吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 平心而論(長編)

婆媳關係今日: 0|主題: 27758

收藏本版

發帖

返回列表

跳至頁

查看: 6498 | 回覆: 51

平心而論(長編) [複製鏈接]

12 3

lovechin

大宅

積分: 1792

好媽媽勳章

1^#

發表於 16-10-5 11:29 |只看該作者 |正序瀏覽 |打印

本帖最後由 lovechin 於 16-10-5 13:37 編輯

同9962姑仔相處12年，當初同居各有各生活，62就返夜班，一星期只見一次。
99比較開通，而姑仔因為當時最小(當時14歲)，大家好多事也就佢，所以佢事無大小就嘈，而我好多時唔會理佢地，返回入房自己玩或者看電視，當時是無咁多爭執。

自從個仔出世後，大家都好錫佢，成日買野俾佢！但仔仔越來越大，爭吵也越來越多(仔仔+姑仔)，可能個仔的存在，姑仔的地位受到改變。開始大無小事同個仔嘈。不過仔仔有時又鐘意攪下個姑姐、有時食飯又踢到姑仔隻腳又嘈，爭玩具又嘈。爭野食又嘈！總之大大小小，她們一起在一室的時間，就一定會嘈！其實每天的爭吵真的有點煩！
好多時我同奶奶都會話個仔先，唔好攪你姑姐及其物品！之後再好心提下佢，唔俾人掂我的野，唔俾人食的野，不如放返入妳房，無謂每次也嘈，因為放得係廳的野都係隨便食，隨使玩。之後我奶奶都會說一人少句啦！

跟住姑仔就好鐘意說(不屑+發脾氣的態度)：[咩都係我唔o岩，咩都係我錯。佢(指我個仔)o岩晒，咩都幫住佢啦！我係家中無地位。講咩都唔o岩聽！]之後就開始單單打打的發脾氣攻擊！(其實都無人再理佢！由佢發。)

姑仔每次嘈完(不論同家人、朋友、或是公司的同事上司)，就好鐘意在FB 留言話人不是，自己有自己的論點。每次也是說其他人對佢的針對，對佢唔好，無人理解佢等....(同她說了好幾次，唔好咁樣，因為有機會將來的老闆，上司無意間發現，就會影響到妳的前途。佢會講SET 了私隱無有怕，所以我地無再理佢D幼稚言論。)

再之前，姑仔與之前的男朋友，有次她的男朋友去fd 家中BBQ，叫佢放工坐的士入去，個男仔去村口接佢，但佢就發脾氣，要個男仔一定要去佢公司接佢！之後個男仔因為咁而無去接，又嘈左好耐！

有一次，就為了一合奇X迷你月餅，因為姑仔愛食這個品牌。而這合月餅係我取回家中分享給大家食。放在家中數天，月餅也給家人食晒，後來99知道佢未食，已經擔心佢會嘈！之後不出所料，佢知道月餅食晒，{就嘈仲咩唔留返一件俾佢！有無攪錯...離晒鐠....之後叫佢阿媽買返合俾佢。}99叫我在公司附近留意下，我話，佢咁大個人，自己想食自己買都得！佢元朗返工，元朗都有啦！不過我最後都再說多句，返工見到就買啦！(當然我無理到，因為我本人都唔愛吃，而家中還有其他月餅未食！)最後都不理理之！

這一次姑仔的脾氣，就觸發我今次請大家討論的情況！
事源家中的(非洲鼓)，是6299在旅行買回來給小兒玩的！但因為拍鼓的聲音，他們覺得噪吵而收起個鼓放在柜頂。前幾日的晚上(19:00)，因為小兒入到學校非洲鼓班，非常之開心同家人分享喜悅。姑仔得知後，就取回鼓自己玩了一陣，之後就小兒取來玩！小兒玩了一陣，就俾姑仔話好嘈，叫我個仔STOP。我個仔當然唔理佢，難得有得玩，打多幾下！之後姑仔搶回個鼓放回柜頂。我個仔跟住扭計。
我回左一句，如果覺得嘈，棄左個鼓去啦！無啦啦囉個鼓出黎引佢(我個仔)仲咩o者？
之後我feel到姑仔開始黑面，也無理會，叫個仔開台取椅食飯！
姑仔自己夾開飯送，坐係梳化食。99問佢咩事。姑仔火氣說：我唔x同這些人一起食飯！我做咩都係錯，做咩都俾人話。
之後無人理佢，我地自己食飯。老公剛剛由洗手間出黎，不知發生什麼事，只是一出黎就問個仔，係咪又係你引起呀！
我就火起講，唔好下下都話個仔啦！今次唔關你個仔事！無啦啦囉個鼓落黎玩，自己玩的時間唔覺得嘈，點解到我個仔玩一陣就話嘈！
之後無人再出聲，99也說一人少句。食完飯洗麻碗回房。
當晚也同奶奶say sorry，破壞了食飯氣氛，難為了佢！但同時也解釋我發火係唔想什麼事也跟小兒過不去，什麼事也關我個仔事！

其實一天後，我都當無事發生，不過姑仔係一個十分小氣之人，都估到佢有排發。

前天就是62一星期放假一天，今日姑仔放工，已經發晒脾氣入房，62也GET 到佢個女嬲。
之後到食飯，6299叫我個仔拍門叫姑仔出來食飯，我個仔拍門無反應。我同個仔講唔應就算！唔好理佢。之後奶奶拍門叫，她大聲爆：唔X同這些人一起食飯。之後都無人理佢。咁我地自己食！
食飯期間，姑仔黑住面出出入入幾次，最後一次就囉住隻碗出黎說：[我夾送入房食都唔X同這些人食！]
我老公即刻火起，企起身話：你想點X樣！
之後62發火，拍台話老公：[攪X咁多野做咩，同我坐返低，好好地食餐飯，嘈咩X野！一星期返黎食一餐飯，攪到家嘈屋閉。]
我老公話：邊個發脾氣先，你無知當中原因。
62話唔理邊個o岩同錯，就係唔好再發神經。
之後跟手話麻99，你點x睇住呀！人小小都攪到家嘈屋閉。(當然我99忍住，場地清潔食完飯就回房)
老公話：咁當我唔o岩，我唔再講啦！(之後走左去無食飯！)
而我因為62發脾氣拍台，瀉了d湯在我身上，我處理後都無去食飯，通知仔仔食完飯通知我，我返回入房了。

我都唔知我姑仔係幼稚或是港女？依家就黎27歲。(小氣、斤斤計較、思想負面、亂發脾氣)

咁樣嘈，真的好怕我個仔全面接收，有樣學樣！
(講晒粗口黎嘈交，99 EQ最好，我發火唔會在仔面前停粗口，就算沖口也會急停到。而我老公、62、姑仔就唔理，咩粗口都會爆發。)
(因為姑仔發脾氣就好鐘意大力關門。有次我個仔發脾氣，入洗手間下，真的大力關門。個下嬲到我同我老公即刻捉個仔訓示。)
(可以在家中亂發脾氣=,=)

另外，唔通真係要我同我仔講，唔好同姑姐玩，唔好理姑姐，唔好攪姑姐D野！因為唔知幾時又觸動佢神經。
(但小朋友，有時沖口話姑姐咁樣做唔o岩，之後又會觸動佢神經。)

我應該點做！(預計2年-2年半後有居屋可以入住新居，不過首期是62借。)

0 0 0

私人傳訊

Lovelovebear

珍珠宮

積分: 31483

52^#

發表於 16-10-13 14:52 |只看該作者

回覆樓主:

其實可以嘅話早d搬，因為你老爺姑仔同老公都好火爆，一嬲就爆晒粗，你個仔喺呢d環境下長大，將來都會變成咁架咋…

姑仔港女加公主病就一定架喇，但果度始終係佢屋企，就算佢唔岩都趕唔到佢出街，變相要你同個仔忍佢架喇，反正仲有2年，不如租樓住算啦… 一日嘈到黑對大家都唔好。

私人傳訊

Coco0216

大宅

積分: 3922

51^#

發表於 16-10-12 22:18 |只看該作者

回覆樓主:

其實我覺得姑仔走因為【呷醋】，舊時佢大曬，個個讓佢，到你地有小朋友就被取代。

私人傳訊

lovechin

大宅

積分: 1792

好媽媽勳章

50^#

發表於 16-10-7 18:00 |只看該作者

pig_pig_pig 發表於 16-10-7 13:20
你姑仔真係又傻又可憐。

由14歲開始被安排跟心智遠勝自己的大嫂同住，仲要有埋可愛的侄仔，自己阿媽又幫唔 ...

這個26-27歲的小朋友，我都覺得佢好可憐。如果咁大個心智也未能成熟，我諗到年老也未必能改變！
繼續自我感覺良好中生活！(到最後只會令自己辛苦。覺得所有人都同她作對，對她不好！小小事就同人脫離關係。何苦呢？)

如果什麼也是盲目幫自己所生的小朋友，最後小朋友覺得錯也對！

咁的觀念正確嗎？

(我個仔錯，小錯大錯我都要佢自己承擔及自己解決返個問題！我覺得不是錯也要維護佢地囉！這是個人睇法。)

私人傳訊

pig_pig_pig

大宅

積分: 1405

49^#

發表於 16-10-7 13:20 |只看該作者

本帖最後由 pig_pig_pig 於 16-10-7 13:28 編輯

你姑仔真係又傻又可憐。

由14歲開始被安排跟心智遠勝自己的大嫂同住，仲要有埋可愛的侄仔，自己阿媽又幫唔到自己，輸哂。
仲要住緊的地方係阿爸跟阿哥供。

最慘係以上都係正確的事，無人做錯，但係又唔係姑仔自己有得揀，加上年紀細又唔識諗，在家的地位慢慢被邊緣化。

私人傳訊

lovechin

大宅

積分: 1792

好媽媽勳章

48^#

發表於 16-10-7 09:15 |只看該作者

之前上得討論區，都是找個地洩氣。
我第二日其實氣己下。
人家繼續黑面我係唔會再理，又唔係我辛苦。

更何況佢依家嬲曬成家人，自己咪孤立自己。
On居的。

我同99繼續有傾有講有笑。等佢發完神經先算。

私人傳訊

chelseywong

男爵府

積分: 7369

47^#

發表於 16-10-7 00:18 |只看該作者

人地係寶貝女，你只係佢個呀哥既老婆，當然唔同。講真如果我未嫁，返到屋企我要咁樣就我呀哥老婆/仔，我都日日發脾氣，目的係趕你地走。快d搬走吧。你都唔想將來你個女要受另一個女人氣啦！

私人傳訊

rayrayus

翡翠宮

積分: 84371

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

46^#

發表於 16-10-6 23:24 |只看該作者

你地好明顯就唔可以同住，不過你話你地而家冇錢搬但遲早會搬，咪忍下囉，唔好同佢有咩接觸，唔好惹佢囉，畢竟佢好明顯唔會搬走，咁你就自己調整心態忍多2年啦

私人傳訊

Bibibut

公爵府

積分: 26392

45^#

發表於 16-10-6 23:01 |只看該作者

lovechin 發表於 16-10-6 22:34
我這幾日上網睇資料！原來經常發脾氣，有可能是一個病態。

醫生建議要看心理治療。

係呀⋯⋯可能有抑鬱躁狂症，人格異常，情緒病......自己吾知架，不過佢仲有胃口應該吾似。

私人傳訊

lovechin

大宅

積分: 1792

好媽媽勳章

44^#

發表於 16-10-6 22:34 |只看該作者

Bibibut 發表於 16-10-6 21:51
佢咁的表現，分柝能力好差。被人縦一件事，間屋多個人住又係另一件事。同個豆靚發火就更白痴! 咁有骨氣， ...

我這幾日上網睇資料！原來經常發脾氣，有可能是一個病態。

醫生建議要看心理治療。

私人傳訊

lovechin

大宅

積分: 1792

好媽媽勳章

43^#

發表於 16-10-6 22:27 |只看該作者

cheechi 發表於 16-10-6 21:41
客觀地姑仔脾氣係大左d，但其實呢個係姑仔屋企，佢老豆亞媽要縱女你都改變唔到佢地。難聽d講句，你地擺左人 ...

咁又無必要掛自己老公。有好多人結婚都未必有樓。如果找到認定人，但無樓就分手咩。每個人追求的東西不同。
香港地大把環境仲差過我，現在起碼每人都有間房。有自己小小私隱的地方。
我娘家屋企，只係住二百尺公屋，房也沒有。
其實我知足了。因為自己無本事找個有$又真心的男人。只找到有小小溫飽及有歸宿而又相愛的男人。

但我現在真的無本$遷出囉。

私人傳訊

lovechin

大宅

積分: 1792

好媽媽勳章

42^#

發表於 16-10-6 22:12 |只看該作者

講真，層樓之前供緊，做仔幫忙供都唔可以話走就走。咁之前住落，同99又相處到，又真的無問題。
另外，依家供完現住的屋企，咪可以再儲$供另一間。
現在姑仔繼續黑面夜返仲好，屋企即時寧靜了不少。

私人傳訊

mini1204

翡翠宮

積分: 79224

41^#

發表於 16-10-6 22:01 |只看該作者

lovechin 發表於 16-10-5 14:32
係...最快都2年幾後先有得搬，依家要努力儲錢去裝潢。
我都估姑仔都幾難嫁得出，脾氣太臭，唔知幾時會觸動 ...

如果奶奶ok, 我點都吾出聲忍左佢
多兩年可以走，好快！！

有D男人老式人，一見人嘈就叫人收聲，務求盡快平息，未必係為攬女。

私人傳訊

Bibibut

公爵府

積分: 26392

40^#

發表於 16-10-6 21:51 |只看該作者

cheechi 發表於 16-10-6 21:41
客觀地姑仔脾氣係大左d，但其實呢個係姑仔屋企，佢老豆亞媽要縱女你都改變唔到佢地。難聽d講句，你地擺左人 ...

佢咁的表現，分柝能力好差。被人縦一件事，間屋多個人住又係另一件事。同個豆靚發火就更白痴! 咁有骨氣，連飯都吾夾入房食添呀，個豆靚EQ叻過佢。蠢人先發別人脾氣，別人又不痛不癢⋯⋯同自己過吾去，呢個公主真傻。

私人傳訊

cheechi

伯爵府

積分: 18667

畀面勳章

39^#

發表於 16-10-6 21:41 |只看該作者

回覆樓主：

本帖最後由 cheechi 於 16-10-6 21:42 編輯

客觀地姑仔脾氣係大左d，但其實呢個係姑仔屋企，佢老豆亞媽要縱女你都改變唔到佢地。難聽d講句，你地擺左人地方喎，要怪就怪你老公無本事，結婚後要痴老豆亞媽，讓佢身邊人親人老婆都受苦

點評

Jolin_Yuen

發表於 16-10-7 12:45

私人傳訊

lovechin

大宅

積分: 1792

好媽媽勳章

38^#

發表於 16-10-6 08:13 |只看該作者

回覆樓主：

本帖最後由 lovechin 於 16-10-6 08:16 編輯

本帖最後由 lovechin 於 16-10-6 08:15 編輯

其實咁講，我個仔錯，佢發脾氣。我可以不理她。或者全屋忍受（除了62，因為好日也不用直接相處）
今次錯不在小兒。連在家的99都看不過眼。始終她今次無理取鬧。

其實她每次發完脾氣過後（不論她針對朋友或同事或家人計較），家人事後有時同她傾，講道理解釋事情也聽不入。一直處於自我感覺良好狀態。無得救。

可能真的眾怒親離先識改變。