吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 結婚睇清邊個係朋友

心聲留言今日: 5|主題: 17511

收藏本版

發帖

返回列表

跳至頁

查看: 7488 | 回覆: 24

結婚睇清邊個係朋友 [複製鏈接]

flowerboo

大宅

積分: 4878

1^#

發表於 16-9-28 18:47 |只看該作者 |正序瀏覽 |打印

搞婚禮真係好多感受, 仲可以睇清身邊邊D先係朋友……. 好想講下我既經歷, 因為係堅唔開心, 亦都好失望, 不過好長………

小妹幾個月前結左婚, 早於15年年頭, 日子定左之後, 我已經問定D fds 做我姊妹, 其中一個係B小姐

B 係我既中學同學, 識左十幾年, 佢結婚時我都有份做佢姊妹, 佢當時亦都一口應承左……… 到今年1月我揾到間喺尖沙咀賣姊妹裙既舖頭, 就叫d姊妹去度身又或者比個body measurement 間舖. 一早已經講明3月中前要度好晒身, 去到今年3月, 其他姊妹都度好晒除左B, 因為佢3月尾要去出差2星期, 我就問左佢幾次幾時去度身, 次次佢都係答"你想我weekday 定weekend? 你陪唔陪我去定我自己去? " 但無一次答實幾時去. 有次我忍唔住同佢講"差你一個咋!你大約幾時去?你遲下又要出差" 佢又係問返呢2個問題, 我話如果你好唔得閒可以比body measurement 間舖. 佢答話"其實我想去架!但怕你忙唔敢煩你" 我心諗我成日咁吹你又唔煩!!! 但最後佢都係無答到幾時去.

0 0 0

私人傳訊

kathyykaka

大宅

積分: 1840

25^#

發表於 16-10-25 10:16 |只看該作者

去就去,唔去就唔去, 你個姊妹玩緊你

我個CASE:舊同事(比較熟)結婚,我第一次做人伴娘, 佢D姊妹傾好曬流程遊戲(我乜都唔知)
試衫(淘寶買返黎叫我著下, 唔岩拎去街市比人改), 朝早6點去佢屋企幫手針茶, 去
到酒樓全程我一個幫佢針茶, 幫佢收拾好晚裝(佢班姊妹就係位度食野),我食幾淡
就出去幫手, 人情我比800蚊 (買鞋請假冇同佢計啦, 真心幫佢)

到我結婚(細搞)問佢老公會唔會一齊出席, 話轉頭覆(問下佢老公得唔得閒), 拖左成個星期冇回音, 再問又冇應機, 於是直接講我唔預你老公黎啦, 佢話OK!
點知到結婚個日佢拖埋老公黎(我坐位只預鬆3,4個位)好彩有位比佢坐, 佢2公婆人情共1000蚊

總結: 黎唔黎都出聲呀! 之後我從不主動搵佢

私人傳訊

farm712

男爵府

積分: 7455

24^#

發表於 16-10-7 19:06 |只看該作者

"搞婚禮.... 仲可以睇清身邊邊D先係朋友……."

私人傳訊

sweetwins

大宅

積分: 2253

23^#

發表於 16-10-7 13:06 |只看該作者

flowerboo 發表於 16-10-7 08:30
你朋友同佢媽咪講野咁衰既！

其實呢d所謂既朋友唔要都罷！

其實都發生左成年幾，如果我地仲記住，　係米我地唔對？？不過，對住佢地我真係唸唔到有咩好。。。。　作為一個朋友，　點會踩你外在好唔好，　我真係唔明，係米口衰係ＬＥＥ個社會生存本事之一～，　你講得對，　佢地唔會因你過得好登你開，　亦唔會困難時幫你Ｄ咩，只係憎人富貴厭人貧。。。

私人傳訊

flowerboo

大宅

積分: 4878

22^#

發表於 16-10-7 08:30 |只看該作者

sweetwins 發表於 16-10-6 23:31
其實我都覺得有Ｄ關係, 唔只做姊妹可以睇清一個人, 可能人大左, 自己對朋友又執著....不過樓主講開做姊妹, ...

你朋友同佢媽咪講野咁衰既！

其實呢d所謂既朋友唔要都罷！
我都已經唔係點同呢d朋友聯絡，講真結左婚留返多d時間比屋企好過對住d無謂人，佢地唔會關心你，你有事唔會幫你，仲要晒心力處處提防佢地，咁攰既野唔好預我

有時間陪下屋企人同真心既朋友好過

我都係第一次咁樣寫朋友，因為呢件事加加埋埋我真係好 hurt, 我唔覺得爆人私隱，事前都有諗過寫唔寫好，但我朋友話我都係寫事實，而且都係講返自己感受同經歷，無講過佢地咩私人野

我老公係我其中一個識左最耐最好既朋友介
紹，當時我無拍拖一段時間，因為熟人介紹所以個個都鄧我好高興叫我試下，得B一個睇完相話'下，人地咁高質素，出去飲野大把女黏埋嚟啦！點會候我地呢d咁平庸架！' 講真唔覺老公好靚仔，都唔覺自己好差，無話邊個襯唔起邊個，但聽到嗰下都無晒信心咁

到今年2月同 B 食飯，佢突然彈句'好彩邊個介紹你識咋！真係好啦！佢竟然肯咁短時間就娶你！'

不過睇清都好既，講真人大左朋友唔需要咁多，真心既就夠啦！

私人傳訊

sssssssss

男爵府

積分: 9857

21^#

發表於 16-10-7 00:23 |只看該作者

我覺得同人好難相處啊

私人傳訊

aztecs

大宅

積分: 4772

20^#

發表於 16-10-6 23:51 |只看該作者

回覆樓主:

有D人係咁，無乜責任心，佢未必唔想做，只係唔識分輕重

私人傳訊

sweetwins

大宅

積分: 2253

19^#

發表於 16-10-6 23:31 |只看該作者

本帖最後由 sweetwins 於 16-10-6 23:35 編輯

其實我都覺得有Ｄ關係, 唔只做姊妹可以睇清一個人, 可能人大左, 自己對朋友又執著....不過樓主講開做姊妹, 都令我唸起D野....
上年我FD 結婚, 我做佢JM, 當日比佢ar 媽串我, 話咁多年你都冇變過, 又係GE, 你份工都冇壓力...(佢合我職位低佢個女好多級), 又話, 唔後生啦快D生個B啦, 你睇下我個姪仔幾得意....
之後, 到左映JM相, 我被安排企係新娘隔離, (好正常大家識左好多年啦), 點知佢AR 媽好凝重咁叫我走開, 叫其他人企佢個女隔離, 當時個個都覺得好怪...我當然好唔開心啦, 我唯一唸到係....因為我早佢一個月結婚, 佢唔想我旺過佢個女.....
咁唸人好衰, 但佢都知我地識左好多年朋友, 我真係唸唔到有咩理由叫我立即行開.......當然,佢之後快有左, 我係米要覺得我當時唔應該做佢JM?

係佢有左小朋友後, 我知道佢周圍同人講我想生B, 佢仲話: 同事A 結婚一個月都有, 我比左樽補品佢, 本來唸住我生完冇用留比你, 點知你...下...(佢望一望我個肚, 意思點知你仲未有B)

人係米自私D勢利D會好? 我之後真係好唔開心, 我覺得我唔應該做佢姊妹, 我太天真....(唔係讚自己, 我對人真係冇戒心) 係LEE件不快事之前, 個朋友其實成日都我私隱做人情, 我人工, 年齡, 我老公職業家底, 住邊, 我唸, 好衰咁唸, 係我FD介紹我入佢公司一刻, D 同事對我已經好"了解"....

我唔明,我唔係D冇口德GE人, 但點解朋友,唔止一個其實, 思想,品行會咁勢力?
上年,我生日,佢地話唔記我買蛋糕比我, OK......算...但佢地生日又唔會唔記得,

風花說朋友係1米真係要有好過冇? 我同佢地果種功利性格唔夾, 係米要為左GATHERING而同佢地GATHERING? EVEN GATHERING大家都冇咩野傾, 食個幾中就走...

講講下都覺得咁公開數佢地好差, 我真係好委屈, 自問我從來唔會咁對朋友, 但佢地反過黎好中意踩你為樂, 唔尊朋友重私隱....