本帖最後由 jayk_1030 於 17-5-14 07:47 編輯
去年超級不幸, 又返左黎呢版, 整整一年好努力擺脫陰影, 可惜BB唔肯返黎... (整件事可參考我舊POST)由16年4月到而家, 先後照左兩次超聲波檢查, 醫生話子宮已回復正常, 而且用紅D及體溫等都証明有排卵, M亦準時, 但近一年都係唔中, 所以我開始懷疑會唔會係輸卵管問題?!
上星期DAY 2我鼓起勇氣去搵Dr.yan 問下我既情況, 因為我已係bk做功課, 就問埋佢會唔會係hormone 問題, 所以六項激素中佢建議我驗下fsh. 結果係6 , 即係卵子儲存無問題的. 之後佢聽完我講都叫我做埋輸卵管造影 (HSG). 最後約左DAY 10 即係今日, 連抗生素及止痛藥要$2690 . 我知道會比出面一D 化驗所貴, 不過C6 話唔好煩, 有咩野都叫做有醫生跟返, 所以豪左比佢~
過程如下:
1) 今日下午先去DR YAN 尖咀診所比$及拎藥(即時食埋打底)
2) 拎住轉介信去佐敦一間放射診所, 去到都等左近半小時. 其間姑娘叫我去小便先, 我就順手換左片M巾, 因為之後會有D 液體流出.
3) 叫到我時入房(有個小更衣室) 換左件袍, 無under 但有bra. 就訓上一張xray 床上. 有兩個姑娘教我要點做, 叫我放鬆, 好nice 呢~
4) 好快醫生就黎到, 問下我有無做過咩手術咁. 跟住佢每一步都會同我講: 而家我清潔下身(抹一抹) 再放儀器係下面 (鴨咀夾), 再放支導管, 之後就開始打藥水入去. 佢會話而家會有d 漲, 小小痛下~
5) 我係feel到有d野入左去但唔痛啵~之後佢叫我左右打側身, 正面同趴係度拍左幾張x光, 就完成左啦~ 一共10分鐘唔洗.
6) 最後姑娘叫我攤係度抖一陣睇下有無唔舒服, 又無喎~
7) 換返衫後我出左去等, 之後果10分鐘就有dd m 痛咁feel, 但絕對可以忍受的.
8) 姑娘話結果要星期一send 返比dr. yan. 所以而家都未知~
9) 之後我行左一陣街, 途中feel 到有d野流出黎, 好彩有換定m巾, 唔係一褲都濕囉. 兩個鐘後返到屋企就見到m巾有d好淡既血水. 個肚仔已經完全唔痛了.
***結論: 其實我之前非常緊張!!因為上網見到好多jm包括我朋友照完話好痛, 標晒眼淚又話痛到彎晒腰咁, 嚇到我一直唔敢去做呢個檢查, 或者我好彩遇到個手勢好既醫生, 佢真係好快手. 希望下星期結果無事我可以鬆一口氣啦.
***
Let not your heart be troubled: have faith in God and have faith in me. (John 14:1)
發表於 
返回列表
