自由講場

收藏本版
發帖
返回列表
跳至頁

首頁
12

尾頁
   0
cmmcbb


子爵府

積分: 13279

好媽媽勳章


1#
發表於 09-1-9 11:10 |只看該作者
我 99 知道我有左果時已經話要湊我個bb 喇，因為大哥大嫂果兩個bb都唔俾佢湊。而且 99 本身已經幫人湊過好多 bb，真係好有經驗，加上老公極力推薦，持住自己人唔會蝦bb，就決定俾99湊喇。

到我生左出黎，99睇死我唔識湊bb，由我出院果日開始，就去左我度瞓，每晚半夜一聽到 bb 喊，門都唔"烤" 就衝入黎，一手就從我手中搶走bb (經常性搶 b) ，老公都覺得有問題...但係冇出過聲。未坐夠一個月，我已經叫左佢返屋企，我真係自己一個都湊得掂，仲可以煮埋飯俾老公食，佢走左，我先可以好好咁對住我個寶寶。

到我要返工喇...想唔俾99湊都唔得啦，於是我就每朝早湊bb去99度，每日放工就去99度湊返屋企。如是者....到而家 bb已經 11 個月。

期間....99 經常性唔知我個囡痾左臭臭，up 唔知幾耐先同佢換片，一係...就幾個鐘都唔換片，最過份果次俾我發現左佢成8個鐘冇幫我個囡換片。當我湊左亞囡返屋企之後，我亦經常發現bb個gapgap 位有臭臭....好明顯...99抹得好求祈。亦被我發現裝住濕紙巾o既盒有bbo既臭臭o係度....好核突。由此可見 99 o既衛生意識好抵。

到 bb 7個月o既時候.....尿道炎，帶 bb 去睇醫生由 nurse 幫佢 "痴" 袋留尿化驗，見到 bb 好慘，試過尿道炎o既媽咪都知道，痾尿o既時候會有幾痛....bb 咁細個...要佢受 d 咁o既苦.....醫生睇過化驗報告診斷為尿道炎，99死都話咁細個係唔會o既...死都話個醫生有問題....我真係冇野好講！

好多生果...要等 bb 大個 d 先開始俾佢食....99 次次都俾左 bb 食之後，先問我食唔食得，我話唔食得住，佢就話 "下...我今日俾左佢食喇喎"。每當有其他親友在場，佢就會大大聲咁話 "我咩都問過你先架，你話唔得我唔敢俾bb呀"....激死！

以前99湊咁多個bb，個個都痴佢唔痴自己媽咪，但係我個囡就好唔同，囡囡唔痴99，好多時一見99就喊，係就要攬住我 (我從來都冇同bb講過99半句壞話)。老公話99覺得咁樣好冇 face，次次一家人出街食飯o既時候，就會搶左bb，唔俾bb跟我，o係其他人面前show off bb 點樣跟佢法...可惜，次次bb都俾佢攪到係咁喊，要我抱返先收聲，咁樣 99咪仲冇面~？！

試過一次...我媽咪黎我屋企湊bb半日，佢太耐冇湊bb，唔小心地...bb 由sofa 跌左落地，事後99周圍同人講我亞媽跌左bb落地...成條村o既c9都知咁滯...但係佢攪到我個囡撞到個頭流血呀、瘀左呀果 d佢隻字不提！

最近一次...亞囡因為便便太硬，痾損左個肛門流血，我已經提左 99 要幫佢抹乾淨 d....但係...又話唔知bb痾左臭臭喎...up 左又唔知幾耐先抹，結果....發炎了....我見到 bb 咁樣真係好心痛....一見到佢個patpat 果舊又紅又腫o既肉，我就想喊！

噚日上去湊bb又另一驚嚇！bb兩邊咀角都損晒...99 話佢咬床仔條邊，磨黎磨去....點解佢見到bb咁樣磨都唔阻止？

仲有...99坐o係度冇野做就會摸自己對腳，摸完唔洗手就掂我個囡，我覺得好嘔心呀！老公都睇到...就同佢講叫佢洗手，99 竟然開眼講大話，話冇摸過對腳！真係 OMG！

我好懷疑 99 係咪真係識湊 bb，我同老公講話要送bb去托嬰院，老公極力反對，話咁樣99會好冇面.....面子當飯食？到底99面子緊要定個囡緊要 d 呀？

話我要求高？可能係...但係...有邊個媽媽會忍心見到自己個囡俾個咁o既人湊？我陀咁多個月，咁辛苦生左bb出黎...我唔可以當冇野囉！

本來我對 99 冇乜野...但係而家...我真係唔想再見到佢...唔想同佢講野....

為左 bb 應唔應該繼續俾 99 湊哩個問題...同老公嘈左好多次.....

我應該點做？

--------------------------------------
一月十二日
多謝各位o既意見....大家都係媽咪，果然了解情況。工人我請唔起，因為唔係淨係每個月出糧俾佢就得，亦唔可以唔做野做 full time mom，所以唯一o既解決方法就係送寶貝去育嬰園。

星期六果日我同自己亞媽講，亞媽都話...自己人湊都湊到咁，同俾出面o既人湊好似冇分別，反而會傷左關係。叫我育嬰園有位就俾寶貝去...

但係...我老豆.....竟然指責我乜都只顧自己想法，唔考慮其他人感受，話我 99 其實已經湊得好好，話我多多要求。仲要話就算係俾亞媽湊都唔一定會好。我覺得好痛心....點解老豆唔支持我？如果 99 真係湊得好....寶貝就唔會咁啦。而家我一路打字都一路喊。係咪要出事...大大鑊喇...先識得黎驚？

老公聽見老豆咁講就即出黎支持老豆，亞媽冇再出聲，點解亞媽唔幫我口？唔怪得佢地當時將我交俾麻麻湊.....終日被她粗口責罵...原來就係老豆自己冇要求.....細個o既日子唔開心多過開心....所以大左個人都比較悲觀。

各位都講得冇錯，寶貝女為上，但係....如果我真係一個人咁堅持將寶貝送去育嬰園，首先會同老公o既關係變差，我好肯定以後有咩事佢都會叫我自己攪掂，唔再幫手...(當然我可以自己攪掂，會辛苦 d，如果唔係要離婚o既話，我何必要做到咁？) 但係...點解老公只顧 99 感受？咁我呢？

我會問一下育嬰園有冇得參觀，趁住放新年假o既時候帶老公去睇下，了解一下....可能會好 d。請各位媽媽繼續支持我！多謝！

不過 meantime.....我真係屈得好辛苦....每一諗起哩件事....就流眼淚。我真係好唔開心....

[ 本帖最後由 cmmcbb 於 09-1-12 10:24 編輯 ]
私人傳訊

cat_house


大宅

積分: 4108


29#
發表於 09-1-12 21:37 |只看該作者
如果可以忍﹐忍多一年就俾bb返幼兒園全日班啦。
私人傳訊

TenWong


大宅

積分: 4468

好媽媽勳章


28#
發表於 09-1-12 18:57 |只看該作者
甘一系你就叫你老公同你99講下，叫距改善下衛生情況咯，唔通真系要睇住BB女受苦來就距地？？唔系話叫你真系唔做野，而系用呢樣野來試下你老公，叫距二選一，睇距點選嘛。
雖然我未去過育嬰院，但我唔抗拒，起碼人地系專業，就算真系發生唔開心既事都可以用法律途徑去解決，BB跟住一個甘樣既嫲嫲，我驚到時會學到唔好既野。
不過都可以理解你既心情，希望你順利解決呢件事啦！
我愛我家！
私人傳訊

yan511229


子爵府

積分: 13195

畀面勳章


27#
發表於 09-1-12 12:37 |只看該作者
原帖由 Cloudy007 於 09-1-9 17:05 發表
你個case都好似我個friend! 佢99又係揍得勁差, 又成日講大話, 試過3號風球/黑雨都要帶埋個得幾個月的孫去wet, 為的, 就係show嘢! 所以我個friend勁憎佢99!!! 但最後都忍左佢2年, 到而家, 個小朋友開始大, 識得講嘢, 就漸漸識破更多佢99的衰嘢, 知道佢成日講大話 (但又前言不對後語, 簡直當我個friend係傻嘅!!) 而且又打個孫, 明明去過街又話無去, 日日個小朋友食飯食得慢就倒晒d飯, 而費事餵, 之後仲同我個friend講個孫日日日都食晒d飯!!!! 整d飯又勁多調味料, 換片情況又係同你相同, 食嘢又佢咬一啖, 個孫咬一啖, 又係摸完腳/liu完鼻就即刻攞嘢比個孫食....總之要數, 真係數1年都唔晒佢d衰嘢, 我個friend次次同我講時都喊晒! 真係好慘! 但又因為佢99得呢一粒孫, 而佢d朋友又個個都有孫揍, 所以如果唔比佢揍, 就等如要同佢開片!!!! 所以我個friend都只好一路喊, 一路忍!

我99話要湊我果個原因咪又係咁,要show比人睇佢都有孫,因為佢d fd個個都有,係佢就成日要約我地出來先有得玩下...但老實話,如果佢係識湊,同身體冇問題我一定唔介意比佢拎我個囡黎玩下一日半日,但事實唔係丫嘛...

私人傳訊

yan511229


子爵府

積分: 13195

畀面勳章


26#
發表於 09-1-12 12:23 |只看該作者
我情況同你似唔係我要做野&個女比99湊,而係似在一樣有個唔睇事實的老公!
我99自己個囝都未湊得掂,我c6細時係人地湊架,而家話黎想湊我囡wo!我老公又要和議~仲話你咪比佢湊下囉!
我:佢連屎片都唔識換wo!
c6: 你唔比佢試下佢點會識?
我:唔係搵我個囡黎試嘛?來日方長等個囡自己識打理自己時鍾意湊幾多日都得啦!
我c6就又勁嬲...加埋我99,62係有梅毒架!會口水/眼淚/汗/血等傳人醫唔斷尾架!我個囡咁細唔想咁就一世呀!
我c6點解唔會去諗下呢點呢?雖然我冇再拎返出黎提ja,但佢心知啦!只係諗滿足佢父母興趣唔諗下自己個親生囡切身安全問題...
佢地話新年好得閒呀!話要湊去"玩"幾日wo,我都唔知點算好!好煩~
私人傳訊

kerobobo


大宅

積分: 3569


25#
發表於 09-1-12 11:05 |只看該作者
我仔都係99湊,由3month開始,依家就湊佢上車返學,佢好緊張,仲緊張過我,有時都幾煩,但諗深一層佢都係錫孫姐,佢真係幫我好多,所以無論我比佢煩成點我都會盡量忍.......有時又會做d野bun下佢,咁樣大家先可以相處落去架ma.
私人傳訊

cmmcbb


子爵府

積分: 13279

好媽媽勳章


24#
發表於 09-1-12 10:37 |只看該作者
一月十二日
多謝各位o既意見....大家都係媽咪，果然了解情況。工人我請唔起，因為唔係淨係每個月出糧俾佢就得，亦唔可以唔做野做 full time mom，所以唯一o既解決方法就係送寶貝去育嬰園。

星期六果日我同自己亞媽講，亞媽都話...自己人湊都湊到咁，同俾出面o既人湊好似冇分別，反而會傷左關係。叫我育嬰園有位就俾寶貝去...

但係...我老豆.....竟然指責我乜都只顧自己想法，唔考慮其他人感受，話我 99其實已經湊得好好，話我多多要求。仲要話就算係俾亞媽湊都唔一定會好。我覺得好痛心....點解老豆唔支持我？如果 99真係湊得好....寶貝就唔會咁啦。而家我一路打字都一路喊。係咪要出事...大大鑊喇...先識得黎驚？

老公聽見老豆咁講就即出黎支持老豆，亞媽冇再出聲，點解亞媽唔幫我口？唔怪得佢地當時將我交俾麻麻湊.....終日被她粗口責罵...原來就係老豆自己冇要求.....細個o既日子唔開心多過開心....所以大左個人都比較悲觀。

各位都講得冇錯，寶貝女為上，但係....如果我真係一個人咁堅持將寶貝送去育嬰園，首先會同老公o既關係變差，我好肯定以後有咩事佢都會叫我自己攪掂，唔再幫手...(當然我可以自己攪掂，會辛苦 d，如果唔係要離婚o既話，我何必要做到咁？) 但係...點解老公只顧 99 感受？咁我呢？

我會問一下育嬰園有冇得參觀，趁住放新年假o既時候帶老公去睇下，了解一下....可能會好 d。請各位媽媽繼續支持我！多謝！

不過 meantime.....我真係屈得好辛苦....每一諗起哩件事....就流眼淚。我真係好唔開心....

[ 本帖最後由 cmmcbb 於 09-1-12 11:18 編輯 ]
私人傳訊

tungtsz


大宅

積分: 2183

好媽媽勳章


23#
發表於 09-1-9 17:30 |只看該作者
我生左亞仔之後原本都打算比99湊...點知我都未放完產假...99既本領已經嚇到我即刻帶埋亞仔返外家...

樓主: 萬事應將兒女放在第一位!

私人傳訊

jennyleung


子爵府

積分: 13193


22#
發表於 09-1-9 17:29 |只看該作者
d 99真係煩...你一係搵工人, 一係自己唔做野湊, 唔係都只有忍...忍到呀b2歲番學自己湊番, 寧願廷展
私人傳訊

Cloudy007


複式洋房

積分: 455


21#
發表於 09-1-9 17:05 |只看該作者
你個case都好似我個friend! 佢99又係揍得勁差, 又成日講大話, 試過3號風球/黑雨都要帶埋個得幾個月的孫去wet, 為的, 就係show嘢! 所以我個friend勁憎佢99!!! 但最後都忍左佢2年, 到而家, 個小朋友開始大, 識得講嘢, 就漸漸識破更多佢99的衰嘢, 知道佢成日講大話 (但又前言不對後語, 簡直當我個friend係傻嘅!!) 而且又打個孫, 明明去過街又話無去, 日日個小朋友食飯食得慢就倒晒d飯, 而費事餵, 之後仲同我個friend講個孫日日日都食晒d飯!!!! 整d飯又勁多調味料, 換片情況又係同你相同, 食嘢又佢咬一啖, 個孫咬一啖, 又係摸完腳/liu完鼻就即刻攞嘢比個孫食....總之要數, 真係數1年都唔晒佢d衰嘢, 我個friend次次同我講時都喊晒! 真係好慘! 但又因為佢99得呢一粒孫, 而佢d朋友又個個都有孫揍, 所以如果唔比佢揍, 就等如要同佢開片!!!! 所以我個friend都只好一路喊, 一路忍!
私人傳訊

patpatching


大宅

積分: 2158


20#
發表於 09-1-9 15:54 |只看該作者
其實你99肯改善下d清潔問題就最好啦,點可能8個鐘唔換片架?大人都要去啦..仲有,有臭臭點會唔知?有味架喎?係咪佢懶呀?至於話咩都比佢食呢樣又真係好難控制到佢,又睇唔到咁多...唉,鄧你個囡辛苦
私人傳訊

BBTWIN


大宅

積分: 4226


19#
發表於 09-1-9 15:47 |只看該作者
原帖由 tammy2008 於 09-1-9 11:27 發表
真係替妳心痛 !!! 我接受唔到 !! 無論之後行邊條路, 一定唔可以俾佢湊 !!

嗰時我姑奶都想幫我湊bb(佢幫人湊好多個啦), 但係我都無做野, 又湊得掂....之後有一次, 我見到佢隨手係雪櫃攞支小匙俾d小朋友食 jelly.... ...


mug o甘似我o既，我大肚時，姑奶巳經３返４次要求我比孖女佢湊．當初我reject,　因為我未同老公結婚時，有次上佢屋企，有個佢湊開o既bb女o係度，佢居然由得個bb女執趺o左落地下o既飯粒黎食．見到都冇阻止．極冇衛生常識．由果次開始，我巳經話過唔就算有小朋友都唔比佢湊，而且佢屋企住公屋，環境好差，屋企雜物多過mug. 仔女入到屋又唔除鞋．四維行．總之成家都好唔惦．但最後都要被迫比佢湊，因為我對係孖女，想請賓賓
但驚賓賓攪唔惦，老公始終覺得佢家姐會可靠d.　於是我心不甘，情不願地比佢湊．由孖b女滿月到２歲，佢地都o係我姑奶到．呢兩年我覺得好唔開心，同c6都嗌過唔少次交，都係為o左佢家姐．我有次星期日帶返孖b去姑奶度，o甘岩佢大嫂o係度．食梗生果．我姑奶二話不說將舊生果比孖b女食，但係佢兩個當時只得半歲．我咪即刻叫唔好羅．佢地居然話生果黎o架ja喎，生果都唔得．你話我激唔激死o丫．孖b女果時得６個月，都係岩岩轉食固體食物．佢就巳經急不及待咩都想比佢食．我o係度都o甘，唔係度都唔知比咩佢地食．總之我而家一想起佢都好憎，見到都直頭唔想望佢．好彩果兩年黑暗日子都過去o左．再落去可能會攪到我兩公婆離婚．唔好意思有d離題，不過你一講起姑奶我就無名火起．
私人傳訊

LUON


大宅

積分: 3466


18#
發表於 09-1-9 14:54 |只看該作者
奇實托嬰院絕對係好好好好好的!

我初初未生個女時,
有諗過叫我媽咪忙手湊,
又有諗過叫我大家姐忙手,
好在我媽咪話怕湊唔掂推左我,
而我又怕大家姐成日去打麻雀,
佢會覺得好困身...
後來我再諗下,
發覺唔係純係講屋企人對佢好唔好,
而係佢成長最初的一兩年,
跟咩人就會變成咩人,
三歲定80!

最後我比女女去托嬰院,
個結果係出乎意外咁好!!!!
保良局托嬰院
(其實其他的托嬰院都好pro)
由主任到老師到姐姐,
全部好好人, 好有禮貌
對照顧小朋友又非常之有心,
唔係單純比佢地食同訓,
而係對佢地身心都按不同年齡給予
適當照顧,
對我地d返工媽咪仲提供好多方便,
係, 收費係唔平,
但我真係好放心同安心。

佢地比到既專業照顧跟本唔係
老人家或者家備可以比,
而家時代唔同,
托嬰院唔係你地想咁架啦!
我生第二個都會去保良局!
私人傳訊

narsue


民房

積分: 47


17#
發表於 09-1-9 14:51 |只看該作者
雖然我唔識你亦都唔識你99,但係真係睇唔過眼.....咁細過bb就攪到佢尿道炎,咁大d咪陸續有黎......(返幼稚園時最高危), 我勸你都係請個工人幫手,工人唔識可以教到識,你99既話,你話佢,佢又話你唔俾面,二來兩夫妻傷感情,請個工人姐姐,到時你做莊,你覺得佢污漕你可以話佢,炒佢,咁辛苦生個心肝bobo出黎,點解要佢受呢d無謂苦呀!
私人傳訊

麟媽媽


王國長老

積分: 88060

好媽媽勳章 王國長老


16#
發表於 09-1-9 14:21 |只看該作者
我覺得先要同你老公傾掂數，
因為佢而家只顧及佢亞媽既感受，
而唔明白亞女可能受到既傷害。
你同你老公傾既時候唔好數佢亞媽，
因為係人都唔鐘意聽亞媽既壞話，
一定要講到你作為媽咪幾咁心痛，
加埋亞女有幾辛苦，佢只係唔識講咋！
男人多數受軟唔受硬！
其實你地財政如何，可否講工人？
因為我見托兒所都唔平呢！
工人可以揍仔，仲幫手家務，
咁你放工自然多d 時間親子樂了。
私人傳訊

lovebb_326


複式洋房

積分: 317


15#
發表於 09-1-9 13:26 |只看該作者
一定要救呀囡呀,,唔好再俾99咁落去,,!!!如果唔係以後有咩事自己後悔,,仲要搞到自己唔開心,2公婆又嘈,路係人行出黎既,,
私人傳訊

pollywm


洋房

積分: 93


14#
發表於 09-1-9 13:26 |只看該作者
其實不如同你c6講清楚底線，假如有咩差錯就真係冇面比，唔再比99湊。
但你也要找定些資料，等你到時候唔洗咁煩
私人傳訊

TenWong


大宅

積分: 4468

好媽媽勳章


13#
發表於 09-1-9 12:57 |只看該作者
真系睇到火都來埋，再嚴重D就告距“疏忽照顧”啦！！！成日求求其其，系甘就唔好爭住湊啦！你老公又系既，自己個女來噶，唔通為左個阿媽面子就要個女受苦？？？樓主你不如同你老公講如果唔擺育嬰院就自己辭職湊返啦，睇系距點樣？（要同距將BB既情況，講你既心痛，仲要記得聲淚俱下），如果距甘都唔肯，甘仲使照顧距感受？邊個著顧你同BB感受？
我愛我家！
私人傳訊

123!@#


伯爵府

積分: 16607


12#
發表於 09-1-9 12:28 |只看該作者
原帖由 Charlotte_mom 於 09-1-9 11:47 發表
啊~~你99要面姐, 請埋個工人俾佢駛, 夠晒面子喇掛?!
當個工人上左手, 你就可以正式接bb返屋企俾工人湊, 等99"輕鬆一下嘆世界"!

無用架, 請工人根本解決唔到問題, 係好多老人家心目中, 工人係廢既, 佢地講既就岩, 佢地亦都唔會俾bb工人湊, 因為佢地都會知道, 工人係可以代替佢地, 佢地唔會咁蠢, 將自己既地位拱手讓人(工人)
私人傳訊

annaanna


伯爵府

積分: 15053


11#
發表於 09-1-9 12:25 |只看該作者
如果真係唔比bb你99揍，就真係全家反面都似，因為預左一比佢揍，就冇得收番....

我個仔都係比99揍，阿仔2歲幾果陣，佢揍佢番學放學，竟然比我家姐見到佢o係屋企留下平台自己講電話，唔理阿仔坐o係地下度..... 我聽到真係心都痛埋，結果番到屋企仲要扮冇野地問佢點解唔上到屋企先講電話，都係相差3分鐘o者？佢就覺得自己冇問題，話諗住人地打到黎，講埋先，因為入lift 收唔到喎~

其實由阿仔出世到2歲番學，我地都試過好多次想帶佢去托嬰院，不過最後都忍，因為可能托嬰院果d 仲出人意表...... 始終親人唔同外人嘛﹗

我估你都係等到bb 2歲番全日會好d 囉.... 始終一家人，免傷和氣啦....
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy