吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 琴晚簽左紙，個心好痛，好想知大家呢段時間係點渡過 ...

單親天地今日: 0|主題: 18400

收藏本版

發帖

返回列表

跳至頁

查看: 5433 | 回覆: 40

琴晚簽左紙，個心好痛，好想知大家呢段時間係點渡過 [複製鏈接]

12 3

withgodslove

洋房

積分: 59

1^#

發表於 16-10-20 13:45 |只看該作者 |正序瀏覽 |打印

個心keep 住好up，大家當時係點面對？
兩個仔先5歲2歲，一諗起佢地會响一個唔完整嘅家庭成長，覺得好對佢地唔住。
以後嘅日子，有開心唔開心，都無人可以講，無人support，覺得好傍徨。
一諗對眼就濕，要返工，又要忍住，好辛苦。。。

0 0 0

私人傳訊

withgodslove

洋房

積分: 59

41^#

發表於 16-10-28 06:06 |只看該作者

guan 發表於 16-10-27 22:02
當你又要忙住搵食，又要忙湊仔ge時候，仲邊有時間去諗D無謂野，可能我當初離ge時候已經係冇曬感情la，所以 ...

多謝你呀。。。始終個人一有空檔，或者就算同兩個仔玩到hehehaha嗰陣，都會諗起，呢兩個小朋友係無左爸爸，個心都up一up。

私人傳訊

withgodslove

洋房

積分: 59

40^#

發表於 16-10-28 06:02 |只看該作者

Soki0607 發表於 16-10-27 19:52
傻瓜，支持你，有咩5開心上黎講

多謝你呀。

有時都唔知可以同邊個講，就算好朋友你都唔想自己時時刻刻講返呢堆野。所以最好有多d途徑，平均一個人唔洗聽咁多次。

私人傳訊

withgodslove

洋房

積分: 59

39^#

發表於 16-10-28 05:58 |只看該作者

ousryan 發表於 16-10-27 19:08
咁解要離婚

計劃之下再生多個，我一湊二，佢0幫手，叫佢幫一定黑哂面，受多幾次唔係去到無辦法之下已經唔會再叫佢。星期六日例牌訓到自然醒，等佢起身先去食野。唔會正常時間起身幫手湊下仔。中間太多問題，到左細仔幾個月，佢就開始返大陸做野，開頭都有whatsapp下，但我叫佢每晚同d仔FaceTime 佢一次都無打過。

到年頭，我ex whatsapp我講happy new yr，我覆左，講左兩句閒偈，點知比佢發現左，爆左獲好勁，就係咁，到而家呢十個月，佢都無乜點返過屋企。有時返黎我地訓左，起身佢又出左去，同埋weekend都唔會响屋企，就算中秋節，細仔生日都無返黎。

有無第個女人我都唔知，因為無証據，初步睇似無嘅。其實佢工作能力幾好，係公司高層，當年做野識佢都係比佢工作能力同頭腦吸引左，耐何太快決定結婚根本未睇清佢個人。成件事感覺好兒戲，發左場夢一樣。我諗如果唔係有兩個仔，我地好早都離左婚喇。

私人傳訊

withgodslove

洋房

積分: 59

38^#

發表於 16-10-28 05:58 |只看該作者

ousryan 發表於 16-10-27 19:08
咁解要離婚

係佢提出，原因係已經唔愛我。其實合理嘅，因為關係已經好差，但要處理嘅問題係，究竟之前發生咩事而導致嘅個唔愛嘅結果，要處理嘅係個root cause。但我諗佢無諗過有得mang ，所以我地都無認真討論過。

但我諗返，係自從有有兩個仔關係就急轉直下，佢係有王子癌嗰啲人黎，針杯水都會叫我去，攞件衫試都要我攞，一試就十幾件，試到一房都係又係我執。食飯攞幾款醬，我攞完一款又一款。啱結婚我99話佢個仔唔識meet蝦，食蝦嗰陣叫我要幫佢meet埋等等。未有大仔我忍讓下都無乜問題，但有左大仔我已經有大半時間用左响個仔度，阿仔當年又好難湊，淨係湊仔都已經人都癲，仲要好似之前咁照顧佢我係無可能。問題就開始浮面。嘈過幾次佢話會改一改，之後好左小小。

另一個問題又黎，就係管教方面，佢係自由放任嘅教法，好，無問題，但佢教到個仔將間屋搞到一pat屎咁之後就比返你，叫你去執屎。除左我要做餐死之餘，你教仔玩完玩具都要叫佢執啦，而家佢兩個都唔執，咁個仔之後邊有手尾同責任感？仲有佢係教咩，唔係messy art呀，係直接倒薯片落床食，倒水落床玩。我都已經開始比佢搞到癲癲地。

私人傳訊

guan

大宅

積分: 2542

37^#

發表於 16-10-27 22:02 |只看該作者

當你又要忙住搵食，又要忙湊仔ge時候，仲邊有時間去諗D無謂野，可能我當初離ge時候已經係冇曬感情la，所以覺得都OK，JM加油~

有健康ge身體，努力工作！

私人傳訊

Hebe910

大宅

積分: 1072

36^#

發表於 16-10-27 21:56 |只看該作者

withgodslove 發表於 16-10-27 19:40
咁邊個幫你湊呀？有自己父母support 嘛？

我自己簡左兩個都跟我，因為兩個仔都好痴我，係我一手一腳湊大 ...

我勁似你，因為我6299都話如果我地真系離婚佢會叫佢個仔走，我地3個留系到，6299幫我手，真系好感動！我都有姐姐幫手，我可以去做野養佢地！

私人傳訊

Soki0607

禁止訪問

積分: 1539

35^#

發表於 16-10-27 19:52 |只看該作者

提示: 作者被禁止或刪除內容自動屏蔽

私人傳訊

withgodslove

洋房

積分: 59

34^#

發表於 16-10-27 19:44 |只看該作者

oc2015 發表於 16-10-27 11:28
同埋係解釋比小朋友聽時, 又唔可以唱衰前妻都好困難, 忍得好辛苦

我最多可以唔提，但好難可以教佢地要愛爸爸。我見有d文章講，話要例如爸爸生日要鼓勵仔女要同爸爸興祝，畫張咭咁，但我真係做唔到，始終個心都有d憎佢。

私人傳訊

withgodslove

洋房

積分: 59

33^#

發表於 16-10-27 19:40 |只看該作者

Hebe910 發表於 16-10-25 23:19
你好，想問下仔女跟邊個？同埋你番工邊個湊2個小朋友？因為我都有2個b我想2個都跟我
...

咁邊個幫你湊呀？有自己父母support 嘛？

我自己簡左兩個都跟我，因為兩個仔都好痴我，係我一手一腳湊大，我覺得無人會比我將佢地照顧得更好。加上，我無諗過再婚之類，我始終係諗住兩個仔行先，點都唔會丢低佢地。

本來諗住搬近阿媽阿爸，平日姐姐湊，有事叫阿媽阿爸睇住。但前兩日同左6299講，佢地第一句就話，我淨係認呢兩粒孫，叫我地唔好搬，要搬就叫佢個仔搬。我都即時忍唔住喊左出黎，好感動，加上唔洗搬無咁傍徨，對對仔又無咁大影響。雖然佢地平日都返工，但放得早，可以幫手睇下。間屋又熱鬧d，兩個仔又多人錫d。算好好彩有咁好嘅6299。