純粹呻下, 不喜勿插
仲有幾個月就結婚, 原本冇打算擺酒, 諗住同屋企人食餐飯算
點知未來奶奶好想我地擺, 咁好啦.最後決定擺
而家諗番起都有少少後悔
有好多委屈野..不過呢度唔講啦, 主要想講下D姊妹
我TOTAL 4個姊妹, 幾個中學同學&識左10幾年既朋友
不過心入面都有少少擔心, 其中兩個係幾有主見既人
但諗住會好幫到手? 所以搵左佢地
我1月時已經邀請佢地做姊妹
佢地即時答應, 我都好感恩
只係諗住佢地只要BIG DAY幫手就夠了. 其他我自己做晒
2個月前開始搵姊妹裙
咁我首先問佢地想揀咩色. 姊妹A有個不斷話要灰色, 但其他想要藍
搞左一輪. 我好努力說服姊妹A, 終於揀左藍色.
而個款呢? 其他姊妹話要單膊
而姊妹A好堅持要背心款……
最後…..姊姊A要背心款, 另外兩個姊妹就單膊啦
(其實我冇所謂, 不過姊妹A意見多多令我好頭痛)
咁輪到伴娘啦. 我上網搵左幾款佢睇. 叫佢揀, 跟住等佢覆(Wtsapp問)
點知隔左幾日都係已讀不回
一係就講句麻麻地, 粉紅色又話太少女, 香檳色又話普通………
我其實想佢快d決定, 跟住拖到而家都未揀好…..
開始有少少嘔血
4個姊妹入面有2個識化妝, 而伴娘&姊妹A就係唔識化妝既
佢地好堅持要我搵MUA幫佢地化 (因為我有諗過叫另外2個識化妝既姊妹幫手)
嗯………咁好啦
總之我講親咩都俾佢地BAN
我唔係想慳o個d化妝錢. 係我之前試過d姊妹化妝好核突, 自己化仲靚…
咁可能你地以為得伴娘同姊妹A咁麻煩? 我原本都以為係
我係去舖頭度身整姊妹裙, 分開約幾個姊妹
先唔講約極都約唔到既問題
而姊妹B, 近排開始拍拖, 我6月中已經約左佢今個月月尾度身
當時實牙實齒話一定黎到
點知佢7月頭同我講話未必得
因為佢o個個星期要同男友去邊去邊………..唉
坦白講我明女仔係重色輕友, 但佢一早已約左我,
係咪可以話改就改呢? 識左10幾年都唔及佢拍左一個月拖既男人…
其實我唔要求佢地幫我做D咩, 亦明白佢地有自己生活
只係感覺有D係完全唔上心, 亦冇關心過我搞結婚既進度點.
朋友…可能係我自己期望多左
又或者係睇清楚少少識左咁多年既朋友係點
所以搞結婚野搞到好灰.
呻完
發表於 
姐妹呢D 多數係煩到嘔 , 同多數你講乜都吾理。 好正常既事項
我諗十對結婚有九對既姐妹都有你呢D情況
睇化D 無野既
返回列表
