因為要揍兩個所以無時間上來分享這份喜悅,我係係10月23号5點幾6點陣痛痛醒咗,咁我計下幾奈痛一次,大概15分鐘痛一次所以同老公講我生得了,老公無返應,我就起身洗下奶樽,7點幾奶奶出來沖奶俾大b,(剛剛洽完奶樽)我就同佢講我有d痛,奶奶叫我去洗頭沖涼,(去廁所發現見紅)之後叫老公起身,老公話吓真係生得我仲以為自己發夢听見我話生得,咁拿拿聲起身,奶奶就抱住大b去買早餐,吃完早餐就同老公姑奶坐的去醫院,9點幾入到醫院辦好一切手續後姑娘幫我CHECK,姑娘話我開左兩度,之後便入待產房駁機觀察住亞 B 既心跳,姑娘話正常觀察1個鍾,到11點幾我既陣痛都係10零分鐘一次,唔係好痛,我同老公姑奶都仲有講有笑,我仲諗第二胎真係會快d,入院果陣得小小痛都開咗兩度應該好快,之後醫生來到幫我CHECK話兩三點生得,可以吃小小粥,到咗兩點痛得密咗奈咗,叫姑娘幫我CHECK都係話只係開咗兩度,不過可以入產房先,我心諗哇~唔係呀!咁要幾時先生得啊,入到產房d姑娘好好人,幫我駁機听bb心跳,好密咁幫我CHECK住,話陣痛密咗就叫佢,之後我都不停咁痛姑娘叫我一痛就吸"笑氣"止痛,4點幾之後陣痛更加頻密,我同老公講好痛,佢就叫姑娘幫我CHECK話開咗3,4度, 迷迷糊糊間知道醫生黎睇我話幫我穿水,穿咗水之後真係超級痛,醫生同我講一痛就試下屙,屙咗一陣醫生話唔得個頭仲好高,要開刀,我一听見開刀,就係咁話我唔開刀之後出晒全身既力係咁屙,之後醫生話見到頭啦,嘩 ... 果種痛法真係筆墨係無法可以形容到 .... 我自己又唔夠氣 (之前已經完全冇嗌過) , 每次用力都無法過到第 3 下 ... 唔記得做咗幾多次我先生到亞 B 出黎 , 08\10\23,6點幾細佬出世啦~~
發表於 
返回列表
