親子旅遊 今日: 0|主題: 161745

終於有時間, 將我5日4夜的六福村+台北行程回饋給BK JM

人數: 2大2小 (7歲 & 4歲)

航空: CI 中華 (HKD6000), 早機(08:20)去, 晚機(19:25)返

酒店: 六福莊生態渡假旅館 (2晚) (剛果藍天TWIN $1200 (平日)+1450 (假日) INCL BF+ CHD 早餐$180X2人X2日= HKD 3370)

台北寒舍艾麗酒店(2晚) (平日Standard Twin $ 1340 X 2 = HKD 2680, 不包早)

六福村水陸樂園門票 : 3大1小 (5歲後當大人計) HKD650 (購自網上連credit card 手續費)

車費:

D1: 桃園機場 > 六福村酒店 (接送: TWD 800, 呢個價好抵, 原因係司機報錯價, 但他好好人/好有誠信, 堅持接我們單, 寧願自己貼錢, 即使我話可以補返啲車資, 他都唔收)

D3: 六福村> 淡水> 十分 > 平溪(放天燈) > 台北酒店 (十小時, TWD4000, 最後我們10小時都用唔晒)

D5: 台北酒店 > 桃園機場 (TWD 800)

第一日: 機場 > 六福村酒店 > check-in > 酒店午餐 > 六福村樂園 > 晚餐

#早上10:00準抵桃園機場, 拿行李+買上網電話咭+ ATM 按錢, 約了司機11:00接我們去六福村。司機好準時, 未到11:00已到機場等我們, 但過關 & ATM按錢, 太多人了, 等了好耐, 接機大堂, 在不同地方有三間ATM, 但只有一部用到銀聯咭按錢。29/7當日的ATM匯率4.1067 (扣埋銀行手續費了)

# 桃園機場 - 六福村(車程約45分鐘), 中午到酒店後, check-in (但未有房, 要3-4點才有房)

#午餐於酒店內西餐廳, 選擇不多, 叫了一碟意粉, 一碟炒飯 (共TWD 6XX)。

# 酒店內可見到長頸鹿/斑馬/大烏龜, 大人小朋友都好高興

# 入六福樂園好方便, 只要同酒店講要入園, 服務員會即刻幫我們叫shuttle bus, 好近坐車5分鐘內到。

# 門票是在 KK day 買(兩日無限出入陸水樂園門票), 平日樂園不算多人, 園內有好多不同種類動物, 機動遊戲不多人, 玩了2-3款。晚上樂園內好多餐廳都關門, 而酒店的餐廳又不多, 又多人。

#我們叫酒店幫我們叫車出去食, 去龍潭單程TWB300, 司機介紹我們去"廟前", 係一條街, 果度好多野食, 有平有貴, 又有7仔, 面包店等...比TWD600來回坐的士, 係值得的。

** 酒店好好: 房大, 床大, 有wifi, 我們book twin房, 但就比齊4人的用品我們, 兩日都有一包動物餅乾送, 小朋友好鐘意。

第二日: 全日酒店+六福村樂園

#酒店自助早餐, 選擇唔係好多, 但可以接受, 食得飽。

# 星期六, 較多人, 天氣也熱, 排隊玩的人也多。午餐, 我們選擇了海底餐廳(並非真的在海底), 買了一個兒童餐(食完可以拎埋4組餐具走, 小朋友好鐘意) + 一個套餐+白飯, 約TWD 5XX, 價錢合理。

#午餐後, 我們返咗酒店休息, 4點後先再出動。
Check-in時, 酒店送了免費影日曆相 (當然會影多幾張, 吸引大家買, 但價錢, 我又覺得OK, 我們最後買咗一張4幅相組成的A5size相一張, 補TWD400, 都幾靚)。

# 黃昏後入樂園, 人比較少, 又無咁曬, 繼續排隊玩, 最後陪大仔玩咗激流漂船, 太刺激了, 比海洋公園那個刺激好多... 本來打算係樂園的中餐廳食晚餐, 點知唔開門, 最後我們又返酒店call 車去"廟前"食。

** 這兩天, 大仔、老公同我, 都有啲唔舒服, 去到廟前見到有葯店, 去咗睇醫生, 雖然唔係大城市, 但個醫生都唔錯, 當晚食完啲葯, 隔日都精神好多。所以, 我們兩日都唔敢玩水上樂園, 好可惜! 睇醫生+葯, 好平, 3個人才TWD 1350 (有買保險的JM, 記得要拎齊單據+醫生診斷證明書, 回港可以claim保險)

第三日: 淡水> 十分 > 平溪(放天燈) > 台北酒店

#假日早上自助餐好full, 服務員問我們要唔要坐車入樂園食, 由於我們今日離開六福村, 唔想再入去, 所以堅持係酒店等位食, 最後, 樓下餐廳, 原來好多位, 唔明白點解唔安排人坐。

#我們約咗10:30出發, 司機好準時。六福村-淡水(車程約1小時), 星期日關係, 入淡水路上有啲塞車, 臨近中午, 好熱, 只係老街行咗一圈, 之後搵餐廳食野, 食飽後, 太熱無心機行。

#淡水 - 十分 (車程約1小時), 去到十分3點幾, 開始無咁曬, 十分好靚。

# 十分-平溪放天燈(非常近, 轉個彎就到), 每檔放天燈的價錢都一樣, 會幫手影相/拍片。

#平溪-台北酒店(車程約1小時)。

第四日: Baby Boss - 家樂福 / 康是美 / 屈臣士

#由我們酒店-BabyBoss (車程10分鐘左右), 可以買野入去食, 入面都有一間快餐店。門票: 當日做緊台灣父親節promotion, 一家四口全日票(共TWD2468), 好抵!

#由早上10:00玩到下午5:30, 打咗11分工, 玩到唔捨得走, 其間有幾個工, 會有專人影相, 可以選擇買或唔買, 我們都有買, 一張才TWD100。

# 之後去咗BabyBoss附近的家樂福買手信

#康是美 及屈臣士買Sofina

第五日: 酒店游水 > 信義區誠品 > 午餐 > 機場

#信義區的誠品好大, 消費滿TWD2000, 可以即時做退稅

#遇著香港颱風後, 好多港龍/國際航班取消, 幸好我們所坐的CI 沒有取消, 只係延遲起飛, 我們即時提前去機場等飛機, 最後平安抵港!

** 一家四口, 總旅費, 約HKD18000