論盡家傭 今日: 1 | 主題: 134094

積分: 2211

1^#

發表於 16-9-13 19:25 |只看該作者 |正序瀏覽 |打印

姐姐做咗一年，由我大肚做到bb而家差不多一歲，湊b滿意，家務ok，有笑容唔黑面唔駁咀，所以佢生日同做夠一年，我都有畀利是同bonus佢。

唯一麻煩係返嗰間教會多多要求（可參考我舊post），之前一路放星期日，又要求閒日畀幾個鐘佢去返教會，我畀過兩次，到最近我有一次星期日出差，要佢調一次星期六放，佢呢幾日又問我，可唔可以以後都放星期六，話教會唔知乜乜乜，每次佢問我我就覺得好煩，因為本身關係ok，又有人質，但我哋星期日通常family day全日唔喺屋企，星期六反而有時要返工，所以唔想無啦啦改。你哋啲姐姐有冇咁煩架？

0 0 0

私人傳訊

積分: 2211

14^#

發表於 16-9-15 01:45 |只看該作者

lau1312 發表於 16-9-14 16:30
同你情況類似，我地通常星期六family day, 星期日多數留家，所以請工人前已經寫明唔會放星期日，上兩星期因 ...

我發覺佢哋好興調過假之後食過翻尋味

私人傳訊

tinklewqt

積分: 2595

13^#

發表於 16-9-14 18:35 |只看該作者

sophyllis 發表於 16-9-14 08:57
我個工人發現可以調假之後，由初初一個月調一次、變成一個月兩次、再進展到你問佢先通知你放邊日，因為我 ...

我唔會俾囉，平時屋企食野做野呢度我比較放鬆啲，但我要求你做既野，我話事，冇特別方假日子我話事，佢冇得say no.佢來一開始就講定，我決定。

私人傳訊

tinklewqt

積分: 2595

12^#

發表於 16-9-14 18:29 |只看該作者

sophyllis 發表於 16-9-13 22:41
我有類似情況......我一直本住我對你好、你對我好既心態，所以如果佢提出既要求係我能力範圍內我基本上會答 ...

我個都有咁慢慢提要求，
1.之前提早一兩日出糧，夾周日放假匯錢，而家借一部分糧，話想給個女買新床，金額不大我都應承了。
2.想煮食物放假出去食，只限簡單的

私人傳訊

lau1312

積分: 3172

11^#

發表於 16-9-14 16:30 |只看該作者

同你情況類似，我地通常星期六family day, 星期日多數留家，所以請工人前已經寫明唔會放星期日，上兩星期因為有事，同佢調過一次放星期日，佢放完返來就要求一個月要放一次星期日，話好享受同其他同鄉星期日一齊嘅時間。我同佢解釋合約寫左同埋我地真係星期日需要佢工作多過星期六，所以我話我唔會答應，但會考慮我地ok嘅時候放星期日俾佢。
我覺得其他jm講得好岩，佢地好鍾意試底線，如果覺得唔ok,要拒絕，否則鬆左好難緊，以後有排煩

私人傳訊

積分: 2211

10^#

發表於 16-9-14 15:03 |只看該作者

多謝大家意見，我會拒絕佢

私人傳訊

積分: 2945

9^#

發表於 16-9-14 09:03 |只看該作者

lazycat317 發表於 16-9-14 00:17
如果個個星期六返工一定唔畀佢放，但我一個月只會返一次，佢睇中呢點，已經提出話如果我要返工佢嗰個星期可 ...

本帖最後由 sophyllis 於 16-9-14 09:12 編輯

你預左答應左之後，就會提出千千萬萬個要求，更放任去試你底線！你之後只會覺得更加煩，沒完沒了⋯⋯

趁早仲可以控制就拒絕，鬆左千萬咪諗住可以緊返，佢只會覺得係你唔好，到時最後選擇只能換過個 (就好似我咁)。

私人傳訊

積分: 2945

8^#

發表於 16-9-14 08:57 |只看該作者

lazycat317 發表於 16-9-14 00:17
如果個個星期六返工一定唔畀佢放，但我一個月只會返一次，佢睇中呢點，已經提出話如果我要返工佢嗰個星期可 ...

我個工人發現可以調假之後，由初初一個月調一次、變成一個月兩次、再進展到你問佢先通知你放邊日，因為我係從來唔比佢單獨留响屋企既，搞到我所有weekend活動要睇佢放邊日先可以安排，開始覺得唔對路，有乜理由工人主導我既生活?!

直至最近有一次我屋企有人星期六結婚，我提早一個月前通知佢嗰個星期六佢一定要放假，佢答應左我，結果去到星期五晚突然問我可唔可以星期六留响屋企唔出去，因為no where to go，於是我叫佢調星期日先放啦，嗰日跟我地一齊去飲，結果星期日一早未夠8am已經出左門口，又話no where to go，不過嗰晚返到黎我都無問佢咁早去左邊。到星期一朝早，佢就話尋晚發燒，不過食左藥退左，我問佢做乜又病(隔個月感冒一次，claim左十次保險)，星期日去左邊，佢就話去左舂炊角同friends party，問佢駛唔駛睇醫生又話唔駛，聲稱已經無發燒又無病徵，即係擺明詐病啦(每次工人病我地都容許佢休息大半日)，立即捉佢睇醫生打針。

事後諗返個工人明知我唔想佢單獨留响屋企佢竟然提出呢個要求，好明顯就逼我提出叫佢放星期日，可能佢一早安排左活動但又見我講明要放星期六，惟有用方法逼我開口，佢達到目的又唔係自己提出既，我嬲爆左！

私人傳訊

小冬甩

積分: 2587

7^#

發表於 16-9-14 08:57 |只看該作者

引用：Quote:小冬甩+發表於+16-9-13+23:28+仲洗諗

原帖由 lazycat317 於 16-09-14 發表
如果個個星期六返工一定唔畀佢放，但我一個月只會返一次，佢睇中呢點，已經提出話如果我要返工佢嗰個星期可 ...

同佢講法例上休息日無放半日的，完
唔需要同佢解釋咁多，
半日off一陣衰起上黎告你無比過是夠休息時間佢都仲得，千祈米中伏

私人傳訊

積分: 2211

6^#

發表於 16-9-14 00:17 |只看該作者

小冬甩發表於 16-9-13 23:28
仲洗諗，你請個工人目的係來幫手，星期六要返工無理由就比佢放假嘛？
何況就得一次就要有心理準備有第二三 ...

如果個個星期六返工一定唔畀佢放，但我一個月只會返一次，佢睇中呢點，已經提出話如果我要返工佢嗰個星期可以星期六、日各放半日，講真我覺得好鬼煩。每次拒絕佢要求，就好驚佢會害bb，唉。

私人傳訊

小冬甩

積分: 2587

5^#

發表於 16-9-13 23:28 |只看該作者

回覆：忽然話想放星期六

仲洗諗，你請個工人目的係來幫手，星期六要返工無理由就比佢放假嘛？
何況就得一次就要有心理準備有第二三次

私人傳訊

積分: 2945

4^#

發表於 16-9-13 23:05 |只看該作者

lazycat317 發表於 16-9-13 22:55
回覆 sophyllis 的帖子

我由一開頭都係本住好來好去嘅宗旨，第一日已經用我錢買咖啡我覺得都係閒錢啫，尤 ...

佢地完全唔識感恩圖報，若你覺得工人仍然值得留既就要懂得拒絕同顯示威嚴，唔係所有野既主導權都响工人度。

點評

wcpcelia

發表於 16-9-15 12:44

私人傳訊

積分: 2211

3^#

發表於 16-9-13 22:55 |只看該作者

回覆 sophyllis 的帖子

我由一開頭都係本住好來好去嘅宗旨，第一日已經用我錢買咖啡我覺得都係閒錢啫，尤其是喺呢度睇到咁多極品姐姐，我諗嗰個唔算太差，就盡量就佢，不過佢哋本性真係會得寸進尺嘅。

私人傳訊