吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 係我錯!! 我冇聽咁多位bk媽咪講!!

論盡家傭今日: 0|主題: 134015

收藏本版

發帖

返回列表

跳至頁

查看: 7486 | 回覆: 88

係我錯!! 我冇聽咁多位bk媽咪講!! [複製鏈接]

12 3 4 5

CheukC9

男爵府

積分: 5908

好媽媽勳章

1^#

發表於 08-11-27 14:48 |只看該作者 |正序瀏覽 |打印

各位有工人或打算請工人嘅媽咪，尤其新手媽咪，請細讀 (好長)。我係一個人辦，而家後悔莫及，希望你哋唔好步我後塵。

我工人(賓)8月頭嚟，bb喺佢嚟咗之後3個禮拜出世。呢3個禮拜入面，工人可謂冇100分都有95分，家頭細務做到足，重係自動波。我同老公重以為我哋咁好彩，一請就請到件荀嘢，不知幾感恩。

點知，阿b出咗世，我哋就發現佢原來唔識湊b。一問之下佢和盤托出，竟然夠膽死話以為湊初生同湊半歲b係一樣，所以當初claim自己識湊。我同老公真係啞哂，但係當時阿b先得個零禮拜大，冇辦法唯有親手由零開始train up佢，不過佢都叫幾畀心機學，咁我哋就諗如果你pick up到都ok啦。其間佢放咗3日勞工假 (返工頭3個月)，我哋都冇扣佢錢，諗住以示獎勵，鼓勵佢畀啲心機做。

而家佢做咗4個月。我哋自問對佢真係非常好。其實喺請工人之前我已經聽唔少朋友同bk媽咪講，對工人咁好一定後悔。但係我同我老公唔聽，認為我哋對個工人好工人一定會做返好。所以我哋個工人，可以揀佢鍾意嘅麵包同飲奶做早餐，可以星期六晚熨定自己啲衫星期日著，可以夜晚做哂嘢之後講電話同畀佢叉電，可以喺我哋張餐檯食飯，我哋唔喺屋企食飯時可以買佢鍾意嘅嘢食，星期日可以一早出街唔使等我哋起身亦任佢幾點鐘返，阿b出世之後啲家務做唔切我哋一次都冇話過佢，呢排天氣凍重畀咗件fleece外套佢驚佢凍親，買嘢返嚟食會預埋佢嗰份，就算我坐月時食啲海味補品佢都可以食…..之餘此類。我哋以為，佢都四十幾歲人，應該識做，唔想好似吓吓昅住佢同篤住佢做嘢咁。

點知，工人真係養唔熟。佢算唔係成日做錯嘢嘅人，所以每次佢做錯嘢，我同老公都好聲好氣同佢講，亦冇介意佢做錯，只要佢下次唔好再錯就得。點知冇幾耐，佢開始嚟料。我話佢做錯嘢，或者只係叫佢唔好做某啲嘢 (唔係話佢錯，只係我哋唔prefer咁做，例如唔好咁大力搖張搖椅，驚阿b嘔奶)，佢就黑面，兼唔望我亦唔應我。我開頭冇為意，後來佢成日都係咁，我就開始唔鍾意，於是佢一唔應我，我就問佢佢聽唔聽到，問到佢應我為止。就住呢件事，我同我老公都喺同佢review時講過兩次，話佢一定要畀response我哋，唔係我哋唔知佢明唔明，溝通好重要。

但係前幾日，佢搽咗指甲油返嚟畀我哋見到，我哋就叫佢抹咗佢，佢話佢冇洗甲水，我話唔緊要，我有，借畀佢抹。佢聽到我咁講就黑面。我就同佢講佢返工第一日我哋就講咗唔可以搽，問佢記唔記得，佢唔應我，我再問佢佢話yes。我愈諗愈嬲，就直頭問佢你而家係咪黑我面，佢話no，我之後都冇再講嘢。

點知第二朝佢見我起身，當我冇到唔叫我。我把鬼火走埋去佢身邊企喺度佢先叫。到我放工返屋企，佢一樣望我一眼唔叫我。我同老公於是叫佢坐低傾吓。一坐低佢先發制人同我講「如果你因為我尋晚嘅attitude唔開心，咁sorry…」我以為佢終於知錯，重話good。點知原來佢未講完「但係你應該等我食完飯先同我講!」(原文：”you should wait until I finish my dinner.”) 我一聽到就火都嚟，同佢講「no! 你做錯嘢我話你，你唔應我唔認錯不特止，重話要我等你食完飯先? 咁我下次同你講嘢使唔使問吓你心情好唔好，得唔得閒先同你講??」跟住佢話：「如果你係咁，咁我唔做喇!」佢大我我重更加慶啦! 就同佢講：「你唔做而家即刻執包伏，賠返一個月人工畀我，即刻可以行出呢個門口!」
第日我打畀agent投訴，agent聽到佢搽指甲油同黑面都話佢唔啱，話打畀佢同佢講。點知我唔知佢同agent講乜，agent同佢講完打返畀我，態度180度轉變。話個工人話係我唔啱，我同佢講嘢時用手指指佢，唔尊重佢。我話有冇搞錯? 我係有用手指，但係係佢話唔撈，我話可以執嘢畀錢即刻走時先手指指個門口。如果唔係佢咁嘅態度，我點會咁惡? 我用手指指佢就唔尊重佢，咁佢明知唔可以搽指甲油都搽重要黑我面同當見冇到，咁又好尊重我咩?? 何況而家邊個打工邊個畀錢呀? 但係agent竟然同我講「個個工人都會黑面架啦! 我嗰個都會啦!」咁即係點呀? 即係我應該接受呀? 個個工人都會黑面即係呢樣嘢係冇問題呀?? 呢一刻我就知道同個agent傾係嘥氣。

而家我真係好想好想炒咗個工人，我諗起重要畀錢養個咁嘅人喺我屋企篤眼篤鼻我就唔忿氣。我同老公講想唔要工人，將bb托去育嬰園。無奈老公唔肯，話雖然個工人attitude係有問題，但係佢做嘢又真係ok同幾鍚bb，佢驚唔要工人我哋會好辛苦。而家我哋畀個工人「牽著鼻子走」，真係好唔開心!!

所以，我奉勸各位媽咪，真係千祈唔好對工人咁好。佢哋唔會珍惜之餘，重唔知幾時會反咬你一啖。可能我哋對佢太好，所以當我哋一話佢時，佢就唔鍾意。如果我哋一開始唔係對佢咁好，可能到我哋話佢時佢會易接受啲，因為唔會expect我哋對佢咁好。

我而家真係超後悔之前對佢咁好。亦好後悔當初佢唔識湊但係育嬰園有位時，我哋揀咗畀個機會佢。

各位bk媽咪，我知錯喇!!!

0 0 0

私人傳訊

niniktkt

複式洋房

積分: 284

89^#

發表於 09-1-17 01:50 |只看該作者

工人新黎我家2個月, 暫時佢樣樣可以, 湊b算係咁/鍚個b/曉同呀b玩/干淨/快手/算勤力/醒目......但佢成日手機袋住, 好似時不時收發短訊, 講下私人電話. 係咪應該諗在佢其它優點分上由佢呢?

私人傳訊

莎莎莉莉

伯爵府

積分: 17389

好媽媽勳章

88^#

發表於 08-11-30 00:08 |只看該作者

原文章由 Jovywong824 於 08-11-29 00:40 發表

C6 說如果工人唔成日比人責罵的話 , 本質不差的話 , 個頭開得好的話 , 頭一年來 HK 的話 , 佢有個心係到的話 , 你有底線又一般事不太要求高的話 , 或者好教 D , 表現應不太差
...

無錯
我奶奶同工人的問題, 就係開頭開得差
開頭我99對工人已經態度唔多好, 我和媽咪作為旁人, 都覺得我99幾乞人憎
但係, 我問心, 99係錫我既
唉, 但已返不到轉頭了
佢地到今時今日仲係時有不快事件
只可怪, 開頭開得唔好....
我暫時覺得我工人本質是ok的
我不太喜歡用猜疑之心想人
但亦唔會太過信任佢

私人傳訊

莎莎莉莉

伯爵府

積分: 17389

好媽媽勳章

87^#

發表於 08-11-30 00:03 |只看該作者

其實呢, 我自問又唔係對好人好周到喎
唔會買佢要的日用品~~
佢鍾意分開食, 我唔會預先夾起d送俾佢~~
每晚佢最後先沖涼, 老公話過可以叫佢沖先, 我話唔駛~~
唔會特別買定野俾佢食, 無送時, 我只係叫佢煎旦~~

但係, 我無set時間表俾佢跟住做, 只會想起時才叫佢做某d野
亦無規定放假要幾點走, 幾點返(佢頭幾次會同我講幾點離開, 但之後我都唔多care, 佢都無同我講了. 幾點返呢, 因為佢一定早過我地返, 我地一定唔係屋企的, 暫時fine.)
無規定佢放假前要做晒d乜...

基本上, 佢做左半年, 暫時仲係ok囉, 做野自動自覺. 自己安排. 我要求唔高, 暫時係得既.

只係有時, 做錯左唔主動話我聽, 如熨爛我件衫, 或做錯左唔認. 雖然係小事, 但係, 始終我會覺得係"小過"

工人無十全十美, 只可以不斷mon住佢.

私人傳訊

jpkp313

別墅

積分: 902

86^#

發表於 08-11-29 02:51 |只看該作者

樓主,我都係第一次請工人而家半年,對工人慨"管理"就好似winnie,因之前我成日上bk偷師,而家工人真係95分,果5分都係夾硬扣佢就係太就我個女,但佢就主力做家務,煮飯....唔多洗湊我個女(我自已湊),回想當初我只係offer一d合約上列明嘅嘢例如3餐(食物只限於我放喺佢個食物櫃果d),水果,無額外offer例如補品,假期,工作日做私人嘢,甜品,額外食物,半年嚟佢都好好,而家間中送張$20嘅電話咭比佢佢都好開心ヌ再落力d,天氣凍提佢着多d衫比條頸巾佢關心吓佢仲好過比補品佢la,我又從無諗過佢地離鄉別井好慘呢過問題,因為我覺得出國打工都算係佢地嘅文化之一,佢地細細個(my yan yan only 24 yrs)成屋企嘅女人都出去打工幾年後就返嚟起大屋,佢地自細有呢個思想應該唔係好慘.仲有佢地嚟hk其實某情度上都提高左佢地嘅生活質素la.

私人傳訊

Jovywong824

大宅

積分: 1929

85^#

發表於 08-11-29 00:40 |只看該作者

原文章由 CheukC9 於 08-11-28 11:56 發表
我想問，其實你咁講，係咪即係想話你老公用呢個方法對個工人，個工人到而家都ok呢?

因為我老公對個工人嘅方式可以話係同你講嘅一模一樣。

暫時都 OK ,

我老公好多野唔 CARE , 佢話打住家工多數偷懶 , C6 話比著佢做印 , 佢都會偷懶 , 無計 , 人的天性 ,
C6 覺得工人尊重主人係最重要 , C6 說如工人尊重你的話 , 重視份工的話 ,
工人便不會對你太差

C6 用好少錢在工人上 , C6 話沒用太多錢係佢身上時 , 對佢期望少 D , 失望便少 D

C6 不會比錢工人過手買東西 , 唔使佢落街 , 如此個印個心定好多 , 少好多煩事 (因為 99 負責接仔上學 , 阿媽買送 , C6 買日用品)

C6 都有底線
, 在家不準講電話 , 放假 8:00PM 前一定要回家

C6 話 , 個印頭一個約 , 沒太多錢時 , 如斷約再找工作的話 , 工人又要比幾個月 A 準錢 , 犯不著玩野 ,

C6 說如果工人唔成日比人責罵的話 , 本質不差的話 , 個頭開得好的話 , 頭一年來 HK 的話 , 佢有個心係到的話 , 你有底線又一般事不太要求高的話 , 或者好教 D , 表現應不太差

C6 話如果找 BUN BUN , 佢一心去加拿大 , 或找 D 唔定性既印 , 便較難管
, 所以 C6一定要 OVERSEA ,
C6要選個外表純的 , 長得順眼 ,
23 - 26 左右 , 最好長女 . 已婚 . 未來過 HK , 咁就較易 HANDLE

私人傳訊

sze0203

大宅

積分: 3920

84^#

發表於 08-11-28 22:41 |只看該作者

樓主你個工人話得唔做, 即留住佢個人未必留得住佢個心~~佢預左有日你會炒佢~~不如你都係早d搵新工人, 從頭管教好過!!

其實我個case同Jovywong824差唔多, 請印傭服從性可能比賓賓好! 我地夫婦對佢好一點,佢已覺得我地當佢係一家人; 但亦會比佢知分淸僱傭關係:

(1) 見工時先小人 ,講明一切的規矩; 到步講明我同老公最緊要係個女, 個女瞓醒左情願佢陪個女玩多d, 其他的野有時間再做(因自己湊個女成日都知精神好攰)

(2) 勞工假期計到足, 比佢知我係一個好"君"真的人, 你做得好就係一家人, 做得唔好照會話:但每次話工人, 我都用比較輕鬆的態度, 比佢知我係有留意佢的工作, 但唔想破壞氣紛, 希望佢自己改善~~

(3) 有時我老公情願自己煮noodles食, 由得工人做其他家務或同個女玩~~有時反然我同老公煮晚飯, 仲會問工人好無味^^工人驚訝第一次食男人煮的飯(其實煮食係我同老公的情趣, 所以煮埋比工人食都無所謂)

(4) 久而久之, 工人知自己的方向, 試過一次個女瞓左, 老公回家大聲關門, 反然係工人盯實老公話: baby is sleeping~~搞到係我老公say sorry ~~~ 工人啱的我地會聽, 佢覺得佢的責任完成又受到尊重

(5) 好似咁多個bk sister咁講, 有時一句關心或報告天氣, 佢地已覺得好窩心

(6) 比佢知, 有d僱主對工人唔好的case, 等佢知佢已搵到一份好工, 所以更加要安份~~

(7) 如遇到小意外, 例如個女個頭撞瘀左, 只要工人向我如實報告, 我反會安慰佢: 意外無人想發生, 我知你唔係專登, 但只係想大家將意外減至最少, 下次小心d就可以了!

(8) 我試過見到工人電話的cover 相係自拍性感照, 初時我好嬲, 但過左一陣後我半責備佢:點解你映d咁sexy photo? 係邊度映架? 呢d相唔可以亂映架! 更加唔可以放喺cover~~一陣比sir見到點算? 亞sir 實笑你係天真嬌 (佢知陳冠希事件) 你快d deleted左張相佢啦~~隔左一日我就當完全無發生過呢件事 .

其實有時工人都係人, 好似教細路咁, 只係鬧個個都唔受啦, 只係諗自己對佢有幾好更加無用( 自己仔女都未必受啦~~) 倒不如比佢知你唔滿意的原因, 以後比少少時間佢自己改善, 佢未必覺得自己錯, 但起碼有落台階~~

http://hk.myblog.yahoo.com/sze_0203/

私人傳訊

green-grass

民房

積分: 79

83^#

發表於 08-11-28 22:20 |只看該作者

Before my helper works in Hong Kong for six years and she is new now in my home!!!!!!!!:) :)

私人傳訊

stam

別墅

積分: 774

82^#

發表於 08-11-28 22:01 |只看該作者

原文章由 ringoivy 於 08-11-28 16:37 發表
無樣睇架當初我老公咪又係咁講, 佢話佢5好個女就5會跟佢啦, 但媽咪個感覺係最真的, 雖然佢放完假返黎我個女會衝埋去攬住佢, 而佢亦好似好鍚我個女咁抱起佢架假到但我 ...

係呀，我另外個同事個女又係媽咪一返工就喊，原來個工人真係對個bb好差，陰功。

私人傳訊

stam

別墅

積分: 774

81^#

發表於 08-11-28 21:52 |只看該作者

原文章由 miffy0824 於 08-11-28 14:52 發表
I learn quite a lot from the maid section of BK. i would like to ask the experienced moms here if the one I am going to hire is a maid in HK for 16 years already, will these work as well? For example, ...

Yes. My helper had worked in HK for 12 years before arriving at my place.

私人傳訊

Elefant老婆

珍珠宮

積分: 37310

好媽媽勳章醒目開學勳章畀面勳章

80^#

發表於 08-11-28 20:26 |只看該作者

我覺得你個工人係老X忽，
唔好咁激氣，當上咗一課。
你激親自己仲蝕底。

私人傳訊

amysnlee

伯爵府

積分: 15270

好媽媽勳章畀面勳章環保接龍勳章親子達人勳章陪月勳章

79^#

發表於 08-11-28 17:15 |只看該作者

咁點解唔搵個另一個新既?你可以等個新既到左先炒佢架,咁就唔驚佢玩野,就算忍都係最多忍佢3個月,唔洗好似而家咁,個工人擺明食住你啦,點解仲要忍佢?

私人傳訊

rvbb

大宅

積分: 2095

78^#

發表於 08-11-28 16:46 |只看該作者

very unlucky, my yan is the same. She came 1month, and scratch my floor 2times, I scold at her the 2nd time, she said she resign.

原文章由 cowkingb 於 08-11-27 15:44 發表

比我都忍唔倒... 我對第一個工人就係咁啦, 佢都係 bun... 係唔係 bun 都係咁既呢? 成日郁 d 就話唔做...

私人傳訊

ringoivy

翡翠宮

積分: 76971

77^#

發表於 08-11-28 16:39 |只看該作者

我老公個時咪又係咁講囉, 你請個第二個返黎可能佢仲衰又點.....咁講真大家都係一個未知數啫, 家陣你放緊個炸旦響身邊呀

好明顯佢兩個已經有心病

不過都係個句最緊要以小朋友為中心, 佢係真心定假意你自己實feel到的

原文章由 emt1314 於 08-11-28 16:33 發表
其實你請過笫二個，都唔會好得去邉，個B俾育嬰院湊仲擔心，一定唔會單對單，傳染到病番嚟仲慘，起碼個工人錫個B，你個B都京貴過俾育嬰院湊呀！

只要個工人錫個B，湊掂個B，做好家務，其他都係小事，【小不忍則亂大某】。。。情緒病。。。 ...

[ 本文章最後由 ringoivy 於 08-11-28 16:40 編輯 ]