夫婦情感

收藏本版
發帖
返回列表
跳至頁

首頁
12

尾頁
   0
velma


大宅

積分: 3576


1#
發表於 08-12-6 03:05 |只看該作者
我係全職媽咪, 以前我做嘢時, 會同佢講下同事, 老細同公司d 嘢, 到我唔做去湊女, 都仲可以同佢傾下個女, 同埋媽咪會, 同媽咪會其他小朋友d 嘢, 到宜家佢都唔想我同媽咪會d 媽咪有來往, 我d 舊同事佢唔想去識, 佢又冇咩朋友, 攪到我都冇咩好同佢講

個女又大嘞, 都冇咩好似以前阿女一兩歲時咁多新奇嘢會講比佢知, 都唔知仲有咩好講

衰在我老公係成日口不停, 冇嘢講佢就開始成日問我嘢, 有時只係得個問字, 佢又聽唔入耳, 佢只係想把口有嘢講下, 好多時d 嘢問成五次問到我火都嚟埋, 去到最後只可以話, 我答第五次喇, 你唔好再問喇, 佢至知係佢問題

重有, 佢有時冇話題, 又摷嘢嚟講, 講講下就會搵嘢問, e.g. 近排佢就問係咪又要買聖誕禮物生日禮物比阿女d同學, 係咪又要同阿囡報咩學, 係咪又要買d 咩比阿囡, 講講下又會話我亂買嘢, 亂洗錢, 其實我買比佢同學仔d 生日禮物都係d $40-50 嘅禮物, 唔通人地生日都唔送咩? 到宜家佢話唔好買聖誕禮物比阿囡d 朋友仔喇

次次由傾計, 講講下都會變黑面, 我宜家真係成日都避開佢, 因為其實佢係打自己工, lunch 之後已經返屋企, 我都唔想同佢一齊, 日日湊完囡返學, 我就周圍行街, 周圍搵d c9 飲茶都唔想陪佢, 就係唔想成日嘈

唔對住真係嘈少好多, 不過大家關係好冷淡, 其實我已經唔再愛佢, 一齊只係因為個家, 連最基本d 關心, 我都做唔出

大家教下我, 可以點?
私人傳訊

yoyomui2008


複式洋房

積分: 135


22#
發表於 08-12-17 20:51 |只看該作者
原文章由 donkayu 於 08-12-6 16:34 發表
你好矛盾,又話唔愛佢,但又想改善一下,,
要改善關係就先要肯定你仲愛唔愛佢,如果唔愛我覺得你做乜都冇用,即使你肯踏出第一步改善關係,你都會有怨言,唔好以為就算唔愛老公因為個女所以唔分開就係好,可能會弄巧反拙...
...

妳嘅經歷真係可以幫到好多人,我是其中一個
私人傳訊

wmpl


大宅

積分: 3000


21#
發表於 08-12-16 13:36 |只看該作者
velma,,

好開心見到你同你老公嘅關係有好轉,,祝福你哋會繼續好落去!!
有時啲嘢就係咁奇怪,,直接講出嚟,,對方唔會聽內容,,只係執着你嘅語氣態度,,又會加埋以前嘅事一齊嚟諗,,放唔低成見,,就會好容易變成爭執,,亦好慶幸你老公都係一個有家庭責任嘅好男人,,肯睇你俾佢嘅信,,都係一種愛嘅表現,,你哋大家都要好好珍惜對方,,如果可以嘅話,,不如寫多封短信俾佢,,話多謝佢肯明白你嘅心聲,,希望以後大家都會以此和平方式繼續好好溝通!!

要熱情如火唔難,,但要持續就好難,,當熱度一降低,,又會容易胡思亂想大家是否此情不再??所以我就比較欣賞細水長流式,,平靜中偶有驚喜嘅愛情,,只要大家心裡面都有對方,,肯為對方付出亦接受或認同對方為自己所付出先係最重要!!
私人傳訊

ringoivy


翡翠宮

積分: 76971


20#
發表於 08-12-16 09:46 |只看該作者
照我睇個問題係出自你身並非你老公身上喎 老實講你老公問你嘢都係想大家有D話題無咁悶, 問問題都係溝通之一啫 不過同一條問題問咁多次又真係煩D既 其實你同佢之間都仲有好多話題架, 例如你今日出街遇到既野, 同D C9飲完茶所八到既茶餘飯後話題 又或者電視劇集等....生活上要講既野多的事啦 我諗你5係5愛佢, 只係大家感情穩固左, 將個愛情升華左為感情導致你誤以為自己5愛佢啫mouth:
原文章由 velma 於 08-12-6 03:05 發表
我係全職媽咪, 以前我做嘢時, 會同佢講下同事, 老細同公司d 嘢, 到我唔做去湊女, 都仲可以同佢傾下個女, 同埋媽咪會, 同媽咪會其他小朋友d 嘢, 到宜家佢都唔想我同媽咪會d 媽咪有來往, 我d 舊同事佢唔想去識, 佢又冇 ...

私人傳訊

velma


大宅

積分: 3576


19#
發表於 08-12-16 01:01 |只看該作者
wmpl,

我終於寫咗一封好長好長嘅信比老公, 解釋番哂以前種種誤會, 我對佢有D 咩不滿, 有D 咩我promise 會改善嘅地方, 我睇得出老公睇完封信好開心好開心, 因為我未見過佢即時同個女玩得咁癲
新關係都係啱啱開始, 都要忍讓下, 有時佢d 不滿表情都會習慣性地擺喺面上, 起碼宜家一扯火, 我會叫佢唔好再講落去, 大家shut up, 轉講第二d 嘢, 好似好d 掛
不過要熱情如火, hoho, 都仲要等下
多謝你意見
私人傳訊

wmpl


大宅

積分: 3000


18#
發表於 08-12-11 06:34 |只看該作者
原文章由 MIKI娃娃 於 08-12-11 05:42 發表
唉，點解結婚耐左就無曬感情，我好吾開心，老公頭先話要同我分開一段時間~~~~我可以點，我好愛距

咁佢有冇講出理由,,同要分開幾耐,,你又知唔知佢講真定假??
私人傳訊

MIKI娃娃


複式洋房

積分: 188


17#
發表於 08-12-11 05:42 |只看該作者
原文章由 wmpl 於 08-12-11 05:23 發表

點只試過冇話題摷嘢嚟講變咗嗌交黑面咁簡單??仲試過好多次大家長時間冷戰..最長嗰次仲長達近半年,,日日相見如陌路人,,大家都唔想面對對方,,如非必要都唔會同對方講任何嘢潻啦,,所以我又點會唔明你而家係有幾咁痛苦 ...






唉，點解結婚耐左就無曬感情，我好吾開心，老公頭先話要同我分開一段時間~~~~我可以點，我好愛距
私人傳訊

wmpl


大宅

積分: 3000


16#
發表於 08-12-11 05:23 |只看該作者
原文章由 velma 於 08-12-9 22:51 發表
wmpl,
咁你同你honey 係咪又係冇咩話題? 至會摷嘢講, 講講下就繼而黑面, 我覺得我就係冇話題, 佢要摷嘢講時, 就會問好多嘢, 再而就係話你唔啱
其實我即使講到好出面, 我估我老公都係改善幾個星期, 又會打回原形, 因 ...

點只試過冇話題摷嘢嚟講變咗嗌交黑面咁簡單??仲試過好多次大家長時間冷戰..最長嗰次仲長達近半年,,日日相見如陌路人,,大家都唔想面對對方,,如非必要都唔會同對方講任何嘢潻啦,,所以我又點會唔明你而家係有幾咁痛苦無奈??!!

唉,,所謂日光之下無新事,,我從來都唔會認為自己嘅經歷係有幾咁特別或無人能明,,更唔會覺得自己係世上特別淒慘嘅一個,,仲認為自己其實都幾幸福潻,,因為我仲可以為感情事而煩惱,,世上有好多人,,每日死捱爛做,,但就連每日兩餐都要苦惱,,仲邊度得閒諗埋啲情情撘撘嘅事??只不過,,感受係自己嘅,,無其他人會完全體會到就係事實,,不過,,試問連同床共枕多年,,一同經歷過好多事嘅另一半都唔明,,又點可以要求其他人去明白你??所以做人有時就真係要放下,,或者你覺得我講嘅嘢唔啱聽,,不過我就覺得唔止你老公,,就連你自己都有啲執着囉!!

我並非指責你,,更唔係話你為夫妻感情而煩惱係多餘,,皆因你我都只是凡人一個,,又點會冇凡人嘅執着同煩惱??我承認自己亦有一啲未能放低嘅事,,只不過見你係有心想改善夫妻關係,,先至講少少自己嘅經驗嚟回應你,,而我又只係認為,,既然選擇留低,,就唔好太計較從前嘅事,,如果真係咁放唔低,,就倒不如直接分開好過,,免得大家又唔願意分開,,但又各不相讓,,表面就話要修好關係,,為對方付出好多咁,,但心裡面就只想對方為以往的過錯作彌補,,所以若感到對方未如自己意時,,不滿就火速上升,,大家就又重提過往,,數對方有咩做錯??數自己忍咗幾多幾辛苦??結果變成不斷地互數不是,,根本就互相折磨!!

一段夫妻或家庭關係,,你丈夫當然有好大責任,,不過佢唔明你點講佢都係唔明,,就好似你未俾火燒過就唔會知俾火燒係幾咁痛一樣?!要重修一段關係,,當中所要付出嘅努力,,愛心及心血皆比要開始一段新嘅關係多好多,,過程亦相當反覆,,好少會一,兩次努力就會見成效,,因為開始時只係得你一個人明白,,好似孤 軍作戰一樣咁無奈,,心情又會大上大落,,時時刻刻都提防驚恐大家又關係破裂,,喺步步為營嘅心態影響下,,人就會變得敏感多疑,,對方若又做出之前令你不滿嘅行為態度,,不安反應就會倍增,,情緒好容易又會陷入於極低迷痛苦之中!!

我唔知我講得啱唔啱,,只係講出我所經歷過嘅事,,如果你有同一感受嘅話,,就先要剔除自己嘅成見,,又要接受自己係一個有情緒嘅人,,唔開心就要適當地發洩,,唔好對自己或對方要求及期望太高,,咁個過程就會比較好過,,要對自己同你先生有信心,,就算今日唔好,,都唔代表以後都唔好,,而家對方可能每兩,,三個星期就發作一次或打回原狀,,但你要認同,,佢都有作出過相當嘅努力,,男人真係好須要認同作為支持佢繼續努力嘅動力,,又憑你哋嘅信念,,反覆發作週期將會愈距愈遠,,不過唔好期望會完全消失,,因為人就係人,,現實就係現實,,兩個人一同生活總會有不同問題出現,,係睇你哋用咩態度去處理而已!!
私人傳訊

莎莎莉莉


伯爵府

積分: 17389

好媽媽勳章


15#
發表於 08-12-9 23:45 |只看該作者
原文章由 velma 於 08-12-9 22:51 發表
wmpl,
咁你同你honey 係咪又係冇咩話題? 至會摷嘢講, 講講下就繼而黑面, 我覺得我就係冇話題, 佢要摷嘢講時, 就會問好多嘢, 再而就係話你唔啱
其實我即使講到好出面, 我估我老公都係改善幾個星期, 又會打回原形, 因 ...


係架,, 有d男人/女人, 主觀感覺好強
人地講乜, 佢地唔係聽, 而係不斷批評
要人承認佢果套先係正確
同呢d人講野, 真係三句起, 兩句止算了
免得吵架收場
私人傳訊

velma


大宅

積分: 3576


14#
發表於 08-12-9 22:51 |只看該作者
wmpl,
咁你同你honey 係咪又係冇咩話題? 至會摷嘢講, 講講下就繼而黑面, 我覺得我就係冇話題, 佢要摷嘢講時, 就會問好多嘢, 再而就係話你唔啱
其實我即使講到好出面, 我估我老公都係改善幾個星期, 又會打回原形, 因為根本佢個格就係要人聽哂佢講, 有佢講冇你講, 不過都要盡下力
不過如果搵到多d 話題, 就可以轉移視線, 可以傾多d 其他嘢, 唔洗成日比佢問問題, 攪到個ending 好唔開心

原文章由 wmpl 於 08-12-9 21:30 發表

我嗰個都係點講都唔明架......唉,,所以我都放棄lu,,唔係放棄佢,,係放低一定要佢明白我嘅想法先嘅諗法,,因為掉返轉嚟睇,,佢都係覺得我唔明佢,,雖然事實未必係唔明,,但係人呢,,未到一個位,,唔明就唔明,,迫都冇用,,做 ...
私人傳訊

wmpl


大宅

積分: 3000


13#
發表於 08-12-9 21:30 |只看該作者
原文章由 紫蘿蘭 於 08-12-8 13:50 發表
樓主你講咗我既心聲, 我嗰個講到出面都話唔明, 因為佢根本唔想做, 諗住同朋友傾下, 但佢未經歷過, 都唔明我, 費時再講, 好似周圍唱衰個老公.

我嗰個都係點講都唔明架......唉,,所以我都放棄lu,,唔係放棄佢,,係放低一定要佢明白我嘅想法先嘅諗法,,因為掉返轉嚟睇,,佢都係覺得我唔明佢,,雖然事實未必係唔明,,但係人呢,,未到一個位,,唔明就唔明,,迫都冇用,,做夫妻又唔好咁執着對方一定要事事明白瞭解自己,,咁樣反而係綁死自己,,揾唔到出口架咋,,男人思維方式係唔會同我哋啲女人一樣架!!

而家我只係要求佢俾我試咗我嘅方法先,,要佢知道咩叫做尊重?!因為我同佢講,,就算我明白佢會點解會咁做,,但都唔等於我認同你,,不過我尊重你,,所以你想咁去做我唔會事事都反對你,,所以你亦都唔好干與我嘅做法!!

有時又唔好唔忍心,,見對方就嚟撞板就太肉緊咁事事提點,,咁樣就會變為嚕唆架la,,人人都有自己想法,,當決定咗一件事要點處理嘅時候就唔想旁人多多聲氣,,旁人講得太多就會覺得煩厭,,哩樣嘢男女都係一樣,,如果講得太多,,對方流露不悅,,又會覺得自己一番心意被寃枉白費,,心生怨憤,,只會爭執收場,,又何必呢??原意只係想為對方好,,但最終就因為小小事而破壞雙方感情,,根本就係本未倒置!!
私人傳訊

velma


大宅

積分: 3576


12#
發表於 08-12-9 16:56 |只看該作者
exactly, 過多幾日, 就會一齊癲

原文章由 紫蘿蘭 於 08-12-9 16:34 發表
同埋兩三日唔好睬佢: 佢只會覺得我係度攪事, 跟住就發癲係度嘈
私人傳訊

velma


大宅

積分: 3576


11#
發表於 08-12-9 16:55 |只看該作者
HAHAHA, 一句起兩句止呢個方法我就係成日係咁
我老公見我唔多so 佢, 佢就會tum 番下我
就係咁, 唔夠2個星期, 又因小事而再黑面過
我就係唔想3日唔埋, 2日又係咁, 至想改善一下
真係做到有d 攰



原文章由 donkayu 於 08-12-8 14:51 發表

可以只對一個朋友講老公Ｄ野,同朋友講明只係呻下...成日收埋係心,好容易有病
對你老公既方法可以其人之道還之其人之身,同埋兩三日唔好睬佢,佢問你野就一句起兩句止 ...
私人傳訊

紫蘿蘭


大宅

積分: 2967


10#
發表於 08-12-9 16:34 |只看該作者
同埋兩三日唔好睬佢: 佢只會覺得我係度攪事, 跟住就發癲係度嘈

原文章由 donkayu 於 08-12-8 14:51 發表

可以只對一個朋友講老公Ｄ野,同朋友講明只係呻下...成日收埋係心,好容易有病
對你老公既方法可以其人之道還之其人之身,同埋兩三日唔好睬佢,佢問你野就一句起兩句止 ...
私人傳訊

donkayu


男爵府

積分: 8707


9#
發表於 08-12-8 14:51 |只看該作者
原文章由 紫蘿蘭 於 08-12-8 13:50 發表
樓主你講咗我既心聲, 我嗰個講到出面都話唔明, 因為佢根本唔想做, 諗住同朋友傾下, 但佢未經歷過, 都唔明我, 費時再講, 好似周圍唱衰個老公.

可以只對一個朋友講老公Ｄ野,同朋友講明只係呻下...成日收埋係心,好容易有病
對你老公既方法可以其人之道還之其人之身,同埋兩三日唔好睬佢,佢問你野就一句起兩句止
私人傳訊

紫蘿蘭


大宅

積分: 2967


8#
發表於 08-12-8 13:50 |只看該作者
樓主你講咗我既心聲, 我嗰個講到出面都話唔明, 因為佢根本唔想做, 諗住同朋友傾下, 但佢未經歷過, 都唔明我, 費時再講, 好似周圍唱衰個老公.


原文章由 velma 於 08-12-7 00:49 發表
多謝你回應, 好在你個case 同我差唔多, 你至明我講梗乜
我講比好多朋友聽, 佢地都唔明, 點解會冇嘢講, 點解會講講下黑面
我同我老公真係會因為一個膠袋 (係真架, 真係只係因為一個膠袋, 佢會鬧我), 因為買衫比個女等 ...
私人傳訊

donkayu


男爵府

積分: 8707


7#
發表於 08-12-7 16:15 |只看該作者
冇錯,初頭係要講到出面,d男人先會明
好似你話次次做咗2個禮拜, 情況改善少少, 又可以拖手去行街食飯時, 佢又會嚟一濟, 為咗d 芝麻小事, 嚟一鑊金金地去破壞番個關係
問下佢你地冇事個陣(可以拖手去行街食飯時)佢開唔開心,點解成日為d小事破壞我地感情,我地仲要對一世,唔通成曰你黑面黎我又黑面,咁點對一世,我想改善我地之間既問題,但都需要你既配合,如果唔係,我所做既一齊都係你所講咁:做黎都多餘...
不過要問清楚你老公為小事發脾氣有冇其他因由,例如工作上,身體上,又或都市病(焦慮症,情緒病)
祝你一切順利,有幸福家庭
有咩進展再話我知
私人傳訊

velma


大宅

積分: 3576


6#
發表於 08-12-7 00:49 |只看該作者
多謝你回應, 好在你個case 同我差唔多, 你至明我講梗乜
我講比好多朋友聽, 佢地都唔明, 點解會冇嘢講, 點解會講講下黑面
我同我老公真係會因為一個膠袋 (係真架, 真係只係因為一個膠袋, 佢會鬧我), 因為買衫比個女等等真係芝麻小事而黑面, 我唔會同佢鬧交, 我eq 好鬼高, 頂lung 黑面only

我都好明你講d 咩, 其實好多夫婦結婚多年都會係咁, 唔愛但有感情, 為咗個家, 為個兒女, 10年喇, 唔想咁就放棄, 為第三者, 冇計, 為咗呢d 唔大唔小嘅問題而離婚, um.......

我想改善係我唔想一有問題就要離婚, 都有好大關係因為個女, 我唔單止唔離婚就算, 我係想個女有一個真正幸福嘅家, 有一對相愛嘅爸爸媽媽, 有一個真正幸福家庭, 我想再睇下有d 咩方法可以努力下

其實你講d 有部份我有做過, 不過次次做咗2個禮拜, 情況改善少少, 又可以拖手去行街食飯時, 佢又會嚟一濟, 為咗d 芝麻小事, 嚟一鑊金金地去破壞番個關係

其實好似一直都係我付出多d, 我去努力, 而佢唔珍惜, 可能好似你咁講, 我要講到好出面, 佢可能至會改, 唔係我一直單方面努力都冇用

你嘅建議好有用, 謝謝你
我會加油
私人傳訊

donkayu


男爵府

積分: 8707


5#
發表於 08-12-6 16:34 |只看該作者
你好矛盾,又話唔愛佢,但又想改善一下,,
要改善關係就先要肯定你仲愛唔愛佢,如果唔愛我覺得你做乜都冇用,即使你肯踏出第一步改善關係,你都會有怨言,唔好以為就算唔愛老公因為個女所以唔分開就係好,可能會弄巧反拙...
我都曾經一樣因為冇話題令到好泠淡...
我老公都係打自己工,好慢熱,冇乜朋友,好少主動識朋友...生左個女就做全職媽咪
未生前我有段時間出去做野,初頭佢讚成,後來又唔想我出去做,想我幫佢手,到幫佢個時真係24hrs都對住,邊有咁多野講...佢都成日問我野,講講下又黑面...曾經為佢做d野一樣覺得我做得多餘...同你好多相似地方
個時都好心灰意泠,不過始終我地都好愛大家,所以可以改善關係...
改善關係初頭會好難,因為你要做先付出o個個,但過左之後一齊都會好美好(要雙方都仍然有愛)
首先同佢傾,你驚會變鬧交就將你所想所諗(同時又企係佢角度去諗)寫係紙到俾佢知,
間中仍為佢做佢覺得多餘既事,佢話你,就同番佢講:我鐘意咁做,就算多餘都冇所謂,因為係為你而做,,,,講多幾次可以加埋依句:好心冇好報,(除非佢强烈反感,問清楚,然後解釋佢知)
平時百無聊賴就叫下佢,:老公~佢問你咩事就話:冇野想叫下聽下佢把聲,佢話無聊就話:係呀我都幾無聊...(我老公以前唔會咁做,但我間中咁做,e+俾我傳染左,當無話題時都會叫下我,然後話冇野你繼續做自己野)
得閒陪下佢攬下佢....
記住:要人地對你好,先要自己對人好
如果你認同我既做法,你就試下去做,因為我就係一個例子,我家人朋友都覺得我有一段好好既婚姻
私人傳訊

wmpl


大宅

積分: 3000


4#
發表於 08-12-6 03:48 |只看該作者
咁你有冇話過俾佢知,,佢成日懶民主問你意見其實就想控制你係好令人反感呢??

有時又會唔會係佢唔係好識正確表達自己嘅人,,本身性格主觀,,不過就唔係想教你點做,,只係唔識運用語氣用詞,,但你又好在乎佢所講嘅說話,,就俾佢嘅語氣誤導咗對佢嘅感覺呢??

因我睇你老公起碼都仲會撩你講嘢,,想同你溝通,,咁應該都唔會淨係想撩交嗌咁無聊啩!!佢唔鍾意聽你講其他人嘅事,,你認為原因係咩呢??

我就覺得好少男人會對女人嘅話題有興趣,,以前都會要求我C6每次都好用心同認真咁聽我講嘢,,不過後來我覺得咁樣好無謂,,因為我講嘅事其實都唔係咁重要,,如果佢樣樣都要聽入腦就真係好唔得閒,,而且我單方面諗住佢會記得晒我所講嘅說話,,咁樣對大家都好有壓力,,跟住無無謂謂又嗌一場交傷大家感情,,而家我但求佢聽到俾少少反應就算,,如果真係一啲重要嘅事,,我會事前講明佢一定要認真聽清楚同好好記住!!
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy