想生BB 今日: 3 | 主題: 109472

積分: 533

1^#

發表於 16-8-1 11:47 |只看該作者 |正序瀏覽 |打印

其實我前後已經睇左許EC三次了，次次都Book到, 但無論咩時段都要等好耐! 呢度有咁多人讚佢醫術, 而我又唔係接住咁睇佢, 所以我相信各位姊妹既口碑。　
我其實係公司同事介紹我去睇許EC既，第一次去係Book左放工後，差唔多就閂鋪先到我睇，我之前流產過，所以都有D陰影，諗住可以講多D病歷佢知等可以易D有，但許EC只係五分鐘都冇咩講過我就走得，只係叫我飲藥就OK, 我心諗可能個個想大肚都係講個D野啦，但許EC及職員都冇講過D藥要點飲，因為中藥都有分飯前／後服，一日起碼都知飲幾多包丫，不過見許EC都算Nice就算數啦。
第二次又去睇，都係放工後，同第一次一樣咩都冇講，淨係叫我試多D，話我曾經有過好快會有，前後又係五分鐘就睇完。

之後我好忙，隔左兩個月先返去睇，咁我打去book時我冇我病歷號碼喺手，職員問我睇過未，我話睇過不過冇number係手，佢叫我比電話號碼就查到，咁我見lunch hour 一點有位，咁梗係去啦，去到我已發現打錯左我個姓，旁邊有個新字，我１２點半去到，諗住次次都要等咁耐早去等啦，但職員同我講叫我點零先返去，我心諗又係我自己早到既，到大概一點半我再返去，個度有個上左年紀既男職員，我同佢講我返左黎，我先見佢係我名側邊mark號碼，我係第八個，但坐到咁上下我發現我到左時有D人都仲未到，但都排係我前面，仲聽到佢地又話要比邊個個女睇先之類，直到等到差唔多兩點，我忍唔住問仲要等幾耐，個男職員話我係新症要等耐D，我話我唔係新症，佢仲問返我點解話係新症，我話我已經講左，係你地同事話查得到，而你地都冇mark錯我電話號碼，原來因為我係新症而要咁等法，我已經火火地，因為我就快遲到返工，最終我等到兩點四先有得睇，我入去反映返比許EC知，佢竟然話佢係房唔清楚出面點安排，仲話冇人打我尖，比張掛診紙叫我睇，但我又點知你張掛診紙點睇有冇人打尖呢？我話次次黎到都要等個幾鐘，預約時間可唔可以準確D, 如果次次都係咁，咁我約一點可唔可以兩點先黎？但你地職員又要我到左先開始排我應診，跟住許EC竟然話咩人地EC要排成三個鐘啦，我只不過多數係D病人講耐左先要你地等，我話咁就好奇怪，如果真係book左點解要等咁耐，半個鐘係合理可以接受，但等成個鐘仲唔係book啦，咁而家Lunch hour好多人要返工架嘛，咁其實係咪over booking呢？之後許EC叫我自己同職員溝通時間，叫我講返正題，又係唔夠五分鐘就傾完，仲問返我轉頭有冇比過張介口表我？感覺真係好差囉，次次都係五分鐘，如何有講耐左呢回事呢？

咁我個晚睇完後，D經期早左黎，咁第二朝九點幾打去問D藥可唔可以照飲，D職員就話要問EC，遲D覆我，我等到兩點仲未見有人覆就再打去，D職員就好晦氣話總之今日覆我，問題係要回答呢個問題，可能EC去Toliet或飲啖水既時間望一眼個file都即時答到啦，咁我d藥飲唔飲呢？卒知等到５點我再打去，佢職員話：又打黎啦！，我先聽到許EC話比我聽啦。。。。。

坦白講，雖然咁多人話佢好，但醫術再好，成個睇症既System根本有問題，大量over booking, 咁樣真係有幾耐心跟進病人個case呢？淨係點樣飲藥，EC或職員冇一次係主動講你知D藥點飲，要唔要介口，Even藥包同個張單都冇寫，真係好粗心。

我想生仔，但我唔係乞你睇我丫麻，你唔係贈醫施藥嘛，你有收診金架，點解病人只可以得個等啦，但叫你拎藥就千叮萬囑叫你晚上８點前要到呢？許EC仲同我講如果係做老師，做護士呢D唔遲得既就會安排佢地準時睇，即係其他工作就可以遲到？我諗我唔會再睇佢，因為次次去親都唔舒服既，都好難有到BB囉。。。。

0 0 0

私人傳訊

Didilala

禁止訪問

積分: 2710

26^#

發表於 16-8-3 18:57 |只看該作者

提示: 作者被禁止或刪除內容自動屏蔽

私人傳訊

Didilala

禁止訪問

積分: 2710

25^#

發表於 16-8-3 18:56 |只看該作者

提示: 作者被禁止或刪除內容自動屏蔽

私人傳訊

babychan888

男爵府

積分: 7217

24^#

發表於 16-8-3 18:45 |只看該作者

回覆 mini-kinki 的帖子

可以PM我你睇開中醫師的資料嗎？

私人傳訊

謝家大少奶

積分: 2408

23^#

發表於 16-8-3 17:47 |只看該作者

我也看過許醫師　覺得他很ＮＩＣＥ呀　每次都會叫我的小名　問診的時候也聊很久　我都有點不好意思
雖然在他手上也無法懷孕　但我還是感激他　至少我做ＩＶＦ的時候　卵子都很漂亮　應該是有補到
等候的時間真的很久　所以我都約早上八點　就算等４５分鐘　上班也不會遲太多

私人傳訊

mini-kinki

積分: 1075

22^#

發表於 16-8-3 17:31 |只看該作者

christine2047 發表於 16-8-3 09:55
我真係唔知, 不過見上面都好多人搵佢睇應該都ok, 想問下你個中醫師資料, 可以pm我嗎? ...

PM左，希望幫到你

私人傳訊

積分: 533

21^#

發表於 16-8-3 09:55 |只看該作者

mini-kinki 發表於 16-8-2 18:34
其實呢個許醫師係咪好有料?
我睇開果個中醫師都出名生B，又係好多人睇，
但次次都好快睇完，只 ...

我真係唔知, 不過見上面都好多人搵佢睇應該都ok, 想問下你個中醫師資料, 可以pm我嗎?

私人傳訊

mini-kinki

積分: 1075

20^#

發表於 16-8-2 18:34 |只看該作者

其實呢個許醫師係咪好有料?

我睇開果個中醫師都出名生B，又係好多人睇，
但次次都好快睇完，只係等執藥耐少少咋喎

私人傳訊

connieyee

子爵府

積分: 12522

認識瑞士牛牛第一回

19^#

發表於 16-8-2 00:22 |只看該作者

回覆 connieyee 的帖子

Bb

私人傳訊

connieyee

子爵府

積分: 12522

認識瑞士牛牛第一回

18^#

發表於 16-8-2 00:21 |只看該作者

我都睇過許醫師，佢人幾好好細心，但同我唔夾，我經期唔準，但又想生Bob..睇左佢成年都唔準又唔中！最後無睇轉左睇公司附近...睇左3個月經期準晒，跟住就有左

私人傳訊

pinkyee

積分: 1368

17^#

發表於 16-8-2 00:19 |只看該作者

我試過約12點。。佢出面聽電話果d阿姐1145打俾我話好多人等緊。。。叫我兩點先好去。。
但係我都已經就去到啦。。
結果1445先到我睇。。。等左成3個鐘
d阿姐又係喺我面前sip 哂其他"趕住番工" 既人
真係唔敢成日去。。

私人傳訊

Aprilacm

積分: 3645

16^#

發表於 16-8-1 23:58 |只看該作者

christine2047 發表於 16-8-1 21:37
我可能係固執，但件事都係事實。寫出黎係宣洩，亦希望大家去睇之前留意返，中醫我認同係人夾人，上面都有好 ...

我絕對信係事實，前兩個覆你信息都話個女員工會比人打尖....我都親眼見過，所以我教你去到登記時問清楚等幾個，邊個出就到你，其實呢d情況好多中醫都會出現，去到邊間中醫睇都適用.....

私人傳訊

misschingching

積分: 1637

15^#

發表於 16-8-1 21:42 |只看該作者

christine2047 發表於 16-8-1 11:47
其實我前後已經睇左許EC三次了，次次都Book到, 但無論咩時段都要等好耐! 呢度有咁多人讚佢醫術, 而我又唔 ...

我都係看許醫師，我就覺得佢好nice亦好有同理心，每次亦不只看五分鐘，好細心，當然佢未必記得哂我所有嘢，有時都會問返我重覆嘅嘢，例如樓主所講嘅戒口紙，佢都試過問完又問，但我明白喎，佢咁多病人，點會幫你記有冇拎戒口紙？我上年十一月小x，我又有免疫問題，到而家終於再有bb，其實我真係好多謝佢，在我的case而言，許醫師是用心幫病人的。
至於等候時間，我同意真係等好耐，約六點，有時七點半先有得睇，午餐時間仲爆，所以出面啲阿姐成日叫我唔好約lunch時間。我通常約六點，準時去到時，同阿姐講聲我到咗，問大約等幾耐，跟住出去食飯或行一陣，再按阿姐講嘅等候時間返去，咁就等一兩個就會到我，時間會好用啲。我約睇中醫果日，我通常不安排之後有嘢做，因為預咗等。

若果樓主真係睇許醫師睇得好唔舒服，就換醫師啦，無謂令自己咁嬲。

私人傳訊

積分: 533

14^#

發表於 16-8-1 21:41 |只看該作者

tingx2 發表於 16-8-1 18:00
樓主,我都覺得如果你覺得有hard feeling就唔好再睇佢喇。有時中醫真係人夾人,如果你都對佢無信心既真係唔好 ...

多謝你，that's my point. 生仔好睇心情，如果去親都唔舒服，即係大家唔夾，或者我唔好彩，同埋我都唔係第一次就主觀話唔好，由頭到尾我都只係講個人感受。

私人傳訊

積分: 533

13^#

發表於 16-8-1 21:37 |只看該作者

Aprilacm 發表於 16-8-1 18:28
好認同，我都睇過無數個中醫，唔夾就唔好再睇。題外話，希望樓主唔好介意，睇你寫咁大段文字感覺你幾固執 ...

我可能係固執，但件事都係事實。寫出黎係宣洩，亦希望大家去睇之前留意返，中醫我認同係人夾人，上面都有好多jm睇許ec睇得好，但我工作好忙，我認為時間唔係咁用，呢個只係我嘅觀點，可能你會由得佢照等，所以覺得我固執，但只係大家價值觀唔同，我都成日心情好好嘅。

私人傳訊

Aprilacm

積分: 3645

12^#

發表於 16-8-1 18:28 |只看該作者

tingx2 發表於 16-8-1 18:00
樓主,我都覺得如果你覺得有hard feeling就唔好再睇佢喇。有時中醫真係人夾人,如果你都對佢無信心既真係唔好 ...

好認同，我都睇過無數個中醫，唔夾就唔好再睇。題外話，希望樓主唔好介意，睇你寫咁大段文字感覺你幾固執（可能唔係只是個人感覺並無惡意），有時心情都好影響懷孕，比個好心情自己，隨缘，話唔定下次就中呢。

私人傳訊

tingx2