吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 男人湊仔

夫婦情感今日: 2|主題: 42762

收藏本版

發帖

返回列表

跳至頁

查看: 5552 | 回覆: 22

男人湊仔 [複製鏈接]

laibebemama

男爵府

積分: 6189

1^#

發表於 17-4-3 11:06 |只看該作者 |正序瀏覽 |打印

係咪唔應該期望老公會好似自己咁, 有時間就會同小朋友一齊玩/睇書, 老公份工好多時都無假放, 有時星期日都要返工, 除左返工車程比較耐, 其實唔算好辛苦, 不過一放假/ 放工, 有時間佢就會玩手機, 然後開電視比小朋友睇, 佢又唔係唔錫小朋友, 不過佢唔太願意花時間同佢玩, 買左玩具都係同佢玩一陣, 又去玩電話, 我又要返工, 我放假會想帶細路出下去, 或者去參觀其他地方/乜乜開放日咁, 佢對呢啲全部都無興趣, 我有時會自己帶小朋友去, 偶然如果佢都有長假放, 都會有一兩日同我地去郊遊/食嘢, 不過只要一有機會, 佢都係會玩手機, 食飯等食物其間, 等位, 都唔會放過, 小朋友永遠係坐我果邊,

放工返屋企第一時間開電視, 一路食一路睇, 咁小朋友一定唔專心食, 然後又會比佢話, 但係完全無諗過熄電視, 有時我忍唔住就會走去熄左佢, 咁熄左電視佢就會好快手食完, 然後又再坐喺沙發打機, 講左好多次, 好幾日又來過, 已經唔想再話佢, 佢又覺得我好煩。係咪應該體諒佢返工辛苦要休息? 或者接受佢唔係完美??

0 0 0

私人傳訊

望月童

大宅

積分: 1109

23^#

發表於 17-4-7 22:00 |只看該作者

回覆樓主:

其實現實同期望一定好大落差

您老公係正常您咁諗都正常只係角度唔同
就好似老細要我地返工最好8小時不停做野之餘要ot又唔洗ot費。。

但現實係我地工作時間都會想拎電話禁下就算無野睇都要禁一禁。。。。

私人傳訊

大細心

男爵府

積分: 6480

開心吸收勳章美好大世界2017勳章最關心BB問題熱投勳章認識瑞士牛牛第一回

22^#

發表於 17-4-7 16:56 |只看該作者

同感........ 打機最重要, 小朋友次要。

好彩我C6無開電視、無比手機比BB。

行行下, 拖跟BB, 可以叫我拖住先, 佢要按制。

我已經化, 重質,不重量。雖然同BB玩的時間短, 但佢有用心同BB玩。

私人傳訊

laibebemama

男爵府

積分: 6189

21^#

發表於 17-4-7 15:03 |只看該作者

回覆 Pianistbaby 的帖子

哈...你又講得啱, 咁掉返轉諗會好好多, 佢老左仔女唔痴佢, 係佢自己造成,

私人傳訊

Amycow

別墅

積分: 890

20^#

發表於 17-4-7 12:49 |只看該作者

哈哈，我十年前都經歷過，結果我有一次頂吾順佢大安指意情況下，走去亞媽處住了一星期。他真正感受到處理小朋友甘繁多事項，佢話都吾知道甘多野顧，每晚時間吾夠用⋯⋯之後就乖乖分擔責任

私人傳訊

Pianistbaby

大宅

積分: 2174

19^#

發表於 17-4-7 10:06 |只看該作者

回覆樓主:

我自己覺得，男人唔主動去做就有得佢，佢咁大個人又唔係小朋友，要人叫就冇意思，叫完呢刻佢不情願地做左，下次又係冇反應玩手機。我就從來唔會對老公有咩期望，同時都唔希望老公對我有，大家舒服。如我老公唔湊小朋友，我會有得佢，自己跟。換轉咁睇，我忍緊我老公，其實我老公都同樣忍緊我，例如：車我有份坐，但我最憎洗車，從冇洗過，次次洗到佢成隻狗咁我都唔會幫手。我媽難服侍佢都忍左。我新手煮飯佢，幾難食都食晒。永遠冇期望我點對6299（呢個point已抵番晒）
我唔係男人，不過我諗男人有好多野唔會好似女人咁細緻，女人覺得陪小朋友好重要，但男人覺得唔洗下下跟咁緊，（其實我覺得都係咁諗，功課唔做就第二日比老師罰下）男人覺得一齊睇電視食飯已經係親子活動，同埋覺得關電視唔係唯一一個教法，如是我，我會照開電視，不過講明幾時會收食物，掛住睇唔專心食，夠鐘即收，夜d肚餓唔好喊，可能男人心底裡都係咁諗。
如老公點都唔會配合既話，諗下佢地都有忍受緊自己，都有不滿既時候，就唔會太care老公唔主動照顧小朋友了。
而且我相信，你種幾多因，就有幾多果，仔女會知道邊個最著緊自己，到老左，仔女會錫你多好多，老豆?話知佢死。就像現時的我，我老豆冇理過我，佢死活我冇咩感覺。
小小分享，希望對樓主有幫助

私人傳訊

jeremylui83

子爵府

積分: 14244

畀面勳章

18^#

發表於 17-4-7 07:54 |只看該作者

佢成日唔响屋企，但你都搞得掂，佢當然唔會理。。
你要俾啲任務佢先得㗎，你下下自己搞，又搞得好，
佢梗係懶得就懶。。

私人傳訊

Mrs.Chan

公爵府

積分: 26464

17^#

發表於 17-4-7 01:20 |只看該作者

回覆樓主:

宅男爸爸

恭賀新禧，迎春接福！

私人傳訊

已刪除用戶

已刪除用户

積分: 6787

開心吸收勳章

16^#

發表於 17-4-5 12:10 |只看該作者

提示: 作者被禁止或刪除內容自動屏蔽

私人傳訊

tommy715

男爵府

積分: 6304

15^#

發表於 17-4-3 16:57 |只看該作者

回覆:男人湊仔

好笑我睇个標題，誤以為女人返工，男人在家湊仔煮飯，大家㸃睇呢?

私人傳訊

laibebemama

男爵府

積分: 6189

14^#

發表於 17-4-3 16:47 |只看該作者

回覆 chingchub 的帖子

係囉..我都要返工, 我都係要搭個幾鐘車返工放工, 不過食完飯, 我真係點攰都會陪下小朋友, 其實只係得返無2小時, 我可以叫工人幫手睇住,, 真的我自己都覺得好攰, 只係無出聲, 爸爸要休息, 咁我唯有自己陪囉, 唔係可以點, 放學到食飯期間小朋友已經係自己玩, 我都好想有返少少時間陪佢, 其實tum小朋友訓果陣我自己都攰到訓著, 我仲要陀住細b, 放假小朋友早起我都比c6訓多兩個鐘我自己起身睇住佢, 比個手機/ipad佢真係好易, 唔駛煩唔駛鬧, 自己做乜都得。

不過你講得啱, 佢地唔係呀媽, 所以基本嘢做左就睇開啲......

私人傳訊

chingchub

複式洋房

積分: 493

13^#

發表於 17-4-3 16:30 |只看該作者

回覆樓主:

你同我c6極似呀，不過男人湊仔呢個念頭我都放棄左喇。我自己都要工作，換轉係我，我都好想放工返屋企攤係度睇電視玩手機唔駛湊仔，但現實係作為母親，點都有母愛，就算好想休息都會頂硬上付出親子時間，但我絕對唔會有愛心到要做ftm。但男人，天生就缺乏母愛偉大，咁點要求佢有心機好好湊仔？我而家但求佢間中同佢地玩下，有少量但有質素既親子就算，慶幸我有工人姐姐，如果唔係我都會辛苦到想死。。。。

佢工作辛唔辛苦有時唔到你講，人人受苦能力唔同。你希望佢多啲親子建立親密關係，呢啲都係你主觀願望，唔代表佢都想，可能佢覺得花最少時間又建立到關係先係最有效率。。。