吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 長篇大論有左12週但未來老公同屋企人嗌交 ...

懷孕前後今日: 1|主題: 330623

收藏本版

發帖

返回列表

跳至頁

查看: 4939 | 回覆: 42

長篇大論有左12週但未來老公同屋企人嗌交 [複製鏈接]

12 3

crablau

別墅

積分: 958

1^#

發表於 16-7-24 19:07 |只看該作者 |正序瀏覽 |打印

自從我有左之後屋企人係好開心未來老公都開心有一日老公都有同我屋企人坐低傾我地就話唔擺酒啦有左bb 盡量慳就慳啦我屋企人都同意到左要約相方家長出來見擇好日註冊未來老公個老豆都好明白事理有bb 係件開心既事來關心我叫我唔好亂食野上來食飯就同未來老公媽咪講聲煲d靚湯我飲之後未來老公老豆就主動同我講穩日約我媽咪出來飲茶。仲問我媽咪鐘意西餐定中餐本身就話6月27號但我未來老公無假所以就話7月頭
係尼幾個月入邊我自已媽錫我知都想自己個女嫁到好我媽好急睇日子我媽話男家睇甘男家果邊最正常係距老豆我未來老公個媽就麻煩d女人來甘我屋企我媽我家姐哥就話穩個師父睇日子（初初商量)之後我同我未來老公就去左黃大仙穩人擇日 7月唔可以結婚（初頭屋企人都係甘講）甘師父都話係 8月就無乜好日（唔岩我地生肖之類）去到9月師父卑左幾日我地揀再神之後就要去到12月先得（12月就一定唔得因為就來生）睇完就話卑我屋企聽我媽就睇日曆 9月頭有兩日一日寫住危日一日話咩8仙過海都唔得（但尼兩日都係睇相師父卑我地日子來甘我媽甘講我無所謂唔好就唔好最好就係9月28號我老公果邊距老豆就話再問問距姑丈邊日好
其實我媽心急我都心急（再加埋我依家無野做未知有左就同公司已經辭左職）
我媽心急再加埋聽格離鄰居說話就影響左自己情緒我依家無野做突然有左呀bb 可能經濟上會手緊好多又要租屋又要買好多bb 既野我媽就聽完格離屋講完反來同我講話咩做單身媽媽去申請社處幫手又可以快d有公屋（但我老公話唔洗距自己努力跑數一係穩多份工做叫我唔洗擔心養好胎距自己會唸辦法）仲未見家長我媽又亂唸同我講（距地仲唔來面一定唔要人啦唔要你啦）甘我就同我媽你唔好亂唸啦人地爹地話會出就一定會出你又唔好嚇人又亂唸野）

0 0 0

私人傳訊

fantasytong

大宅

積分: 2048

43^#

發表於 16-7-26 00:22 |只看該作者

早兩個月前我都同你遇到同樣情況，屋企人聽到我有左BB，講到好似我遇到世界沒日一樣，話我做咩咁唔識諗呀之類。本身都話可以生完先結，但句句說話俾我聽都無好野既，最後我都係結左婚啦！
人生唔係樣樣都要跟足計劃，最緊要有個錫你同BB、又會互相支持既老公，唔好影響自己心情，加油努力 =)

私人傳訊

GCHK

珍珠宮

積分: 45321

42^#

發表於 16-7-25 20:52 |只看該作者

睇完
我覺得都系要保持好心態，relax

私人傳訊

水滴滴

伯爵府

積分: 18050

畀面勳章

41^#

發表於 16-7-25 20:30 |只看該作者

loveck510 發表於 16-7-25 14:12
唉，你太唔識做人啦，記住好女兩頭瞞呀！

無錯～結左婚都係要咁做

私人傳訊

yanbbycy

大宅

積分: 1288

40^#

發表於 16-7-25 19:06 |只看該作者

我當年都係有左先結婚.講真養到我咁大..比個男人一聲唔該都無就攪大左咪話佢地唔擔心.加上你咁岩又無野做..一定會好擔心.可能你媽用錯表達方式..但你老公都真係做得唔夠誠意..
一開始我同媽爸講生完先擺酒.佢地都話好既本身..但原來唔係架...再傾下（又聽下家姐果啲講）..原來佢地想見肚前大攪...所以有時媽爸話無所謂唔係真架...佢叫你咩都唔洗做慳反呢句都一定係假既..你宜家要做就係盡量同男家果邊傾..希望比到足夠誠意你媽等佢唔好太擔心你將來先.
你都唔好太勞累呀..岩岩有左情緒可能會波動啲..事過境遷雨過天晴.加油

私人傳訊

crablau

別墅

積分: 958

39^#

發表於 16-7-25 19:02 |只看該作者

wcm991101 發表於 16-7-25 18:55
其實懷孕頭3個月都只係肥媽唔肥b,最緊要放鬆心情，做野方面我覺得對方家長知道你冇野做，都唔會有咩，都係 ...

知道都好多謝你提醒我你講得無錯

私人傳訊

crablau

別墅

積分: 958

38^#

發表於 16-7-25 19:00 |只看該作者

Purple_0322 發表於 16-7-25 18:55
其實你呀媽要5既唔算多，睇得出你媽唔係恨錢果類，純粹係驚你生活得唔好同埋比人蝦。我地結婚仲加埋大陸5圍 ...

知道多謝你呀卑意見我

私人傳訊

wcm991101

男爵府

積分: 5733

37^#

發表於 16-7-25 18:55 |只看該作者

crablau 發表於 16-7-25 18:16
同埋老公個老豆都知我老同我呀媽嗌交但唔知點開聲講事情都嚴重我老公屋企人真係好被動其實我地有咩事都 ...

其實懷孕頭3個月都只係肥媽唔肥b,最緊要放鬆心情，做野方面我覺得對方家長知道你冇野做，都唔會有咩，都係8個月既事，又唔係一世唔做野，女人生仔一世人得過幾次，番工一世人友排做，如果哩個男人連你懷孕8個月都養唔起，點照顧bb同你一世

你宜家住係人地屋企，真係唔駛諗一定就你口味，每個家庭都口味唔同，結婚同拍拖係2回事，結婚後99係唔會當你客人咁對待，唔叫你洗碗做家務已經係優待，同每個人相處總有個磨合期，如果飯菜唔岩吃，就自己出街吃吧

私人傳訊

Purple_0322

侯爵府

積分: 21613

2018復活節勳章畀面勳章

36^#

發表於 16-7-25 18:55 |只看該作者

回覆樓主:

其實你呀媽要5既唔算多，睇得出你媽唔係恨錢果類，純粹係驚你生活得唔好同埋比人蝦。我地結婚仲加埋大陸5圍酒，不過父母體諒我地，比我地用禮金扣。Btw, 因為你兩個係5同環境下長大，又未婚懷孕，係呀媽都會擔心自己果個仔女架啦～你都唔怪得你呀媽或佢呀媽咁講野既，你都識話兩個都唔係識表達既女人黎啦～但你同老公做後輩既就要識得圓滑啲，好女兩頭瞞係事實黎~以後有咩唔開心，關埋門呻，上黎呻就好了，要避免發長輩勞嘈~

返工方面，你老公真係ok你咪抖下先，等bb大啲如果有人湊到咪再返下唔駛咁勞動既工囉～我經濟條件差啲，生完都要做，工作時間媽咪湊~好好養胎，12wk都未算最穩，成日喊好影響佢架，第日佢又成日唔開心架喇~放鬆啲，比啲時間大家啦～結左婚冇事既~

私人傳訊

crablau

別墅

積分: 958

35^#

發表於 16-7-25 18:49 |只看該作者

Wakamama 發表於 16-7-25 18:44
樓主打算幾時租樓住？
到時自己住咪可以日日留係屋企養胎，煲咩食咩自己話事。
都快做人阿媽，條路點行係自 ...

大概11 12月到啦甘又係。係呀依家等呀媽消左啖氣先無錯謝謝

私人傳訊

已刪除用戶

已刪除用户

積分: 5449

34^#

發表於 16-7-25 18:44 |只看該作者

提示: 作者被禁止或刪除內容自動屏蔽

私人傳訊

crablau

別墅

積分: 958

33^#

發表於 16-7-25 18:16 |只看該作者

empressbo 發表於 16-7-25 17:56
無錯，真係要兩公婆互相體諒
其實老公壓力同責任仲大，但我相信一齊面對無野解決吾到！其實你媽都係要面同 ...

同埋老公個老豆都知我老同我呀媽嗌交但唔知點開聲講事情都嚴重我老公屋企人真係好被動其實我地有咩事都係同距老豆距呀媽係好難攪果d女人唔識講野果d女人來心情好就問你食唔食野心情唔好問都唔問所以主持大局係老公個爸爸依家係老公屋企住兩個妹距爸媽6個人住我訓我就暫時覺無問題距兩個妹我又唔理距地距兩妹公主病唔多出聲老公屋企人唔知我依家無工作平時我就出街去圖書館等我老公收工到10點幾先反屋企所以係屋企食少有時真係好想好想飲湯一來想呀b健康一來本身自己好鐘意飲湯老公媽唔係無煲湯有但次次都係合掌瓜薯仔蕃茄湯有係屋企食飯就有得飲話反工既時候係唔會留湯留飯所以尼幾日距爸爸媽媽反鄉下探親我先夠膽用距廚房自己滾懷山湯魚湯飲如果唔係有呀b無得飲一排都無所謂但我好驚呀b無營養所以趁距媽媽唔係香港尼幾日我會日日滾湯飲但距媽媽反左大陸都每日打電話反來除左問距細細妹有無飯食之餘每次打來都問我有無反工我老公同距爸媽講我清緊假如果唔係遲d無得放我本身做美容師我就想話反埋下個月唔做因為如果我甘快話無做野距爸媽又擔心得我老公一個人做野負擔大又唔知點我覺得好復雜距屋企又煩我屋企又煩

私人傳訊

crablau

別墅

積分: 958

32^#

發表於 16-7-25 17:58 |只看該作者

empressbo 發表於 16-7-25 17:21
我都係有左先結婚，結嗰陣大概十六週
我好明白你心情，初初驗到有時都吾敢同家人講(不過幾日後就忍不住同 ...

連我家姐都唔明白我知道係我老公話我媽先係唔岩但我真係唔明我家姐唸咩距結婚果時擺酒同我講申呀媽好煩呀又吹果樣又過樣都有同我媽有少少嘈過但點解你明知呀媽好多野擔心點解唔識去開解反呀媽仲要你呀媽面前和應更加令我媽擔心亂唸野我自問自己今次都有錯或者真係唔應該同我老公講我媽又煩我又黑面我家姐又黑面我就唔會令到我老公發我媽皮氣

私人傳訊

empressbo

複式洋房

積分: 818

31^#

發表於 16-7-25 17:56 |只看該作者

crablau 發表於 16-7-25 17:49
多謝你先我依家就好好多自己盡量唔唸唸開心既事唸bb好想快d見到呀b出世
我地就唔擺酒我媽要求要50 ...

無錯，真係要兩公婆互相體諒
其實老公壓力同責任仲大，但我相信一齊面對無野解決吾到！其實你媽都係要面同尊重，擺番個和頭酒啦！女人好易氹！

私人傳訊

crablau

別墅

積分: 958

30^#

發表於 16-7-25 17:49 |只看該作者

empressbo 發表於 16-7-25 17:21
我都係有左先結婚，結嗰陣大概十六週
我好明白你心情，初初驗到有時都吾敢同家人講(不過幾日後就忍不住同 ...

多謝你先我依家就好好多自己盡量唔唸唸開心既事唸bb好想快d見到呀b出世
我地就唔擺酒我媽要求要50張禮餅卷我未來老公都應成都覺得無問題我都明白當中我媽同我老公有好大誤會我媽都成日話女生外向女生外向有時真係說話好難聽令到我好煩惱我老公每次出糧錢卑我係男朋友果時已經開始卑今個月未嗌交。我係屋企住都要卑家用我老公出糧卑錢我叫我係距份量果度囉錢卑家用我媽甘當然要卑少500至1000 唔過份太少既我都話好呀因為始終我係自己屋企住都要食我老公就話盡量唔好郁銀行積蓄過多幾個月要租屋又要買bb用品其實我覺得我老公係一個好有計劃既男人來只係有時距覺得太過份既事情距覺得容忍度有限我甘樣講唔係整係偏幫我老公我唔係手指交出唔交入我覺得係要大家互相體諒無唸過事情會甘樣

私人傳訊

empressbo

複式洋房

積分: 818

29^#

發表於 16-7-25 17:23 |只看該作者

crablau 發表於 16-7-25 10:07
我自己都唔想唸甘多好驚唸多左有抑鬱症我唔想呀同埋一唔開心激動喊肚好唔舒服唔想呀b有事依家我每 ...

我都經歷過呢種情緒怕情緒影響bb 但我真係吾開心，隨時都可以喊不過過左適應期就好你要發洩出來呀！

私人傳訊

empressbo

複式洋房

積分: 818

28^#

發表於 16-7-25 17:21 |只看該作者

crablau 發表於 16-7-24 20:49
之後我同我老公係廳傾傾下我老公可能真係忍唔住講左句粗口（小你老味）我媽聽到就係廳行出來問咩事我話 ...

我都係有左先結婚，結嗰陣大概十六週
我好明白你心情，初初驗到有時都吾敢同家人講(不過幾日後就忍不住同左家姐講，之後全家都知)，怕佢地鬧。老公(當時係男朋友啦)就好開心，即刻plan結婚買樓 etc,但我就情緒低落到抑鬱咁濟，日日喺office房喊，怨天尤人，覺得自己未ready做人媽咪，覺得人生已完結，又日日擔心結婚啲野搞吾切之類(因為我想擺酒所有野做足，想有個回憶，吾想因為阿b而剝削自己夢想嘅婚禮同人生),所以我頭三個月日日都好吾開心，好大壓力

幸運嘅係家人都好開心，不過我媽都係有啲麻煩嘅人，要求禮數又吾合理嘅禮金，我有時都覺得夾喺媽咪同男友之間好難做，不過男友知我媽性格，呻都只會喺我面前呻，盡量滿足媽咪要求。而慶幸嘅係男友家人較西化，無咩禮節要求，所以應付我媽一個就夠

當中都有同家人吵架，因為我同我媽都情緒化。媽都會有意無意咁講啲令我好難受嘅說話，例如話我吾知醜，羞家，我真係好難受，不過我知其實佢對於自己做婆婆係開心的，我當佢嗰啲說話係一時衝動

我想講嘅係，我地呢種情況有bb,難免會有一啲說話聽，但你諗深啲，你男朋友肯承擔已經足夠，我知現階段好似咩都未settle你會好擔心同煩惱，但係信我啦，大家咁燥都係因為想件事好。你吾好將情緒收埋，要同老公/朋友講，否則更辛苦

我而家結左婚望番轉頭，覺得一切都好似發夢，黎得好快，但係係一個比想像中好美好得多嘅回憶，我而家都等梗裝修入伙，住梗娘家，媽咪自婚禮後就無左多多聲氣，反而比以前更照顧我，而我情緒也平和了很多，開始感受到新生命嘅喜悅

我希望你都會好快過左最困難嘅'適應期',我相信，上天比呢份禮物你點都係一個恩賜，加油！