母乳餵哺今日: 0|主題: 85706

收藏本版

回覆發帖

返回列表

跳至頁

查看: 2444 | 回覆: 5

人奶的抉擇（少長編） [複製鏈接]

bonbon_yan

洋房

積分: 67

1^#

發表於 16-11-5 07:18 |只看該作者 |正序瀏覽 |打印

人奶的抉擇

我是一個半人奶的窮媽媽，寶寶現在已4個多月大。15-20分鐘泵出來的奶量只有1-2安（仲要係兩邊夾埋），最高峰都只係去到3安（但只係試過一兩次），但依然每日堅持定時定候埋身俾寶寶食。（不是要說我自己多偉大）

自懷孕以來，頭皮一直有濕疹問題，患處應該有半個一蚊銀咁細撻，痕癢難當，但又唔敢食藥或搽類固醇，因為怕影響肚裡面嘅寶寶，所以一直忍，只係試用一啲唔會傷害到寶寶的方法去處理頭皮問題。

所以在整個懷孕過程到生後都冇去醫頭皮問題，因為生完要餵人奶，依然都係驚藥物會影響到寶寶。問過西醫佢都話除非停左人奶，如果唔係都冇其他方法去醫，深知道類固醇非好野，但應該只要佢先攪得掂我個頭，但用完仲要未必醫得好，好一排之後都可能會番發，另外我連中醫都睇過，但都唔work。

所以我而家個濕疹頭皮已經擴展到大半邊頭，日日痕到想死，係一定忍唔到唔去抓，甚至會抓到出水、流膿同流血，每次洗頭啲水掂到受損的頭皮都痛到好似俾刀割啲肉咁痛，十萬個痛苦和困擾。

所以我唔知我呢個窮人奶媽媽應否放棄人奶去醫個頭，因為已經由一小撻擴展到大半邊頭，再唔醫我驚成個頭都係仲難攪。

所以我唔知點去抉擇。

0 0 0

私人傳訊回覆引用

vvvvyan

大宅

積分: 1500

6^#

發表於 16-11-7 08:42 |只看該作者

bonbon_yan 發表於 16-11-5 07:18
人奶的抉擇

我是一個半人奶的窮媽媽，寶寶現在已4個多月大。15-20分鐘泵出來的奶量只有1-2安（仲要係兩邊 ...

Bb 都已經幾個月大，你餵左咁耐已經好叻！
要先有健康既身體（physically and mentally),咁先可以好好照顧bb.
唔餵人奶有其他野代替，但無野可代替一個健康快樂既媽媽

私人傳訊回覆引用

艾森

子爵府

積分: 11164

5^#

發表於 16-11-6 23:32 |只看該作者

回覆樓主：

本帖最後由艾森於 16-11-6 23:37 編輯

唔需要停人奶，轉用天然產品去護理濕疹就可以

我生過嚴重濕疹，嚴重到生左一層好硬好厚既皮咁，我係用手工皂沖涼，之後搽純露同荷荷芭油好返晒。之後懷孕又起過一次濕疹，再用純露同荷荷芭油已經好快好返，到生完五個月左右又起濕疹，都係搽純露同荷荷芭油就好返晒，所以我可以好肯定咁講：轉用好既天然產品去護理濕疹就會好返！有濕疹要停用有化學成份既產品，有花士苓既成份都唔好用，會塞住晒毛孔，我從來無睇過醫生，因為醫生只會識開類固醇藥膏

我係全埋身媽媽