我都係笫一次請工人，我用我自己與上司嘅相處方法嚟警戒自已與工人嘅關係！
我笫一個係男上司：佢叫我做事【只求結果，不問過程】，只要你限期前交就得了。我做錯咗，佢會笑笑口同我重申佢嘅要求，俾機會我改正，完全冇工作壓力。。。所以我好俾心機做亦都做得好開心，諗好多花神出嚟，同埋做好多額外野，得到老板嘅贊賞及信任。
笫二個係女上司：佢【要結果又要過程】，每件事都Set rules及time table，你唔跟就鬧到你反艇，更加唔聽解釋，成日check住你做到邉，有冇跟佢嘅方法做，同佢做野有好大壓力，唔敢行差踏錯。。。結果，我咪好似機械人咁，跟住個Rules同時間表做人囉，當時嘅心態就係。。。唔做唔錯，多做多錯，總之做【一代鐘神，夠鐘走人】。到頭嚟損失嘅係公司，本來我可以做得更多更好。
以此為鋻，依家我每朝早，我會同個工人講今晚几多人食飯（有時我會請朋友返屋企食泰菜）、几點返。。。佢就會自動波煮好晒。
清潔方面更加自動波攪掂晒，有時比我要求嘅做得更好。
至於湊BB嘅方式，我都係由佢自由發揮（當然要合乎衞生及安全嘅情況下），個工人好錫我個女，有次個工人食緊飯，我個女開大，佢即刻唔食去搞，我話你食埋先啦差兩嗒啫，唔洗咁急，佢話唔得呀，呢個BB個patpat好易紅架（我好感動，佢真係好錫BB）。所以。。。每到一段時間，佢會提我，BB要食乜啦，要買乜啦，要換片片Size啦，天氣干燥要凖傋BB油沖涼等等。
個工人做得開心，成日對住個B笑同佢玩，而我個B亦都學會對住人笑。。。呢個係好大嘅得益！
我哋建立咗互信嘅關係，真係煩少好多野，輕鬆好多，大家舒服。
【一毫之善，與人方便；一毫之惡，勸君莫作；欺人是禍，饒人是福；不信抬頭看，蒼天饒過誰】
*****請勿將本人网名及言論內容抄襲到任何報紙或雜誌上*****
發表於 
返回列表
