吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 新「四大得王」救樂壇！

自由講場今日: 990|主題: 1348391

收藏本版

發帖

返回列表

跳至頁

查看: 6874 | 回覆: 45

新「四大得王」救樂壇！ [複製鏈接]

12 3

ChingYee123

珍珠宮

積分: 35211

母親節2025勳章 2025勳章蛇年勳章 2023年兔年勳章虎到金來勳章牛年勳章

1^#

發表於 17-4-8 22:41 |只看該作者 |正序瀏覽 |打印

時移勢易，香港曾經盛產唔少偶像紅到去東南亞，可惜呢支歌仔已經冇得再唱，依家反而係韓流襲港，淨係4、5月都已經有四大泡菜型男池昌旭、蘇志燮、李東旭同孔劉車輪式襲港，俘虜唔少港女嘅春心兼騎劫埋佢哋個銀包，睇場見面會都要成千蚊落樓！型靚帥嘅男神幾乎全靠外勞，其實港男係咪真係咁不濟？近排唔少網民都玩「愛港」，猛話其實依家香港已經有新四大天王，就係「演得」嘅吳業坤、「唱得」嘅陳柏宇、「寫得」嘅周柏豪，同埋「頂得」嘅洪卓立！嘩！呢四位民選四大天王，雖然冇泡菜男神咁型咁靚仔，但真係文又得武又得，乜都得咁喎！

先講吳業坤，佢唱得係人都知，雖然成個戇男咁款堅唔係靚仔，但可以「食」盡歌影視七位女神包括Super Girls 成員Aka、孫慧雪、周秀娜、吳若希、鄧佩儀、龔嘉欣、王卓淇等，緋聞樹開枝散葉！屋邨出身嘅佢突然彈起，畀人話愈紅愈寸唔識人，早排仲傳連同期出道嘅胡鴻鈞都寸話坤坤扮忙唔得閒食飯，但唔好理，依然有人同坤坤一齊食好西，好似田蕊妮咁就親自請埋坤坤返屋企食住家菜！

坤坤早知自己好戲，未等做到天王級歌手，就跳線做埋演員，早排佢喺劇集《迷》嘅演出，簡直係發揮「神」級演技，好似嗰場跳樓戲，跳成10秒都未跌落街都算，跌緊落街時仲可以雙手攤開、一副好似曼聯入波向天振臂高呼咁嘅樣，跳樓都可以跳到咁有戲，我Nuts哥真係要畀個服字佢！唔係得我服，坤坤喺首部處男電影《幸運是我》嘅表現真係犀飛利，整部戲片長1個鐘52分29秒，而佢出鏡只有三場戲，計埋大約有6分鐘出鏡，對白就有55句，就係呢6分鐘同55句對白，就可以被提名今屆香港電影金像獎嘅「最佳新人演員」獎！問你服未！

陳柏宇堅唱得　治埋「男人最痛」

新四大天王中最靚仔嘅梗係周柏豪，既俊俏又才華洋溢，鍾意作歌、影相同埋做「大文豪」，人家打碎隻玻璃杯，梗係第一時間攞垃圾剷同掃帚掃走玻璃碎啦！不過呢位心思細膩嘅「大文豪」就借題發揮佢有幾咁「寫得」，芝麻綠豆事都會啟動佢詩興大發，寫出「原來人生覺得最爛的事情也未必是最糟」的警世真言，得閒到「用了十五分鐘去細心欣賞」，睇完一輪「再用了十分鐘去打掃地方，再為其拍照」。呢篇文章係「無病呻吟」定係「文采飛揚」，就視乎觀點與角度，但教人領悟到打爛嘢係靈感來源，柏豪作咗咁多歌，佢屋企嗰啲杯杯碟碟係咪已經跌爛晒呢？

之前同坤坤爭「叱咤我最喜愛的男歌手」獎嘅陳柏宇（Jason），係四個入面最「唱得」兼最搵得，近年頻頻返內地登台唱到笑，你見佢咁快話要娶老婆就知啦！成個老婆本唱晒返嚟！而佢唱到最終解除「紅歌唔紅人」惡咒，唱到有「隱世歌王」之稱，啲情歌更聽聞有療傷作用，講到可以醫到人咁，嗰首代表作《你瞞我瞞》真係好似威而剛，當年喺個Show度唱Live，佢一開口唱咋，歌迷聽到毛管戙，連佢自己受不了下身疑似「動L」，無意中竟以音樂治療「男人最痛」。

洪卓立夠命硬　「死訊」無限Loop

至於洪卓立（Ken），千祈咪被佢書生型嘅外表呃咗，其實生命力勁過小強，非常「頂得」！佢出道第二年就因肺積水復發而入院，手術後要療養而少咗曝光，點知就好慘咁同「死訊」結下不解之緣，八年嚟無限次被傳，唔係病就係撞車死，多到「命硬Ken」都話計次數贏「一日死五次」（電視劇重播）嘅羅樂林成條街！好彩佢夠樂觀，每次面對呢啲無聊惡搞都頂得住。「頂得」係好事，做娛樂圈要命硬先襟撈，即係Ken已踏上成功之路。

0 0 0

私人傳訊

靚靚C9

瑪瑙宮

積分: 128667

2018復活節勳章玩具勳章畀面勳章 wyeth冷知識勳章親子達人勳章 BK Milk勳章

46^#

發表於 17-4-9 10:03 |只看該作者

回覆樓主:

私人傳訊

MagDog

翡翠宮

積分: 93980

45^#

發表於 17-4-9 09:53 |只看該作者

我自己喜歡林奕匡多d. 唱作人。

私人傳訊

wannabe118

公爵府

積分: 27524

44^#

發表於 17-4-9 09:52 |只看該作者

咪玩啦

私人傳訊

webjen

珍珠宮

積分: 45697

43^#

發表於 17-4-9 09:50 |只看該作者

連我囡12歲都識講依家D 歌同舊歌無得比

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊