c6結咗婚,動搖咗姑仔在家中小公主的地位,佢唔like妳好正常,佢選擇自己避開而不是玩嘢對付妳,對佢來說已經是大方的表現,
姑仔始終是62個女,老公&二伯個妹,有血緣關係,永遠唔會改變,無論姑仔變成怎樣,只要有回來探62,佢就開心,大家亦唔會怪佢。
妳同佢唔同,我係妳唔會在62,老公&二伯面前提起佢,甚至唔會明示或暗示佢唔好,
若果妳常常在62,老公&二伯面前講姑仔,他朝一日姑仔唔理睬62,老公&二伯,甚至吵架,佢哋會認為妳做阿嫂講是講非,攪風攪雨,唔體諒姑仔的性格如此(因為以前沒有妳,他們一家是很融洽的)
妳自己想想吧!!!

私人傳訊

joyjoyma

積分: 1190

32^#

發表於 09-2-4 10:24 |只看該作者

係lor,如果你真係咁想佢出現家庭活動的話.唯一就係你就埋佢,或者,你屈就下,回避下lor...,如果真係2揀1,老人家会寧願見自己d仔女多過女婿,身抱.
不過我見你話想佢下次出黎還以顏色,咁就六國大封相,你62見到就嚇親lor.
我勸你都係放開d,唔好因為佢d事咁上心勒.聽你所講佢只不過係一個又唔識大體,又幼稚的人,佢d小動作亦好像小學生一樣咁幼稚.但亦無咩殺傷力or攻心計.你無謂咁唔開心!
有時關係既野唔一定係正面衝突先会惡化, 如果佢咁幼稚,咁你咪謹慎d lor. 好似你明知佢唔鍾意你,又唔鍾意同你講野,佢知你到佢就唔到,你仲問佢去唔去拜山,你都預左佢答埋d咁既野架la...你又一次証明佢不孝lor,咁又點啫. 就算關係好,男家e d 野都唔到我地開口la,要問都係佢d阿哥問la,你咁問,佢又咁幼稚,一定係話唔去,或者人地自己揾日早過你地自己去拜阿媽都唔定呢.
你理少d,自己会開心d!佢辭工唔做你又理,屋企縱佢又睇唔過眼,咁佢地都縱左30年啦,你又何必管呢??咁佢同佢阿爸飲茶,你又話佢只係交差;你結婚咁耐,仲介意佢人情做得少;紅白二事有無夾$,拜唔拜山你又管,唔抱你個bb又嬲,咁自然就谷谷埋埋唔開心lor....既然佢係咁不可理喻既人,你咪唔好再理佢,更加唔好諗教訓佢.閒時多d帶bb見62,d老人家見到d孫特別開心,真的!成個人都開朗晒...或者好似有d媽咪咁講,唔住老人院亦会開心d.

私人傳訊

蜜棗

子爵府

積分: 11426

睛靈勳章畀面勳章 BK Milk勳章

31^#

發表於 09-2-1 03:03 |只看該作者

我睇咗好耐.個人認為其實可以唔好諗得太複雜.
其實樓主你姑仔真係唔大體.如果依你所說你真係feel倒你姑仔係呷你醋的話.我諗如果你想佢出現家庭活動的話.唯一就係..你就埋佢.
比我唔會咁做.我都有兩個契姑仔.(我99當正係自己女)開頭其中一個我開頭覺得佢唔太鐘意我.(又係細路女嗰種,驚我搶佢嘢咁,我都唔知我搶得佢d乜)但慢慢佢知道我老公其實都唔係太當佢係妹之後,佢見倒我都亞嫂前亞嫂後.我99好執著呢d稱呼(我唔係好介意人哋叫唔叫我亞嫂,叫返我個名仲好)講真,縱使佢真係我老公個親妹都好,我唔會因為佢而改變自己性格去就佢.
樓主,你都唔好太執著喇!由得你姑仔啦!你又唔可以阻止人.不如自己開心d啦!!加油!

[ 本帖最後由蜜棗於 09-2-1 03:04 編輯 ]

爆愛車縫作

私人傳訊

kidcute

子爵府

積分: 13161

BK Milk勳章

30^#

發表於 09-2-1 02:50 |只看該作者

原帖由 mother904 於 09-1-31 22:20 發表

講真，如果當時你冇即時反對，隔左咁耐，你都唔可以做到d乜。佢唔中意你，針對你，你當時選擇左忍，件事過後根本就冇野可以做，你再拎番出黎講，只會俾人覺得你小氣。

問題唔係佢岩唔岩，而係佢而家冇做過乜野令你難做，佢只係唔見你， ...

絕對認同

私人傳訊

積分: 5089

29^#

發表於 09-1-31 23:00 |只看該作者

原帖由 mother904 於 09-1-31 22:20 發表

講真，如果當時你冇即時反對，隔左咁耐，你都唔可以做到d乜。佢唔中意你，針對你，你當時選擇左忍，件事過後根本就冇野可以做，你再拎番出黎講，只會俾人覺得你小氣。

問題唔係佢岩唔岩，而係佢而家冇做過乜野令你難做，佢只係唔見你， ...

男家各人已各有各住, 能夠聚埋的時間不多, 都係大時大節, 62生日, 父親節之類, 平時都係個別去探62的。我&老公同男家所有屋企人都合得來, 所以唔擔心離棄我們的問題。我見62每次知道姑仔唔出席聚會都好失望, 由以往話佢咁夠膽唔到, 到而家心UP唔出聲, 我登老爺傷心。雖然姑仔聲稱會私底下找老爺飲茶, 但每次都係響老人院最近果間飲, 飲完就即刻送仍番佢上去便交差個隻。邊個父母唔想一班仔女齊齊整整,熱熱鬧鬧過節, 而家咁樣有乜為??

私人傳訊

mother904

翡翠宮

積分: 81384

畀面勳章

28^#

發表於 09-1-31 22:20 |只看該作者

原帖由 Cottonbb 於 09-1-31 19:27 發表
佢仲要指明要我伴娘坐開, 就知佢唔止驚男友無位坐咁簡單啦...你地而家就好似好大方好識做咁, 如果真係發生向你身上你地會如何?? 呢件事我都無出聲罵佢, 我當唔知, 係佢而家得吋進尺, 真係佛都有火啦........

講真，如果當時你冇即時反對，隔左咁耐，你都唔可以做到d乜。佢唔中意你，針對你，你當時選擇左忍，件事過後根本就冇野可以做，你再拎番出黎講，只會俾人覺得你小氣。

問題唔係佢岩唔岩，而係佢而家冇做過乜野令你難做，佢只係唔見你，你仲可以點？佢再絕d，家人又幫佢既話，佢分分分鐘可以叫全家大時大節同佢食飯，剩係唔叫你地，你又奈佢乜何？

人地始終一家人，就算你幾唔like佢既行為，佢屋企人唔出聲你又可以點？你再做d乜，只會俾夫家既人覺得你麻煩，佢地既「親人」已經避開你唔見，你仲要搞咁多野，對你一d好處都冇，你明唔明？

你最多可以叫你老公同你一齊覺得佢唔岩，一齊唔見佢，至於佢見唔見佢屋企人，你根本管唔到，佢屋企人唔覺得咁樣有問題，你又可以做到乜野？再講得白些少，你又點知佢地唔係「一家人」一早做哂節或者慶祝，佢地再同你食多一次飯咁解，真相係點，你唔會知，又何必為左咁而搞到自己唔開心呢？

最重要既係，佢以前做咁多小動作，全家包括你老公冇即時話佢，即係話佢地都選擇左忍，而家你姑仔唔番黎，可能對全家黎講都覺得開心，因為唔駛出現尷尬場面。佢而家只係唔見你兩公婆，唔係唔見佢屋企人呀！

[ 本帖最後由 mother904 於 09-1-31 22:24 編輯 ]

私人傳訊

積分: 5089

27^#

發表於 09-1-31 19:27 |只看該作者

我首先多謝各位對我的回應(無論支持定不認同)...

有人認為姑仔咁做可能係我有野得罪左佢, 但以我所知係沒有。另外,她其餘兩位哥哥未曾拍過拖的, 所以從來沒有姑嫂問題,亦因此她的哥哥依然縱佢。姑仔係我宣佈結婚&有左之後佢才古古怪怪,而且我老公都話姑仔以前又唔妥佢前女朋友, 間接引致他們分手的......佢做埋D小動作, 有時真的令我好無癮, 不過之前唔想如數家珍咁講出黎......

如上年新年, 我同老公及其他家人一齊到她家作客, 當時我同老公&她二哥三人企在一起傾計, 姑仔攞包糖出來遞給我老公&二伯取糖, 我正想伸手攞時(未郁), 姑仔即刻收番包糖&走開, 係完全無問過我要唔要, 擺明當我透明.....我當時無出聲,但個心好嬲.....老實講, 我雖然唔妥佢, 我由始至終都向佢面前扮無野, 生日請食飯, 去旅行會買手信.....我問佢清明會否一起去拜99, 佢一句得埋黎「我唔信嫁喎」(= 唔信有在天之靈)(但佢不是信教的)呢幾年一次都無去拜過99&其他長輩(佢係不念親情&無家教的)。我唔係要姑仔對我恭恭敬敬, 都起碼要尊重我呀.......

我最初留言目的都係話想呻下啫, 只不過姑仔變本加厲, 三分顏色上大紅.....我都係一個正常人, 被呢個人無喇喇針對/ 落面, 可以點做? 無錯, 姑仔唔出席聚會當然對我無損失, 只不過係代表佢仍然認為自己的觀點好正確, 越來越得戚, 無人點醒佢, 佢呢世都自以為是, 可能會更過份tim....(佢最親的3個哥哥同62永遠都唔敢冒犯佢)。

有關擺酒果件事, 有網友話佢地會好識做預先加位。我之前講過係原則問題, 我主動加位心甘命抵, 但佢居然要脅我地算係點??? 佢仲要指明要我伴娘坐開, 就知佢唔係擔心男友無位坐咁簡單啦...你地而家就好似好大方好識做咁, 問心, 如果真係發生向你身上你地會如何?? 呢件事我從無出聲罵佢, 我當唔知, 係佢而家得吋進尺我先攞出黎呻, 真係佛都有火啦........

[ 本帖最後由 Cottonbb 於 09-1-31 22:39 編輯 ]

私人傳訊

christy0604

禁止發言

積分: 3097

26^#

發表於 09-1-31 11:40 |只看該作者

提示: 作者被禁止或刪除內容自動屏蔽

私人傳訊

ABBC

子爵府

積分: 13533

25^#

發表於 09-1-31 03:03 |只看該作者

原帖由 魔鬼天使 於 09-1-29 14:20 發表

響屋企或朋友堆中,我絕對唔係小公主囉,
自己都係好在意人地點睇自己果d人,
我唔係認同你姑仔,
只係覺得你真係好小氣囉,
佢有權選擇唔出現唔見你,
你話佢搞好多小動作,
我唔知佢做過咩,
只睇你寫過既,都只係佢唔鍾意 ...

我睇左好耐~以事論事~我覺得樓主無錯~如果有錯~就錯就錯在佢太在意佢呢個姑仔喇~!同埋講真~樓主都係想屋企人可以一家團聚姐~!而且就你地用同事之間黎形容~我覺得就太離題喇~因為要知道同事既野唔係一世~而家人就係一世~!除非同自己老公離婚就題外話喇!無錯~同事既野話不投機半句多!可以不理~!我覺得佢姑仔有問題多o的~佢好唔識大體囉~!!我夠唔鐘意我大伯同埋我個賤姑9啦~賤姑9就話同我一齊住姐~但係果個大伯就唔係既~呢兩個人連自己其他兄弟姊妹都唔鐘意佢~好似今年年初一咁~佢黎其他就唔黎~其實我都可以一早出埋去唔理佢~因為年初一我姑媽and剛剛認返既阿叔會黎我媽咪度食飯~!但係我明知遲到都同佢坐左陣~因為我知道就算我唔鐘意佢都好~佢都係我長輩~係我老公個大哥~我點都要招呼下佢俾面佢~唔通又唔同人講野唔叫人咩?同埋一走了之?咁樣會唔會太唔理其他人感受呢?做人處世係唔可以咁架嘛!!呢個或者係觀點與角度既問題~!我明白樓主係唔想佢62唔開心囉!正如我一直都勸緊我大姑9同埋我二伯唔好咁對個大哥~佢地都知我唔鐘意大伯~所以佢地覺得我勸佢地好多餘~但係我只係唔想我99唔開心~試問一個老人家(雖然我99都未夠60)又有幾多年丫~佢都想一家人開開心心一齊食飯架嘛~加上我大伯一年只係見佢一兩次咁大把~!就好似樓主個62住老人院~佢個姑仔咁樣都唔方會自己去見阿爸啦!所以大家都唔好再話樓主啦~!!

私人傳訊

sylviawong

積分: 5339

24^#

發表於 09-1-31 01:56 |只看該作者

我覺得你姑仔無問題喎,唔鐘意你就唔想見你架啦...
出黎見,黑口面又話人黑口面!
唔出黎見...又話人唔出黎見!
其實樓主,做你媳婦都幾難(不喜勿插)

私人傳訊

joyjoyma

積分: 1190

23^#

發表於 09-1-30 18:20 |只看該作者

你姑仔係有唔啱,唔識大體,但都不過於此,你何必咁嬲呢?
佢已經有男友,我覺得佢唔會純粹因為嫉妒你同佢阿哥的關係避開你,係因為佢同你唔夾,甚或你有d行為or言語令佢好唔鍾意,所以選擇逃避啫.佢其他阿哥,阿嫂咪仲早結婚,又唔見佢果時玩失蹤?

至於你結婚的事,坦白講,如果係我(其實好多人都會),第一時間check下有幾多人要坐主家席,坐唔坐得晒至親. 你姑仔當然是至親,而佢boy friend,If I were you,當然當埋自己人啦,亦会安排佢同姑仔一齊坐,唔通叫佢同d3唔識7既親戚一齊坐咩,佢黎都係比面佢girl friend,叫姑仔同佢bf坐開去other table亦唔多好.加$都無辦法.比我,諗都唔洗諗,confirm酒席就同hotel講加位,避免到時差一個位好似玩music chair咁大家都唔好意思. 呢D係人情世故. 雖然你姑仔同你老公咁講好似唔多禮貌,但係我諗有可能係平時跟你相處時都會覺得你會叫佢地坐開所以先開口,避得男友到時有hard feeling啫.

如果你覺得佢d屋企人好慘,冇得團聚,就更唔應該當住佢d家人,esp.老人家面前講d咁既說話....

其實我都有d親戚好唔想見,好彩就係唔太親(表親),一年幾次咁,雖然佢地一家都無咩大問題,但係就成日吱吱喳喳,又仲意學是非,有時講野又有骨,好巴閉咁.我真係唔識招架....初二返阿媽到開年,下午佢打電話黎阿媽到話過緊黎拜年,阿媽即係話比我知叫我快d走(阿媽好好人!)嘩!佢黎到竟然同我阿媽講:阿X無返黎咩?開年都唔返呀?!我阿媽應:一早返左啦,不過趕住去拜年....佢仲繼續有話說.你話呢d人係咪興風作浪,避之則吉!

私人傳訊

麟媽媽

王國長老

積分: 89572

好媽媽勳章王國長老

22^#

發表於 09-1-29 13:34 |只看該作者

其實你姑仔避你咪由佢囉！
正如好多新抱都避奶奶，咁樣唔見，
可唔可以話新抱破壞家中和諧呢？
姑仔私下見老爺都好吖，
又唔係連自己父母都唔見，係咪？
樓主無必要想辦法來要教訓姑仔，
而家咁既情況係姑仔唔識大體，
但你搵野來攪呢，自己就變左攪風攪雨嗰個喇。

私人傳訊

mother904

翡翠宮

積分: 81384

畀面勳章

21^#

發表於 09-1-29 13:32 |只看該作者

個人覺得你姑仔既行為固然係唔岩，但亦係佢個人既事。佢唔出席家庭聚會同唔理老父，只要佢既屋企人接受得到，你又唔需要做埋佢果份就冇問題。

佢因為仇恨你而唔出現，令你唔會督眼督鼻，咁唔係仲好咩？你食飯都食得開心d啦。

你想教訓佢，又何嘗唔係出自於仇恨佢，想男家全部人都認同你，覺得姑仔係衰人？雖然你無端端俾姑仔仇視係好無辜，所謂日久見人心，你唔需要為左佢既過錯而令自己耿耿於懷。

放過別人即是放過自己。

私人傳訊

christy0604

禁止發言

積分: 3097

20^#

發表於 09-1-29 13:18 |只看該作者

提示: 作者被禁止或刪除內容自動屏蔽

私人傳訊