懷孕前後

跳至

首頁
12

尾頁
   17


別墅

積分: 855


1#
發表於 16-7-19 18:00 |只看該作者
隔咗超過1個月了,稍微搵到啲時間打番篇嘢出嚟


6月13日,38週6,囡囡提早了8日出來。
6月10日星期五,瞓到中午先醒,見未食得落嘢,就走去刨薑(對,還未煲薑醋)。刨刨下突然有嚟m嘅感覺,一check原來是見紅了。聽講見紅都唔係即刻生得,
所以通知咗老公我就繼續刨薑~
隔咗陣,老公打嚟話佢拍檔問咗佢老婆,話我第一胎見紅醫院多數會收,所以佢放咗我老公少少時間返屋企陪我去醫院。而我就嗱嗱聲沖涼,沖完老公剛好返到屋企,攞埋走佬袋就落街截的士去威記。
老公本來想call白車,我話白車會去急症室又再等分流,自己搭的士係直接上病房,梗係揀的士啦!


上到7F,啲姐姐同姑娘都好好人,好耐心講我跟住要做咩。
到準備駁機聽BB心跳,見到門外嘅老公,姐姐叫佢可以行開去食個tea,因為駁機要成半個鐘,咁我就叫佢返公司先,放工再過嚟。
能夠有咁長時間聽BB心跳真係好開心,嗰半個鐘真係好享受
返到病床,我開始餓到發慌,然後醒起自己由起身到依家都未食嘢,即刻whatsapp老公放工買個至尊漢堡俾我。
到咗探病時間,老公嚟到,我欲哭無淚,因為佢兩手空空
原來佢居然睇漏買包個msg……結果佢去ok買咗包排包俾我,嗱嗱聲食兩塊頂住先
隔多陣到晚飯時間,我三扒兩撥就食晒了
無耐護士長嚟到,話因為病床唔夠,要升我同隔離床媽媽上9E私家房


私家房係幾爽嘅,一間房兩張床,每張床一部電視,洗手間喺埋病房入面
嗰晚我開始覺得痛,但時規律時唔規律,姑娘每次問都係叫我留意有無痛密咗痛多咗同穿水

6月11日星期六,全日嘅狀態就係見紅,同埋痛下唔痛下,老公就話應該係時候,搞到我都覺得係。
感覺到BB個頭越頂越落,但就越來越唔覺痛,每次姑娘嚟問有無痛多咗呀,我就越來越沮喪。
心裡又記掛住屋企啲薑,同埋臨入院前叫我去攞嘅順豐件。
有樣開心嘅係,本來呢日約咗姊妹食tea,但結果就變咗佢哋嚟探病

到咗星期日,痛得更加少,我同BB講:你想幾時出嚟就幾時出嚟啦,我哋有時間。
嗰朝有位好溫柔好細心嘅女醫生巡房,話我既然無乜點痛又未穿水,不如就俾我返屋企抖啦!我梗係即刻話好,然後打電話叫老公嚟接出院。

返到屋企,我就繼續刨薑,仲plan埋晏啲去攞件同買煲(係,連薑醋煲都未買)
好啦,件攞咗,煲買埋,食埋晚飯返屋企,趁7點零仲係天口慶沖個靚涼,撻番落床抖下

到咗差唔多10點,我打一打側身,feel到有嘢想流出嚟,直覺覺得唔似見紅,所以我慢慢坐起身,feel到流出嚟嘅係水,打開褲仔一睇,見到淡黃色嘅胎水流出嚟
即刻沖去厠所,一坐低,啲胎水就her出嚟
我大聲同老公講:穿水!真係穿水,攞嘢搭的士!
然後我戴番塊m巾,換衫,攞條大毛巾就出門口了
喺的士度我心諗:今次嚟真了


再一次上到7F,見番之前個姐姐,佢當然唔認得我,我話佢知我今朝先喺度出院,然後做番之前入院做嘅嘢,磅重,量血壓
但今次無咁輕鬆了,一郁就feel到胎水係咁滲出嚟
姑娘叫我瞓上床幫我check宮頸,雖然佢只係口中念念有辭,但我大概估到係話我一度都未開
check完要落床,好進退兩難,一郁就滲水,唯有慢慢落,但事實沒有比較好
結果漏到一地都係,係咁同姑娘say sorry


待續‥‥‥
I love handmade~


別墅

積分: 971


32#
發表於 16-7-25 14:44 |只看該作者
多謝分享, 好詳細, 亦好戥你好彩遇到D好護士... 我睇另一D媽媽分享, 威院D嬸嬸, 護士態度真係麻麻... 我9月生勒, 有你既分享多左一份了解 & 安心. 祝福你同BB健健康康~


大宅

積分: 1055


31#
發表於 16-7-22 23:10 |只看該作者
emilyng214 發表於 16-7-19 18:00
隔咗超過1個月了,稍微搵到啲時間打番篇嘢出嚟

謝分享。


複式洋房

積分: 275


30#
發表於 16-7-22 16:30 |只看該作者
恭喜哂!睇左你既經驗好似打左個底咁


珍珠宮

積分: 33316


29#
發表於 16-7-22 08:19 |只看該作者
恭喜,我11月生,都驚


別墅

積分: 870


28#
發表於 16-7-22 00:09 |只看該作者

回覆樓主:

真係好精彩,我九月都係威記生,我超怕痛,好驚自己頂吾順


複式洋房

積分: 252


27#
發表於 16-7-21 22:48 |只看該作者
追追追,多謝分享


複式洋房

積分: 261


26#
發表於 16-7-21 22:15 |只看該作者
睇完令我諗翻起兩個月前生bb嘅情況,真係好難忘:mother:嘅經歷


大宅

積分: 4976


25#
發表於 16-7-21 19:09 |只看該作者

回覆:我的長篇威院生產回憶

支持支持 好勁恭喜


別墅

積分: 707


24#
發表於 16-7-21 11:36 |只看該作者
支持支持!!學到好多野呀!!
見到形容剪會陰個過程我就雞皮都起哂
希望我到時都捱到!!!


大宅

積分: 1909


23#
發表於 16-7-21 11:28 |只看該作者
原來待產姿勢係用狗仔式跪喺床度~~>唔睇都唔知~


大宅

積分: 1484


22#
發表於 16-7-21 11:22 |只看該作者
多謝分享,好詳盡呀繼續期待~


大宅

積分: 4810

Xmas吸收勳章 熱血勳章


21#
發表於 16-7-21 09:17 |只看該作者
繼續追


大宅

積分: 2342


20#
發表於 16-7-21 08:55 |只看該作者
恭喜曬, 多謝你咁詳細的分享!!


複式洋房

積分: 357


19#
發表於 16-7-21 08:19 |只看該作者

回覆樓主:

你真係講得好detail,對於第一胎既人真係有好大幫左啊,好多謝你既分享! 我都係怕痛(我真係多餘大部人都怕痛架啦!)我又係第一胎,完全唔了解bb出世個前後個幾廿個鐘所發生既情形,當然好多書都會講,但唔夠有經驗既媽媽講實戰出嚟咁有用囉


大宅

積分: 3456

虎到金來勳章 2021可愛聖誕B勳章 減齡達人勳章


18#
發表於 16-7-21 08:11 |只看該作者
好勁, 好詳細, 完全諗到有幾痛我係好忍唔到痛嘅人, 好驚到時忍唔到~~


別墅

積分: 855


17#
發表於 16-7-21 05:17 |只看該作者
本帖最後由 emilyng214 於 16-7-21 05:32 編輯

終於嚟到傳說中嘅產房,比想像中大好多,成個環境同氣氛都係舒服的

姑娘同姐姐叫我上產床,我趁唔係咁痛好快咁爬上床,無錯係爬,差啲嚇親姑娘,佢哋係咁叫我坐咗上去先,but too late,佢哋未講完,我已經成個人上咗去了
上之前,我著住紫袍,粉紅褲,粉紅衫當外套
上之後,就俾姐姐除淨紫袍了

10點
正式瞓上產床係10點咁上下,姑娘將張床升高,再喺我肚度駁機check心跳,今次駁機係由一開始駁到生完為止的。
駁好機佢哋就俾我老公入嚟陪我了。

產房姑娘好好,教我用咩姿勢瞓會開得快啲。
又因為參與研究,佢哋都有問我想用咩止痛。
嗰陣唔算太痛,揀了暖包熱敷,敷喺後腰位,確係幾舒服
姑娘又俾按摩油我老公,教佢幫我按摩,仲舒服
我再自己轉埋待產姿勢,用狗仔式跪喺床度,睇one born every minute啲媽媽好鍾意咁跪。我一跪,啲姑娘贊聰明﹙我估香港唔係咁多產婦會咁樣跪住待產﹚,又幫我將床尾降低。又再舒服啲~
不得不贊威院姑娘嘅專業,同對產婦要求嘅尊重&協助

顯示bb心跳部機就喺床隔離,我就時不時望下佢心跳有無慢落嚟,因為睇唔少媽媽話因為bb心跳減慢而要轉開刀。我超超超唔想開刀啊!唔係怕食全餐,係我無勇氣接受劏開8層,再用超過1年時間來復原。真心佩服開刀生產嘅媽媽s

每次陣痛,我都好下意識望鐘,吖,衰鬼你又真係好準時4分鐘痛1次噃

跪到咁上下,我諗係11點左右,真係有啲攰,好想有少少時間可以洽下眼瞓,所以要求咗打止痛針。其實可以的話我係唔想用藥物止痛的,而姑娘亦都解釋咗其實止痛針嘅效力唔係維持好耐,依家打有點兒太早,結果我打消咗呢個念頭,姑娘都認為係明智之舉。


之後姑娘建議我用笑氣。
吸笑氣一定要聽姑娘話,因為一定要吸得啱先有效。
鼻吸口呼,吸要吸深啲,呼要呼長啲;一痛就開始吸,吸呼到唔痛就要停。


12點
原本話1點check度數,結果因為痛到3分鐘一次,一check已經開到4度,姑娘話算開得好快。


因為都午餐時間,姑娘係咁叫我老公去食啲嘢先,但佢好怕一行開就話我生得,所以就算姑娘猛話我無咁快生得,佢始終堅持留低陪我。


繼續吸氣止痛,吸下吸下都吸到wing wing哋。
依稀記得聽到隔離房媽媽生咗嘅bb喊聲,我仲同老公講:真係好,隔離房bb出世了~
又記得同老公講過:呀女好叻呀~


仲記得想wee wee,但因為唔落得床,姑娘幫我用導管放尿
以為會好痛,但其實咩都feel唔到


唔記得係咪呢段時間,有位女醫生走嚟同我講,問我可唔可以參與兩位澳洲醫生關於保護產婦會陰嘅研究。
唔通我個樣生得好研究咁款?
咁幫到人嘅嘢我都係會應承嘅~


3點
痛下痛下嚟到3點,突然有好想好想痾嘅感覺,老公幫我嗌姑娘,今次一check原來已經開到8 度。
一聽見8度,心諗:yeah,好快生得啦!


結果事與願違,8度到10度反而用咗成2個半鐘
老公同姑娘討論過,可能一開始開得太快太順利,bb頭仔未夠啱位
所以途中有好幾次我超想痾,猛話唔得啦,但都係未痾得


我覺得呢個過程先係最辛苦嘅,我連笑氣都可以唔駛次次吸﹙免疫咗?﹚,唔係唔痛,而係攰到唔想理會有幾痛
每次好想痾都會自言自語咁講:唔得架,未痾得架,唔好用力呀!


仲係咁想整鬆駁機嗰兩舊嘢,因為好唔舒服,覺得兩舊嘢令到我更加想痾
我知道呢個要求好任性,但無可能鬆綁架嘛,但姑娘都有想辦法鬆啲啲同移少少位,等我好受啲


5點半
到咗5點半,終於開夠度數生得啦!
聽住醫生姑娘講,有痛就吸口氣用力,仲有痛就再吸氣繼續,唔好嘥咗嗰下痛
嗰陣我已經唔係好識分自己痛唔痛,所以每一次都問姑娘:係咪嚟嘞?好怕錯過用力時機
無痛就放鬆晒休息,我個放鬆晒係鬆到聽見醫生講,睇嚟佢真係好攰
我用晒可用嘅3個姿勢嚟用力,由仰臥轉坐臥,再轉側臥
生到一半,我先發覺原來我仲未用盡全力


聽聞開始用力起計1個鐘左右要生到,唔係就要用儀器幫手
我又係唔多想有儀器介入,所以真係博晒老命咁用力


當進入最後階段,佢哋幫我轉番坐臥,而兩位澳洲醫生亦都入埋嚟拍片﹙見唔到樣的﹚
再痾多幾下,姑娘同我建議剪會陰,因為話我會陰同肛門有啲近,怕一爆會好嚴重
開頭我都問係咪一定要剪,醫生就問我係咪真係唔想剪,老公就話不如都係剪啦,所以我最終決定係剪嘅
剪嗰下係feel到個動作,但痛呢,係完全feel唔到嘅,好似佢剪咗都唔關自己事咁
剪完嗰下再痾多下,佢哋叫我唔好用力,我估應該係頭出咗,要等bb轉側身
我係咁問:得未,好想痾﹙未痾得要ha氣避免用力﹚
終於用得力痾埋最後一下,WOW,解脫了


老公即刻同我講辛苦晒
姑娘抱起bb問我性別,答完係囡就抱去抺身檢查了
痾多一下痾埋個胎盤出嚟,姑娘再幫我撳肚撳啲惡露出嚟,今次懷孕正式完結了


待續‥‥‥﹙太長篇了,無計都係待續好啲﹚


I love handmade~


大宅

積分: 4810

Xmas吸收勳章 熱血勳章


16#
發表於 16-7-20 16:49 |只看該作者
等啊~~~


大宅

積分: 1909


15#
發表於 16-7-20 14:32 |只看該作者
我反而想知直落產房之後會點~?


禁止訪問

積分: 15092

醒目開學勳章


14#
發表於 16-7-20 12:54 |只看該作者
提示: 作者被禁止或刪除 內容自動屏蔽

首頁
12

尾頁

跳至
Presslogic Logo
Baby Kingdom Logo