吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 真心頂唔順阿女

自由講場今日: 237|主題: 1351864

收藏本版

發帖

返回列表

跳至頁

查看: 1827 | 回覆: 14

真心頂唔順阿女 [複製鏈接]

belgiumchoco

伯爵府

積分: 15758

1^#

發表於 16-10-3 08:54 |只看該作者 |正序瀏覽 |打印

見人問，我都想請教。

阿女4歲，極聰明，但脾氣差，一日起碼發15次脾氣，發脾氣時說話好倔咁鬧人，有時會打人/掉野，同埋唔守承諾。
例子1
好聲好氣叫佢食菜，唔食去唔到廁所，佢就大叫唔食。
我再同佢講（堅定但唔惡），唔食菜就今明2日冇零食。佢就大發脾氣，話唔得，唔食菜，仲想推跌個碗。

例子2
前晚一齊睇卡通片，佢揀左套好長既卡通片，我叫佢揀另一套短d既戲，因為會睇唔哂，佢唔肯。咁就同佢講定，睇到8:30就停，會睇唔哂，到時唔準發脾氣，得唔得。佢話得。
到8:30我想熄機時佢就要睇多一陣，我又係好聲好氣同佢講，大家協議左8:30熄機，事先講左會睇唔完。跟住佢又大叫唔得，之後大喊。

類似例子2既事一日起碼發生10次，eg講好左只係食一包餅/玩多15分鐘，食完/玩完佢又再要，唔俾佢又發脾氣。

佢每次發脾氣我都會同佢係講明，佢扭計發脾氣我就唔會氹唔同佢玩，發完脾氣又肯認錯我先會錫返。

而例子2既事，其實我每次都冇俾佢試我底線，我每次都係堅持原先協議左既事，呢個方法用左1年有多，佢都係不斷想透過扭/發脾氣以達到目的。

再加上佢愈來愈大，說話能力愈來愈高，會自己出街聽人點鬧人，學左之後就鬧我/工人姐姐，eg我唔要你，你係衰人，我要打死你...（我因為知佢說話能力高，絕冇用呢類說話鬧佢）。

佢唔係獨女，有兄姊，兄姊性格溫和，說話有禮，唔似佢咁惡咁冇禮貌。

請教大家，我用既方法係咪錯？要點教好？

0 0 0

私人傳訊

lalalumlum

侯爵府

積分: 20382

15^#

發表於 16-10-4 09:12 |只看該作者

belgiumchoco 發表於 16-10-3 08:54
見人問，我都想請教。

阿女4歲，極聰明，但脾氣差，一日起碼發15次脾氣，發脾氣時說話好倔咁鬧人，有時會 ...

有冇試過同囡囡「玩」獎禮遊戲？

私人傳訊

bongbongpatty

水晶宮

積分: 72311

BK Milk勳章

14^#

發表於 16-10-4 09:05 |只看該作者

gracelam 發表於 16-10-3 11:06
例子1，2我係唔會妥協，話知你發脾4，唔食菜，得!! 真係冇零食，再發脾4連飯都冇得食。 8:30即關機，發脾4 ...

好同意

私人傳訊

囡囡888

子爵府

積分: 11844

13^#

發表於 16-10-3 21:41 |只看該作者

gracelam 發表於 16-10-3 11:06
例子1，2我係唔會妥協，話知你發脾4，唔食菜，得!! 真係冇零食，再發脾4連飯都冇得食。 8:30即關機，發脾4 ...

我都係咁做

私人傳訊

honeyjerry

大宅

積分: 2469

12^#

發表於 16-10-3 21:36 |只看該作者

回覆：Sofia_happy 的帖子

堅定同堅持

私人傳訊

divadiva

大宅

積分: 1521

11^#

發表於 16-10-3 21:31 |只看該作者

你女應該係好自我中心，和未係好明白事理的小孩，始終四歲，佢一唔高興就即刻表露出脾氣和不耐煩，佢要控制一切。

例子一，其實佢咁細個，唔使講太多道理，總之叫佢食完先，離開張凳。但佢一見到一大碟可能就已經唔高興，唔會食不會就範，所以你可以给好少量1 or 條，要佢食咗先, 跟住讚下佢. 试多幾次佢就唔會太抗拒。

例子二，首先你畀佢選擇卡通片，你首先要自己選兩套畀佢揀，時間係合乎你嘅期望內，例如你admit佢睇十五分鐘的，你就揀兩套十五分鐘的比佢自己揀， set timer, 到12分鐘( 即係矩離完結仲有三分鐘嘅時候，你每一分鐘提一提佢). 佢應該就不會再扭

其實我個仔都好似你個女咁, 好鬼難搞.. 但當佢大啲嘅時候呢, 會好啲嘅.

刧忌囉囉嗦嗦，太多解釋，同埋要協係會令佢反抗更大 (例如佢唔妥協D乜嘢，你就收起佢啲乜嘢，或者唔畀佢做啲乜嘢……呢樣盡量唔好.

同埋如果佢一唔高興，鬧人，打人。你要好嚴肅同佢講 "呢個行為唔可以接受，不可以打長輩，不可以鬧長輩“ 就得。

私人傳訊

lam133

珊瑚宮

積分: 114019

HiPP勳章(1) 2018父親節勳章 2018母親節勳章 2018復活節勳章 Poo得好勳章畀面勳章育兒性格勳章認識瑞士牛牛第二回開心吸收勳章

10^#

發表於 16-10-3 20:39 |只看該作者

回覆樓主：

本帖最後由 lam133 於 16-10-3 20:40 編輯

今晚仔(2歲多)唔肯坐定食同唔食肉，飯，
食菜同魚，佢唔食哂，
我直頭掉左未鬼食。

要堅持唔好屈服呀。

私人傳訊

BKsquare

水晶宮

積分: 57313

9^#

發表於 16-10-3 20:29 |只看該作者

「阿女4歲，極聰明」

點為之極聰明？

私人傳訊

myaisha0435

珍珠宮

積分: 47069

畀面勳章

8^#

發表於 16-10-3 19:33 |只看該作者

回覆樓主:

我覺得注意小朋友日常喜好，在意的事，由生活入手，漸進式一步一步洗腦

例如，唔食菜會沒便便，佢在意便便嗎...

其實佢跟本唔介意，當然無效呀

要捉住佢唔同嘅死穴，不停慢慢洗腦，

令佢覺得一切理所當然，溫水煮青蛙

慢慢黎

私人傳訊

shenanigan

子爵府

積分: 13472

認識瑞士牛牛第二回

7^#

發表於 16-10-3 18:36 |只看該作者

私人傳訊

鍾太2009

伯爵府

積分: 15636

熱血金章

6^#

發表於 16-10-3 11:58 |只看該作者

回覆樓主:

“温柔而堅定”既管教睇下得吾得，要持之以恆。小孩愈罵愈無效之於，仲引發好多後遺症。

我仔5歲，可能本身性格都好温婉，易handle d,但仲細，情緒未控制得好好，有時會發脾氣，我既情況：
1.睇dvd夠鐘就熄，我多數都會咁做，但有一，兩次會鬆動d,例如星期六公眾假期我會比多10-15分鐘佢，但講明人情比多10分鐘，再扭下次無情講。

2.食菜，對乎我仔偏食，我會用激將法，講：你睇媽咪有“老鼠仔”幾大隻，你吾食多d肉點長大，做大隻仔丫。食多d XX啦，食完會長高架。（可能我仔好單純，佢信同會做）

我覺得做媽咪要捉佢地心理，要軟硬兼施，吾可以下下咁harsh, 同埋同理心都重要，試下企係小孩角度唸，可能你會明白多點。

係圖書館借下育兒書，可能幫到你。

私人傳訊

gracelam

珍珠宮

積分: 39157

環保接龍勳章

5^#

發表於 16-10-3 11:06 |只看該作者

belgiumchoco 發表於 16-10-3 08:54
見人問，我都想請教。

阿女4歲，極聰明，但脾氣差，一日起碼發15次脾氣，發脾氣時說話好倔咁鬧人，有時會 ...

例子1，2我係唔會妥協，話知你發脾4，唔食菜，得!! 真係冇零食，再發脾4連飯都冇得食。 8:30即關機，發脾4的話全屋準備沖涼刷牙，熄燈入房瞓教。由佢發!!

唔好挑戰我底線，我會同佢鬥堅持!!!!!

教養孩童,使他走當行的道, 就是到老, 他也不偏離!

私人傳訊

alice06_hk

男爵府

積分: 8900

4^#

發表於 16-10-3 09:31 |只看該作者

belgiumchoco 發表於 16-10-3 08:54
見人問，我都想請教。

阿女4歲，極聰明，但脾氣差，一日起碼發15次脾氣，發脾氣時說話好倔咁鬧人，有時會 ...

我個女都係四歲，之前唔夠訓脾氣好差, 佢要訓好多，兩個半鐘午睡。夜晚就九點半訓到朝早七點。而家訓多左會好少少。
佢每日都有少少脾氣既，三次以下，我都係講道理，唔得的話都會惡佢，再唔聽就罰佢企，由佢喊一輪，之後會好d, 我發覺人多係教唔到，所以一發脾氣我就的佢入房，發完先出來。

私人傳訊

belgiumchoco

伯爵府

積分: 15758

3^#

發表於 16-10-3 09:11 |只看該作者

回覆：Sofia_happy 的帖子

全部有做，每次佢冷靜時都有講佢做錯咩，我都有學佢做一次，俾佢知對方會唔開心，不過對佢都冇咩用

私人傳訊

Sofia_happy

大宅

積分: 4999

2^#

發表於 16-10-3 09:06 |只看該作者

呢D要立即糾正唔可以過後先教，教時要語氣肯定，唔好話咩你咁唔乖豬之類，要立即話你咁係唔啱，因為乜乜乜，一定要講個原因佢知，唔好一味話錯但佢唔知錯在那裡，因為大人都係咁講嘢，例如你咁講乜乜乜時，佢會有唔開心感覺，如果倒轉人地咁，你會點點點？立即比一個反醒佢
係糾正，不宜鬧，越閙佢就越大脾氣
我自己咁教小朋友，非常有效