自由講場 今日: 2392 | 主題: 1354735

積分: 51912

25^#

發表於 09-1-12 10:55 |只看該作者

原帖由 Elefant老婆 於 09-1-12 10:23 發表
糙米同麥皮比白飯有營養得多（呢兩樣我就會鼓勵佢食，尤其麥皮，希望佢養成自少食麥皮嘅習慣）。我又唔係話叫佢所有澱粉質嘅食物都唔食，其實真係唔洗食咁多白飯（同其他精鍊食物）。至於幫助人腦去正常思考，其實都唔洗需要好多，總之 ...

原來係咁.

私人傳訊

Elefant老婆

珍珠宮

積分: 37317

好媽媽勳章醒目開學勳章畀面勳章

24^#

發表於 09-1-12 10:23 |只看該作者

糙米同麥皮比白飯有營養得多（呢兩樣我就會鼓勵佢食，尤其麥皮，希望佢養成自少食麥皮嘅習慣）。我又唔係話叫佢所有澱粉質嘅食物都唔食，其實真係唔洗食咁多白飯（同其他精鍊食物）。至於幫助人腦去正常思考，其實都唔洗需要好多，總之維持血糖正常唔好大起大跌，糖份亦可以由其他食物吸收，甚至由蛋白質轉化過黎。完全介晒係唔好，應該選擇複式碳水化合物。

其實响香港係好容易食過多澱粉質而食唔夠蔬菜同水果，所以我先唔介意佢唔食飯乜濟。

原帖由 ~仔仔媽咪~ 於 09-1-12 09:33 發表
同埋白飯查實好有營養價值架!澱粉質可以幫助人腦去正常思考,裡面仲有豐富既纖維可以幫助消化,仲有糖份黎產生熱量,可以增加體力,仲有其他,不過唔太記得.

同埋有排我減肥戒飯戒所有澱粉質既野,嗰期真係個人零舍攰同埋 ...

私人傳訊

mat媽

積分: 10077

好媽媽勳章醒目開學勳章

23^#

發表於 09-1-12 09:55 |只看該作者

要佢一定要食晒, 否則冇得離開張凳.

私人傳訊

積分: 51912

22^#

發表於 09-1-12 09:48 |只看該作者

原帖由 Era 於 09-1-12 09:38 發表
你呢個朋友同我c6有得比呀,不過佢唔會再自己叫過,最多就係食兩啖唔食之後,去m記再補食過啫.但係食野就會攪到自己成日會心情唔靚,因為冇樣啱食,好差!
而家個囝就淨食白飯,當然有d醬料都會食既,例如蠔油,鹵 ...

不過我反而覺得對住個仔一定要軍訓,我唔氹架!一係好堅定好命令式咁要求個仔食哂d飯佢,一係直頭同佢講,佢唔食哂d飯,陣間唔會俾佢玩玩具同睇電視甚至取消買玩具(我地係要佢嗰期乖同埋考試合格或進步咗至會買玩具),再唔係直頭佢未食就收哂佢d餐具同飯,叫佢唔好食,一陣肚餓,屋企都唔會有野食,我仔細個試過同我撐,佢可以連續三日唔食野,最後尾佢番到幼稚園咪又係頂唔順拿拿聲食哂d茶點同午飯...基本上要同佢地持久戰,唔可以俾佢地大到.

私人傳訊

積分: 51912

21^#

發表於 09-1-12 09:44 |只看該作者

原帖由 Era 於 09-1-12 09:38 發表
你呢個朋友同我c6有得比呀,不過佢唔會再自己叫過,最多就係食兩啖唔食之後,去m記再補食過啫.但係食野就會攪到自己成日會心情唔靚,因為冇樣啱食,好差!
而家個囝就淨食白飯,當然有d醬料都會食既,例如蠔油,鹵 ...

我老公同你隻佬幾乎一樣呀!我隻佬都係咁,點難食都好點都會俾下面食左一碗飯俾我睇先,跟住佢自己咪會响屋企度摷零食囉!見無仲會落七仔買添!

我老公真係好少爺款架!又唔捱得,上次同佢去泰國,我老豆個舊同學介紹我地去飲泰國檸檬茶,點知我地一飲至知LAI野!但人地咁推介,無理由唔俾面嘛,我係咪都飲哂成杯(仲要用大啤酒杯載...c未),但我老公就原杯唔飲,我覺得好唔尊重人囉,都係飲一次之嘛,當飲涼茶閉氣飲哂咪算囉,但佢都唔肯飲,好核突.

私人傳訊

Era

男爵府

積分: 9242

環保接龍勳章

20^#

發表於 09-1-12 09:38 |只看該作者

你呢個朋友同我c6有得比呀,不過佢唔會再自己叫過,最多就係食兩啖唔食之後,去m記再補食過啫.但係食野就會攪到自己成日會心情唔靚,因為冇樣啱食,好差!

而家個囝就淨食白飯,當然有d醬料都會食既,例如蠔油,鹵水汁,日本撈飯既味精之類,魚同雞翼已經係食得最多,但係都係一兩舊就算.
一直既做法都係氹既咋,咪點餐餐迫/鬧得咁多呀!咪真係會餐餐都要大開殺界就唔想啦.

原帖由 ~仔仔媽咪~ 於 09-1-12 09:27 發表

但我又覺得唔係喎,如果任由小朋友選擇唔食某些食物,反而會變本加厲養成偏食習慣,所以細時養成良好飲食習慣,大個咗食野都無咁偏食,我有個朋友成卅幾歲人好偏食架!佢家人好就佢,佢真係好多野都唔食,次次我地同佢食飯 ...

私人傳訊

bbfish1992

積分: 14777

19^#

發表於 09-1-12 09:37 |只看該作者

大B只是食白飯，可以點做
佢好瘦

私人傳訊

積分: 51912

18^#

發表於 09-1-12 09:33 |只看該作者

同埋白飯查實好有營養價值架!澱粉質可以幫助人腦去正常思考,裡面仲有豐富既纖維可以幫助消化,仲有糖份黎產生熱量,可以增加體力,仲有其他,不過唔太記得.

同埋有排我減肥戒飯戒所有澱粉質既野,嗰期真係個人零舍攰同埋易肚餓架,事後上網定睇書睇番外國d醫生講,用戒澱粉質既減肥方法係對人既身體唔好架,我都係睇完佢講既論點,我至決定唔再用呢個方法減肥.

所以我都係用呢d方法黎兇個仔等佢自動自覺食飯食其他食物,佢一唔食,我就同佢講:"你唔食呢d食物,會變蠢架!食咗又聰明又大隻又夠哂靚仔"我仔好信呢套,以前唔肯食蕃茄,依家佢不知幾咁肯食,因為佢唔想自己老.

[ 本帖最後由 ~仔仔媽咪~ 於 09-1-12 09:35 編輯 ]

私人傳訊

積分: 51912

17^#

發表於 09-1-12 09:27 |只看該作者

原帖由 Elefant老婆 於 09-1-12 02:31 發表
同意。

我個仔唔食飯我覺得ok。因為佢可以响其他野度補充返碳水化合物（粉麵，麥皮，麵包）最緊要佢肯食餸食菜食生果。我有個朋友個女，由細到大食野都有問題（細個唔飲得奶同豆奶）淨係可以飲米水，到大個乜都唔食，凈係鐘意食飯（汁撈 ...

但我又覺得唔係喎,如果任由小朋友選擇唔食某些食物,反而會變本加厲養成偏食習慣,所以細時養成良好飲食習慣,大個咗食野都無咁偏食,我有個朋友成卅幾歲人好偏食架!佢家人好就佢,佢真係好多野都唔食,次次我地同佢食飯,就算佢猛話唔駛就佢,但我地班朋友又唔想完全唔就佢,都會就住佢黎搵地方食飯囉,去到幾乎成個餐牌既食物都話唔食,佢話食嗰d又食得幾舊就唔食,走去點第二樣餸,我覺得係一種浪費黎.

私人傳訊

積分: 51912

16^#

發表於 09-1-12 09:22 |只看該作者

我會撥開佢隻手唔俾佢夾餸,要佢响我面前食咗三大口飯先至可以繼續夾餸食....

我仔仲係幾歲b時,我就會先將d餸埋响碗底,白飯响上面,要佢食哂d飯至可以食餸.都WORK架.

私人傳訊

shan999

大宅

積分: 3313

好媽媽勳章

15^#

發表於 09-1-12 09:00 |只看該作者

原帖由 小馬仔 於 08-12-19 14:25 發表
其實,我同你地教法係一樣,好多時都要講數,再唔得先至大聲鬧,但係你地知唔知道,個衰62,竟然尋晚係得教緊仔既時候,一句突埋黎,你成日鬧佢仲咩,要鬧就落街鬧,:;pppp: 唔食飯咪剩係食餱囉,反正我煮d餸有營養,大佬呀,有營 ...

我同你差唔多..不過我個女唔鍾意食但俾我話2句都肯食哂d飯, 但係如果我地同我62一齊食, 我就冇聲出, 因為我個女係唔鍾意食飯先je,但係都肯食飯架, 但係佢每次都會主動同我個女講 "d飯唔洗食咁多, 食咁多飯冇益, 食多d餸la, 一陣再俾朱古力你食"...............咁我可以點...唔通同個女講, 唔洗理你阿爺講咩, 食飯!..咁咩......唉

I love you 2

私人傳訊

Irene_Lo

珍珠宮

積分: 31856

母親節2025勳章 2018父親節勳章我的育兒心得勳章 DHA勳章畀面勳章環保接龍勳章大廚勳章 BK Milk勳章

14^#

發表於 09-1-12 08:49 |只看該作者

原帖由 精靈爸爸 於 08-12-19 14:17 發表
同佢講數..要佢食一啖飯先比一舊餸,教小朋友時都會出聲..例如:咩都要食,吾准浪費..吾食冇得快高長大之類ge說話囉

me too

私人傳訊

Elefant老婆

珍珠宮

積分: 37317

好媽媽勳章醒目開學勳章畀面勳章

13^#

發表於 09-1-12 02:31 |只看該作者

同意。

我個仔唔食飯我覺得ok。因為佢可以响其他野度補充返碳水化合物（粉麵，麥皮，麵包）最緊要佢肯食餸食菜食生果。我有個朋友個女，由細到大食野都有問題（細個唔飲得奶同豆奶）淨係可以飲米水，到大個乜都唔食，凈係鐘意食飯（汁撈飯）。出街食日本野都凈係食冷麵（豉油撈蕎麥麵）菜少食肉唔食。瘦過條竹，好核突。

原帖由 wife 於 09-1-12 00:59 發表

我個仔一向都吾鍾意食餸, 如果無餸喺碗飯入面,你比三碗佢都食得晒(仲係自己食tim),但一有餸撈咗落去,就算半碗都食成個鐘;有時真係好担心佢吾夠營養...!如果比我揀,我寧願我個仔食多D餸,起碼營養好D...而且一樣可以 ...

私人傳訊

wife

積分: 14859

12^#

發表於 09-1-12 00:59 |只看該作者

原帖由 superbaby101306 於 08-12-19 14:21 發表
我個仔黎排好鐘意食白飯, 所以我無黎個問題

我個仔一向都吾鍾意食餸, 如果無餸喺碗飯入面,你比三碗佢都食得晒(仲係自己食tim),但一有餸撈咗落去,就算半碗都食成個鐘;有時真係好担心佢吾夠營養...!如果比我揀,我寧願我個仔食多D餸,起碼營養好D...而且一樣可以飽肚!

[ 本帖最後由 wife 於 09-1-12 01:02 編輯 ]

私人傳訊

evang1668