論盡家傭 今日: 5 | 主題: 134022

積分: 574

1^#

發表於 08-10-28 20:35 |只看該作者 |正序瀏覽 |打印

我剛剛經歷過無人格兼精神有問題的工人，依家自己一個人湊兩歲大bb，還要睇住大果兩個（初中和高小），我都抽時間寫顛婆d惡行出黎，點解？因為我發現佢自己衰就算喇，佢仲教其他工人只要僱主一話佢地，就刮花傢私洩憤。僱主問到就話唔知！我相信介爛傢私地板風氣會隨著顛婆進駐青衣而直捲該區眾多家庭！各位青衣區或工人喜歡去Boarding House 僱主要打醒精神！

話說我本來唔想再理個變態工人，奈何今朝佢搵人打電話黎示威，供稱透過青衣一間 Agent，係十月十號左右開始係青衣做家傭，由上手傭主（姓戴）鄰居布先生（應該係好單純的好人）介紹去新傭主度照顧細路。佢喜歡人叫佢做Ferry(Fairy)，60年1月2日出生。全名叫 Filipinas Bxxxxxxxx Lxxxxxx ，I.D.# W652xxx（5）上手傭主（都係住係青衣）介紹佢俾我時話財政有問題，所以同佢提早完約，到先排已經唔肯接我個電話，我諗個工人係上個約已經有問題！仲有，聽佢講，佢以前就有係青衣做開兼職！

唔知道就算，知道我就有道義提醒各位傭主小心！其實我炒佢上勞工處只係講左兩句：「我有針孔攝錄機，我有足夠証據！」佢心裡面隻鬼就叫佢乖乖放棄一個月通知金。（其實佢一走我個煤氣爐就開唔到，師傅話個爐頭變左形，我當然知啦，事關個爐邊俾人刮花晒，個方形爐盤每個角都俾人打凹！洗衣機漏水，係個隔器度搵到兩個一毫子！無得整，我要買部新洗衣機！）佢篤住年假個總數話要，我話：「What you did in my home is misconduct ！（操守不良）」你唔配得，佢又唔夠膽要果600蚊！當然啦，事關佢連我個防盜眼都刮花，塊床頭板都介爛，仲係牆角整爛一個見到鋼筋的窿！！！我已盡傭主義務照寫去入境署，希望政府會攔截，結果係又入得境！真係香港人的不幸！

佢有好多因精神有問題衍生o既行為，首推佢逼我炒佢要我賠一個月人工（我當時唔知道），我開始見到廳中間木地板一日花過一日，初時以為細路多又細，跟住連廳中間幅牆都愈來愈爛，梳化無端端穿窿，我仲成日同自己講自己細路細，d野爛唔可以懷疑工人有心整爛。到後黎，我諗佢惱羞成怒，到臨炒前幾日，我發現細女隻手有粒「蚊爛」日日無左一圈肉，我當時以為係阿女自己抓損。同一時間，我唔覺意飲左阿仔支水，竟然有wd forty味！我即時除低戴緊果副金屬匡眼鏡睇下，發現鼻托對落兩邊俾人刮花晒。（副新鏡未夠兩個月，我一星期只戴兩日！）我當堂成個人都震晒！佢走左之後我更發現洗手盤水龍頭後面去水開關桿上有個成寸長鏍絲頭無端端好似俾人切蛋糕咁切左一忽！包水喉層厚白膠上有幾十刀俾介刀切過的痕跡！

我講俾好多街坊知個慘況：我屋企俾佢整爛晒！佢地通常都話唔似，事關個工人行出黎好友善，好有禮貌，個樣又好似幾信得過（咁先至死）！d街坊仲問我係邊度請，想搵番個！不過我依家回想起，佢望人d眼神好呆，同mud野情況下都成日 yes ,mum 扮聽話！實則係電器鋪老闆娘同我講，有段時間個工人成日密密買慳電膽。個工人應該係用濕布抹壞我屋企 d慳電膽（用得成年以上），因為壞個隻膽白雪雪，無塵又無燒壞的痕。

佢上工第一日就遲大到，其實係騎牛搵馬。要我平日俾佢返多一次教會，其實係去識人借錢。星期日話就係去教堂，其實係做兼職還錢做到個樣好殘！叫我買coffee俾佢，有次買唔切，我隻煲仔個柄就忽然出現好多大條裂痕！（我初時以為煲「濃」野攪成咁！）之後菜刀刀背自此有好多凹痕，你地話呢？佢有一切衰工人的行為，講電話，睇電視唔餵BB，自己走落街，打斧頭，偷油偷米偷利是，講大話話死老豆要借錢，要求工作時間去探病，個人衛生差，d M hi 到成個床褥都有，d煲同鑊就花晒，同人借錢無錢還押護照，攪到債主打電話俾我……總括就係佢要話事控制你。唔得呈，就以暴力發洩落你間屋度！

你會問點解咁都忍？當你老公係外地做野，我一個睇兩個，有左個細b，等左大半年個菲傭又臨生先甩底，開始用佢唔覺有問題（佢好曉扮野，口又乖。）食你坐月煲花膠，而另一次係烏雞燉蟲草就話倒左，話佢就喊，死口唔認，楚楚可憐！要攪到你認為自己判斷係錯為止！跟住你d不鏽鋼瓷匙同叉，骨瓷碗碟就開始一日花過一日！佢自認係好人，唔鍾意人話（未到鬧的程度）。話佢，你屋企就會有d野爛或者花！（我成日以為係自然損耗！無懷疑過佢！）偷油偷米偷柔順劑，就誓神擘願話：「I never take your food out of your home！」就算最後有wd forty味d水，佢都一邊飲一邊好肯定咁連講兩次 clear water！

我間屋好似俾惡租客破壞咁！有傢私遮住的牆無一幸免，全部有窿，連地腳線都撬開，地下至膝頭的牆角全部俾鎚打過咁。佢好聰明，所有破壞都係 hidden同扮老化。由佢上工開始，我d衫就成日無減d閃石或珠片，d袋同鞋突然爛得好快。佢會係d披口上做手腳擴大爛位，扮爛得好自然，等你唔會懷疑！佢亦唔駛賠錢！

佢走左我開一次櫃筒檢查就失眠一晚。佢用火柴燒完d啡色物體搽落我每張證件相度、偷鎖匙開你櫃筒用針同錐篤花我d首飾，省花隻金錶背面，刮花所有透明的盒。最經典係有條皮手帶，佢可以係背後同你用針打幾百個窿仔、全新放係衣櫃內的籐籃佢同你挑起籐條打超過四十個結，等你用唔到！一個月內係街連爛三對鞋，檢查鞋櫃先知全部鞋都有唔同的爛法！！！貴書如牛津字典同你擘爛書脊，皮面聖經就同你屈巢個封面同刮花個銀邊！好多本兒童圖書爛左一個頁，佢同你屈爛隻角兼撕爛多幾頁！花咁多時間做埋d咁野，見到警察又驚都唔驚，仲懶大支野，唔係精神有病係mud！

講咁多，其實仲有好多，無非係想青衣區各位僱主清醒，事關佢 d戲可以被提名角遂大獎。係我屋企佢成日都喊扮可憐！佢表面真係扮到無懈可擊，家務成日扮做左我都念在佢年紀大算數，當有個人係屋企睇仔，等我可以去照顧中風個阿爸！就算係勞工處見官前，佢都扮晒野，好溫柔嘴角帶笑咁話：「mum……m，I want to settle it peacefully！」可能係佢眼中，我又曚又好易tum！

我諗無論個工人幾想呃錢都算，我幫過佢，俾過錢佢（唔係借），半日OT當一日計。佢當係應份仲嫌你幫唔夠，要破壞你間屋同財物洩憤都唔夠，仲要傷害你d仔女就不能接受！政府制裁唔到，我報警三個警察上樓睇過佢刮花我廳中間放電視個木櫃面有成十幾廿條花痕，同佢用罐頭刀刮花有一吋乘一吋花痕的鑊，聞過有wd forty味支水都話無辦法只有俾錢佢走！天佑香港的家庭！

[ 本文章最後由 wan-wan-ma 於 08-11-4 18:12 編輯 ]

0 0 0

私人傳訊

nam

積分: 2883

49^#

發表於 08-12-23 10:05 |只看該作者

原文章由 wan-wan-ma 於 08-12-23 03:20 發表

我寫個顛婆所有惡行出黎，都係想其他僱主有個參考！

菲律賓個國家衰，但賓妹團結！
香港經濟比較好，但僱主就忙，一味俾錢了事，
攪到工人咁惡，最終又係香港人自己受害！ ...

私人傳訊

積分: 574

48^#

發表於 08-12-23 03:20 |只看該作者

原文章由 kellyli38 於 08-12-18 17:41 發表

我9號抄bunbun , 10號早上6點都係fax, 17號2點30分都係, 就係她走后發生從沒試過, 最慘bunbun 仍在hk, 我都怕, 我bb 晚晚sleep 不好, becasue 她"空" 我bb,

我寫個顛婆所有惡行出黎，都係想其他僱主有個參考！

菲律賓個國家衰，但賓妹團結！
香港經濟比較好，但僱主就忙，一味俾錢了事，
攪到工人咁惡，最終又係香港人自己受害！

私人傳訊

車厘b

積分: 1356

47^#

發表於 08-12-20 18:25 |只看該作者

原文章由 wan-wan-ma 於 08-12-19 16:01 發表

我係另一層一百萬人的故事！另類弱勢社群！
記者未必信！除非有請過工人先會有體會！
等同高官無請過外傭，一樣唔知民間疾苦！

蘋果報係against government架嘛!

你個case又唔係假, 唔信最少都知道呢件事, 會當笑話咁同家人朋友講吖! d人唔多唔少都會小心d, 總會有人受惠

一於唱到嗰個正苦冇面見人, 集體辭職!!!!!!!!!

全新hp officejet printer~只售$1250 有意者請pm我!

私人傳訊

積分: 574

46^#

發表於 08-12-20 13:40 |只看該作者

原文章由 ONTAT 於 08-12-18 18:36 發表
唉!.....樓主都算當黑......呢啲咪精神病....囉!!

我個妹都係做得好差.....但看完你的文章.....我真係暈暈地..........祝你盡快走過黑暗的盡頭...就是光明的來臨了...... ...

做得差，可以教！
心地唔好，唔駛精神病都可以漂壞衫，刮花煲！

得我一個人睇大又睇細，無餘力留意個工人，亦勢估唔到個痴線睇準我一個女人仔，蝦得我咁盡先至咁大煲！

你俾小小時間留意下個工人就知有無得教！

私人傳訊

積分: 574

45^#

發表於 08-12-19 16:01 |只看該作者

原文章由 naviegirl 於 08-12-18 19:04 發表

agree ... the coverage here is too small.

Assuming there are 200,000+ overseas maids in Hong Kong, each serves a 4 people family. Oversea maids problem technically is affecting 800,000 to 1 mil ...

我係另一層一百萬人的故事！另類弱勢社群！
記者未必信！除非有請過工人先會有體會！
等同高官無請過外傭，一樣唔知民間疾苦！

私人傳訊

naviegirl

男爵府

積分: 7509

44^#

發表於 08-12-18 19:04 |只看該作者

原文章由 車厘b 於 08-12-18 16:21 發表
不如將呢段經歷send俾香港正苦/蘋果日報啦!
最好整大件事, 引起社會各界關注, 等嗰個眼盲心盲既香港正苦無面見人.

我真係越睇越同情你 , 遇到個咁既工人. 比著係我, 我就會fire咗佢, 請個鐘點好過. ...

agree ... the coverage here is too small.

Assuming there are 200,000+ overseas maids in Hong Kong, each serves a 4 people family. Oversea maids problem technically is affecting 800,000 to 1 million hong kong people.

私人傳訊

ONTAT

民房

積分: 19

43^#

發表於 08-12-18 18:36 |只看該作者

唉!.....樓主都算當黑......呢啲咪精神病....囉!!

我個妹都係做得好差.....但看完你的文章.....我真係暈暈地..........祝你盡快走過黑暗的盡頭...就是光明的來臨了......

私人傳訊

kellyli38

積分: 3661

42^#

發表於 08-12-18 17:41 |只看該作者

原文章由 wan-wan-ma 於 08-10-28 21:58 發表
此工人既陰毒又有精神病，最慘佢個樣呃到人！

佢走左我試過半夜電話響兩次，臨天光六點幾又一次都係fax。平日零零散散都有唔同時間收到fax聲電話。住左十幾年都無咁，佢一走左就有依種怪事，你地話佢報服心幾重！

佢走左，我對住 ...

我9號抄bunbun , 10號早上6點都係fax, 17號2點30分都係, 就係她走后發生從沒試過, 最慘bunbun 仍在hk, 我都怕, 我bb 晚晚sleep 不好, becasue 她"空" 我bb,

私人傳訊

方方媽媽

水晶宮

積分: 74328

41^#

發表於 08-12-18 16:25 |只看該作者

樓主,我都登你慘,不過依家雨過天青啦!
小朋友無咩大損傷,都算執番身彩囉!
呢個post,唔好比佢沉,久唔久up下,等多d人留意到,斷個痴線婆既米路,等佢返鄉下先!

私人傳訊

車厘b

積分: 1356

40^#

發表於 08-12-18 16:21 |只看該作者

不如將呢段經歷send俾香港正苦/蘋果日報啦!
最好整大件事, 引起社會各界關注, 等嗰個眼盲心盲既香港正苦無面見人.

我真係越睇越同情你

, 遇到個咁既工人.

比著係我, 我就會fire咗佢, 請個鐘點好過.
祝樓主好運, 小朋友健健康康

全新hp officejet printer~只售$1250 有意者請pm我!

私人傳訊

christy-mama

子爵府

積分: 10446

39^#

發表於 08-12-18 14:42 |只看該作者

越睇越心寒!

, 你工人癲到咁, 落w forty向水到比小朋友, 再遲d真係搞出人命!

私人傳訊

積分: 574

38^#

發表於 08-12-18 13:31 |只看該作者

原文章由 qqqqqq 於 08-12-18 10:02 發表

我以前仔細女細,兩公婆要返工時,我都有呢種感覺.自己又唔好彩,未曾遇過好工人,就算唔好都要忍,或是貼錢炒工人再貼錢比agent再請另一個. 經過多年來的衰工人教了我很多野,而依家唔駛返工先唔駛受咁多工人氣同唔怕 ...

睇怕香港d高官（制定政策果班）咁忙都唔生仔或者個獨生仔獨生女都大個唔怕外傭玩野，民間疾苦佢地又點會知同關心呢！淨係知道人口唔夠，齋叫人生三個，又無長遠政策配合。例如生三個可有更高免稅額，教育資助，甚至請外傭湊仔可扣稅。

又或者社會福利處或自願機構提供更多地區性初生嬰兒托兒服務俾小家庭有更多選擇，令他們可安心工作。另一方面又創造中年婦女就業機會。真係國泰民安！當然咁又會威脅眾多外傭公司、航空公司、甚至係領事館等既得利益者，阻力可想而知。徵結係個政府真係福為民開，有決心克服一切困難，定只顧保住自己個官位，做少錯少就算！我地就放長雙眼睇下會有mud長遠政策出台。若然政府短視就祝佢同佢d政策一樣，年效短！眼光長遠者，就真係抵佢久治長安！

私人傳訊

qqqqqq

積分: 2815

37^#

發表於 08-12-18 10:02 |只看該作者

原文章由 wan-wan-ma 於 08-12-18 03:10 發表

要兩公婆返工請個外傭係屋企湊仔的僱主都知，其實等同自願放條肉參俾個工人劫持，遇上唔好的外傭就會演變成屋內勒索，外傭要借錢，僱主好難唔借！ ...

我以前仔細女細,兩公婆要返工時,我都有呢種感覺.自己又唔好彩,未曾遇過好工人,就算唔好都要忍,或是貼錢炒工人再貼錢比agent再請另一個. 經過多年來的衰工人教了我很多野,而依家唔駛返工先唔駛受咁多工人氣同唔怕佢咋! 唉, 雖然變態工人我都試過,但好似你個咁勁癲,我就未試過.我都一面睇你所寫,一面替你擔心,好彩小朋友無比條傻婆攪咋. 香港正苦抵打,外傭政策玩死僱主,玩死香港最有生產力的一班人.

私人傳訊

FA8866

公爵府

積分: 28578

好媽媽勳章醒目開學勳章

36^#

發表於 08-12-18 03:51 |只看該作者

wan-wan-ma
唉,剩係您請工人既血淚史都夠出半本書啦.

您唔好太激心啦,為呢D人唔值得呢.睇下我地幾時有聚會,您一齊出黎開心下啦.

[好似得我見過您咋喎,其他義工未見過?

]

私人傳訊

積分: 574

35^#

發表於 08-12-18 03:10 |只看該作者

原文章由 Siuchoi 於 08-11-5 13:32 發表
樓主....聽你咁講, 佢真係short架....唉....又一不幸小僱主....God bess you!!

今朝睇到段新聞, 話HK婦女不生小孩, 要鼓吹一下大家生育~ 政府! 你收皮啦! 生左唔洗做你養呀? 咁我養係米你湊呀? 連我地要咩你都唔 ...

要兩公婆返工請個外傭係屋企湊仔的僱主都知，其實等同自願放條肉參俾個工人劫持，遇上唔好的外傭就會演變成屋內勒索，外傭要借錢，僱主好難唔借！

私人傳訊

bblamlam