香港18區媽媽會 今日: 0 | 主題: 156991

積分: 696

1^#

發表於 16-11-9 00:07 |只看該作者 |正序瀏覽 |打印

Little Londoner ，大埔廣場的，我女女2歲，因為無playgroup班，職員安排入pre-school，我問2歲會唔會太細，佢話只要唔太喊都可以，現時都有2歲多啲既小朋友讀緊。

去試左一堂，當時因為遲到，職員收錢後就抱左女女入房（課室），跟手關門。個過程係完全意料之外⋯⋯我話想同女女交待聲，佢話唔好，解釋話如果同小朋友講要走，可能佢會成日諗住，易喊。我唔清楚係咪真係咁，心諗人地係專業，應該都岩既。

但間房係完全封閉，我完全睇唔到入面情況亦無閉路電視等可以了解到，好擔心女女情緒。亦唔知老師咩樣，點樣對小朋友⋯⋯於是係大門口行來行去，職員開門同我解釋話如果小朋友喊，佢地會氹的，如果真係喊得太勁會打俾我。我講出顧慮話唔知入面情況如何。職員最後話可以影幾張相俾我。

後來上完堂出來，女女見到我有啲想喊出來，眼濕濕咁。我諗都正常既，第一次嘛，後來我問佢之後仲要唔要來，佢話要（我女通常只要唔係太難接受既野都會話要的）咁我又睇完職員俾既相，講返課堂內容，覺得可接受，於是交左一個月學費。

琴日岩岩上完第二堂，我特登藉故係門口停留多一陣，唉，實在好擔心小朋友情緒呀，而且真係完全唔知入面咩情況⋯⋯聽到女女喊，又聽到個職員話“唔好喊呀，返學唔可以喊架xxx”聽到呢句我其實唔多鍾意，對住小朋友，得2歲，面對佢喊既時候，我覺得更需要既係安撫佢情緒，好過生硬喝令佢唔好喊。咁細既小朋友，如果連喊既自由都被剝奪，以後係咩做咩事都會畏畏縮縮，有咩事都唔敢表達呢⋯⋯唉⋯⋯

最後，接放學時，女女出來，我見佢又係眼濕濕⋯⋯其實我都矛盾⋯⋯唔知係咪正常情況⋯⋯我有同女女溝通，問佢頭先玩得開唔開心，係咪有野食等等⋯⋯佢口齒未太清楚所以我都唔肯定佢講乜，情緒上又好似唔抗拒再去⋯⋯

想問有無家長返緊或返過little Londoner ？有無多啲資訊可以分享？

[img]http://www.baby-kingdom.com/static/image/common/mobile_v1.gif[/img]

0 0 0

私人傳訊

Ljmama

積分: 3135

31^#

發表於 16-11-15 18:18 |只看該作者

Little Londoner 其實主打學英文，想上playgroup 應該有其他選擇。
2歲小朋友怕陌生好普遍，太心急迫佢對住陌生人，可能有反效果。

私人傳訊

積分: 696

30^#

發表於 16-11-15 01:30 |只看該作者

FuLuFuLu 發表於 16-11-14 19:36
唔好意思，回覆之前睇咗你的History，原來你囡囡今日兩歲生日，祝生日快樂，身體健康。

先唔評論你join l ...

講講下唔記得最重要一樣野⋯⋯我唔會再俾女女繼續剩下的堂數了！都唔再需要觀察喇⋯⋯

今日我去呂明才in，順便去左網友推介的一間鋪頭（粉嶺架，唔係大埔），感覺好好呀（雖然當時都係關門休息中），全部透明落地窗玻璃可以清楚睇到晒入面情況，令人好放心，而且地方算闊落（對比睇過既大埔廣場個兩間），設有三四個小朋友洗手盆位，仲有迷你籃球架等等，對比之下，真係覺得而家去緊個間好唔放心呀，尤其係我聽到個老師話“唔好喊呀！返學唔可以喊架xxx”之後

睇過粉嶺呢間，就決定唔再繼續餘下堂數了！聽日日頭打去問多啲資料先，再睇睇係咪可以試堂。

來緊weekend會去埋最後一間學校面試，到時又去大埔友推介的兩間睇睇，到時再睇下邊間岩我女多啲。

你同前邊一位朋友講得岩呀，去而家呢間雖然只係上左兩三堂，但可能已經加重左小朋友既分離焦慮！一見唔到大人就喊

我報左5間，其中墟浸係小朋友自己去in，可能本身有啲驚加埋我俾錯心理暗示佢搞到佢大喊，諗落我呢個做阿媽既都幾失職⋯⋯以後要努力做好啲！！

用電話打字打到手痺⋯⋯我知我真係太長氣了

家長問卷我都係寫到一匹布咁長

總之多謝你同其他幾位熱心網友喇

私人傳訊

積分: 696

29^#

發表於 16-11-15 00:58 |只看該作者

FuLuFuLu 發表於 16-11-14 19:36
唔好意思，回覆之前睇咗你的History，原來你囡囡今日兩歲生日，祝生日快樂，身體健康。

先唔評論你join l ...

多謝多謝，不過女女生日呢日都係學校面試日

係呀，你講得無錯，係需要playgroup而唔係其他，我最開先都係想搵pg架，想小朋友有開心群體生活。奈何譬如安基司等心儀既正規學校都話pg只收2歲內既小朋友

而家只可以讀N班但輪侯時間較長

係報呢間之前，我其實係上網search到另一間xx藝術中心，見宣傳資料幾好就上門睇睇，發覺原來係一間全封閉的房仔，入面有啲玩具教具同一張檯一架電視機，當時去睇係佢地上緊堂，覺得氣氛唔多對路，而且好似仔細問落都同宣傳有啲出入，放棄左。

離開時經過而家讀呢間，當時休息無開門，睇門口介紹覺得個pg幾好喔！而且2歲半都仲可以去

第二日打電話去問pg幾時可以參加，後來發生既事就係我之前係post提到的了⋯⋯我心諗既然兩間都係封閉，咁不如揀一間鬼仔做老師既，應該有愛心同氣氛會活躍好多掛！⋯⋯

你話你有睇過我舊post，我諗你應該知道我唔係港媽，其實上來bk問意見之前，我唔知香港呢類學堂係咩形式，都搵唔到其他2歲小朋友適合既pg了，睇完可以搵得到既兩間就以為香港寸土寸金，都係咁樣一間房仔就算，又涉及所謂私隱所以全封閉（唔似大陸咁有個窗口仔或者有個工具例如閉路電視可以俾我地隨時睇到入面情況）我真係以為香港既呢類型既學校仔都係咁

但開呢個post之後好明顯係我做既資料搜集唔夠，決定又過於倉促！

開呢個post非常正確，原來大埔仲有真係唔錯既機構有類似活動小組可以參加，而且唔係好似呢兩間咁⋯真係多謝包括你在內的大埔友提供好多有用資訊俾我呀，如果早啲知道bk有咁多朋友咁多資訊，我就唔使走彎路了

我玩bk都係個零星期時間咋，係突然醒起呢度有好多資料可以參考又會有好多朋友可以提供意見，先至開始活躍，我而家每日都會上來bk睇睇啲post學下野

haha後知後覺！見笑見笑。

私人傳訊

aby336

積分: 3495

28^#

發表於 16-11-15 00:08 |只看該作者

雅BB 發表於 16-11-14 23:49
的確如你所說，英藝一定有位子，但很不湊巧，我從未考慮過英藝。

其實人地好心比啲建議你者，你又唔駛講到咁既，見你報既都學券學校，N班間間都要比學費都明白可能對你負擔重既。

我囡讀過安基司同埋而家讀緊英藝既，我既建議你都唔多岩架啦，其他jm都提過唔同建議，good luck

私人傳訊

積分: 696

27^#

發表於 16-11-14 23:56 |只看該作者

pineapplepigpig 發表於 16-11-14 14:55
建議樓主去大埔cpda或者德智樂呢啲類似嘅 "pre-school"上堂，有興趣可以上佢地fb睇下

好呀！上面都有jm提過呢兩間，不過我未有時間詳細了解，唔該晒你提供既圖文資料，睇來好似真係幾好！夜啲開電腦再睇多啲資料！應該星期六會親身去睇下現場先，到時再衡量邊間適合

私人傳訊

積分: 696

26^#

發表於 16-11-14 23:49 |只看該作者

eggcarol 發表於 16-11-14 13:11
見你個回覆，你仲唔明白

Little London 呢個係補習社格局，一間細房的一個枱一個密室，你都會比 ...

的確如你所說，英藝一定有位子，但很不湊巧，我從未考慮過英藝。

私人傳訊

aby336

積分: 3495

25^#

發表於 16-11-14 22:52 |只看該作者

我諗呢間野極期量只係一間補習社冇理由稱得上pre school, 樓主真係要攪清楚咩係pre school, 既然已經2歲，不妨考慮正規N班，安基司冇位，英藝都一定有，點都係正式係間幼稚園，或者開心果/綠茵呢啲都得丫，N班都實有位啦。你希望playgroup就搵啲正規啲既playgroup, 本身想提議你英藝都有playgroup, 你可以一齊上，但原來小朋友已經夠2歲，咁就唔得啦。
點都好過放佢係一間商場鋪頭丫....

私人傳訊

FuLuFuLu

積分: 649

24^#

發表於 16-11-14 19:36 |只看該作者

雅BB 發表於 16-11-14 13:04
首先，這個不是補習班！只是類似ph的pre-school，相信你知道什麼叫pre-school。最初本想報pg，但無班開， ...

唔好意思，回覆之前睇咗你的History，原來你囡囡今日兩歲生日，祝生日快樂，身體健康。

先唔評論你join little London的決定，因為呢個一定唔係主流家長嘅選擇，你見佢的playgroup唔夠人開唔成班，而另外一啲playgroup要輪候幾個月⋯

其實我係覺得呢間learning centre好有問題，未夠兩歲嘅小朋友竟然可以單獨上堂，仲要家長喺門口Standby都唔可以？仲有sell係「pre-school」，其實就係比幼稚園學生補習英文嘅班，誤導家長以為上呢個course就會體驗到pre-school生活？？

唉，樓主，其實你小朋友係需要上playgroup呀⋯姊妹們都俾咗好多好嘅選擇你，你考慮吓啦。有熟悉嘅大人陪住上堂，引導佢點樣同其他小朋友相處，建立自信，先係正確做法。我建議你呢個英文course就唔好再上啊，尤其呢排幼稚園面試，小朋友慣咗一見唔到父母就大喊，考到心儀學校嘅機會會低咗啦。

私人傳訊

eggcarol

水晶宮

積分: 51472

23^#

發表於 16-11-14 17:16 |只看該作者

aby336 發表於 16-11-14 16:32
完全同意個間只係補習社。

點解樓上會話個間係pre school既？

我之前係大埔廣場行過好多次去硏究呢D補習社、畫室、琴行等，little london呢間我都睇左幾次，我接受唔到一個咁密不透風嘅地方，我想像唔到我個女就快5歳要去一個密室上堂，何況樓主個女得2歳。

私人傳訊

aby336

積分: 3495

22^#

發表於 16-11-14 16:32 |只看該作者

eggcarol 發表於 16-11-14 13:11
見你個回覆，你仲唔明白

Little London 呢個係補習社格局，一間細房的一個枱一個密室，你都會比 ...

完全同意個間只係補習社。

點解樓上會話個間係pre school既？

私人傳訊

pineapplepigpig

複式洋房

積分: 433

21^#

發表於 16-11-14 14:55 |只看該作者

建議樓主去大埔cpda或者德智樂呢啲類似嘅 "pre-school"上堂，有興趣可以上佢地fb睇下

私人傳訊

eggcarol

水晶宮

積分: 51472

20^#

發表於 16-11-14 13:11 |只看該作者

雅BB 發表於 16-11-14 13:04
首先，這個不是補習班！只是類似ph的pre-school，相信你知道什麼叫pre-school。最初本想報pg，但無班開， ...

見你個回覆，你仲唔明白

Little London 呢個係補習社格局，一間細房的一個枱一個密室，你都會比2歳女去上？職員講咩課程，都只係一個包裝。

安基司冇位，但英藝實有位，你有冇去問？

私人傳訊

積分: 696

19^#

發表於 16-11-14 13:04 |只看該作者

eggcarol 發表於 16-11-14 11:56
唔明得2歳，為何要上呢D補習班？

點解你唔正正經經佢上N班？2歲已經可以讀！

首先，這個不是補習班！只是類似ph的pre-school，相信你知道什麼叫pre-school。最初本想報pg，但無班開，而職員又說2歲只要不太喊都可以去pre-school。

其次，2歲已經很多好的學校都沒有N班位，例如安基司等排waiting list都要幾個月！

私人傳訊

eggcarol

水晶宮

積分: 51472

18^#

發表於 16-11-14 11:56 |只看該作者

雅BB 發表於 16-11-9 00:07
Little Londoner ，大埔廣場的，我女女2歲，因為無playgroup班，職員安排入pre-school，我問2歲會唔會太細 ...

唔明得2歳，為何要上呢D補習班？

點解你唔正正經經佢上N班？2歲已經可以讀！

私人傳訊

alexchrome

積分: 1267

17^#

發表於 16-11-10 18:14 |只看該作者

kandyb 發表於 16-11-9 23:12
我諗alexchrome講既應該係德智樂，我個囡2歲幾時都有返過，如果想比小朋友學前適應，的確係唔錯既。你可以 ...

上面提過嘅幾間 PLAYGROUP 樓主可先上佢地網站睇睇先 , 而且大多數 PLAYGROUP都有得試堂 , 自己同小朋友試完邊間鐘意先再報 , 每人要求唔同 , 我覺得好嗰間唔代表其他人都喜歡

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

16^#

發表於 16-11-9 23:25 |只看該作者

雅BB 發表於 16-11-9 16:24
係了⋯⋯我其實基本上日日都帶佢去公園或其他戶外地方玩的⋯⋯不過好少近距離可以直接同其他小朋友交流之 ...

本帖最後由 kandyb 於 16-11-9 23:27 編輯

我囡同你個囡差不多，慢熱，陌生人同佢講野，佢唔出聲，冇反應，呆。得罪講句，香港教育好畸形，偏向接受大B, 排斥細B, 偏向鐘意外向型，排斥內向型小朋友。其實性格每人不同，我地大人都係，你係開心果鐘意約大班朋友，我就鐘意自己一個睇書，冇話邊個好邊個唔好，但無奈面對呢個現實，我當時都比囡囡去pg, 希望盡量可以比佢接觸多d人，學習表達得多d, 都有少少幫助既，但當時in K1根本完全唔敢抱希望，因為佢幾乎唔做指令，唔講野，但最後都有幼稚園收，所以你都唔洗太擔心，好多野呢一刻佢未識，但好快就會識，將來可能講野講唔停都唔出奇。

私人傳訊

kandyb

伯爵府

積分: 15550

畀面勳章 BK猜猜猜慶中秋 BK Milk勳章

15^#

發表於 16-11-9 23:12 |只看該作者

雅BB 發表於 16-11-9 16:26
你呢個聽落好好多⋯⋯唔知仲有無位呢？係咪收已經足2歲既小朋友？

我諗alexchrome講既應該係德智樂，我個囡2歲幾時都有返過，如果想比小朋友學前適應，的確係唔錯既。你可以打去問下，應該有位同埋可以試堂，試完再諗join唔join都唔遲。同埋補充少少，我唔知係咪間間幼稚園K1開頭幾日都可以陪上堂，但我囡讀嗰間就有，都聽過有d幼稚園都有呢個安排，到時報讀可以問下校方，應該都有相應對策。

私人傳訊

積分: 696

14^#

發表於 16-11-9 16:26 |只看該作者

alexchrome 發表於 16-11-9 15:38
我女係返樓上有提過嘅其中一間PLAYGROUP , 由18個月開始返, 嗰時係家長同小朋友一齊上堂玩 , 到22個月升左 ...

你呢個聽落好好多⋯⋯唔知仲有無位呢？係咪收已經足2歲既小朋友？

私人傳訊