懷孕前後今日: 0|主題: 330642

收藏本版

發帖

返回列表

跳至頁

查看: 7745 | 回覆: 51

屯門醫院產後房

[複製鏈接]

12 3

Makjaiying

複式洋房

積分: 151

1^#

發表於 17-5-11 00:43 |只看該作者 |正序瀏覽 |打印

本帖最後由 Makjaiying 於 17-5-11 00:45 編輯

5月5號早上11點半左右生完入產後房

簡直係惡夢既開始。。。
由放我開刀半身麻醉，12個鐘未落得床，丫b去係產後既bb房由姑娘照顧。麻醉藥開始散之後又嘔又成身痕，姑娘會俾包奶你飲，當你可以飲曬既時候會幫你拆針唔洗吊鹽水同尿喉。不過要6個鐘內去一次厠所。如果唔係要插返尿喉。。。12個鐘前真係要好好享受，做咩都可以叫姑娘幫你，12個鐘落得床後姑娘開始叫你餵奶俾BB飲，初乳正常都可以餵到1-2日左右，住左4日院。頭1-2日丫b都飽。到第3日我又上緊奶冇奶俾丫b啜，D姑娘又係咁叫我餵，餵左人奶先可以補奶。每次補奶佢地都係到懷疑人生咁一定要問到底點解唔餵耐D！

大佬冇奶就冇架啦，唔通睇住丫b餓咩。丫b一餓就喊我最後果2日夾埋訓得果4-5個鐘。得閒又量血壓嘈醒，得閒又夠鐘餵丫b。最大問題係D姑娘有時唔俾補奶我又未有奶餓到丫b喊，我又訓唔到，搞到丫b跌曬磅，跌到12%啲姑娘先肯每餐俾我補奶

傷口又痛，醫院啲野食又麻麻，又要地獄式虐待，簡直係攞命。
到出左院我食得好休息得夠，出院第1日人奶可以泵30ml。第3日已經可以儲奶！所以生完最慘係住院果下

0 0 0

私人傳訊

happyapple567

大宅

積分: 1101

52^#

發表於 17-5-18 18:41 |只看該作者

屯門醫院產後病房確實實是地獄！！

姑娘勁惡，佢地覺得醫院唔夠人手，就可以揾產婦出氣！

私人傳訊

suki717

複式洋房

積分: 217

51^#

發表於 17-5-18 09:07 |只看該作者

回覆樓主：

本帖最後由 suki717 於 17-5-18 09:09 編輯

我今年4月生完，其實我理解點解佢地唔俾奶粉。我生完第3日阿b跌磅同黃，我走得阿b唔走得，於是我留左院3日陪阿b，總共住左5日院。係留院個3日我聽左好多次講座，其中有一次係個姑娘講點解佢地唔肯俾我地補奶粉。原來都係因為醫院政策問題，屯院d高層想屯院好似威院咁拎到母乳醫院名譽，所以如果一開波講左餵母乳就死都唔俾補奶粉。佢地話威院有9成以上媽媽都係餵母乳，好成功，屯院宜家都要達到呢個目標，所以好多時都唔比。因為威院如果由人奶轉奶粉好似係要媽媽簽野。
其實我住咁多日覺得好多產後既姐姐同姑娘都好好，咁點都有一兩個唔好，雖然按鐘佢地唔係即刻到，但每次佢問我係幾號床佢地都記得我同bb咩事唔出得院，都會好耐心走過黎幫我，教我點先係正確餵奶姿勢，同每日巡房個時都會同我講希望我同bb可以一齊出院。
再加上我咁多日既觀察，我發現成個產後房夜晚得2個姐姐加2個護士睇曬成個病房d產婦，我諗full既話都1對10，再加上佢地又要幫你餵b，又要幫b照燈，又要收剛剛生完個d產婦，又要定時叫你地餵b等等工作，其實佢地都好忙，所以我覺得大家都要將心比己，體諒下人地。