自由講場今日: 124|主題: 1355220

收藏本版

發帖

返回列表

跳至頁

查看: 377 | 回覆: 5

表皮王 [複製鏈接]

WMTSANG

大宅

積分: 2458

1^#

發表於 09-1-10 14:55 |只看該作者 |正序瀏覽 |打印

媽咪姐講過「假公仔」係塑膠人之後，唔係自誇，竟然得到極大迴響，於是又有人自動走話整多單「假公仔」俾媽咪姐喎。有爆，媽咪姐當然益埋大家啦！

呢單係個記者行家爆俾媽咪姐聽。行家話「假公仔」成日拖件老外出，但係人都知呢只係煙幕。查實佢一方面做陪客搵食、另一邊又係「表皮王」私房菜。近排，「假公仔」知道自己俾班大陸客 fade out 之後，唔止財路斷，最慘連人氣都冇埋，而佢「表皮王」菜單入面又幾乎叼陪末席咁滯，人只係興之所致先搵佢。
「假公仔」見自己財路愈愈縮、人氣愈愈低環境下，當然要諗計挽回頹勢。於是左思右度下，惟有借「表皮王」過橋。
話說佢有次趁「表皮王」約佢食飯，竟然向相熟記者放料，叫記者去影相。正如行家話齋，你估「表皮王」係「傻仔亨」咩，佢食鹽多過你食飯，眉精眼企佢一眼關七，車都未到餐廳門口，離遠見到有類似記者款物體餐廳門口遊遊去，已經知道乜事，於是立即吩咐司機轉。
行家話佢呢單冇耐就人肉衣架圈揚出，不知幾多人心涼，差在未指住「假公仔」個鼻話佢「你都有今日咯！」唉，媽咪姐聽完都有感慨。雖然話呢個世界雪中送炭人少，但都未至於落井下石，但「假公仔」冇人同情不特已，仲驚佢唔死得咁款，「假公仔」係咪應該重新檢討自己做人係咪有問題呢！

Who is表皮王?