睇左諗 Sir "著作"都有一段時間，亦有親人去上過堂。我嘅睇法係，人地開班係搞生意，相對入股場債市搵食，開班係零風險，計一計學費同其他財演夾份搞嘅班你就知有幾好賺。要持續有學生報班，發文同解答讀者來信都要經選擇，要夠 juicy，呢方面諗 sir 喺幾成功，塑造到自己係貼地救世者之一。將學費定到高，可保證學生讀左都唔會願意同人分享，賺左梗唔話你知買乜，蝕左更無面出嚟講。課堂內容方面，其他版友都講左重點，要賺得多風險當然相對高左。親人當時有跟過買，後尾係蝕左嘅。值唔值俾幾千蚊睇人嘅投資意見就見仁見智啦。講到尾都係嗰句，免費同收費媒體得嚟嘅投資意見都係好需要自己消化後再應用。諗住問完其他人自己就可以合埋眼照做然後順風順水賺到豬頭咁，世上邊有咁多筍盤同捷徑。免費午餐同刀仔鋸大樹唔係無發生過，問題係，機率有幾高，都輪唔輪到自己。
發表於 
我睇過書, 成日叫人買債基. 又按樓.....不是很安全的.....
返回列表
