我有親戚阿爸阿媽都係做基層職業，得一個仔，佢個仔由細到大都無心向學，早幾年讀完中學之後得兩科僅僅合格，呢幾年加加埋埋做過唔夠三個月兼職，大部分時間就係屋企嗰度打機。佢阿爸阿媽成日都叫佢正正經經搵份嘢做但係佢就一味逃避，成日都話冇人肯請佢，但其實根本就懶。
而家呢個仔唔知邊度學返嚟又話要去澳洲讀埋大學先至返嚟搵野做，佢阿爸阿媽一聽到讀大學就以為好好，仲話就算學費幾貴都會用曬棺材本供佢。但我知道佢個仔根本去澳洲讀學店，讀完返嚟都唔會有人承認，根本淨係想逃避同玩多幾年。
呢家人我都好親，但係講出嚟話畀佢阿爸阿媽知我就一定做衰人。但我睇到佢個仔咁樣洗曬佢阿爸阿媽啲錢我又覺得好慘，我應唔應該講出嚟好？
結果：
尋晚同佢地一家晚飯，我就借d兒傾起話澳洲好多學店要小心d揀咁... 聽完佢阿爸阿媽都話係既要小心揀，但個仔知我睇穿佢，好大反應咁話果間澳洲既大學(其實係學店) 點好點好，講一大堆佢阿爸阿媽都聽唔明，但聽得明既人都知係誇大既理由。我就話，你洗晒父母啲錢讀完有乜用自己知乜事啦。點知佢阿爸阿媽話，我個仔而家出國做大學生呀，過幾年返嚟就坐冷氣房指人做嘢唔使自己做呀，你係咪唔底得呀。之後講一大堆類似既嘢，但我聽得出係佢個仔之前教定佢底毀我既。
我估佢個仔一早知我睇穿佢，一早喺佢阿爸阿媽度篤定我背脊。我忍唔住喊咗出嚟，但佢阿爸阿媽都無出一句聲，之後我未食完餐飯就自己走咗。好心提佢地，估唔到結果會係咁
發表於 
返回列表
