婆媳關係 今日: 0 | 主題: 27769

積分: 5005

1^#

發表於 08-10-28 00:39 |只看該作者 |倒序瀏覽 |打印

好無聊, 姑仔呷我醋

我老公屋企有幾兄弟, 只有姑仔一個仲要係孻女, 由細至大全屋人都就哂佢, 佢同我老公感情最好(結婚前), 姑仔為人刀蠻任性, 似住有幾個哥哥照顧就無心向學, 番工又唔肯捱.......我99一早上左西天, 我老公同大伯等都對好到加零一, 老公未識我時, 雖然姑仔已番工賺錢, 但都會請佢去旅行等等....

我同老公拍拖時佢對我都係好cool, 但都okey, 直至一次我地同佢家人飲茶時公怖婚訊, 佢即刻黑面然後話有事走先.....仲有(1) 有次我買左個蛋糕同其中一個大伯慶祝生日, 佢一直向房, 幾個啊哥輪流叫佢出黎切餅,食餅都話唔出, 直至我走佢都無出過房半步...... (2) 我同老公註冊果日,佢話請唔到假無黎到 (3) 最扯火就係擺酒安排坐位個時, 由於間酒樓講明一席係供12位用, 每坐多一個就要俾多幾百蚊, 老公計過數佢地男家主家席剛好突左一個人, 我姑仔同我老公講到明如果我地唔安排佢男朋友同佢一齊坐主家席佢就唔黎, 佢叫我老公要我伴娘坐第二圍......我聽到之後梗係大發雷霆啦......

好啦, 婚後佢都係對我無mud禮貌都算, 直至我宣佈有左bb, 佢從此就玩失蹤, 但凡知有我出席的家庭聚會都會用種種籍口唔到or放飛機, bb而家八個月大,佢都只係滿月果日離遠望過一眼,無抱過bb & 問侯一句.......
我同我老公反映過, 佢都知什麼事, 因為佢jealous 我, jealous我搶左佢亞哥, 因為我比較主動d,世故d, 受她其他哥哥歡迎, 所以佢覺得我搶左佢向屋企的地位(事實唔係), 而家bb出埋世, 佢心理更加唔平衡, so, 連至錫佢的62生日佢都一句話唔駛預佢就算, 唔會補祝番, 62好似無左個女咁......

我從來無同姑仔正面抄過, 不過連老公都唔爭佢, 老公話同佢拍拖五年的初戀女友亦都因為姑仔d小動作間接攪散左佢地.......唉,我姑仔只不過細我一年, 但d思想真係不知所謂.....我唔mind佢d白癡行為, 不過佢成日玩失蹤令到d長輩唔開心真係無辜.....我只想同大家呻下only.....:-x

0 0 0

私人傳訊

星星123

民房

積分: 48

2^#

發表於 08-10-28 00:56 |只看該作者

原文章由 Cottonbb 於 08-10-28 00:39 發表
講到明如果我地唔安排佢男朋友同佢一齊坐主家席佢就唔黎, 佢叫我老公要我伴娘坐第二圍......我聽到之後梗係大發雷霆啦......

樓主，最終佢有沒有黎飲呢 ?

千萬不可就她，因為佢係個d你就佢，佢會當是老馮，當是你投降，以後就只會更加蝦你了 ! 這是我經驗之談 !

私人傳訊

JFL

伯爵府

積分: 17183

3^#

發表於 08-10-28 06:43 |只看該作者

咁似我姑仔嘅,我姑仔由我結婚開始就呷我醋,呷咗二十幾年.人家生完仔打電話黎問候都冇句,就話個ＢＢ系未好似佢喎?咁鍾意自己生番個.鬼叫你自己嫁唔出咩!又話我地唔帶佢去旅行喎.頂,結咗婚咁耐都冇同佢去過旅行,鬼知佢想去咩?!

又話佢亞哥（我Ｃ６）以前好錫佢 blah, blah, blah, 佢重有個哥未結婚,成日去旅行，点解唔同佢去?

死要跟我地,佢又唔系同我好感情点觧要同佢去?!:;pppp:我都冇見佢幾年,Ｃ６話唔 Happy可以唔駛去!

[ 本文章最後由 JFL 於 08-10-28 06:48 編輯 ]

私人傳訊

irisflower

積分: 2093

4^#

發表於 08-10-28 12:04 |只看該作者

你個姑仔自己唔出席家庭聚會係佢的事, 咁咪仲好唔駛見到佢唔駛煩! 最慘有d 人唔識趣仲要走來篤眼篤鼻。我屋企都有件極品姑仔, 我地唔係同住但住得好近, 佢就晚晚走來痴餐, 一來到就話好肚餓要食先, 食完就拍吓個籮柚走, 我心諗: 唔怪知得你拍咗幾次拖都冇人肯娶啦, 咁鬼縮骨!!!:;pppp: :;pppp: :;pppp:

私人傳訊

KimB

積分: 7268

5^#

發表於 08-10-28 13:17 |只看該作者

樓主，唔好勞氣啦！你"啋"佢都有味, 好彩你老公明白事理, 如果唔係有掛煩！

私人傳訊

積分: 5005

6^#

發表於 08-10-28 13:33 |只看該作者

原文章由 星星123 於 08-10-28 00:56 發表

樓主，最終佢有沒有黎飲呢 ?

千萬不可就她，因為佢係個d你就佢，佢會當是老馮，當是你投降，以後就只會更加蝦你了 ! 這是我經驗之談 !

c6當時話加$計多一個位就算, 但我覺得係原則問題, 姑仔同佢男朋友算老幾, 佢地又未結婚,個男仔只不過係外人... 居然要威脅佢呀哥&落我面:;pppp: ....我真係扯哂火鬧c6你個妹無大無細......我都知c6難做但真係好離譜, 所以c6都安撫我.......擺酒當晚好彩c6大哥識做, 坐去第二圍話招呼其他親戚, 所以至唔駛加$$, 而佢咪同佢男友咪好似木頭咁坐向主家席law, 佢地兩個咪又只係夾埋俾$1000人情咁大把law....

每次一諗起呢件事我就會火起........
姑仔成30歲人都仲以為自己係小公主咁, 真係越來越討厭佢......一家人好地地都唔知點解佢會諗埋一邊......

[ 本文章最後由 Cottonbb 於 08-10-28 13:50 編輯 ]

私人傳訊

yannes媽

積分: 2990

7^#

發表於 08-10-28 16:02 |只看該作者

一樣米養百樣人, 人人有不同.
姑仔咁大個人, 都幾幼稚喎.:;pppp:

私人傳訊

juicypig

珍珠宮

積分: 30278

環保接龍勳章 hashtag影視迷勳章

8^#

發表於 08-10-28 16:15 |只看該作者

佢唔出現咪仲好, 費事篤眼篤鼻:;pppp:

一個人之所以快樂,不是因為她擁有得多, 而是因為她計較得少

私人傳訊

積分: 5005

9^#

發表於 08-10-28 17:36 |只看該作者

姑仔而家屋企紅白二事拜山一樣唔到, 乘乘機機人唔到禮又唔到, 要幾兄弟share哂 $$&責任, 我知62唔開心, 但佢又唔敢出聲, 怕個女反面以後都唔理佢,(因為62已經無哂收入&財產, 靠幾個仔養)

你地話呀, 62當年博命追個女, 而家有等於無 !!

私人傳訊

星星123

民房

積分: 48

10^#

發表於 08-10-29 00:46 |只看該作者

原文章由 Cottonbb 於 08-10-28 13:33 發表

c6當時話加$計多一個位就算, 但我覺得係原則問題, 姑仔同佢男朋友算老幾, 佢地又未結婚,個男仔只不過係外人... 居然要威脅佢呀哥&落我面:;pppp: ....我真係扯哂火鬧c6你個妹無大無細......我都知c6難做但真係好離譜, 所以c6都安撫我.......擺酒當晚好彩c6大哥識做, 坐去第二圍話招呼其他親戚, 所以至唔駛加$$, 而佢咪同佢男友咪好似木頭咁坐向主家席law,

樓主，比著我都嬲啦 ! 唔單只你個衰姑仔賤，個男仔好"mou"家教唧 ! 憑什麼唔夠位都要坐主家席呀 ! 睇佢唔方好得去邊 !

私人傳訊

積分: 5005

11^#

發表於 09-1-27 02:29 |只看該作者

我個姑仔今年團年飯&年初一又玩失蹤, 今日男家團拜, 我就扮傻問二伯(二伯同姑仔住附近&知佢玩乜花臣BUT放縱她的) 我問姑仔係咪去左旅行/ 去左男朋友家拜年, 佢答唔係, 跟住我咪大聲當住其他家人面前話姑仔平時老爺生日/ 父親節等已經唔到, 而家連大年初一都唔同老爺拜年.....

連大伯都有出聲

二伯無辦法, 就話姑仔喜歡自己單獨同老爺見面....姑仔已經在早兩日同老爺見過面云云.....

聽到二伯咁樣幫佢兜, 我都不知幾想話咁後家庭聚會都唔駛預佢啦, 不過梗係唔講出口啦.....

由於我覺得姑仔太串, so 雖然其他長輩都俾利是二伯轉交姑仔&佢條仔, 我突登唔俾利是佢地.....(俾乞兒都有聲多謝,俾佢對cheap 精可能仲好得戚tim)老公可能怕我條氣唔順, so無反對

私人傳訊

mikitten

子爵府

積分: 11724

12^#

發表於 09-1-27 11:05 |只看該作者

我都唔知幾想叔仔唔跟埋去拜年，話說今年佢老婆過年前屋企有人過身，如果迷信o既話，佢地應該唔可以去人地屋企拜年，而老公阿爺阿婆屋企都拜神，應該都信呢D野，但係99居然專登唔話佢地知，照帶埋叔仔去拜年，利是照逗，但係就唔派利是。雖然本來見到佢都冇所謂，我地又唔會有計傾，但係最憎就係佢成日望實我個仔，做乜都關佢事咁~~~~

私人傳訊

積分: 5005

13^#

發表於 09-1-27 19:40 |只看該作者

其實我係好討厭佢D性格, 咁大個人仲係咁自私, 唔底得哥哥有完滿家庭。自我中心, 到今時今日仲想全屋企當佢公主咁。好無知

佢攪咁多無謂小動作, 歸根究底就係覺得我掙左佢哥哥, 唔鍾意我出現,認為我係佢敵人。佢點諗我同老公心知肚明, 佢既然真係唔妥我,又唔敢同其他屋企人明言?? 既然知自己心理唔平衡但仲要也文也武。仲以為自己咁做好有性格....做得好啱:;pppp: :;pppp:

我以前一直對佢都無野, 當佢係朋友咁, 係佢令屋企人唔可以齊齊整整, 和和氣氣。你地話佢係咪好無謂??? 佢越唔出現我就越想佢出現, 見到佢時黑口黑面無所謂, 因為我都打算黑番俾佢睇, 等佢嘗下俾人黑面的滋味...

某程度上我真係想教訓下佢, (都係幻想下啫

, 如果大家有好橋不妨賜教我噃 ) 等佢全家人都知道佢D劣行, 我想佢無地自容....唔好以為姑仔仲係他們心目中的庵春, 對佢又憐又愛。

[ 本帖最後由 Cottonbb 於 09-1-27 19:56 編輯 ]

私人傳訊

mikitten

子爵府

積分: 11724

14^#

發表於 09-1-27 22:55 |只看該作者

原帖由 魔鬼天使 於 09-1-27 15:54 發表
叔仔老婆跟你叔仔姓家嘛,
佢外家有人過身好似冇關係架喎,

如果真係冇關係o既，咁就唔洗專登唔出聲，可以照去拜年，亦照派利是啦，咁佢又識得話唔可以派利是，一係就全部做齊，一係就全部唔好做，唔好做D唔做D。

私人傳訊

Cat1218

積分: 1690

15^#

發表於 09-1-28 11:47 |只看該作者

女人真係好煩,唔單止姑仔姑9&99會呷醋,我連對自己老公好,對嫲嫲好,我媽都要呷醋,而且為左報復,講埋d好難聽的說話,周圍唱衰我兩公婆,哎~好煩

私人傳訊

bobbob

伯爵府

積分: 18707

醒目開學勳章

16^#

發表於 09-1-28 14:25 |只看該作者

你個姑仔幾大？仲玩呷醋咁幼稚

我姑仔反而正常過我99好多，可能佢又後生又靚女，大把人錫，都唔會呷人醋

私人傳訊

milliechow

複式洋房

積分: 384

17^#

發表於 09-1-28 18:51 |只看該作者

你姑仔好唔識大體囉，講句衰啲，個老豆都一把年紀啦，仲有幾多年俾你咁玩先。

你姑仔好明顯係嗰啲個世界要圍住佢轉嘅人，佢咁做都只係想話俾全世界知佢唔鍾意你，你就更加唔洗理佢。你輩份大過佢，點計都係佢唔著。

私人傳訊

momama

積分: 1720

18^#

發表於 09-1-28 23:57 |只看該作者

i agree. it's not your business. i don't think you are easy to get along with.

原帖由 魔鬼天使 於 09-1-27 15:42 發表

我覺得你好似咬住個姑仔唔放咁喎,
佢唔出現咪由得佢囉,佢唔到,對你有影響咩??
如果佢夾硬出現,但又唔開心黑面,
到時你又話佢好黑面,
人地私下見自己老豆又唔得,
你唔好咁啦 , ...

私人傳訊