想生BB 今日: 0 | 主題: 109589

積分: 87

1^#

發表於 16-10-16 13:55 |只看該作者 |正序瀏覽 |打印

本帖最後由 mt4_mt4 於 16-10-16 13:55 編輯

大家好! 今次是想分享到台北找翁醫師做免疫系統檢測嘅情況(順便自己做個紀錄), 因為自己搵資料時, 發現大家都有推薦, 但詳細嘅程序好像沒有人寫, 希望呢編分享可以幫到有需要嘅jm, 因為千里迢迢到另一個地方求醫而又咩都唔知, 個心十五十六都幾囉囉攣 xp

(本編純為分享、只供參考, 睇唔睇醫生/搵邊個醫生還是自己決定; 一概提及的醫學常識為本人自己理解, 詳情請自行向家庭醫生/專科醫生查詢)

背景：本人連續兩次流產(5週後停止生長及沒有照到心跳, 2次約在8週進行流產手術, 第1次食藥; 第2次食藥唔得後刮宮). 之後上網找了一些有關流產資料, 得知流產成因有很多, 如不幸(我最希望是這個因素)、健康狀況、免疫系統問題、子宮結構影響、染色體出錯...., 最後決定先做免疫系統檢測. 而已香港對「免疫系統與流產成因有關」嘅說法並不普及, 以及比較價錢後(網上說香港HK$20,000; 台灣HK$5XXX), 最後決定到台灣進行此項檢測(順道散心~). 找了一些台灣醫生, 最後揀左很多jm推薦嘅台北翁醫師(可能台灣鼓勵生育(有獎金的!), 台灣有好多生育診所, 大家可以自行比較)
過程：先在診所網頁了解診所業務(主打不育及IVF, 但都有其他身體檢查提供)、翁醫師看診時間表, 之後就電郵到診所表示想預約嘅醫師、到診日期及時間(電郵中我有提及自己嘅情況及詢問診金), 診所很快確認及在電郵提供相關資訊及所需文件. 其後我就按預約日期及時間到達診所. 在接待處提供護照及身份證後, 在會客室填寫問卷(包括: 基本資料、飲食及生活習慣、家族病史之類), 其後由姑娘確認問題細節. 填寫問卷後轉往大堂等待醫師接見 (當天也等了差不多1小時). 與翁醫師會面, 佢會先了解到診原因, 當我講述自己情況及表示想做免疫系統檢測, 翁醫師便講解免疫系統與流產關係, 當中最為大家了解就是自己嘅抗體攻擊胚胎/形成血栓阻塞終止營養輸送導致流產. 翁醫師再講解如檢測出有問題嘅治療方法, 1. 輕微問題: 食藥可以解決; 2. 需要吊針(我忘了什麼名稱), 吊針按問題嚴重性決定吊幾耐, 一般排卵前開始, 最短係幾週;最長係整個孕期. 另外, 佢有問我做唔做埋染色體測試(台幣$8000/夫婦), 佢好坦白的說, 染色體出問題機率較低, 多數會在免疫系統檢測沒異常後才會再做, 但因為我從香港來, 一次過做埋唔駛走兩次, 本身都決定做埋, 點知護士提醫師接著係雙十國慶連休做唔到(我都唔知點解, 可能啲血唔擺得咁耐), 所以最後無做. 而翁醫師亦有解釋, 如染色體出現問題治療方法, 可以做IVF, 因IVF可選出健康嘅胚胎殖入, 從而減少流產風險. (雖然我無打算做IVF, 因我不是不育, 但在我了解IVF後發現, 有jm做了數次IVF也不成功, 之後發現與自身免疫系統有關, 正因為此我亦決定向免疫系統方面著手). 翁醫師表示檢測一星期後會出報告, 介時會電郵給我及提出建議. 我亦可自行在香港找醫生講解報告, 診所也提供數間香港診所作參考. 接見完畢後, 就到接待處付款, 到診金為台幣$2XX, 免疫系統抽血檢查台幣$8XXX. 付款後就到抽血室進行抽血 (參考, 本人抽了5支, 每支都係一半). 完成後便可離開.
一星期過去, 已收到檢測後報告, 但電郵未有任何講解, 我已回電郵了解, 等待回覆中. 但我自己睇份報告, 的確有指數是異常. (個心又再囉囉攣) 希望之後再有機會UPDATE大家情況如何啦~~~~

提外話, 與翁醫師會面時, 醫師依我情況 (兩次都在同相約周數便停止生長) 覺得我有機會是血栓阻塞. 我有問醫師如果我決定唔生育, 是否代表唔需要做任何治療? 醫師表示係! 此外, 醫師表示如果真係呢個問題, 日後停經後, 有血壓高嘅機會相對較高.

0 0 0

私人傳訊

MW148

男爵府

積分: 8819

51^#

發表於 17-3-6 16:29 |只看該作者

alice215 發表於 16-11-24 22:39
我有食奎寧到14周..bb都健康出世...精靈活潑...識好多愛群bingo既媽媽都有食...有人食到生都冇問題呀
...

我2胎，都食到生，大囡2歲半，仔仔9.5m.
唔使擔心

私人傳訊

pppppppppp

積分: 1191

50^#

發表於 17-3-6 16:23 |只看該作者

回覆 x0kwan0x 的帖子

請問你依定情況如何? 我都想試下ivf.... 老公精子都係差。。。都唔知做唔做好。 by the way已經做咗兩次iui失敗咗

私人傳訊

x0kwan0x

積分: 769

49^#

發表於 17-1-18 13:33 |只看該作者

YoyoChang 發表於 17-1-18 11:35
請問你去了那間做了ivf兩次也沒有成功?

我在愛群做。找翁醫生做的。胚胎很惡劣...都是著床後，自己再流走了。
所以才做GPS檢查一下。他們檢查都選最好的來檢了，全部惡劣成績。

我現在不懂什麼是Mosaic的意思，報告上寫不建議使用的。但翁說，如果真的沒有好的，只能拼一下。
但我擔心會不會像別人說的是K型...

私人傳訊

YoyoChang

複式洋房

積分: 294

48^#

發表於 17-1-18 11:35 |只看該作者

x0kwan0x 發表於 17-1-17 18:57
你好﹗我有去這醫生做了二次IVF+ICSI

還沒成功，

請問你去了那間做了ivf兩次也沒有成功?

私人傳訊

hihicatcat

積分: 3668

47^#

發表於 17-1-18 10:43 |只看該作者

x0kwan0x 發表於 17-1-17 18:57
你好﹗我有去這醫生做了二次IVF+ICSI

還沒成功，

Jm 加油，做pgs 都係想有健康柸胎，結果出左相信翁醫建議

私人傳訊

x0kwan0x

積分: 769

46^#

發表於 17-1-17 18:57 |只看該作者

你好﹗我有去這醫生做了二次IVF+ICSI

還沒成功，

舊年3月，第一次IVF有6粒胚胎，放鮮胎後血栓一直標高，第二次吃藥之下放雪胎還是沒有成功，然後還有二個冷藏了。

然後上個月尾做了第二次IVF，順便做了4粒PGS，

我前天獲得結果是有三粒Aneuploid，一粒Mosaic

前三粒不能放胎，後面一粒...翁醫師話如果有新胚胎做到合格，就不建議放。

如果再做新的胚胎的結果全部都是Aneuploid的話，就拿這粒Mosaic試放。

我現在十五十六，原本約好了2月9日回去覆診及2月10日放胎的，現在結果這樣。我不知道該怎麼辦

我很猶豫，很煩惱，覺得很無助。

因為我先生的精子，只有1%正常的。是否真的會很影響這結果。

眼淚也只能心裡流.....

私人傳訊

yuyuyu_ng

積分: 771

45^#

發表於 17-1-17 15:38 |只看該作者

mt4_mt4 發表於 16-10-16 13:55
大家好! 今次是想分享到台北找翁醫師做免疫系統檢測嘅情況(順便自己做個紀錄), 因為自己搵資料時, 發現大家 ...

我同樓主情況一樣，第一次空心胎未有閃閃就自排左出來，第二次就昨天到醫院塞藥都係空心胎！香港政府醫院要三次先會做免疫同染色體檢查！我沒勇氣再去試第三次了，我都會台灣檢查下！你要加油啊！等你好消息！

私人傳訊

ananlove

男爵府

積分: 6913

44^#

發表於 16-12-25 21:57 |只看該作者

mt4_mt4 發表於 16-10-19 10:27
我不是即日回來, 但我想即日來回, 早機去晚機返都可以, 始終台北比較近 (診所回嘅電郵有寫機場前往診所嘅 ...

樓主，請問你有無再去台灣覆診？定係搵香港醫生跟進？我剛初診返黎了，而家等出報告!

私人傳訊

小菠蘿

複式洋房

積分: 249

43^#

發表於 16-12-10 21:50 |只看該作者

mt4_mt4 發表於 16-10-19 10:27
我不是即日回來, 但我想即日來回, 早機去晚機返都可以, 始終台北比較近 (診所回嘅電郵有寫機場前往診所嘅 ...

我同你一樣ANA 640, vit D 20, IgG 2860. 佢都係建議我食Aspirin 100mg, plaquenil奎寧200g vitD3 0.25mg 介唔介意話我知你驗左d咩？同指數幾多？

因為覆我email既資料好少，食既分量都係我問先講. 都無同我講話要食到幾時. 我問使唔使打針. 佢話有機會要打ivig. 電郵唔係翁醫生覆既？

私人傳訊

Sammileejamesbb

積分: 767

42^#

發表於 16-12-3 00:08 |只看該作者

mt4_mt4 發表於 16-10-20 15:19
正正是ANA及IGg紅字, 另vit d 都紅字. 翁醫師電郵無提及藥物副作用, 只說需要食到28週. 我上網睇過, 本身 ...

我剛收到翁醫師的驗血報告，我也是Vit D比較低，而IgG比較高，醫師也是建議我吃Vit D、Plaquenil及Aspirin，希望大家也早點懷孕，順順利利

私人傳訊

alice215

積分: 2214

41^#

發表於 16-11-24 22:39 |只看該作者

mt4_mt4 發表於 16-10-20 14:32
暫時只去了一次台灣. 我上網查了藥物資料, 都會再咨詢香港醫生再決定是否用藥或其他方案. 因為隻藥要醫生處 ...

我有食奎寧到14周..bb都健康出世...精靈活潑...識好多愛群bingo既媽媽都有食...有人食到生都冇問題呀

私人傳訊

加貝

積分: 1099

40^#

發表於 16-11-18 16:59 |只看該作者

我都係免疫治療中，我都係睇台灣醫生，香港好似真係係依方面冇咩經驗。

私人傳訊

eeeeee6eet

積分: 1516

39^#

發表於 16-10-20 21:44 |只看該作者

本帖最後由 eeeeee6eet 於 16-10-20 21:45 編輯

mt4_mt4 發表於 16-10-20 15:32
但我想問, 你作小產, 所以醫院同你驗血? 都會有ANA驗?

我都擔心香港與台灣醫生治療手法唔同, 而萬一有咩事 ...

不是因為作小產而幫我驗
只係排產科時俾台灣驗血報告佢地睇
佢地幫我驗（可能都因為我是孖胎，所以重視d）
有驗5項，但不准我影低
只俾抄低有問題1項（ANA）
我星期日聽翁翁講座才決定
但自己預左bingo後會留台2個月

私人傳訊

積分: 87

38^#

發表於 16-10-20 15:32 |只看該作者

eeeeee6eet 發表於 16-10-20 14:40
係呀免疫藥應該是奎寧
我之前一次放胎前都要食3個月先放
台灣JM通常都會食到2X週

但我想問, 你作小產, 所以醫院同你驗血? 都會有ANA驗?

我都擔心香港與台灣醫生治療手法唔同, 而萬一有咩事又未必即時去到台灣處理. 所以都衡量緊點做.

請問你有無睇過翁醫師與香港聯繫嘅香港醫生?

私人傳訊

積分: 87

37^#

發表於 16-10-20 15:19 |只看該作者

Man_So 發表於 16-10-19 13:02
請問佈告結果是否ANA,IGg紅字?其他指數正常嗎？我都小產兩次，一次宮外孕，一次7週停左心跳，我都好想驗下 ...

正正是ANA及IGg紅字, 另vit d 都紅字. 翁醫師電郵無提及藥物副作用, 只說需要食到28週. 我上網睇過, 本身隻藥係治療其他病, 懷孕不建議食用, 但食開此藥嘅人意外懷孕, 寶寶出世都睇唔到有咩大影響. 台灣暫時都係用呢啲藥針對免疫問題致流產case. 所以我會再搵香港醫生了解一下, 再決定是否用藥或其他方案. 始終係台灣醫生建議嘅藥, 香港醫生未必肯跟住開.

私人傳訊

eeeeee6eet

積分: 1516

36^#

發表於 16-10-20 14:40 |只看該作者

本帖最後由 eeeeee6eet 於 16-10-20 14:42 編輯

mt4_mt4 發表於 16-10-20 14:32
暫時只去了一次台灣. 我上網查了藥物資料, 都會再咨詢香港醫生再決定是否用藥或其他方案. 因為隻藥要醫生處 ...

係呀免疫藥應該是奎寧
我之前一次放胎前都要食3個月先放
台灣JM通常都會食到2X週
好安全(不過香港標準與台灣不同,威院高級醫生叫我唔好食,但我無聽)
我8月放胎bingo左,孖胎,
我信香港醫生幫我驗血,有事會同我講
但我作小產2次入院都無同我講
到我胎停,做人工流產後1 星期覆診再問醫生我之前驗既血係點
佢先話我ANA fail,仲反問我"無醫生打俾你咩?"(如果我知超標,我會打肝素及回台灣)
好明顯佢地唔重視

私人傳訊

積分: 87

35^#

發表於 16-10-20 14:32 |只看該作者

eeeeee6eet 發表於 16-10-19 12:54
謝謝你的分享只是食藥的話,你的情況應該不算嚴重
為你感到開心

暫時只去了一次台灣. 我上網查了藥物資料, 都會再咨詢香港醫生再決定是否用藥或其他方案. 因為隻藥要醫生處方, 我想係香港配藥, 所以要知道香港醫生肯唔肯(我覺得香港對「免疫與流產關係」方面無台灣咁普遍). 另外藥物副作用都要詳細問醫生. 始終電郵都問唔到咁深入.

另外, 醫師表示藥要食到大約28週, 我都有啲矛盾, 因為本身隻藥係孕婦不建議使用(本身隻藥係治療其他病, 而且要定期覆診). 而懷孕後要唔要回台灣檢查我都有考慮, 所以一切等睇埋香港醫生再決定. (我剛小產, 都唔會咁快再試, 可以了解清楚先決定)

私人傳訊

1882