自由講場今日: 925|主題: 1368456

收藏本版

發帖

返回列表

跳至頁

查看: 1051 | 回覆: 2

爸爸走了, 點解你無出現過喺我夢裡面 [複製鏈接]

AndrewMami

子爵府

積分: 10244

1^#

發表於 16-8-18 10:30 |只看該作者 |正序瀏覽 |打印

呢一段時間真係好難捱, 反覆不停問自己, 係咪邊個 steps 做錯, 所以爸爸走了, 我係咪對佢唔夠好, 係咪令佢最後日子唔開心, 無得返屋企... 我知道身邊個個都對我好好, 安慰我, 但.... 我總會諗爸爸走了, 係咪因為我做得唔好..........

我已盡力做好每一件事, 但每樣野都令我心如刀割....
終於去到醫院帶爸爸走, 我連寫自己個名都唔識, 隻手好似唔係自己咁, agent 輕拍我膊頭安慰, 先可以勉強震住咁寫...
燒野俾爸爸, 我叫唔出爸爸返嚟, 我做得唔好... 幸好仲有老公, 家姐, 幫手嘅人... 我好驚爸爸俾 "其他" 蝦佢, 佢太好人喇....
最後要我哋兩姊妹禁制, 我真係禁唔落, 我唔想... 我唔捨得 .... 點解唔要我..... "爸爸, 安心上路 " .. 我已經無哂聲.. 我只係講咗句.. "daddy bye bye " ..... 我D 小朋友已經喊得好緊要....

到今日, 仲要等緊爸爸骨灰返嚟先可以上位........ 我覺得成件事可能係假, 爸爸仲喺老人院, 我會接佢去街街....
媽媽同我講佢唔舒服, 我已經第一時間幫佢約檢查, 我唔想連媽媽都唔要我......

0 0 0

私人傳訊

poyy

男爵府

積分: 5065

開心吸收勳章美好大世界2017勳章育兒性格勳章

3^#

發表於 16-8-18 11:05 |只看該作者

JM, 我明白呢種感受, 切膚之痛, 就算我爸爸離開了我們7年, 我都未忘記最後一天送爸爸離開......種種相處.......

相信只要不忘記他的教養, 他的愛, 就已經是對他最好的答謝。這個時間, 盡情去哭, 去悼念他, 哭夠了就會明白有些事是不能強求的。好好陪伴家人。

私人傳訊

Yuki_Yeung

公爵府

積分: 28946

2018復活節勳章

2^#

發表於 16-8-18 11:04 |只看該作者

回覆樓主:

唔好咁諗啦，我知親人走左會難過，可能你爸爸唔想你難過，佢錫你，唔希望你掛住佢，唔想你喊

老公婆婆走左，老公每日都好掛住婆婆，因為由細湊大，但走後都無報夢比老公，過左一段時間，老公心情開始平伏，只會間唔中提起婆婆話好掛住佢。有晚佢發夢見到婆婆喺門口，同佢講話唔好再掛住佢喇，叫佢放低，佢好好

唔知你有冇宗教信仰，老公信佛，好多喇嘛或教友都同佢，要學識放下，先會對先人好，如果你唔捨得，佢地會唔捨得走