四月份的時候，第一次帶BB去首爾，搵左好耐，比我喺BK見到有人推介識廣東話、又係香港人嘅包車司機，佢就係最近有D POST都推介緊嘅劉先生。佢真係好好，所以今個月再去都搵左佢幫忙。
四月去嘅時候（我／老公／九個月大BB）：
劉先生會建議行程，出發前旅行期間問佢好多問題，都會超快覆我地；
會適當時候陪我地傾計、不計較時間、會體諒、會忍耐；
當時BB九個月大，喺車上間唔中都會扭計，其實BB扭計扭得犀利真係會影響渣車，令人煩噪，但劉生反而安慰返我地話BB係咁，唔洗介意，佢好習慣；
我地去超巿買手信，劉生竟然特登泊好車，喺Cashier果度等我地，幫我地手Pack箱，超Surprise！
七月去嘅時候（我／家姐／媽咪／老公／1歲BB）：
一切仍依舊的好，
細心、考慮周到、不計較、陪伴、忍耐…
今次感覺已經如朋友一樣。
我媽咪問一句：「呢個季節有咩生果好食？」
夜晚劉生送我地返去時喺車尾變左一個大西瓜比我地食；
離開前一晚，我地想食炸雞做宵夜，但BB眼訓，當時已經有D夜，佢特登送左我地返酒店先，再車我老公去買。點知我老公個銀包放左喺我袋，結果，又要劉生請我地食宵夜，超唔好意思；
買完送返老公返酒店，大約半小時後，佢打黎話我地漏左條酒店鎖匙喺車度，佢又特登要走返黎送返比我地，超唔好意思x2！
BB一歲，有時有脾氣會扭計會大叫，我地有時候會幾尷尬、無奈，劉生會開解我地，叫我地唔好介意人地眼光，小朋友會係咁樣，仲會提醒我地要好好享受BB小時候嘅時光，因為小朋友真係大得好快。作為媽媽，有人咁體諒，真係好感動！
到離別嘅時候真係有D唔捨得，期待下一次再去首爾再麻煩佢！
佢真係好好，所以好想推介比大家！
特別帶住BB／小朋友去，包車真係方便好多！
發表於 
返回列表
