吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 全職媽媽有無假放？

自由講場今日: 2045|主題: 1353008

收藏本版

發帖

返回列表

跳至頁

查看: 781 | 回覆: 21

全職媽媽有無假放？ [複製鏈接]

wing2212

子爵府

積分: 10265

好媽媽勳章

1^#

發表於 08-10-31 22:36 |只看該作者 |正序瀏覽 |打印

我做咗全職媽媽5個月，由個仔一出世到而家都係自己揍，屋企得一家三口，無工人，洗衫煮飯都係我。

平日去買餱都要帶阿仔出去，個仔又開始好痴身，响屋企都要抱住瞓，一放低就醒，我就唔郁得，成日坐响梳化。c6放工番黎都只係會睇住一陣，俾我有時間去煮飯洗碗沖涼(有時要等到個仔瞓咗先有得去沖涼--12:00之後)，所以真係無私人時間。

星期六日會番奶奶度瞓一晚，但係佢哋住離島，所以都唔會出番市區。唔好話去睇戲，連想去剪頭髮都無時間。

我開始覺得辛苦，以前可以去邊都得，而家去邊都要帶住阿仔，c6佢又覺得佢番工搵錢好辛苦，無理由放咗工仲要佢揍仔，佢今晚仲自己出去同朋友食飯，我就連去廁所都唔得閑，真係好down。

有無人可以開解吓我呀？

0 0 0

私人傳訊

EVA222

禁止訪問

積分: 81485

22^#

發表於 08-11-1 16:29 |只看該作者

提示: 作者被禁止或刪除內容自動屏蔽

私人傳訊

雪晴晴

公爵府

積分: 25160

畀面勳章

21^#

發表於 08-11-1 15:28 |只看該作者

我由個女出世已經做全職媽媽,而家個女3歲半都係我湊,又要做埋屋企野,都係冇假放,黎緊出年細b都出世啦,到時一定仲忙,不過我又唔覺得好辛苦,係會好累好眼訓囉,見到個女一日一日咁長大,由咩都唔識都而家有問有答,有時佢講嘅野仲令到你意想不到,都幾開心架.

私人傳訊

彤b^^

禁止訪問

積分: 20403

20^#

發表於 08-11-1 14:54 |只看該作者

提示: 作者被禁止或刪除內容自動屏蔽

私人傳訊

西貢irene

別墅

積分: 844

19^#

發表於 08-11-1 14:29 |只看該作者

原文章由 shirley73a 於 08-11-1 09:58 發表
agree with you~

我都做咗全職媽咪成9年喇..日子都係咁過...初初係辛苦d...但呢d都係人生必經階段...除非屋企有錢可以請個工人...唔係咪mug都係自己做...冇得呻架喇...個bb係你自己生家嘛..呢d冇得怨人架..
係就係 ...

我做在11年全職媽媽及做兼職(2個小朋友)...現在回想日子過得好快,細仔都9歲,是直得的,2年前開始有假(因他們去宿營)會有1,2日假,現在輕鬆好多,因大囡上了中學,過多幾年我會好多假及回憶

私人傳訊

shirley73a

禁止訪問

積分: 24331

好媽媽勳章畀面勳章

18^#

發表於 08-11-1 09:58 |只看該作者

提示: 作者被禁止或刪除內容自動屏蔽

私人傳訊

我愛Corina

瑪瑙宮

積分: 137983

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

17^#

發表於 08-11-1 06:50 |只看該作者

我係一個要relax既人,我會叫我媽咪幫我睇下,自己出去行下街...
我奶奶幫我睇到亞b 6個月後,就返左hk成4個月,果段時間真係好辛苦..

私人傳訊

lovelybearbear

大宅

積分: 2022

16^#

發表於 08-11-1 06:36 |只看該作者

樓主, 你呢d唔係叫辛苦, 好多好多ma ma比你辛苦好多, 我一湊二, 大o個個8歲, 細o個個2歲, 餵左年半人奶, 又係無工人, 個細既又頑皮, 大o個個又要幫佢追成績, 一年四次考試壓力十分大...

呢頭考完o個頭又黎料.....

我反而想, 有d湊三個既又點計? 老公起碼唔駛我做, 唔駛擔心$銀上既野, 有屋比我住....係辛苦d, 又點計得o甘多, 你講得對, 老公要relax, 由得佢, 唔好太過份就得. 所以, 我一直覺得知足常樂既.

而家成日o係哥哥未放學既時候, 我都會帶囡囡四圍去, 行街買衫食飯, 不知幾"樂消遙"

人地成日話我辛苦, 我多數都答佢話: 係呀, 必經階段, 過程來的, okay嫁."

私人傳訊

peggy@_@

男爵府

積分: 5707

15^#

發表於 08-11-1 05:36 |只看該作者

我都係自己一個湊女,呀女就嚟兩歲半~
係好辛苦傢,不過最辛苦係頭兩個月,一日8餐奶(好彩係奶粉),唔肯瞓bb床唔肯比第二個人抱(爸爸都no),頂唔順我日日夜夜抱住一齊係soft到瞓......

有事時就叫c6放假睇住呀女囉,搞掂晒就即刻扑返屋企囉,到呀女差唔多兩歲就間中夜晚11:30出去同嬸仔食宵夜.鬧吓99吹吹水囉!!!

私人傳訊

loveyammie

大宅

積分: 2561

14^#

發表於 08-11-1 04:49 |只看該作者

初初自己湊亞女果陣真係好辛苦架日頭先訓夜晚就玩晚晚冇攪好訓仲要成日抱住一放低就喊一年完全未放過假冇人幫到我手
到我出去做野放係媽咪到一個禮拜見得果3次日日都好掛住佢番到去媽咪到佢已經比以前冇咁跟我仲唔肯同我訓果陣真係好唔開心架不過冇辦法搵多兩年錢搵到幾多得幾多嘛
到有左細bb 老公就決定要我自己湊番
佢覺得小朋友始終係父母親手湊大既係會比較開心d同埋幸福d 起碼我地會盡量教好佢地比個開心既童年佢地

私人傳訊

joey122

大宅

積分: 4664

13^#

發表於 08-11-1 04:49 |只看該作者

我都係自己一個湊女~
到個女差唔多3歲時第一次請大假同我個妹&我best fd去旅行~
平時都係久唔久等老公or媽咪有時間先同我湊住個女,我先可以去dup下骨.
到而家3歲返左學,雖然返得3粒鐘,不過多左好多時間呀~有時老公off可以食個tea拍下拖都開心~
小朋友好快大~而家辛苦多陣啦~
我都好懷念以前同老公鍾意去邊就去邊的日子,而家去邊都帶埋個女,不過~有佢又有另一種快樂wor~

私人傳訊

藍藍

伯爵府

積分: 15377

12^#

發表於 08-11-1 02:32 |只看該作者

全職媽咪做左3年幾,近排因為要去整牙先試過放過幾次假....因我2個仔都係食人奶,所以一直都放唔到假....依家就算係去整牙都只放得半日假咋,可能太耐未放過假,所以臨近要返屋企時真係超唔捨得咁快就要返屋企....放假果幾次唔止我一個唔捨得咁早就要回家,就連我表姐都唔捨得我走,因為我由細到大成日都會同佢一齊出去玩架,但結婚生仔後我地見面已經超少,平時佢打黎搵我,我地連電話都唔可以傾得耐...所以我放假果幾次我表姐都有陪我去整牙,之後我地就周圍行,我地2個都好懷念以前既日子....不過雖然只放得幾日假,但真係超開心....我諗再捱多2年到細仔都返埋學,果時就會好好多架喇.....

[ 本文章最後由藍藍於 08-11-1 04:57 編輯 ]

大b駿逸

細b駿晞

私人傳訊

月希

珊瑚宮

積分: 119719

2024年龍年勳章好媽媽勳章畀面勳章

11^#

發表於 08-10-31 23:54 |只看該作者

做左全職媽咪就黎6年..係冇休息日架啦...不過小朋友大dd返幼稚園就好d...佢返學時咪有私人時間休息下囉...做乜都得...不過上左小學佢地放學就同佢一齊辛苦囉

依家bb重細..好可愛好好玩..睇住佢地每日都有d唔同真係一件好開心既事黎架...

私人傳訊

patpat234

水晶宮

積分: 64075

好媽媽勳章

10^#

發表於 08-10-31 23:50 |只看該作者

做左全職差不多3年喇
都抖過一兩日o既半日,
叫阿媽過黎睇住大半日.

大仔返學唔夠一個月細女就出世,
細女都全人奶到8個月
4,5個月開始比佢落網床玩,可能有個哥哥,唔算好痴身.

相反當年哥哥真係好痴身,不過頭2年就賓姐湊.

依家全屋所有野都一腳踢,好彩細女由10月開始都返埋N1,依家多數佢地返晒學就做下家務,係佢地放學後煮飯時麻煩D LAW.

辛苦就一定辛苦過返工,但睇住佢地一日一日長大,所有識o既野都係自己睇住佢地第一次,真係好開心o架

「知足者，常樂也；不知足者，富亦憂。」

私人傳訊

bkfans123

公爵府

積分: 27290

9^#

發表於 08-10-31 23:24 |只看該作者

無..1日24小時, 1年365日on call, 年終無休

病到cc下都要做, '頭'....兩腳一申就有得'頭'了.

私人傳訊

w_y

公爵府

積分: 25476

好媽媽勳章 2011精緻種植勳章畀面勳章環保接龍勳章

8^#

發表於 08-10-31 23:12 |只看該作者

無, 一湊二, 除左老公放工放假, 無人幫, 無親人無工人 (除左大肚果時). 仲有 2 隻狗, 可惜一隻半個月前離開左. 我仲要餵全人奶, 送個女返學仲要過海. 我都唔知呢大半年係點捱過, 日日都想唔做人, 成日諗假就無得放, c 左咪有囉, 我唔會自殺, 但好想快 d c.

辛苦, 但係做人阿媽的責任, 有得你揀做全職, 已經比好多人幸福. 或者係咁可以令我頂落去...

[ 本文章最後由 w_y 於 08-10-31 23:15 編輯 ]

私人傳訊

VANESSAT

禁止訪問

積分: 7997

7^#

發表於 08-10-31 23:00 |只看該作者

提示: 作者被禁止或刪除內容自動屏蔽

私人傳訊

雪~bb

侯爵府

積分: 23656

2011至尊種植勳章畀面勳章

6^#

發表於 08-10-31 22:58 |只看該作者

我同你一樣
由bb出世開始一腳踢
完全冇人幫
呢隻生活而家都過左年幾啦
bb細係悶d
到bb有返半歲識爬識坐
就會好d佢會自己玩吓
你就有得抖吓啦~
我衰仔都係要成日抱上手架

私人傳訊

k_wong7

伯爵府

積分: 17406

虎到金來勳章

5^#

發表於 08-10-31 22:51 |只看該作者

我好明白你呀, 因為, 我由細仔四個月開始自己湊, 到依家細仔已經22個月啦. 你仔仔5個月, 最多都係要你抱訓, 我仔就爬上爬落, 好似看牛甘, 去一去廚房, 佢就爬左上鋼琴面, 好驚險呀, 真係連廁所都唔敢去甘多次, 真係返工舒服好多倍

我地大家一齊努力呀.

原文章由 wing2212 於 08-10-31 22:36 發表
我做咗全職媽媽5個月，由個仔一出世到而家都係自己揍，屋企得一家三口，無工人，洗衫煮飯都係我。

平日去買餱都要帶阿仔出去，個仔又開始好痴身，响屋企都要抱住瞓，一放低就醒，我就唔郁得，成日坐响梳化。c6放工番黎都只係會睇住一 ...