吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 每個女人都希望嫁一個唔好老奉要佢同奶奶住的男人 ...

自由講場今日: 333|主題: 1357706

收藏本版

發帖

返回列表

跳至頁

查看: 7858 | 回覆: 66

每個女人都希望嫁一個唔好老奉要佢同奶奶住的男人

[複製鏈接]

12 3 4

msanubis

子爵府

積分: 12042

開心吸收勳章

1^#

發表於 17-2-9 11:08 |只看該作者 |正序瀏覽 |打印

本帖最後由 msanubis 於 17-2-9 11:10 編輯

https://hkstylemen.yahoo.com/post/156918646336/%E7%B4%94%E7%B2%B9%E6%B8%AF%E5%98%A2%E6%AF%8F%E5%80%8B%E5%A5%B3%E4%BA%BA%E9%83%BD%E5%B8%8C%E6%9C%9B%E5%AB%81%E4%B8%80%E5%80%8B%E5%94%94%E5%A5%BD%E8%80%81%E5%A5%89%E8%A6%81%E4%BD%A2%E5%90%8C%E5%A5%B6%E5%A5%B6%E4%BD%8F%E7%9A%84%E7%94%B7%E4%BA%BA

轉貼 : 純粹港嘢：每個女人都希望嫁一個唔好老奉要佢同奶奶住的男人
睇完徐淑敏婚後同老公一家人住4,000尺豪宅嘅新聞，感嘆無論有錢定無錢，係中國傳統下女人依然好難避免婚後有機會要同丈夫家人同住嘅問題。
或者會有女人好似徐淑敏咁，強烈覺得：「終於有家的感覺。」對於真心鐘意幾代同堂，同夫家長輩真係由性格到生活習慣都好夾，彼此又願意互相遷就嘅家庭黎講，一家人一齊住的確有開心嘅地方，好似台灣女藝人小S亦成日會係社交網大曬同老公一家的幸福生活。
但上述兩個例子嘅快樂主要基建係兩方面，第一係係夫家有錢，女方雖然搬入去同男方家人同住，但依然有足夠嘅私人空間，例如立獨立樓層、自己間房同私用嘅洗手間。第二係透過女方係傳媒嘅公開表態，推斷佢地應該係有選擇嘅情況下，自願覺得可以同夫家兩老同住，即係女方自己其實有選擇權。
但身處全球樓價最貴嘅香港，對於一般唔係李嘉誠個孫嘅年輕一代黎講，大部份男人婚後提出希望老婆同家人住，可能出於現實，因為暫時未儲到首期供樓。另一方面，身邊亦有朋友嘅男朋友純粹因為住慣自己屋企，覺得屋企有工人加媽咪照顧，以兩公婆都要返工，婚後同屋企人住有煮家飯食得黎，第時生左小朋友仲有媽咪幫手照顧等為理由，試圖說服另一半婚後搬去佢屋企住。
對於女孩子而言，如果考慮到兩個人嘅經濟狀況真係唔能夠搬出黎住，為左一齊儲錢，有時真係會願意犧牲自己，婚後搬去男方屋企住。但女人最怕遇到嘅，就係男方老奉覺得要求女仔同奶奶老爺一齊住嘅姿態。
呢類男人令女人無言嘅係，佢地只係企係自己嘅角度去思考，覺得「我媽咪其實好好相處，佢又煮飯又幫我地打掃，我又唔使你俾家用同承擔屋企開支，我地都有間自己嘅房，唔明點解你覺得委屈？」
大佬，你住返係自己屋企，對住自己屋企人可以好似婚前咁想點就點做返自己，如果婚後你連家用都唔會俾老婆嘅話，結婚對你黎講，可能充其量只係洗左筆錢買戒指搞婚禮，婚後生活可能完全無任何改變。
於是你可能完全唔會身處地去體會，要突然改變自己原有生活方式，生活習慣，搬去同其實唔太熟，彼此未必有感情基礎嘅陌生中年夫妻住，對女人或者任何人類黎講，都係一種考驗同犧牲黎架？
個到係你屋企，但就算結左婚都好，對於女人而言就算住左入去，內心依然會覺得個到係人地屋企。本身一對新婚夫婦就可能要面對二個人相見好同住難，有好多細微嘅生活習慣需要磨合嘅問題。而家仲要要求佢同一時間同多兩個陌生人去夾，有冇諗過個女仔真係會好委屈？
夫妻二人因為地位平等：可以相互遷就，但做新抱嘅如果住係人地到，就只能夠要求自己去遷就，好難要對方嘅兩老為自己去改變。因為認真講，要求對方家長改變原有生活習慣去遷就突然搬入黎嘅新抱都好唔公平，換位思考如果調轉自己係家長，都未必可以做到。
有D問題可能好細微，但真係會令到女仔長期好唔開心，例如：
1．你未返屋企時，你老婆返去對住兩老其實會好尷尬，入房又好似無禮貌，唔入房又其實相對無言。所以當你老婆住左係你屋企嘅話，請唔好怪佢點解成日逼你多D留係屋企，除非你好鐘意同佢父母單獨相處。
2．如果女方對家居衛生嘅要求高過你父母咁點？自己間房都可以自己執，但對於有潔辟嘅人黎講，長期對住好亂或者唔乾淨嘅客廳、廚房同廁所真係好大心理壓力。
如果純粹因為經濟問題，兩公婆商量完暫時一齊住係夫家其實無問題，但希望男人記住，如果你嘅老婆唔願意同你家人住，其實真係有佢嘅難處同你可以睇唔到嘅委屈之處。請你唔好老奉覺得「老人家係咁你就下咪無事囉」。
決定得結婚，其實就有責任一齊建立一個屬於自己嘅家庭，而女仔如果唔願意他朝有日覺得自己寄人離下，就真係要努力搵錢，有能力就可以大大聲講，Sorry，我其實可以自己搬出黎住。
純粹思考題：如果相對係女仔屋企大D，又有幾多男人願意婚後搬去女家屋企住？

0 0 0

私人傳訊

pandafong

伯爵府

積分: 17603

67^#

發表於 17-2-9 23:58 |只看該作者

TATEYAMA 發表於 17-2-9 20:13
男人去女家住其實佢地都無咩所謂，因為男人唔做家務或做得唔好或者無手尾呢啡瞓得晏呢Ｄ大多數視為正常，相 ...

所以男人同女人無公平可言！

私人傳訊

艾森

子爵府

積分: 11164

66^#

發表於 17-2-9 21:31 |只看該作者

msanubis 發表於 17-2-9 17:55
點會冇分別喎, 唔好講遠, 我媽都成日話我懶, 仲成日係我老公面前話我唔做家務
但佢永遠唔會用咁嘅語氣同我 ...

我無講話無分別喎

我就係講緊對自己屋企人當然會老實不客氣，想講咩就講咩
面對既不是自己父母/仔女，就好多時唔會咩都講出黎

私人傳訊

amyamy123

珍珠宮

積分: 35847

15週年勳章親子王國15週年勳章 2018復活節勳章 2018母親節勳章 2018父親節勳章美好大世界2017勳章開心吸收勳章食得好勳章瞓得好勳章 BB防敏心得分享勳章笑得好勳章 Poo得好勳章 HiPP勳章(1)

65^#

發表於 17-2-9 21:16 |只看該作者

回覆樓主:

同99相處到咪可以同住，我初戀男友個媽媽好好人
好99係可遇不可求

私人傳訊

flori

侯爵府

積分: 21294

64^#

發表於 17-2-9 20:53 |只看該作者

好彩我可以自食其力夠錢搬出去唔使同99住，99人好但係衛生習慣差，寄人籬下就無得出聲，我寧願自己辛苦啲都要搬走。

私人傳訊

Rebeccayu1

男爵府

積分: 5601

63^#

發表於 17-2-9 20:49 |只看該作者

msanubis 發表於 17-2-9 11:08
https://hkstylemen.yahoo.com/post/156918646336/%E7%B4%94%E7%B2%B9%E6%B8%AF%E5%98%A2%E6%AF%8F%E5%80% ...

如果一定要同長老住，我會去娘家

私人傳訊

ricky0223

子爵府

積分: 10018

62^#

發表於 17-2-9 20:46 |只看該作者

咁呢樣野婚前已經知，亦應該有共識，一係儲多幾年錢上左車先結，結左又要呻真係好無謂，我都同6299、叔仔住左三年呀！大家互相尊重互相遷就都叫傾到計，有講有笑。
其實未有bb平時返工，對住時間唔多，有飯食唔洗做家務都無咩磨擦，反而生左bb之後大家矛盾會多左，要諗清楚先好生。
不過好多人比幾千蚊又食又住又湊b仲要嫌三嫌四